Cinema
ഭയം നിറഞ്ഞ "9' ദിവസങ്ങൾ
Friday, February 8, 2019 3:53 PM IST
ശാ​സ്ത്ര​ലോ​ക​ത്തെ കൂ​ട്ടു​പി​ടി​ച്ച് ഒരുക്കിയിരിക്കുന്ന മി​ക​ച്ചൊ​രു സ​സ്പെ​ൻ​സ് ത്രി​ല്ല​റാ​ണ് ജെനൂ​സ് മു​ഹ​മ്മ​ദിന്‍റെ "9'. ഇരുട്ടിനെ വേ​ണ്ടു​വോ​ളം ഉ​പ​യോ​ഗി​ച്ചി​ട്ടു​ള്ള ചി​ത്ര​ത്തി​ലെ ആ​ദ്യ അ​ര​മ​ണി​ക്കൂ​ർ, വ​രാ​ൻ പോ​കു​ന്ന ഒ​ൻപത് അ​പൂ​ർ​വ ദി​വ​സ​ങ്ങ​ളെക്കുറി​ച്ചു​ള്ള വി​വ​ര​ണ​മാ​ണ് ന​ൽ​കു​ന്ന​ത്. ശാ​സ്ത്ര സം​ബ​ന്ധ​മാ​യ കാ​ര്യ​ങ്ങ​ളെ വ​ള​രെ ല​ളി​ത​മാ​യി ത​ന്നെ പ്രേ​ക്ഷ​ക​രി​ലേ​ക്ക് എ​ത്തി​ക്കു​ന്ന​തി​ൽ സം​വി​ധാ​യ​ക​ൻ വി​ജ​യി​ച്ചി​ട്ടു​ണ്ട്.

ഒ​ന്പ​ത് ദി​വ​സ​ത്തേക്ക് വൈദ്യുതിയെ നി​ഷ്പ്ര​ഭ​മാ​ക്കു​ന്ന ത​ര​ത്തി​ൽ ഒ​രു ഉ​ൽ​ക്ക ഭൂ​മി​യി​ൽ പ​തി​ക്കാ​ൻ പോ​കു​ന്നു. അ​തോ​ടെ മ​നു​ഷ്യ​ർ സോ​ഷ്യ​ൽ മീ​ഡി​യ​യു​ടെ പി​ടി​യി​ൽ നി​ന്നും പു​റ​ത്തുക​ട​ന്ന് പ​ര​സ്പ​രം സം​സാ​രി​ക്കാ​ൻ സ​മ​യം ക​ണ്ടെ​ത്തു​മെ​ന്നും സി​നി​മ പ​റ​യു​ന്പോ​ൾ ആ ​ദി​വ​സ​ങ്ങ​ളി​ലേ​ക്ക് ക​ണ്ണോ​ടി​ക്കാ​ൻ പ്രേ​ക്ഷ​ക​ർ ക​ണ്ണുംന​ട്ടി​രി​ക്കും. ഭീതി നിറച്ചാണ് ആ ഒൻപത് ദിവസങ്ങൾ സംവിധായകൻ പ്രേക്ഷകർക്ക് കാട്ടിത്തരുന്നത്. അതുകൊണ്ടു തന്നെ ത്രില്ലിന് ഒരു കുറവുമുണ്ടാവില്ല.



ഇ​ത്ത​ര​ത്തി​ലൊ​രു പ​രീ​ക്ഷ​ണം മ​ല​യാ​ള​ത്തി​ൽ ആ​ദ്യ​മാ​ണ്. അ​തു​കൊ​ണ്ടുത​ന്നെ വെ​ല്ലു​വി​ളി​യു​മേ​റെ​യാ​ണ്. സ​യ​ൻ​സ് ഫി​ക്ഷ​ൻ, ഹൊ​റ​ർ ത്രി​ല്ല​ർ, ഫാ​മി​ലി ഡ്രാ​മ എ​ന്നീ വി​ഭാ​ഗ​ങ്ങ​ളെ കൂ​ട്ടി​ക്കു​ഴ​ച്ച് ഒ​രു പ്ര​ത്യേ​ക കൂ​ട്ടുണ്ടാക്കാനാണ് സം​വി​ധാ​യ​ക​ൻ ശ്ര​മി​ച്ചി​രി​ക്കു​ന്ന​ത്. പൃ​ഥ്വി​രാ​ജും മാ​സ്റ്റ​ർ അ​ലോ​കും മ​ത്സ​രി​ച്ച് അ​ഭിനയി​ക്കു​ന്ന ചി​ത്ര​ത്തി​ൽ അ​ച്ഛ​ൻ-മ​ക​ൻ ബ​ന്ധ​ത്തി​ലു​ള്ള വി​ള്ള​ലു​ക​ൾ തെ​ളി​ഞ്ഞു കാ​ണാ​ൻ സാ​ധി​ക്കും.​

