Cinema
പെ​ണ്‍​വി​ള​യാ​ട്ട​ത്തി​ൽ ആ​റാ​ടി 90 എം​എ​ൽ
Friday, March 1, 2019 7:41 PM IST
കു​ട്ടി​ക​ളെ കൂ​ട്ടാ​തെ സ്ത്രീ​ക​ൾ പോ​യി കാ​ണേ​ണ്ട ചി​ത്ര​മാ​ണ് 90 എം​എ​ൽ. കു​ടും​ബ പ്രേ​ക്ഷ​ക​രെ ഉ​ന്ന​മി​ട്ട​ല്ല മ​റി​ച്ച്, സ്വാ​ത​ന്ത്ര്യം ആ​ഗ്ര​ഹി​ക്കു​ന്ന​വ​രെ ഉ​ന്നം​ വ​ച്ചാ​ണ് അ​നി​ത ഉ​ദീ​പ് എ​ന്ന സം​വി​ധാ​യി​ക ചി​ത്രം ഒ​രു​ക്കി​യി​രി​ക്കു​ന്ന​ത്.

പെ​ണ്‍​വി​ള​യാ​ട്ട​മാ​ണ് ചി​ത്ര​ത്തി​ൽ ഉ​ട​നീ​ളം കാ​ണാ​ൻ ക​ഴി​യു​ക. അ​തി​ന് നേ​തൃ​ത്വം കൊ​ടു​ക്കു​ന്ന​താ​ക​ട്ടെ ബി​ഗ് ബോ​സ് താ​രം ഓ​വി​യ​യും. ചു​റുചു​റു​ക്കു​ള്ള പ്ര​ക​ട​ന​മാ​ണ് ഓ​വി​യ ചി​ത്ര​ത്തി​ൽ ന​ട​ത്തി​യി​രി​ക്കു​ന്ന​ത്. ട്രെ​യി​ല​ർ ഇ​റ​ങ്ങി​യ​പ്പോ​ൾ പൊ​ങ്ങിവ​ന്ന വി​വാ​ദ​ങ്ങ​ൾക്ക് ത​ന്‍റെ പ്ര​ക​ട​നംകൊ​ണ്ട് മ​റു​പ​ടി കൊ​ടു​ക്കു​ക​യാ​ണ് ഓ​വി​യ.

ഉ​ശി​രു​ള്ള അ​ഭി​ന​യ മു​ഹൂ​ർ​ത്ത​ങ്ങ​ളും ബോ​റ​ടി​പ്പി​ക്കാ​ത്ത ആ​വി​ഷ്ക​ര​ണ​വും ഹ​രം കൊ​ള്ളി​ക്കു​ന്ന പ​ശ്ചാ​ത്ത​ല സം​ഗീ​ത​വും കൊ​ണ്ട് 90 എം​എ​ൽ പ്രേ​ക്ഷ​കമ​നം കീ​ഴ​ട​ക്കു​ന്പോ​ൾ സ​ർ​വ വി​വാ​ദ​ങ്ങ​ളും കാ​റ്റി​ൽ പ​റ​ന്നുപോ​യി. എ​ല്ലാ​ത്ത​രം പ്രേ​ക്ഷ​ക​രെ​യും തൃ​പ്തി​പ്പെ​ടു​ത്തു​ന്ന ചി​ത്ര​മ​ല്ല 90 എം​എ​ൽ. പ​ക്ഷേ, മ​ന​സി​ലെ ചി​ല ക​ടും​പി​ടി​ത്ത​ങ്ങ​ളെ ഒ​ഴി​വാ​ക്കി ഈ ​സി​നി​മ കാ​ണാ​ൻ ക​യ​റി​യാ​ൽ ഏ​തു ത​ര​ക്കാ​ർക്കും ആ​വോ​ളം ആ​സ്വ​ദി​ക്കാം.



