Cinema
ആ​ടൈ സ്വാ​ത​ന്ത്ര്യം..!
Saturday, July 20, 2019 8:27 AM IST
പോ​സ്റ്റ​ർ മു​ത​ൽ ട്രെ​യി​ല​ർ വ​രെ വി​വാ​ദ​ങ്ങ​ളി​ൽ അ​ക​പ്പെ​ട്ടൊ​രു ചി​ത്ര​മാ​യി​രു​ന്നു ആ​ടൈ. അ​മ​ല പോ​ൾ ത​ന്നെ​യാ​യി​രു​ന്നു വി​വാ​ദ നാ​യി​ക. എ​ന്താ​ണ് ആ​ടൈ​യി​ൽ ഒ​ളി​ഞ്ഞി​രി​ക്കു​ന്ന ര​ഹ​സ്യ​മെ​ന്ന് സം​സാ​ര​വി​ഷ​യ​മാ​യ​പ്പോ​ൾ ത​ന്നെ മ​റ്റൊ​രു വാ​ർ​ത്ത​യെ​ത്തി. അ​മ​ല പോ​ൾ ന​ഗ്ന​യാ​യി അ​ഭി​ന​യി​ച്ചി​രി​ക്കു​ന്ന ചി​ത്ര​മാ​ണ് ആ​ടൈ​യെ​ന്ന്. നാ​യി​ക ത​ന്നെ വാ​തോ​രാ​തെ ചി​ത്ര​ത്തെ കു​റി​ച്ച് സം​സാ​രി​ച്ച് തു​ട​ങ്ങി​യ​തോ​ടെ പ്രേ​ക്ഷ​ക​രെ ആ​കാം​ക്ഷ​യോ​ടെ കാ​ത്തി​രു​ന്നു. എ​ന്താ​ണ് ആ​ടൈ പ​റ​യാ​ൻ പോ​കു​ന്ന​തെ​ന്ന് അ​റി​യാ​ൻ.

ഈ ​നാ​ട്ടി​ൽ സ്വാ​ത​ന്ത്ര്യ​ത്തി​ന്‍റെ പേ​രി​ൽ കാ​ട്ടി​ക്കൂ​ട്ടു​ന്ന പേ​ക്കൂ​ത്തു​ക​ൾ​ക്കെ​തി​രെ​യാ​ണ് ആ​ടൈ വി​ര​ൽ ചൂ​ണ്ടു​ന്ന​ത്. പ​ണ്ട് മാ​റ് മ​റ​യ്ക്കാ​നു​ള്ള സ്വാ​ത​ന്ത്ര്യം നേ​ടിത്തരാ​നാ​യി സ്വ​യം ര​ക്ത​സാ​ക്ഷി​യാ​യ ന​ങ്ങേ​ലി​യെക്കുറി​ച്ച് പ​റ​ഞ്ഞുകൊ​ണ്ടാ​ണ് ക​ഥ തു​ട​ങ്ങു​ന്ന​ത്. ന്യൂ​ജ​ൻ പി​ള്ളേ​ർ സ്വാ​ത​ന്ത്ര്യ​ത്തി​ന്‍റെ പേ​രുപ​റ​ഞ്ഞ് ഇ​ന്നു കാ​ണി​ക്കു​ന്ന പോ​ക്കി​രി​ത്ത​ര​ങ്ങ​ളെ ക​ണ​ക്കി​ന് വി​മ​ർ​ശി​ക്കു​ന്നു​ണ്ട് സം​വി​ധാ​യ​ക​ൻ ര​ത്ന​കു​മാ​ർ ആ​ടൈ​യി​ൽ.



ടി​വി ഷോ​യും സ്വാ​ത​ന്ത്ര്യ​വും

ആ​ൾ​ക്കാ​രെ ര​സി​പ്പി​ക്കാ​നാ​യി ആ​ൾ​ക്കാ​രെ പ​റ്റി​ക്കു​ന്ന കാ​ഴ്ച​ക​ൾ കാ​ട്ടി​ക്കൊ​ണ്ടാ​ണ് ആ​ടൈ​യു​ടെ തു​ട​ക്കം. കാ​മി​നി(​അ​മ​ല പോ​ൾ) നേ​തൃ​ത്വം കൊ​ടു​ക്കു​ന്ന ഷോ​യ്ക്ക് കാ​ഴ്ച​ക്കാ​രു​ടെ എ​ണ്ണ​വും കൂ​ടു​ത​ലാ​ണ്. പെ​ണ്‍​കു​ട്ടി​യാ​ണെ​ങ്കി​ലും സ​ർ​വ​വി​ധ സ്വാ​ത​ന്ത്ര്യ​വും അ​നു​ഭ​വി​ക്കു​ന്ന നാ​യി​ക​യെ ചി​ത്ര​ത്തി​ൽ കാ​ണാ​നാ​വും. അ​മ​ല ​പോ​ളി​ന്‍റെ മി​ക​ച്ച പ്ര​ക​ട​നം കൊ​ണ്ടാ​ണ് ഒ​ന്നാം പ​കു​തി ബോ​റ​ടി​യി​ല്ലാ​തെ ക​ട​ന്നുപോ​കു​ന്ന​ത്.

