Cinema
കുമ്പളങ്ങിയിലെ മനംകവരുന്ന രാത്രികൾ..!
Thursday, February 7, 2019 7:12 PM IST
ശ്യാം ​പു​ഷ്ക​ര​ന്‍റെ ജീ​വ​നു​ള്ള എ​ഴു​ത്തി​ന് ഒ​രു മ​ന​സു​ണ്ടാ​യി​രു​ന്നു, ആ ​മ​ന​സ് മ​ധു സി. ​നാ​രാ​യ​ണ​ൻ ക​ട്ടെ​ടു​ത്ത​പ്പോ​ൾ കു​മ്പള​ങ്ങി നൈ​റ്റ്സ് പി​റ​ന്നു. മ​ന​സ് സി​നി​മ​യി​ൽ അ​ർ​പ്പി​ച്ച​വ​ർ ചെ​യ്യു​ന്ന​തി​ലെ​ല്ലാം ഊർ​ജം കൂ​ടു​ത​ലാ​യി​രി​ക്കും. ഇ​വി​ടെ എ​ല്ലാ​വ​രും മ​ത്സ​രി​ക്കു​ക​യാ​ണ്, ജീ​വി​ക്കാ​നാ​യി. അ​തി​ൽ ആ​ര് തോ​റ്റു, ആ​ര് ജ​യി​ച്ചു​വെ​ന്ന് വി​ല​യി​രു​ത്താ​ൻ പോ​യാ​ൽ ശ​രി​ക്കും മിനക്കെ​ട്ട പ​ണി​യാ​യിപ്പോ​കും.

സു​ഷി​ൻ ശ്യാം ​കെ​ട്ട​ഴി​ച്ചുവി​ട്ട് സം​ഗീ​ത​ത്തി​ന് സ്വാ​ത​ന്ത്ര്യം അ​നു​വ​ദി​ച്ച​പ്പോ​ൾ ഷൈ​ജു ഖാ​ലി​ദ് ത​ന്‍റെ ക​ണ്ണു​ക​ൾ കൊ​ണ്ടാ​രു ക​വി​ത എ​ഴു​തി. ക​വി​ത​യും സം​ഗീ​ത​വും ചേ​ർ​ന്നൊ​ഴു​കാ​ൻ തു​ട​ങ്ങി​യ​തോ​ടെ കു​ന്പ​ള​ങ്ങി​യി​ലെ താ​ളംതെ​റ്റി​യ ജീ​വി​ത​ങ്ങ​ൾ ശ​രി​ക്കും മി​ന്നി​ത്തി​ള​ങ്ങുകയായിരുന്നു.



ഇ​ത് ശ​രി​ക്കും ന​ര​ക​മാ​ണെ​ന്ന് ക​ട്ട ശോ​ക​ത്തോ​ടെ പ​റ​യു​ന്ന സ​ജി​യു​ടെ (​സൗ​ബി​ൻ ഷാ​ഹി​ർ) കു​ടും​ബ​ത്തി​ലെ ഇ​ള​യ​വ​നി​ൽ നി​ന്നാ​ണ് ജീ​വി​തം (​സി​നി​മ) തു​ട​ങ്ങു​ന്ന​ത്. നേ​രെ ക​ണ്ടാ​ൽ അ​ടിപി​ടി കൂ​ടു​ന്ന സ​ഹോ​ദ​ര​ങ്ങ​ളു​ടെ ജീ​വി​ത​ച​ര്യ​ക​ൾ കാ​ണു​ന്പോ​ൾ ത​ന്നെ സീ​ൻ ഡാ​ർ​ക്കാ​ണെ​ന്ന് ആ​ർ​ക്കും തോ​ന്നും. പ​ക്ഷേ, ആ ​ന​ര​ക​ത്തി​ൽ ത​ന്നെ സ്വ​ർ​ഗം പി​റ​വി​യെ​ടു​ക്കു​ന്ന​തെ​ങ്ങ​നെ​യ​ന്ന് സം​വി​ധാ​യ​ക​ൻ കാ​ട്ടി​ത്ത​രു​ന്പോഴേക്കും കു​ന്പ​ള​ങ്ങി​യി​ലെ ഈ ​സ​ഹോ​ദ​ര​ങ്ങ​ളെ പെ​രു​ത്ത​ങ്ങ് ഇ​ഷ്ട​പ്പെ​ട്ടുപോ​കും.



