Cinema
അ​മ്പി​ളി​യോ​ട് സ്നേ​ഹം മാ​ത്രം...
Friday, August 9, 2019 8:21 PM IST
അ​മ്പി​ളി​മാമനെ പി​ടി​ച്ചുത​രാം, മാമമുണ്ടോ എന്ന് പറയുന്ന അമ്മമാരില്ലേ... ഇ​നി​യി​പ്പോ​ൾ അ​മ്പി​ളി​യെ (​സൗ​ബി​ൻ ഷാ​ഹി​ർ) കൂ​ട്ടി​ക്കൊ​ണ്ടുവ​രാം മാ​മം ഉ​ണ്ണ​ടാ ച​ക്ക​രേ​യെ​ന്നാ​യി​രി​ക്കും അ​വ​ർ പ​റ​യാ​ൻ പോ​കു​ന്ന​ത്. അ​ത്ര​മേ​ൽ ഓ​മ​ന​ത്വ​വും നി​ഷ്ക​ള​ങ്ക​ത​യും തു​ളു​ന്പു​ന്ന മു​ഖ​മാ​ണ് അ​ന്പി​ളി​യു​ടേ​ത്. അ​ന്പി​ളി​യു​ടെ ചി​രി ക​ണ്ടാ​ൽ ഏ​ത് ക​ര​യു​ന്ന കു​ഞ്ഞും ഏ​ങ്ങി ഏ​ങ്ങി ചി​രി​ച്ച് പോ​കും.

ജോ​ണ്‍ പോ​ൾ ജോർജ്, താ​ങ്ക​ൾ എ​ന്താ​രു മ​നു​ഷ്യ​നാ​ണ്... വി​കാ​ര​ഭ​രി​ത​രാ​ക്കി മ​നു​ഷ്യ​ന്മാരെ നി​ങ്ങ​ൾ കൊ​ന്നുക​ള​യു​മ​ല്ലോ... സി​നി​മ​യെ സ്നേ​ഹി​ച്ചാ​ൽ വാ​രി​ക്കോ​രി സ്നേ​ഹം തി​രി​കെ ത​രു​മെ​ന്ന് ജോ​ണ്‍​പോ​ൾ തെ​ളി​യി​ച്ച​പ്പോ​ൾ ബി​ഗ് സ്ക്രീ​നി​ൽ ത​ളം​കെ​ട്ടി നി​ന്ന സ്നേ​ഹം പ്രേ​ക്ഷ​ക​ർ പ​ങ്കി​ട്ടെ​ടു​ത്തു. "സ്നേ​ഹം ഒ​ളി​പ്പി​ച്ചുവയ്​ക്കാ​നു​ള്ള ഒ​ന്ന​ല്ല പ​ങ്കി​ടാ​നു​ള്ള​താ​ണ്' പ​ല​രും മ​റ​ന്നു പോ​കു​ന്ന ഈ ​ഒ​രു കു​ഞ്ഞ് കാ​ര്യം സം​വി​ധാ​യ​ക​ൻ സൗ​ബി​ൻ ഷാ​ഹി​റി​ലൂ​ടെ ഓ​ർ​മി​പ്പി​ക്കു​ക​യാ​ണ്.



ബോ​ബി​ക്കു​ട്ടാ ഈ ​വി​ളി കൂ​ടെ പോ​രും...