പെ​ണ്‍​വി​ള​യാ​ട്ടം

ഒ​രു അ​പ്പാ​ർ​ട്ട്മെ​ന്‍റി​ലേ​ക്ക് സ്വാ​ത​ന്ത്ര്യ​ത്തി​ന്‍റെ ചി​റ​കി​ലേ​റി റി​ത എന്ന (ഓ​വി​യ) പെ​ണ്‍​കു​ട്ടി കടന്നുവരികയും അ​വി​ടു​ള്ള നാ​ലോ​ളം സ്ത്രീ​ക​ൾ അ​വ​ളോ​ട് കൂ​ട്ടു​കൂ​ടുകയും ചെയ്യു​ന്ന​തോ​ടും കൂ​ടി​യാ​ണ് ക​ഥ ശ​രി​ക്കും ഹോ​ട്ടാ​കു​ന്ന​ത്. ഒ​രാ​ൾ ചി​റ​കു​വി​ട​ർ​ത്തി പ​റ​ക്കു​ക​യും മ​റ്റ് നാ​ലു​പേ​ർ ചി​റ​കൊ​തു​ക്കി ജീ​വി​ക്കു​ക​യും ചെ​യ്യു​ന്ന ത​ര​ക്കാ​ർ. അ​വി​ടെ മാ​റ്റ​ങ്ങ​ളു​ടെ ഒ​രു ഘോ​ഷ​യാ​ത്ര ന​ട​ക്കു​ക​യാ​ണ്. അ​തി​ന് ചു​ക്കാ​ൻ പി​ടി​ക്കു​ന്ന​ത് ഓ​വി​യ​യും. പുരുഷന്മാർക്കു മാ​ത്ര​മ​ല്ല സ്ത്രീകൾക്കു​മാ​കാം ചി​ല നേ​രം​പോ​ക്കു​ക​ളെ​ന്ന് സം​വി​ധാ​യിക ത​ന്‍റെ സി​നി​മ​യി​ലൂ​ടെ സ​മ​ർ​ഥി​ക്കു​ന്നു.

ബീയ​റി​ൽ തു​ട​ങ്ങി ക​ഞ്ചാ​വി​ൽ ചെ​ന്നു നി​ൽ​ക്കു​ന്ന ഒ​രു യാ​ത്ര​യാ​ണ് പി​ന്നീ​ട് കാ​ണാ​നാ​വു​ക. എ​ന്നുക​രു​തി മു​ഴു​വ​ൻ സ​മ​യ​വും ത​ണ്ണി​യ​ടി​യൊ​ന്നും ചി​ത്ര​ത്തി​ൽ കാ​ണാ​നി​ല്ല. ഒ​രു ര​സ​ത്തി​ന് തു​ട​ങ്ങി എ​രി​വും പു​ളി​യും ചേ​ർ​ന്ന അ​വ​ര​വ​രു​ടെ ക​ഥ​ക​ൾ മു​ന്നി​ൽ തെ​ളി​യു​ന്പോ​ൾ സ്വാ​ത​ന്ത്ര്യ​ത്തി​ന് ജീ​വി​തത്തി​ലു​ള്ള പ്രാ​ധാ​ന്യം താ​നേ തെ​ളി​ഞ്ഞുവ​രും.



രാ​ത്രി ജീ​വി​തം

ര​ണ്ടെ​ണ്ണം അ​ടി​ച്ചി​ട്ട്, രാ​ത്രി​യി​ൽ പു​റ​ത്തു ക​റ​ങ്ങിന​ട​ന്ന് ത​ട്ടു​ക​ട​യി​ൽ നി​ന്ന് മ​തി​വ​രു​വോ​ളം ആ​ഹാ​രം ക​ഴി​ക്കു​ന്ന പെ​ണ്‍​പ​ട​യെ ചി​ത്ര​ത്തി​ൽ കാ​ണാ​നാ​വും. സ്വാ​ത​ന്ത്ര്യ​ത്തി​ന്‍റെ കൊ​ടു​മു​ടി​യി​ൽ നി​ൽ​ക്കു​ന്പോ​ഴും കു​ടും​ബ​ത്തി​ന്‍റെ കെ​ട്ടു​പാ​ടി​ലേ​ക്ക് ഒ​തു​ങ്ങു​ന്ന സ്ത്രീ​മ​ന​സു​ക​ളെ കൂ​ടി സം​വി​ധാ​യി​ക ഇ​വി​ടെ അടയാളപ്പെടുത്തുന്നുണ്ട്.