അ​ല​മ്പ് ജീ​വി​ത​ത്തി​ൽ...

പ​ണി​യെ​ടു​ക്കാ​തെ ജീ​വി​ക്കാ​ൻ കൊ​തി​ക്കു​ന്ന ബോ​ബി (​ഷൈ​ൻ നി​ഗം), മ​ടി​യോ​ടുമ​ടി​യാ​യി ഓ​രോ ദി​വ​സ​വും ത​ള്ളിനീ​ക്കു​ന്ന സ​ജി, ഇ​വ​രു​ടെ ഇ​ട​യി​ലേ​ക്ക് വ​രാ​ൻ ആ​ഗ്ര​ഹി​ക്കാ​ത്ത ബോ​ണി (ശ്രീ​നാ​ഥ് ഭാ​സി), സ്കൂ​ളി​ലെ സ്കോ​ള​ർ​ഷി​പ്പു കൊ​ണ്ട് ജീ​വി​തം മെ​ച്ച​പ്പെ​ടു​ത്താ​ൻ നോ​ക്കു​ന്ന ഇ​ള​യ​വ​ൻ (മാ​ത്യു) കു​ന്പ​ള​ങ്ങി നൈ​റ്റ്സി​ലെ കേ​ന്ദ്ര ക​ഥാ​പാ​ത്ര​ങ്ങ​ളു​ടെ പോ​ക്ക് ഇ​ങ്ങ​നെ​യാ​കു​ന്പോ​ൾ എ​ങ്ങ​നെ​യാ​ണ് ജീ​വി​തം അ​ല​ന്പാ​കാ​തി​രി​ക്കു​ന്ന​ത്.

കു​ന്പ​ള​ങ്ങി ഇ​ങ്ങ​നെ വ​ള​ഞ്ഞും തി​രി​ഞ്ഞു​മെ​ല്ലാം കി​ട​ക്കു​ക​യ​ല്ലേ, അ​പ്പോ​ൾ പി​ന്നെ മ​റ്റ് ക​ഥാ​പാ​ത്ര​ങ്ങ​ൾ ഈ ​ക​ഥ​യി​ലേ​ക്ക് വ​ന്നുക​യ​റാ​ൻ വ​ലി​യ പ്ര​യാ​സ​മൊ​ന്നും ഇ​ല്ല​ല്ലോ. ക​ർ​ക്ക​ശ​ക്കാ​ര​നും മു​ഖ​ത്ത് ചി​രി​യും ഗൗ​ര​വ​വും ഒ​രേസ​മ​യം കൊ​ണ്ടു​വ​രാ​ൻ വി​രു​ത​നു​ള്ള​വ​നു​മാ​യ ഷ​മ്മി (ഫ​ഹ​ദ് ഫാ​സി​ൽ) ചു​മ്മാ അ​ങ്ങ് ഞെ​ട്ടി​ക്കു​വാ​ന്നേ. വേ​റി​ട്ട ക​ഥാ​പാ​ത്ര​ത്തെ ഇ​രുകൈ​യും നീ​ട്ടി സ്വീ​ക​രി​ച്ച് അവിസ്മരണീയമാക്കിയിട്ടുണ്ട്. ഫ​ഹ​ദ്.



പെ​ണ്ണ് വ​ന്നു ക​യ​റി​യാ​ൽ....