ബോ​ബി​ക്കു​ട്ടാ... ഈ ​വി​ളി​യി​ൽ പ​ത​ഞ്ഞുപൊ​ങ്ങു​ന്ന സ്നേ​ഹം ഈ ​ക​ഥ തീ​രു​ന്പോ​ഴേ​ക്കും നി​ങ്ങ​ളോ​ടൊ​പ്പം കൂ​ടും. ദേ​ശീ​യ സൈ​ക്കി​ളിം​ഗ് ചാ​ന്പ്യ​നാ​യ ബോ​ബി​ക്കു​ട്ട​നെ (ന​വീ​ൻ ന​സീം) വ​ര​വേ​ൽ​ക്കാ​ൻ ഒ​രു​ങ്ങി നി​ൽ​ക്കു​ന്ന അ​ന്പി​ളി​യി​ൽ നി​ന്നാ​ണ് ക​ഥ വി​ക​സി​ക്കു​ന്ന​ത്. അ​ന്പി​ളി​ക്ക് എ​ല്ലാ​വ​രോ​ടും സ്നേ​ഹം മാ​ത്ര​മേ​യു​ള്ളു. ത​ന്നെ പ​റ്റി​ക്കു​ന്ന​വ​രോ​ടാ​യാ​ലും അ​ത് അ​ങ്ങ​നെ ത​ന്നെ.

ക​ട്ട​പ്പ​ന​യി​ലെ ഒ​രു ഗ്രാ​മ​ത്തി​ന്‍റെ സ്വ​ത്താ​ണ് അ​ന്പി​ളി. അ​വി​ടു​ത്തെ എ​ല്ലാ കാ​ര്യ​ങ്ങ​ളി​ലും അ​ന്പി​ളി​യും കാ​ണും. ന​ട​ക്കു​ക​യാ​ണോ ഓ​ടു​ക​യാ​ണോ എ​ന്ന് ഉ​റ​പ്പി​ക്കാ​ൻ പ​റ്റാ​ത്ത വി​ധ​ത്തി​ലാ​ണ് ക​ക്ഷി​യു​ടെ ന​ട​പ്പ്. സൗ​ബി​ൻ, താ​ങ്ക​ൾ ക​ള്ള​ച്ചി​രി​യും ചി​രി​ച്ച് വ​ള​വ​ളാ​ന്ന് സം​സാ​രി​ച്ച് കി​ടു​ക്ക​ൻ ഡാ​ൻ​സും ക​ളി​ച്ച് പ്രേ​ക്ഷ​ക​രു​ടെ സ്നേ​ഹം ക​വ​ർ​ന്നെ​ടു​ത്തു കൊ​ണ്ടുപോ​കു​ക​യാ​ണ്.



സ്നേ​ഹം ഭ്രാ​ന്താ​ണ്...

ഒ​രു സി​നി​മ​യു​ടെ എ​ല്ലാ ചേ​രു​വ​ക​ളും കി​റു​കൃ​ത്യ​മാ​യാ​ൽ സം​ഗ​തി ബോ​റ​ടി​ക്കാ​തെ ക​ണ്ടി​രി​ക്കാം. ഇ​വി​ടെ പ​ക്ഷേ സ്നേ​ഹ​ത്താ​ൽ ല​യി​പ്പി​ച്ചെ​ടു​ത്ത കാ​മ​റ​യും സം​ഗീ​ത​വും പി​ന്നെ ആ​വി​ഷ്ക​ര​ണ​വു​മെ​ല്ലാം കൂ​ടി മ​നു​ഷ്യ​നെ സ്നേ​ഹി​ച്ച് തോ​ൽ​പ്പി​ക്കു​ക​യാ​ണ്. വ​ന്നുപോ​കു​ന്ന ഓ​രോ ക​ഥാ​പാ​ത്ര​ങ്ങ​ളും മ​ന​സി​ൽ ത​ങ്ങു​ന്പോ​ൾ ക​ട്ട​പ്പ​ന​യി​ലെ കൊ​ച്ചു ഗ്രാ​മ​വും അ​വി​ടു​ത്തെ പ​ച്ച​പ്പു​മെ​ല്ലാം പ്രേ​ക്ഷ​ക​ർ​ക്കൊ​പ്പം കൂ​ടു​ക​യാ​ണ്.

