Cinema
കു​ട്ടി​മാ​മ ക​ണ്ട് ഞെ​ട്ടി​മാ​മാ..!
Saturday, May 18, 2019 9:22 AM IST
ശ്രീ​നി​വാ​സ​ൻ കോ​മ​ഡി​ക​ൾ ര​സി​ക്കു​ന്ന ഏ​തൊ​രാ​ൾ​ക്കും കു​ട്ടി​മാ​മ ഇ​ഷ്ട​പ്പെ​ടും. തെ​റ്റി​ദ്ധ​രി​ക്ക​പ്പെ​ട്ട ജ​വാ​ന്‍റെ ക​ഥ​യാ​ണ് കു​ട്ടി​മാ​മ​യി​ലൂ​ടെ വി.​എം.​വി​നു പ​റ​യു​ന്ന​ത്. വി​ര​മി​ച്ച് നാ​ട്ടി​ലു​ള്ള പ​ട്ടാ​ള​ക്കാ​ര​നെ​ന്നു കേ​ൾ​ക്കു​ന്പോ​ഴേ ബ​ഡാ​യി ക​ഥ​ക​ളാ​യി​രി​ക്കും പ്രേ​ക്ഷ​ക​രു​ടെ മ​ന​സി​ലേ​ക്ക് ഓ​ടി​യെ​ത്തു​ക. ഇ​വി​ടെ​യും ശേ​ഖ​ര​ൻ​കു​ട്ടി (​ശ്രീ​നി​വാ​സ​ൻ)​യെ​ന്ന പ​ട്ടാ​ള​ക്കാ​ര​ന് ഒ​രു​പാ​ട് ക​ഥ​ക​ൾ പ​റ​യാ​നു​ണ്ട്. ആ ​ക​ഥ​ക​ൾ ത​ന്നെ​യാ​ണ് കു​ട്ടി​മാ​മ​യു​ടെ നെ​ടും​തൂ​ണും.

കു​ട്ടി​മാമയാ​യി എ​ത്തി ശ്രീ​നി​വാ​സ​ൻ ചി​രി​പ്പൂ​രം ഒ​രു​ക്കു​ന്പോ​ൾ ആ​ർ​ത്ത​ല​ച്ച് ചി​രി​ച്ച് പോ​കും. ശേ​ഖ​ര​ൻ​കു​ട്ടി​യു​ടെ യൗ​വ​ന​കാ​ലം ചി​ത്ര​ത്തി​ൽ മ​ക​ൻ ധ്യാ​ൻ ശ്രീ​നി​വാ​സ​നാ​ണ് കൈ​കാ​ര്യം ചെ​യ്തി​രി​ക്കു​ന്ന​ത്. മ​ക​ന്‍റെ​യും അ​ച്ഛ​ന്‍റെ​യും മ​ത്സ​രി​ച്ചു​ള്ള ത​ള്ള് പ​റ​ച്ചി​ൽ ത​ന്നെ​യാ​ണ് സി​നിമ​യെ ര​സ​ക​ര​മാ​ക്കു​ന്ന​ത്.



ഗ്രാ​മാ​ന്ത​രീ​ക്ഷ​ത്തെ ചു​റ്റിപ്പറ്റി വി​ക​സി​ക്കു​ന്ന ക​ഥ​യി​ൽ ശേ​ഖ​ര​ൻ​കു​ട്ടി​യെ ത​ള്ള് വീ​ര​നാ​യി​ട്ടാ​ണ് അ​വ​ത​രി​പ്പി​ക്കു​ന്ന​ത്. ക​ഥ കേ​ട്ടി​രി​ക്കു​ന്ന​വ​ർ​ക്ക് ബോ​റ​ടി ഉ​ണ്ടാ​കാ​തി​രി​ക്കാ​ൻ കൈ​യും ത​ല​യും കാ​ലു​മെ​ല്ലാം ന​ല്ല​പോ​ലെ ഇ​ള​ക്കി​മ​റി​ച്ച് പ​റ​യു​ന്ന കാ​ര്യ​ങ്ങ​ൾ അ​ത്ര​യും ആ​ദ്യ​മെ​ല്ലാം നാ​ട്ടു​കാ​ർ വി​ശ്വ​സി​ച്ചു. പി​ന്നെ പി​ന്നെ നാ​ട്ടു​കാ​ർ ശേ​ഖ​ര​ൻ​കു​ട്ടി​യെ കാ​ണു​ന്പോ​ൾ ഓ​ടാ​ൻ തു​ട​ങ്ങി​യ​പ്പോ​ഴും ക​ഥാ​നാ​യ​ക​ൻ കു​ലു​ങ്ങി​യി​ല്ല.

