Cinema
പ​ക്കാ മാ​സ് ജാ​ക്ക്പോ​ട്ട്
Friday, August 2, 2019 7:35 PM IST
അ​ക്ഷ​യ​പാ​ത്രം ഒ​രു സം​ഭ​വ​മാ​ണ്... ആ ​സം​ഭ​വ​ത്തെ 2019-ലേ​ക്ക് വ​ലി​ച്ച​ടു​പ്പി​ക്കു​ക​യാ​ണ് സം​വി​ധാ​യ​ക​ൻ ക​ല്യാ​ണ്‍ ജാ​ക്ക്പോ​ട്ടി​ലൂ​ടെ. ജ്യോ​തി​ക​യും രേ​വ​തി​യും പ്ര​ധാ​ന ക​ഥാ​പാ​ത്ര​ങ്ങ​ളാ​യി എ​ത്തു​ന്ന ചി​ത്ര​ത്തി​ൽ ചെ​റി​യ സം​ഭ​വ​ങ്ങ​ളെ കൂ​ട്ടി​യി​ണ​ക്കി​യാ​ണ് സം​വി​ധാ​യ​ക​ൻ ക​ഥ ത​ള്ളി മു​ന്നോ​ട്ടു കൊ​ണ്ടുപോ​കു​ന്ന​ത്. ലോ​ജി​ക്കെ​ന്ന സം​ഗ​തി​യെ കാ​റ്റി​ൽ പ​റ​ത്തി ആ​രെ​യും പൊ​ട്ടി​ച്ചി​രി​പ്പി​ക്കാ​നു​ള്ള ചേരുവകൾ കു​ത്തി​നി​റ​ച്ചാ​ണ് സം​വി​ധാ​യ​ക​ൻ എ​ത്തി​യി​രി​ക്കു​ന്ന​ത്.

നാ​യി​ക​മാ​രു​ടെ മാ​സ് പ്ര​ക​ട​ന​ത്താ​ൽ സ​ന്പ​ന്ന​മാ​ണ് ജാ​ക്ക്പോ​ട്ട്. നാ​യ​കന്മാർ​ക്ക് മാ​ത്ര​മ​ല്ല ഒ​റ്റ ഇ​ടി​യി​ൽ 10,12 ആ​ൾ​ക്കാ​രെ താ​ഴെ വീ​ഴ്ത്താ​നു​ള്ള ചു​റു​ചു​റു​ക്കെ​ല്ലാം നാ​യി​ക​മാ​ർ​ക്കും ഉ​ണ്ടെ​ന്ന് ജാ​ക്ക്പോ​ട്ട് തെ​ളി​യി​ക്കു​ന്നു​ണ്ട്. ചി​രിക്കൊ​പ്പം ഇ​ടി​യെ​ന്ന സ​മ​വാ​ക്യം ശ​രി​ക്കും വ​ർ​ക്കൗ​ട്ടാ​യ​തോ​ടെ സം​ഗ​തി ഉഷാറായി. ഒ​രു​പാ​ടൊ​ന്നും ചി​ന്തി​ക്കാ​തെ ചി​രി​ക്കാ​ൻ റെ​ഡി​യാ​ണെ​ങ്കി​ൽ ധൈ​ര്യ​മാ​യി ജാ​ക്ക്പോ​ട്ടി​ന് ടി​ക്ക​റ്റെ​ടു​ത്തോ.



ഭ​ർ​ത്താ​വ് ഭാ​ര്യ​യെ മാ​സാ​ക്കി

ന​ട​ൻ സൂ​ര്യ നി​ർ​മി​ച്ച ചി​ത്ര​ത്തി​ൽ ഭാ​ര്യ ജ്യോ​തി​ക മാ​സ് പ്ര​ക​ട​നം ന​ട​ത്തു​ന്നു. എ​ന്താ​ലേ... ശ​രി​ക്കും പ​റ​ഞ്ഞാ​ൽ ഭ​ർ​ത്താ​വ് ഭാ​ര്യ​യെ മാ​സാ​ക്കി​യെ​ന്നും പ​റ​യാം. ത​ട്ടി​പ്പും വെ​ട്ടി​പ്പും പി​ന്നെ നി​ല​നി​ൽ​പ്പി​നാ​യു​ള്ള ഓ​ട്ട​വു​മെ​ല്ലാ​മാ​യി പ്രേ​ക്ഷ​ക​രെ ര​സി​പ്പി​ക്കാൻ സം​വി​ധാ​യ​ക​ൻ ന​ന്നേ പ​ണി​യെ​ടു​ത്തി​ട്ടു​ണ്ട്.