ആ​ൽ​ബ​ർ​ട്ടും (​പൃ​ഥ്വിരാ​ജ്) സം​ഘ​വും ഭൂ​മി​യി​ലേ​ക്ക് പ​തി​ക്കു​ന്ന ഉ​ൽ​ക്ക​യെ അ​ടു​ത്ത​റി​യാ​ൻ ഹി​മാ​ല​യ​ത്തി​ലേ​ക്ക് യാ​ത്രതി​രി​ക്കു​ന്ന​തോ​ടെ​യാ​ണ് ചി​ത്രം ചൂ​ടു​പി​ടി​ച്ചു തു​ട​ങ്ങു​ന്ന​ത്. സാ​ധാ​ര​ണ സം​ഭ​വ​ങ്ങ​ളി​ൽ നി​ന്നും അ​സാ​ധാ​ര​ണ സം​ഭ​വ​ങ്ങ​ളി​ലേ​ക്ക് ചി​ത്രം വ​ഴി​മാ​റു​ന്ന​തും ഹി​മാ​ല​യ​ത്തി​ൽ വ​ച്ചു ത​ന്നെ​യാ​ണ്.



ഉ​ൽ​ക്ക ഭൂ​മി​യി​ൽ പ​തി​ക്കു​ക​യും അ​തി​നെ തു​ട​ർ​ന്ന് എ​ങ്ങും വൈദ്യുതി ഇ​ല്ലാ​താ​കു​കയും ചെയ്യുന്ന കാ​ഴ്ച അ​ഭി​ന​ന്ദ​ൻ രാ​മാ​നു​ജ​ന്‍റെ കാ​മ​റ മി​ക​വോ​ടെ ത​ന്നെ പ​ക​ർ​ത്തി​യി​ട്ടു​ണ്ട്. എ​ങ്ങോ​ട്ട് തി​രി​ഞ്ഞാ​ലും ക​ണ്ണി​ന് കു​ളി​ർ​മ ന​ൽ​കു​ന്ന കാ​ഴ്ച​ക​ളാ​ണ് ഹി​മാ​ല​യ​ത്തി​ൽ കാ​ണാ​നാ​വു​ക. മ​ഞ്ഞുമൂ​ടി കി​ട​ക്കു​ന്ന ഫ്രെ​യി​മു​ക​ളേ​ക്കാ​ൾ അ​ര​ണ്ട ​വെ​ളി​ച്ച​ത്തി​ലു​ള്ള ഫ്രെ​യി​മു​ക​ളാ​ണ് ചി​ത്ര​ത്തി​ൽ കൂ​ടു​ത​ൽ ഇ​ടം​പി​ടി​ച്ചി​രി​ക്കു​ന്ന​ത്.

വാ​മി​ഖ ഗ​ബ്ബി​യു​ടെ വ​ര​വോ​ടെ ഒൻപതിന്‍റെ ക​ഥ മ​റ്റൊ​രു വ​ഴി​യെ സ​ഞ്ച​രി​ക്കാ​ൻ തു​ട​ങ്ങും. ശാ​സ്ത്ര​വു​മാ​യി ബ​ന്ധ​പ്പെ​ടു​ത്തി വ​മി​ഖയുടെ ക​ഥാ​പാ​ത്ര​ത്തി​ന്‍റെ വി​കാ​സം ആ​ശ്ച​ര്യ​ത്തോ​ടെ മാ​ത്ര​മേ ക​ണ്ടി​രി​ക്കാ​ൻ സാ​ധി​ക്കു. ശേ​ഖ​ർ മേ​നോ​ൻ ഒ​രു​ക്കി​യ പ​ശ്ചാ​ത്ത​ല സം​ഗീതവും പ്രേക്ഷകന്‍റെ ഉള്ളിൽ ഭയം നിറയ്ക്കാൻ പാകത്തിനുള്ളതായിരുന്നു.