പ​ട്ടാ​ളക​ഥ​ക​ൾ വി​ട്ട് സ്വ​ന്തം ക​ഥ​യി​ലേ​ക്ക് സി​നി​മ വ​ഴി​മാ​റു​ന്പോ​ഴാണ് ധ്യാ​ൻ ശ്രീ​നി​വാ​സ​ന്‍റെ ത​ള്ളു​ക​ഥ​ക​ൾ പ്ര​ത്യ​ക്ഷ​പ്പെ​ട്ട് തു​ട​ങ്ങു​ന്ന​ത്. ദു​ർ​ഗ കൃ​ഷ്ണ​യും മീ​ര ​വാ​സു​ദേ​വും നാ​യി​ക​മാ​രാ​യി എ​ത്തു​ന്ന ചി​ത്ര​ത്തി​ൽ നാ​യി​ക​യു​ടെ യൗ​വ​ന​കാ​ലം കൈ​കാ​ര്യം ചെ​യ്തി​രി​ക്കു​ന്ന​ത് ദു​ർ​ഗ കൃ​ഷ്ണ​യാ​ണ്. ചി​ത്ര​ത്തി​ലെ പ്ര​ണ​യവ​ഴി ധ്യാ​ൻ ശ്രീ​നി​വാ​സ​നും ദു​ർ​ഗ കൃ​ഷ്ണ​യും ചേ​ർ​ന്ന് മ​നോ​ഹ​ര​മാ​ക്കി​യി​ട്ടു​ണ്ട്.

മീ​ര വാ​സു​ദേ​വ് നാ​യി​ക​യു​ടെ വാ​ർ​ധ​ക്യകാ​ല​ത്തേ​യാ​ണ് ചി​ത്ര​ത്തി​ൽ വ​ര​ച്ചി​ടു​ന്ന​ത്. പ​ക്വ​ത​യാ​ർ​ന്ന പ്ര​ക​ട​നം കൊ​ണ്ട് മീ​ര ശ്ര​ദ്ധ നേ​ടു​ന്നു​മു​ണ്ട്. നി​ർ​മ​ൽ പാ​ലാ​ഴി​യും പ്രേം​കു​മാ​റും ചേ​ർ​ന്നാ​ണ് കോ​മ​ഡി ട്രാ​ക്കി​ന് ചു​ക്കാ​ൻ പി​ടി​ക്കു​ന്ന​ത്. പൊ​ട്ട​ലും ചീ​റ്റ​ലു​മെ​ല്ലാം ഉ​ണ്ടെ​ങ്കി​ലും കോ​മ​ഡി ട്രാ​ക്ക് വ​ലി​യ കു​ഴ​പ്പ​മി​ല്ലാ​തെ ഇ​രു​വ​രും കൈ​കാ​ര്യം ചെ​യ്തി​ട്ടു​ണ്ട്.