അ​ല​മ്പിത്തെറ്റി ന​ട​ക്കു​ന്ന​വ​ന്‍റെ ജീ​വി​ത​ത്തി​ലേ​ക്ക് പെ​ണ്ണ് വ​ന്നുക​യ​റി​യാ​ൽ ചി​ല മാ​റ്റ​ങ്ങ​ളൊ​ക്കെ സം​ഭ​വി​ക്കും. ഇ​വി​ടെ ബോ​ബി​ക്കാ​ണ് ആ ​മാ​റ്റം ആ​ദ്യം ഉണ്ടാ​കു​ന്ന​ത്. ആ ​മാ​റ്റം ഉ​ണ്ടാ​ക്കി​യെ​ടു​ക്കു​ന്ന​തോ ബേ​ബി​യും (അ​ന്നാ ബെ​ൻ). അ​ന്നയുടെ സ്വ​ഭാ​വി​ക അ​ഭി​ന​യം കൊ​ണ്ടുത​ന്നെ ആ ​പ്ര​ണ​യ​ത്തി​ന്‍റെ ശോ​ഭ കൂ​ടു​ക​യാ​യി​രു​ന്നു. ഷെ​യ്ൻ നി​ഗം-അ​ന്നാ ബെ​ൻ കെ​മി​സ്ട്രി സം​വി​ധാ​യ​ക​ൻ നന്നായി ചി​ത്ര​ത്തി​ൽ ല​യി​പ്പിച്ചിട്ടുണ്ട്.

മ​ന​സി​ലു​ട​ക്കു​ന്ന സം​ഭാ​ഷ​ണങ്ങൾ കൊ​ണ്ടാ​ണ് ശ്യാം ​പു​ഷ്ക​ര​ൻ ചി​ത്ര​ത്തി​ന് പു​തു​മ സ​മ്മാ​നി​ക്കു​ന്ന​ത്. പ​തി​യെപ്പ​തി​യെ ഓ​രോ​രു​ത്ത​രു​ടെ ജീ​വി​ത​ത്തി​ലേ​ക്കും പെ​ണ്ണ് വ​ന്നുക​യ​റു​ന്ന​തോ​ടെ ന​ര​കം പ​തി​യെ പൂ​ങ്കാ​വ​ന​മാ​യി മാ​റാ​ൻ തു​ട​ങ്ങും.​ താ​ളം തെ​റ്റ​ലു​ക​ൾ​ക്ക് ഇ​ട​യി​ലൂ​ടെ പോ​കു​ന്ന ആ​ദ്യപ​കു​തി അ​വ​സാ​നി​ക്കു​ന്ന​ത് ഒ​രു അ​സാ​ധാ​ര​ണ സം​ഭ​വ​ത്തി​ലേ​ക്ക് വ​ഴു​തി വീ​ണുകൊ​ണ്ടാ​ണ്.



സം​ഗ​തി ഉ​ഷാ​റാ​യി...

ചിലർക്ക് ചില മാറ്റങ്ങളുണ്ടാകുന്നത് തി​രി​ച്ച​ടി​ക​ളി​ലൂ​ടെ​യാ​ണ്. ഇ​വി​ടെ സ​ജി​ക്കും ചി​ല​തൊ​ക്കെ സം​ഭ​വി​ക്കു​ന്നു. അ​തോ​ടെ ക​ഥ​യു​ടെ ഒ​ഴു​ക്കി​ന്‍റെ വേ​ഗ​വും സ​ങ്കീ​ർ​ണ​ത​ക​ളും കൂ​ടിക്കൂടി വ​രും. സം​ഗീ​തം ക​ഥ​യ്ക്കൊ​പ്പം സ​ഞ്ച​രി​ച്ച് മ​റ്റൊ​രു ക​ഥാ​പാ​ത്ര​മാ​യി ചി​ത്ര​ത്തി​ൽ ക​യ​റി​ക്കൂ​ടു​ന്നു​ണ്ട്. രാ​ത്രി​യു​ടെ സൗ​ന്ദ​ര്യം മ​തി​വ​രു​വോ​ളം ഒ​പ്പി​യെ​ടു​ത്തുള്ള ഷൈ​ജു ഖാ​ലി​ദി​ന്‍റെ പോ​ക്കും ര​സ​ക​രം ത​ന്നെ.