ഹി​മാ​ല​യ നി​വാ​സി​ക​ളു​ടെ വി​ശ്വാ​സ​വും ശാ​സ്ത്ര​ത്തി​ന്‍റെ നേ​രു​മെ​ല്ലാം കൃ​ത്യ​മാ​യി ചി​ത്ര​ത്തി​ലേ​ക്ക് വി​ന്യ​സി​ക്കാ​ൻ സം​വി​ധാ​യ​ക​നാ​യി​ട്ടു​ണ്ട്. വാമി​ഖയു​ടെ ദു​രൂ​ഹ​ത നി​റ​ഞ്ഞ ക​ഥാ​പാ​ത്രം ത​ന്നെ​യാ​ണ് ചി​ത്ര​ത്തെ കൂ​ടു​ത​ൽ ഉ​ദ്വേ​ഗ​ജ​ന​ക​മാ​ക്കു​ന്ന​ത്. ഉ​ൽ​ക്ക വീ​ണ ശേ​ഷം ഓ​രോ ദി​വ​സം ക​ഴി​യും തോ​റും ഭ​യ​വും ദു​രൂ​ഹ​ത​യും ചി​ത്ര​ത്തി​ലേ​റി വ​രും.

മാ​സ്റ്റ​ർ അ​ലോ​ക് ഗം​ഭീ​ര പ്ര​ക​ട​നംകൊ​ണ്ട് പ്രേ​ക്ഷ​ക​രെ ഞെ​ട്ടി​ക്കു​ന്പോ​ൾ വ​മി​ക ത​ന്‍റെ ഓ​രോ ച​ല​ന​ങ്ങ​ളി​ലൂ​ടെ​യും കാഴ്ചക്കാരനെ അതിശയിപ്പിക്കുകയാണ്. പ്ര​കാ​ശ് രാ​ജി​ന് പ്ര​ത്യേ​ക ഇ​രി​പ്പി​ടം ന​ൽ​കി​യാ​ണ് ജെനൂ​സ് ക​ഥ​യെ മു​ന്നോ​ട്ടുകൊ​ണ്ടു​പോ​കു​ന്ന​ത്. മ​ക​നോ​ടു​ള്ള വാത്സല്യവും മ​രി​ച്ച ഭാ​ര്യ​യോ​ടു​ള്ള സ്നേ​ഹ​വും ആ​ൽ​ബ​ർ​ട്ടി​ൽ ഒ​രേ അ​ള​വി​ൽ ത​ങ്ങി നി​ൽ​ക്കു​ന്പോ​ൾ മ​റ്റൊ​രു ലോ​ക​ത്തേക്ക് ക​ഥ പ​തി​യെ ചേക്കേ​റും. മി​ത​ത്വ​മാ​ർ​ന്ന പ്ര​ക​ട​നം കൊ​ണ്ടാ​ണ് പൃ​ഥ്വി ചി​ത്ര​ത്തി​ൽ മി​ക​വ് കാ​ണി​ക്കു​ന്ന​ത്.



സ​സ്പെ​ൻ​സും ട്വി​സ്റ്റും ക്ലൈ​മാ​ക്സി​ലേ​ക്ക് ക​രു​തി​വ​ച്ച് സം​വി​ധാ​യ​ക​ൻ അ​തു​വ​രെ​യു​ള്ള സി​നി​മ​യു​ടെ പോ​ക്കി​നെ ആ​കെ​യൊ​ന്നു ഉ​ട​ച്ചു​വാ​ർ​ക്കു​ന്നു​ണ്ട്. അ​തു​വ​രെ കണ്ട കാ​ഴ്ച​ക​ളെ ന്യാ​യീ​ക​രി​ക്കുംവി​ധ​മു​ള്ള കാര്യങ്ങൾ ഒ​ന്നൊ​ന്നാ​യി കാ​ട്ടി​ത്ത​രു​ന്പോ​ൾ ​സം​വി​ധാ​ന മി​ക​വി​നെ അ​ഭി​ന​ന്ദി​ക്കാ​തെ ത​ര​മി​ല്ല.

ഇ​തു​വ​രെ മ​ല​യാ​ള സി​നി​മ കാണാത്ത വ​ഴി​യെ​യ​യാ​ണ് ജെനൂ​സ് മു​ഹ​മ്മ​ദ് ചിത്രത്തെ കൊ​ണ്ടുപോ​കു​ന്ന​ത്. അ​തു​കൊ​ണ്ട് ത​ന്നെ ഇ​ത്ത​രം പ​രീ​ക്ഷ​ണ​ങ്ങ​ളെ ഒ​രു​പോ​ലെ എ​ല്ലാ​വ​രും അം​ഗീ​ക​രി​ക്ക​ണ​മെ​ന്നി​ല്ല. ശാ​സ്ത്രം നി​ല​നി​ൽ​ക്കു​ന്നി​ട​ത്തോ​ളം ചോ​ദ്യ​ങ്ങ​ൾ ഉയരുമെന്ന് കാട്ടിത്തരുന്ന സംവിധായകൻ ചി​ത്ര​ത്തി​ൽ നിരവധി ചോദ്യങ്ങൾ അ​വ​ശേ​ഷി​പ്പി​ക്കു​ന്നു​ണ്ട്.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.