അ​ത്യാ​വ​ശ്യം ഉ​ഡാ​യി​പ്പ് പ​രി​പാ​ടി​ക​ളു​മാ​യി ജീ​വി​ക്കു​ന്ന ര​ണ്ടു​പേ​രാ​ണ് അ​ക്ഷ​യ​യും (ജ്യോ​തി​ക) മാഷയും (​രേ​വ​തി). അ​വ​രു​ടെ ചി​ല്ല​റ ത​രി​കി​ട​ക​ൾ കാ​ട്ടി​ക്കൊ​ണ്ട് തു​ട​ങ്ങു​ന്ന ചി​ത്രം പ​തി​യെ പ​ല സം​ഭ​വ​ങ്ങ​ളി​ലേ​ക്ക് വ​ഴി​മാ​റു​ന്നു​ണ്ട്. പി​ന്നീ​ട് അ​ങ്ങോ​ട്ട് ഈ ​സം​ഭ​വ​ങ്ങ​ളെ കൂ​ട്ടി​യി​ണ​ക്കാ​നു​ള്ള ഓ​ട്ട​മാ​ണ് കാ​ണാ​ൻ ക​ഴി​യു​ക. ചി​രി​പ്പി​ക്കു​ക മാ​ത്ര​മ​ല്ല കി​ടി​ല​ൻ ആ​ക്ഷ​ൻ പ്ര​ക​ട​നം കൊ​ണ്ടും ജ്യോ​തി​ക ചി​ത്ര​ത്തി​ൽ ഷൈ​ൻ ചെ​യ്യു​ന്നു​ണ്ട്.



സ​ഹ​താ​ര​ങ്ങ​ൾ കി​ടു​ക്കി

യോ​ഗി ബാ​ബു, മ​ൻ​സൂ​ർ അ​ലി​ഖാ​ൻ, ആ​ന​ന്ദ​രാ​ജ്, രാ​ജേ​ന്ദ്ര​ൻ തു​ട​ങ്ങി​യ സ​ഹ​താ​ര​ങ്ങ​ളാ​ണ് ചി​ത്ര​ത്തെ മു​ന്നോ​ട്ട് ത​ള്ളി​ക്കൊ​ണ്ടു പോ​കു​ന്ന​ത്. യോ​ഗി ബാ​ബു ഓ​രോ നി​മി​ഷ​വും ചി​രി​പ്പി​ച്ച് കൊ​ണ്ട് മു​ന്നേ​റു​ന്പോ​ൾ ആ​ന​ന്ദ​രാ​ജ് ത​ന്‍റെ ഗാം​ഭീ​ര്യം തു​ളു​ന്പി​യ മു​ഖ​വു​മാ​യാ​ണ് പ്രേ​ക്ഷ​ക​രെ ചി​രി​പ്പി​ക്കാ​ൻ എ​ത്തു​ന്ന​ത്. ത​ട്ടി​പ്പും വെ​ട്ടി​പ്പും കു​നു​കു​നെ ന​ട​ന്നു​കൊ​ണ്ടി​രി​ക്കു​ന്പോഴും ചി​രിക്ക് കു​റ​വ് വ​രു​ത്താ​ൻ സം​വി​ധാ​യ​ക​ൻ ത​യാ​റാ​യിരുന്നില്ല.

ല​ക്ഷ്യ​മി​ല്ലാ​ത്ത ത​ട്ടി​പ്പും വെ​ട്ടി​പ്പും മ​ടു​ത്ത് ല​ക്ഷ്യ​ബോ​ധ​മു​ള്ള വ​ഴി​യി​ലേ​ക്ക് നാ​യി​ക​മാ​ർ മാ​റു​ന്ന​തോ​ടെ​യാ​ണ് ചി​ത്ര​ത്തി​ന്‍റെ ഗ​തി തിരിയുന്നത്. അ​തി​നി​ട​യി​ൽ ചി​ത്ര​ത്തി​ൽ ക​ട​ന്നുവ​രു​ന്ന പ​ല സം​ഭ​വ വി​കാ​സ​ങ്ങ​ളി​ലൂ​ടെ പ​ല​രു​ടെ​യും ജീ​വി​തം മാ​റി​മ​റി​യു​ന്നു​ണ്ട്.