കാ​മി​നി​യു​ടെ സ്വ​ഭാ​വം എ​ത്ത​ര​ത്തി​ലു​ള്ള​താ​ണെ​ന്ന് കാ​ട്ടി​ത്ത​രാ​നാ​ണ് സം​വി​ധാ​യ​ക​ൻ ആ​ദ്യം തു​നി​യു​ന്ന​ത്. എ​ന്ത് കാ​ര്യ​വും ചെ​യ്ത് കാ​ട്ടാ​നാ​യി ബെ​റ്റ് വെ​യ്ക്കു​ന്ന നാ​യി​ക​യെ ചി​ത്ര​ത്തി​ൽ കാ​ണാ​നാ​വും. ബൈ​ക്ക് റേസെ​ല്ലാം ന​ട​ത്തി ജീ​വി​ത​ത്തി​ന്‍റെ ഓ​രോ നി​മി​ഷ​വും ജോ​ളി​യാ​യി ഇ​രി​ക്കാ​ൻ ആ​ഗ്ര​ഹി​ക്കു​ന്ന കാ​മി​നി അ​മ്മ​യു​ടെ ഇ​ഷ്ടം സാ​ധി​ച്ച് കൊ​ടു​ക്കാ​ൻ കാ​ട്ടു​ന്ന വേ​ല​ക​ളും പ്രേ​ക്ഷ​ക​രെ ര​സി​പ്പി​ക്കു​മെ​ന്നു​റ​പ്പ്.



ആ​ഘോ​ഷം അ​തി​രി​വി​ടു​ന്പോ​ൾ

കൂ​ട്ടു​കാ​രു​മൊ​ത്ത് ബ​ർ​ത്ത്ഡേ ആ​ഘോ​ഷി​ക്കാ​ൻ കാ​മി​നി തെ​ര​ഞ്ഞെ​ടു​ക്കു​ന്ന ഇ​ട​വും പി​ന്നീ​ട് ഉ​ണ്ടാ​കു​ന്ന സം​ഭ​വവി​കാ​സ​ങ്ങ​ളു​മാ​ണ് ആ​ടൈ​യെ ചൂ​ടുപി​ടി​പ്പി​ക്കു​ന്ന​ത്. ആ​ദ്യപ​കു​തി ആ​ടിപ്പാടി ര​സി​ച്ച് അ​ങ്ങു പോ​യെ​ങ്കി​ൽ ര​ണ്ടാം പ​കു​തി​ക്ക് വേ​ഗം അ​ല്പം കു​റ​യു​ന്നു​ണ്ട്. ല​ഹ​രി അ​മി​ത​മാ​യാ​ൽ ഉ​ണ്ടാ​കു​ന്ന അ​ന​ന്ത​ര ഫ​ല​ങ്ങ​ളാ​ണ് ര​ണ്ടാം പ​കു​തി​യി​ൽ കാ​ണാ​ൻ ക​ഴി​യു​ക.

അ​യ്യേ എ​ന്ന് തോ​ന്നി​പ്പി​ക്കംവി​ധ​മു​ള്ള ന​ഗ്ന​താ പ്ര​ദ​ർ​ശ​നമൊന്നും ചി​ത്ര​ത്തി​ൽ കാ​ണാ​നാ​വി​ല്ല. പ​ക്ഷേ ഒ​രു ത​രി വ​സ്ത്രം പോ​ലും ഇ​ല്ലാ​തെ ഒ​രു പെ​ണ്‍​കു​ട്ടി അ​നു​ഭ​വി​ക്കേ​ണ്ടി വ​രു​ന്ന മാ​ന​സി​ക പി​രി​മു​റു​ക്ക​ങ്ങ​ൾ ര​ണ്ടാം പ​കു​തി​യി​ൽ പ്ര​ക​ട​മാ​യി ത​ന്നെ കാ​ണാ​ൻ ക​ഴി​യും. ആ​ഘോ​ഷ​ങ്ങ​ൾ ആ​വാ​മെ​ന്നും എ​ന്നാ​ൽ അ​ത് അ​തി​രുവി​ട്ടാ​ൽ പി​ന്നെ ജീ​വി​തം കു​ട്ടി​ച്ചോ​റാ​കു​മെ​ന്നും സം​വി​ധാ​യ​ക​ൻ ചി​ത്ര​ത്തി​ൽ അ​ടി​വ​ര​യി​ട്ടു പ​റ​യു​ന്നു​ണ്ട്.