ആ​ദ്യ പ​കു​തി​യി​ലെ ത​ള്ള് ക​ഥ​ക​ൾ ര​ണ്ടാം പ​കു​തി​യി​ൽ വ​ലി​യ പു​കി​ൽ ഉ​ണ്ടാ​ക്കു​ന്ന​തോ​ടെ സം​ഭ​വ ബ​ഹു​ല​മാ​യ രം​ഗ​ങ്ങ​ൾ ചി​ത്ര​ത്തി​ൽ പ്ര​ത്യ​ക്ഷ​പ്പെ​ട്ടു തു​ട​ങ്ങും. നോ​ണ്‍​ലീ​നി​യ​ർ രീ​തി​യി​ലു​ള്ള ആ​വി​ഷ്ക​ര​ണം ചി​ത്ര​ത്തെ ഒ​രു​ത​ര​ത്തി​ലും പി​ന്നോ​ട്ട് അ​ടി​ക്കു​ന്നി​ല്ല. നാ​ട്ടു​കാ​ർ​ക്ക് ശ​ല്യ​ക്കാ​ര​നാ​യി മാ​റി​യ കു​ട്ടി​മാ​മ അവർ​ക്ക് വേ​ണ്ട​പ്പെ​ട്ട​വ​നാ​കു​ന്ന ക​ഥ​യാ​ണ് ര​ണ്ടാം പ​കു​തി​യി​ൽ കാ​ണാ​നാ​വു​ക. അ​തി​നാ​യി സം​വി​ധാ​യ​ക​ൻ നാ​യ​ക​ന് വീ​ര​പ​രി​വേ​ഷം ആ​വോ​ളം കൊ​ടു​ക്കു​ന്നു​മു​ണ്ട്.

ചി​ത്ര​ത്തി​ലെ സം​ഗീ​ത​ത്തി​ന്‍റെ ട്രാ​ക്ക് ക​ഥ​യെ ബോ​റ​ടി​യി​ല്ലാ​തെ മു​ന്നോ​ട്ട് കൊ​ണ്ടു​പോ​കു​ന്ന​തി​ൽ വ​ലി​യ പ​ങ്ക് വ​ഹി​ക്കു​ന്നു​ണ്ട്. കാ​മ​റക്കണ്ണു​ക​ൾ ഗ്രാ​മാ​ന്ത​രീ​ക്ഷ​ത്തി​ന്‍റെ പ​ച്ച​പ്പ് ഭംഗിയായി ഒ​പ്പി​യെ​ടു​ത്ത​പ്പോ​ൾ പ്രേ​ക്ഷ​ക​ർ ആ​വോ​ളം ആ​സ്വ​ദി​ക്കു​ക​യും ചെ​യ്തു.



ക്ലീ​ഷേ​യാ​യി മാ​റി​പ്പോ​കാ​വു​ന്ന ക​ഥാ​ഗ​തി​യെ മ​റ്റൊ​രു വ​ഴി​ക്ക് തി​രി​ച്ചു​വി​ട്ട്, വി​ര​മി​ച്ച പ​ട്ടാ​ള​ക്കാ​രു​ടെ ക​ഥ​പ​റ​ച്ചി​ലു​ക​ൾ മു​ഴു​വ​ൻ ബ​ഡാ​യി അ​ല്ലാ​യെ​ന്ന് പ​റ​യാ​നും സം​വി​ധാ​യ​ക​ൻ ശ്ര​മി​ച്ചി​ട്ടു​ണ്ട്. കു​ടും​ബ​പ്രേ​ക്ഷ​ക​ർ​ക്ക് ഇ​ടം​വ​ലം നോ​ക്കാ​തെ ടി​ക്ക​റ്റെ​ടു​ക്കാ​വു​ന്ന ചി​ത്ര​മാ​ണ് കു​ട്ടി​മാ​മ. ഒ​ന്നു​റ​പ്പാ​ണ്, കു​ട്ടി​മാ​മ കാ​ണു​ന്ന പ്രേ​ക്ഷ​ക​ർ എ​ന്താ​യാ​ലും ഞെ​ട്ടും. ആ ​ഞെ​ട്ട​ൽ ത​ന്നെ​യാ​ണ് ഈ ​സി​നി​മ​യു​ടെ വി​ജ​യ​വും.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2019 , Rashtra Deepika Ltd.