ക​ള​ർ​ഫു​ൾ ഫ്രെ​യി​മു​ക​ൾ

ഡ​പ്പാം​കൂ​ത്ത് പാ​ട്ടി​ന് ഉൾപ്പടെ ചി​ത്ര​ത്തി​ന് ആ​കെമൊത്തം ക​ള​ർ​ഫു​ൾ ഫ്രെ​യി​മു​ക​ളൊ​രു​ക്കാ​നാ​ണ് ഛായാ​ഗ്രാ​ഹ​ക​ൻ ആ​ർ.​എ​സ്.​ആ​ന​ന്ദ​കു​മാ​ർ ശ്ര​മി​ച്ചി​രി​ക്കു​ന്ന​ത്. ക​ഥ​യു​ടെ താ​ള​ത്തി​നൊ​ത്ത് സം​ഗീ​തം ന​ൽ​കി വി​ശാ​ൽ ച​ന്ദ്ര​ശേ​ഖ​റും ചിത്രത്തിന് മാറ്റ് കൂട്ടി. ആ​വി​ഷ്ക​ര​ണ​ത്തി​ലെ മി​ക​വുകൊ​ണ്ട് ത​ന്നെ​യാ​ണ് ജാ​ക്ക്പോ​ട്ട് എ​ന​ർ​ജി​ പാ​ക്കാ​യി മാ​റി പ്രേ​ക്ഷ​ക​ർ​ക്ക് ഇ​ട​യി​ൽ ചി​രി​പ​ട​ർ​ത്തി ക​ട​ന്നു പോ​കു​ന്ന​ത്.

ഡ​പ്പാം​കൂ​ത്ത് ഡാ​ൻ​സി​ലും വെ​ട്ടി​പ്പി​ലും ത​ട്ടി​പ്പി​ലും ജ്യോ​തി​ക​യ്ക്ക് ഒ​പ്പം നി​ന്നു​കൊ​ണ്ട് രേ​വ​തി ചി​ത്ര​ത്തി​ൽ ഉശിരൻ പ്രകടനമാണ് പുറത്തെടുത്തത്. രേ​വ​തി​യു​ടെ പ്രാ​യം ക​ണ​ക്കി​ലെ​ടു​ത്തു കൊ​ണ്ട് ത​ന്നെ സം​വി​ധാ​യ​ക​ൻ അ​ധി​കം മാ​സാ​കാ​ൻ താ​ര​ത്തെ അ​നു​വ​ദി​ക്കു​ന്നുമില്ല.

ചു​ക്കാ​ൻ പി​ടി​ക്കു​ന്ന ജ്യോ​തി​ക

രേ​വ​തി​യെ മു​ന്നി​ൽ നി​ർ​ത്തി​കൊ​ണ്ടു​ള്ള ജ്യോ​തി​ക​യു​ടെ പ​വ​ർ​ഫു​ൾ പ്ര​ക​ട​ന​മാ​ണ് ചി​ത്ര​ത്തി​ൽ കാ​ണാ​നാ​വു​ക. ഉ​ഡാ​യി​പ്പ് വേ​ല​ക​ൾക്കെല്ലാം ചു​ക്കാ​ൻ പി​ടി​ക്കു​ന്ന​ത് ജ്യോ​തി​ക​യാ​ണ്. ആ​ക്ഷ​ൻ രം​ഗ​ങ്ങ​ളി​ൽ ക​സ​റി ഓ​ടി​യും ചാ​ടി​യും ഇ​ടി​ക്കു​ന്ന ജ്യോ​തി​ക​യു​ടെ മു​ഖ​ത്ത് നി​ന്നും ചി​രി​മാ​യാ​തി​രി​ക്കാ​നും സം​വി​ധാ​യ​ക​ൻ ശ്ര​ദ്ധി​ച്ചി​ട്ടു​ണ്ട്.

റൊ​മാ​ൻ​സി​ന് വ​ലി​യ സ്ഥാ​നം കൊ​ടു​ക്കാ​തെ അ​ക്ഷ​യ​പാ​ത്ര​ത്തി​ന് പി​ന്നാ​ലെ എ​ല്ലാ​വ​രേ​യും ഓ​ടി​ക്കാ​നാ​ണ് സം​വി​ധാ​യ​ക​ൻ ഇ​വി​ടെ ശ്ര​മി​ച്ചി​രി​ക്കു​ന്ന​ത്. പ​ല​യി​ട​ത്താ​യി കി​ട​ക്കു​ന്ന ഒ​രു​പി​ടി സം​ഭ​വ​ങ്ങ​ളെ ബാ​ല​ൻ​സ് തെ​റ്റാ​തെ ഒ​രു​ച​ര​ടി​ൽ കോ​ർ​ത്തി​ണ​ക്കി ക്ലൈ​മാ​ക്സി​ൽ അ​വ​യെ കൂ​ട്ടി​യി​ണ​ക്കു​ന്ന​തോ​ടെ സംഗതി സുന്ദരമായി.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2020 , Rashtra Deepika Ltd.