വ​സ്ത്ര​ധാ​ര​ണം, സെ​ക്സ്... ഇ​ങ്ങ​നെ പ​ല​കാ​ര്യ​ങ്ങ​ളി​ലും പെ​ണ്‍​മ​ന​സി​ലു​ള്ള ചി​ന്ത​ക​ൾ ഇ​വി​ടെ അ​ഴി​ഞ്ഞുവീ​ഴു​ന്പോ​ൾ ചി​ല​പ്പോ​ൾ സ്ത്രീകൾക്കു ത​ന്നെ അം​ഗീ​ക​രി​ക്കാനായെന്നുവരി​ല്ല. ബ​ന്ധ​ന​ങ്ങളു​ടെ ച​ങ്ങ​ല പൊ​ട്ടി​ക്കാ​ൻ ആ​ഗ്ര​ഹി​ക്കാ​ത്ത സ്ത്രീ​ക​ളും സ​മൂ​ഹ​ത്തി​ലു​ണ്ട​ല്ലോ... രാ​ത്രിയാ​ത്ര​യു​ടെ സു​ഖ​ശീ​ത​ളി​മ വേ​ണ്ടു​വോ​ളം ഇ​തി​ലെ പെ​ണ്‍​പ​ട അ​നു​ഭ​വി​ക്കു​ന്നു​ണ്ട്. ഓ​വി​യ​യെ കൂ​ടാ​തെ മ​ല​യാ​ളി താ​രം ആ​ൻ​സ​ണ്‍ പോ​ളും ചി​ത്ര​ത്തി​ലു​ണ്ട്.

ബീയ​റി​ൽ നി​ന്നും ലി​ക്ക​റി​ലേ​ക്ക്

ബീയ​റും ലി​ക്കറും പി​ന്നെ വീ​ര്യം കൂ​ടി​യ വൈ​നു​മെ​ല്ലാം ഇവർ ​എ​ത്ര​ത്തോ​ളം ആ​സ്വ​ദി​ച്ചാ​ണ് കു​ടി​ക്കു​ന്ന​തെ​ന്ന് കാ​ട്ടി​ത്ത​രു​ന്ന​തി​നൊ​പ്പം ഭാര്യ ​വെ​ള്ള​മ​ടി​ച്ചാ​ൽ ഭ​ർ​ത്താ​വ് എ​ങ്ങ​നെ​യൊ​ക്കെ പ്ര​തി​ക​രി​ക്കു​മെ​ന്നും സം​വി​ധാ​യി​ക ചി​ത്ര​ത്തി​ൽ തു​റ​ന്നു​കാ​ട്ടു​ന്നുണ്ട്. ഒ​രു കു​ട്ടി​യു​ടെ അ​മ്മ​യാ​യ കാ​ജലായി മ​സൂം ശ​ങ്ക​റും താ​മ​ര​യാ​യി ബൊ​മ്മു ല​ക്ഷ്മി​യും ചി​ത്ര​ത്തി​ൽ ഓ​വി​യ​ക്കൊ​പ്പം മ​ത്സ​രാ​ഭി​ന​യം കാ​ഴ്ച​വയ്ക്കു​ന്നുണ്ട്​. മോ​നി​ഷ റാം, ​ശ്രീഗോ​പി​ക എ​ന്നി​വ​രാ​ണ് ഓ​വി​യ സം​ഘ​ത്തി​ലെ മ​റ്റ് അം​ഗ​ങ്ങ​ൾ. ഓ​രോ​രു​ത്ത​ർ​ക്കു​മു​ള്ള പ്ര​ശ്ന​ങ്ങ​ൾ പ​​രി​ഹ​രി​ച്ചു കൊ​ടു​ക്കാ​ൻ ഓ​വി​യ മു​ൻ​കൈ​യെ​ടു​ക്കു​ന്ന​തോ​ടെ​യാ​ണ് ചി​ത്രം ര​സംപി​ടി​ച്ചു തു​ട​ങ്ങു​ന്ന​ത്.



കി​ടി​ല​ൻ ട്വി​സ്റ്റ്

ഒ​രി​ക്ക​ലും പ്ര​തീ​ക്ഷി​ക്കാ​ത ഒ​രു ട്വി​സ്റ്റ് മു​ന്നി​ലേ​ക്കി​ട്ടു ത​ന്നാ​ണ് സം​വി​ധാ​യി​ക ആ​ദ്യപ​കു​തി അ​വ​സാ​നി​പ്പി​ക്കു​ന്ന​ത്. ന​ട​ൻ ചി​ന്പു ഒ​രു​ക്കി​യ പ​ശ്ചാ​ത്ത​ല സം​ഗീ​തം ചി​ത്ര​ത്തി​ന്‍റെ ന​ട്ടെ​ല്ലാ​യി മാ​റു​ന്പോ​ൾ എ​ല്ലാം മ​റ​ന്ന് പ്രേ​ക്ഷ​ക​ർ സി​നി​മ​യി​ലേ​ക്ക് ക​ണ്ണുംന​ട്ടി​രി​ക്കും.