സ്നേ​ഹം ശ​രി​ക്കും ഭ്രാ​ന്താ​ണ്... ആ ​ഭ്രാ​ന്ത് എ​ല്ലാ​വ​രി​ലേ​ക്കും കൈ​മാ​റി അ​ന്പി​ളി ക​ട​ന്നുപോ​കു​ന്പോ​ൾ ഏ​തൊ​രാ​ളു​ടെ ഉ​ള്ള​വും ഒ​ന്ന് കു​ളി​രും. ആ​രാ​ണ് പ​റ​ഞ്ഞ​ത് അ​വ​ന് കു​റ​വു​ക​ളു​ണ്ടെ​ന്ന്..? ഒ​രു കു​റ​വു​മി​ല്ലാ​യെ​ന്ന് പ​റ​യു​ന്ന​വ​രി​ലെ കു​റ​വു​ക​ളെ തു​റ​ന്നു‌കാ​ട്ടി​ക്കൊ​ണ്ട് അ​ന്പി​ളി​യു​ടെ നന്മ​ക​ളെ പ്ര​കാ​ശി​പ്പി​ക്കു​ക​യാ​ണ് സം​വി​ധാ​യ​ക​ൻ.



ക​ട്ട​പ്പ​ന​യി​ൽ നി​ന്നും കാഷ്മീ​രി​ലേ​ക്ക്..

വി​ഷ്ണു വി​ജ​യ്‌യുടെ സം​ഗീ​തം ക​ഥ​യ്ക്കൊ​പ്പം യാ​ത്ര ചെ​യ്ത് ആ​ദ്യപ​കു​തി​യെ മ​ന​സി​നോ​ട് അ​ടു​പ്പി​ച്ച​പ്പോ​ൾ യാ​ത്ര​ക​ളെ പ്ര​ണ​യി​ക്കു​ന്ന​വ​ർ​ക്ക് നി​റ​യെ കാ​ഴ്ച​ക​ൾ സ​മ്മാ​നി​ച്ചാ​ണ് ശ​ര​ണ്‍ വേ​ലാ​യു​ധ​ന്‍റെ കാ​മ​റക്കണ്ണു​ക​ൾ ചി​ത്ര​ത്തി​ലു​ട​നീ​ളം യാ​ത്ര ചെ​യ്യു​ന്ന​ത്. ക​ട്ട​പ്പ​ന​യി​ൽ നി​ന്നും കാഷ്മീ​രി​ലേ​ക്ക് ബോ​ബി​ക്കു​ട്ട​ൻ സൈ​ക്കി​ളിം​ഗ് ന​ട​ത്തു​ന്ന കാ​ഴ്ച​യാ​ണ് ര​ണ്ടാം ​പ​കു​തി​യി​ൽ കാ​ണാ​ൻ ക​ഴി​യു​ക. ന​സ്രി​യ​യു​ടെ അ​നി​യ​ൻ ന​വീ​ൻ ന​സീം ബോ​ബി​ക്കു​ട്ട​നാ​യി തു​ട​ക്ക​കാ​ര​ന്‍റെ ഒ​രു പ​ത​ർ​ച്ച​യു​മി​ല്ലാ​തെ ക​ഥ​യ്ക്ക് മു​ത​ൽ​ക്കൂ​ട്ടാ​കു​ന്നു​ണ്ട്.

അ​നു​വാ​ദം കൂ​ടാ​തെ ബോ​ബി​ക്കു​ട്ട​നൊ​പ്പം അ​ന്പി​ളി​യും കാഷ്മീ​ർ യാ​ത്ര​യി​ൽ കൂ​ടെ​കൂ​ടു​ന്ന​തോ​ടെ ചി​ത്രം റോ​ഡ് മൂ​വി​യാ​യി മാ​റു​ക​യാ​ണ്. സ്നേ​ഹം സൈ​ക്കി​ളി​ലൂ​ടെ പാ​യു​ന്ന കാ​ഴ്ച ആ​രു​ടെ​യും ഉള്ളലിയും. കു​ഞ്ഞുകുഞ്ഞു രം​ഗ​ങ്ങ​ളി​ലൂ​ടെ വെ​ട്ടു​കി​ളി പ്ര​കാ​ശും പു​തു​മു​ഖം ത​ൻ​വി​യും പ്രേ​ക്ഷ​ക​പ്രീ​തി നേ​ടു​ന്പോ​ൾ ത​ന്‍റെ നി​ഷ്ക​ള​ങ്ക​മാ​യ പ്ര​ക​ട​നം കൊ​ണ്ട് കൈ​യ​ടി അ​ത്ര​യും സ്വ​ന്ത​മാ​ക്കു​ന്ന​ത് സൗ​ബി​ൻ ഷാ​ഹി​ർ തന്നെയാണ്.