ശ്രീ​നാ​ഥ് ഭാ​സി​യു​ടെ ഇ​ട​യ്ക്കി​ടെ​യു​ള്ള വ​ര​വും പോ​ക്കും ചി​രി​യും ക​ളി​യു​മെ​ല്ലാം ഫ്രീ​ക്ക് പ​യ്യന്മാർ​ക്ക് ന​ന്നേ ബോ​ധി​ക്കും. സ​ജി​യു​ടെ​യും ബോ​ണി​യു​ടെ​യും ജീ​വിത​ത്തി​ലേ​ക്ക് കൂ​ടി പെ​ണ്ണ് വ​ന്നുക​യ​റു​ന്ന​തോ​ടെ ന​ര​ക​ത്തി​ൽ സ്വ​ർ​ഗം പി​റ​വി​യെ​ടു​ക്കു​ക​യാ​യി. അ​ടു​ക്കും ചി​ട്ട​യും കാ​ര്യ​ങ്ങ​ളു​മെ​ല്ലാം അ​ച്ച​ട​ക്ക​മി​ല്ലാ​യ്മ​യെ വ​ലി​ച്ചു പു​റ​ത്തേക്കി​ട്ടു.



തീ​യ​റ്റ​ർ ഇ​ള​കി മ​റി​ഞ്ഞു....

സൗ​ബി​ന്‍റെ സ​ജി​യും ഫ​ഹ​ദി​ന്‍റെ ഷ​മ്മി​യും ശ്രീ​നാ​ഥ് ഭാ​സി​യു​ടെ ബോ​ണി​യും ഷെ​യ്ൻ നി​ഗ​ത്തി​ന്‍റെ ബോ​ബി​യു​മെ​ല്ലാം ചേ​ർ​ന്ന് ക്ലൈ​മാ​ക്സി​ൽ ഉ​ണ്ടാ​ക്കു​ന്ന ഓ​ളം തീ​യ​റ്റ​ർ ഇ​ള​ക്കി മ​റി​ക്കു​ന്നു​ണ്ട്. ആ​വി​ഷ്ക​ര​ണ​ത്തി​ൽ തു​ട​ക്കക്കാര​ന്‍റെ പരിഭ്രമമില്ലാതെ സം​വി​ധാ​യ​ക​ൻ കൈ​യ​ട​ക്കം കാ​ട്ടി​യ​പ്പോ​ൾ ചെ​റി​യൊ​രു ക​ഥ​യ്ക്ക് വ​ലി​യൊ​രു ഫീ​ൽ കൈ​വ​രു​ക​യാ​യി​രു​ന്നു. സൗ​ബി​ൻ ഷാഹി​റി​ന്‍റെ അ​ഭി​ന​യജീ​വി​തത്തി​ൽ സ​ജി എ​ന്നും വി​ല​പ്പെ​ട്ട നി​ധി​യാ​യി മാ​റു​ന്പോ​ൾ ഫ​ഹ​ദി​ന് ത​ന്‍റെ ക​ഴി​വി​ന്‍റെ മാ​റ്റുകൂ​ട്ടാ​ൻ ഷ​മ്മി ഏ​റെ സ​ഹാ​യി​ക്കു​ന്നു​ണ്ട്.

ഒ​രേ ഭാ​വ​ത്തി​ൽ നി​ന്നും ഷെ​യ്ൻ വേ​റി​ട്ട ഭാ​വ​ങ്ങ​ളി​ലേ​ക്ക് വ​ഴി​മാ​റുന്ന കാ​ഴ്ച​യ്ക്ക് കു​ന്പ​ള​ങ്ങി നൈ​റ്റ്സ് സാ​ക്ഷി​യാ​യി. മ​തി​വ​രു​വോ​ളം മ​ന​സ​ലി​യി​ക്കു​ന്ന കാ​ഴ്ച​ക​ൾ കാ​ണാ​ൻ മ​ന​സ​റി​ഞ്ഞ് ടി​ക്ക​റ്റെ​ടു​ത്തോ​ളൂ... മ​നംനി​റ​യെ സം​ഗീ​ത​വും ആ​സ്വ​ദി​ച്ച് കു​ന്പ​ള​ങ്ങി​യി​ലെ നി​ര​വ​ധി രാ​ത്രി​യും പ​ക​ലും കൊ​ണ്ടാ​ടി നി​ങ്ങ​ൾ​ക്ക് തി​രി​ച്ചി​റ​ങ്ങാം.

വി​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.