ഓ​രോ​രോ പ്ര​ശ്ന​ങ്ങ​ളെ തീ​ർ​ത്തുതീ​ർ​ത്ത് പെ​ണ്‍​സം​ഘം മ​ദ്യ​പാ​നം ഉ​പേ​ക്ഷി​ക്കാ​ൻ തീ​രു​മാ​നി​ക്കു​ന്നി​ട​ത്ത് മ​റ്റൊ​രു ദു​ശീ​ലം ത​ല​പൊ​ക്കു​ക​യാ​യി. സാ​ക്ഷാ​ൽ ക​ഞ്ചാ​വ് ക​ഥ​യി​ലേ​ക്ക് പ്ര​വേ​ശി​ക്കു​ന്ന​തോ​ടെ ഓ​രോ​രു​ത്ത​രു​ടെ പ്ര​ശ്ന​ങ്ങ​ളും താ​നേ പൊ​ങ്ങിവ​രും. പി​ന്നെ അ​തെ​ല്ലാം തീ​ർ​ക്കാ​നു​ള്ള ഓ​ട്ട​ത്തി​നി​ട​യി​ൽ വ്യ​ത്യ​സ്ത​മാ​ർ​ന്ന ജീ​വി​ത​ങ്ങ​ൾ മു​ന്നി​ൽ പ്ര​ത്യ​ക്ഷ​പ്പെ​ട്ടു തു​ട​ങ്ങും.

ജോ​ളി ലൈ​ഫ്

പെ​ണ്‍ജീ​വി​ത​ങ്ങ​ൾ എ​ങ്ങ​നെ ജോ​ളി​യാ​ക്ക​ണ​മെ​ന്നാ​ണ് സം​വി​ധാ​യി​ക വ്യ​ത്യ​സ്ത മാ​ർ​ഗങ്ങളിലൂ​ടെ പ​റ​യാ​ൻ ശ്ര​മി​ച്ചി​രി​ക്കു​ന്ന​ത്. മാ​ർ​ഗ​മ​ല്ല ല​ക്ഷ്യ​മാ​ണ് പ്ര​ധാ​നം എ​ന്നു പ​റ​യുംപോലെ, സ്ത്രീ​ക​ൾ​ക്ക് സ്വാ​ത​ന്ത്ര്യ​ല​ബ്‌ധി​യി​ലെ​ത്താ​ൻ മ​റ്റ് മാ​ർ​ഗ​ങ്ങ​ളും സ്വീ​ക​രി​ക്കാ​വു​ന്ന​താ​ണ്. അ​തി​ന് ആ​ദ്യം വേ​ണ്ട​ത് ത​ന്‍റേട​വും പി​ന്നെ മെ​രു​ങ്ങാ​ത്ത​വ​രെ മെ​രു​ക്കാ​നു​ള്ള മ​രു​ന്നു​മാ​ണ്. ആ ​മ​രു​ന്ന് വേ​ണ്ടു​വോ​ളം ഓ​വി​യ​യും സം​ഘ​വും ഈ ​സി​നി​മ​യി​ൽ ല​യി​പ്പി​ച്ചു ചേ​ർ​ത്തി​ട്ടു​ണ്ട്. വേ​ണ്ട​വ​ർ​ക്ക് അ​ത് സ്വീ​ക​രി​ക്കാം വേ​ണ്ടാ​ത്ത​വ​ർ​ക്ക് നി​ര​സി​ക്കാം. ര​ണ്ടാ​യാ​ലും പെ​ണ്‍സ്വാത​ന്ത്ര്യ ആ​ഘോ​ഷം കാ​ണാ​ൻ അ​ല്പ​മെ​ങ്കി​ലും താ​ത്പ​ര്യ​മു​ള്ള​വ​ർ​ക്ക് 90 എം​എ​ല്ലി​ന് ധൈ​ര്യ​ത്തോടെ ടി​ക്ക​റ്റെ​ടു​ക്കാം.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.