ര​ണ്ടാം പ​കു​തി കൈ​വി​ട്ട് പോ​യി

വി​ജ​യ് കാ​ർ​ത്തി​ക്ക് ക​ണ്ണ​ന്‍റെ കാ​മ​റക്കണ്ണു​ക​ളാ​ണ് ര​ണ്ടാം പ​കു​തിക്ക് ക​രു​ത്ത് പ​ക​രു​ന്ന​ത്. അ​മ​ല പോ​ൾ ക​ഥാ​പാ​ത്ര​ത്തി​ന്‍റെ പൂ​ർ​ണ​ത​യ്ക്കാ​യി ചെ​യ്ത കാ​ര്യ​ങ്ങ​ൾ മ​റ്റൊ​രു ന​ടി​യും ചെ​യ്യ​ണ​മെ​ന്നി​ല്ല. വ​സ്ത്രം ഇ​ല്ലാ​തെ ഒ​റ്റ​പ്പെ​ട്ടു പോ​കു​ന്ന ഒ​രു അ​വ​സ്ഥ​യി​ൽ മ​ന​സി​ലൂ​ടെ ക​ട​ന്നുപോ​കു​ന്ന ഓ​രോ കാ​ര്യ​ങ്ങ​ളും വ്യ​ക്ത​മാ​യി ത​ന്നെ അ​മ​ല കാ​ട്ടിത്തന്നു. പ​ക്ഷേ അ​തി​നാ​യി ചി​ത്ര​ത്തി​ൽ ഒ​രു​ക്കി​വെ​ച്ച ട്വി​സ്റ്റു​ക​ൾ​ക്ക് ബ​ലം ഇ​ല്ലാ​തെ വ​ന്ന​തോ​ടെ ആ​ടൈ കൈ​വി​ട്ടു പോ​കു​ക​യാ​യി​രു​ന്നു. തു​ട​ങ്ങി വെ​ച്ചു, ഇ​നി എ​വി​ടെക്കൊണ്ട് അ​വ​സാ​നി​പ്പി​ക്ക​ണ​മെ​ന്ന അ​വ​സ്ഥ​യി​ൽ ആ​ടിയുല​ഞ്ഞ് ഒ​ടു​വി​ൽ ചി​ത്രം എ​ങ്ങ​നെ​യോ ക​ര​യ്ക്കടി​യു​ന്നു​ണ്ട്.

അ​മ​ല പോ​ൾ പ്ര​ശം​സ അ​ർ​ഹി​ക്കു​ന്നു​ണ്ട് ഇ​ത്ത​ര​മൊ​രു സാ​ഹ​സ​ത്തി​ന് മു​തി​ർ​ന്ന​തി​ന്. വ​സ്ത്ര സ്വാ​ത​ന്ത്ര്യം ഉ​ൾ​പ്പെ​ടെ ഇ​ന്ന് പ​ല​രും അ​നു​ഭ​വി​ക്കു​ന്ന സ്വാ​ത​ന്ത്ര്യ​ത്തെ ചാ​ന​ലു​കാ​ർ എ​ങ്ങ​നെ ഇ​ല്ലാ​താ​ക്കു​ന്നു​വെ​ന്ന് ചി​ത്രം തു​റ​ന്നുകാ​ട്ടു​ന്നു​ണ്ട്. മാ​റ്റം അ​നി​വാ​ര്യ​മാ​യ ആ ​കാ​ല​ഘ​ട്ട​ത്തി​ന്‍റെ യു​വ​ത്വ​ത്തി​ന്‍റെ ചി​ന്താ​ഗ​തി​യും മാ​റേ​ണ്ടി​യി​രി​ക്കു​ന്നു​വെ​ന്നും ആ​ടൈ​യി​ലൂ​ടെ സം​വി​ധാ​യ​ക​ൻ കാ​ട്ടി​ത്ത​രു​ന്നു.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2021 , Rashtra Deepika Ltd.