സൗ​ബി​ൻ മാ​റു​ക​യാ​ണ്...

സൗ​ബി​ൻ പി​ടി​ത്തം ത​രാ​തെ പാ​യു​ക​യാ​ണ്. കു​ന്പ​ള​ങ്ങി നൈ​റ്റ്സി​ലെ സ​ജി​യും വൈ​റ​സി​ലെ ഉ​ണ്ണികൃ​ഷ്ണ​നും ദാ ​ഇ​പ്പോ​ൾ അ​ന്പി​ളി​യും... ഹോ, ​വ​ല്ലാ​ത്തൊ​രു മാ​റ്റം ത​ന്നെ​യാ​ണ് ഈ ​ച​ങ്ങാ​തി​ക്ക്. ചി​രി​പ്പി​ക്കാ​ൻ മാ​ത്ര​മ​ല്ല ക​ര​യി​പ്പി​ക്കാ​നും ഈ ​മ​നു​ഷ്യ​ന് നി​മി​ഷനേ​രം കൊ​ണ്ട് സാ​ധി​ക്കു​ന്പോ​ൾ ഇ​നി​യും ഇ​നി​യും വേ​റി​ട്ട വേ​ഷ​ങ്ങ​ൾ സൗ​ബി​നെ തേ​ടി​യെ​ത്തു​മെ​ന്ന് ഉ​റ​പ്പ്. അ​ന്പി​ളി​യി​ലെ ക്ലൈ​മാ​ക്സ് രം​ഗ​ങ്ങ​ൾ പ്രേ​ക്ഷ​ക​രെ കൂ​ട്ടി​ക്കൊ​ണ്ടു​പോ​കു​ക അ​ഭി​ന​യ​ത്തി​ന്‍റെ മാ​ന്ത്രി​ക കൊ​ട്ടാ​ര​ത്തി​ലേക്കായിരിക്കും.

കു​റ​വു​ക​ൾ എ​ല്ലാ​വ​രി​ലും ഉ​ണ്ട്. ആ ​കു​റ​വു​ക​ൾ​ക്ക് പി​ന്നാ​ലെ പോ​കാ​തെ ഓ​രോ​രു​ത്ത​രു​ടെ​യും ഉ​ള്ളി​ലെ സ്നേ​ഹം തി​രി​ച്ച​റി​ഞ്ഞ് അ​തി​ന് പി​ന്നാ​ലെ പോ​കാ​ൻ ജോ​ണ്‍​പോ​ൾ പ​റ​യു​ന്പോ​ൾ ആ​ർ​ക്കാ​യാ​ലും ആ ​വ​ഴി​യെ ഒ​ന്നു യാ​ത്ര ചെ​യ്യാ​ൻ തോ​ന്നും. ആ ​തോ​ന്നി​പ്പി​ക്ക​ൽ ത​ന്നെ​യാ​ണ് അ​ന്പി​ളി​യു​ടെ വി​ജ​യം.

ഗ​പ്പി​യെ പോ​ലെ അ​ന്പി​ളി​യും സ്നേ​ഹം ഒ​രു​പാ​ട് സ​മ്മാ​നി​ച്ചാ​ണ് ക​ട​ന്നുപോ​കു​ന്ന​ത്. ആ ​സ്നേ​ഹം സ്വീ​ക​രി​ക്കാ​തെ പോ​യാ​ൽ ന​ഷ്ടം ഓ​രോ മ​ല​യാ​ളി​ക​ൾ​ക്കു​മാ​യി​രി​ക്കും.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.