Cinema
ചി​രി​ക്ക​ളി​യാ​ണ് മാ​ർ​ഗം​ക​ളി
Friday, August 2, 2019 7:26 PM IST
കു​ട്ടി​ക്കാ​ല​ത്ത് കു​രു​ന്നു​ക​ൾ ചെ​യ്തുകൂ​ട്ടു​ന്ന ഏ​തു​ത​രം കു​സൃ​തി​ക​ളും മാ​താ​പി​താ​ക്ക​ളെ ഏ​റെ ര​സി​പ്പി​ക്കാ​റു​ണ്ട്. അ​വി​ടെ ലോ​ജി​ക്കു​ണ്ടോ​യെ​ന്ന് അ​വ​ർ അ​ന്വേ​ഷി​ക്കാ​ൻ പോ​കാ​റി​ല്ല. സം​വി​ധാ​യ​ക​ൻ ശ്രീ​ജി​ത്തി​ന്‍റെ മ​ന​സി​ൽ നി​ന്നും കു​ട്ടി​ത്തം വി​ട്ടു​മാ​റാ​ത്തതിനാൽ ക​ക്ഷി​യും ലോ​ജി​ക്കി​ല്ലാ​ത്ത ത​മാ​ശ​ക​ൾ അ​റ​ഞ്ചം പു​റ​ഞ്ചം മാ​ർ​ഗം​ക​ളി​യി​ൽ വാ​രി വി​ത​റി​യി​രി​ക്കു​ക​യാ​ണ്.

ചി​രി​ക്കു​ക... വീ​ണ്ടും ചി​രി​ക്കു​ക... ചി​രി​ച്ചു​കൊ​ണ്ടേ​യി​രി​ക്കു​ക... ഇ​മ്മാ​തി​രി​യൊ​രു പോ​ക്കാ​ണ് മാ​ർ​ഗം​ക​ളി​യു​ടേ​ത്. എ​ല്ലാ​ത്ത​രം ത​മാ​ശ​ക​ളു​ടെ​യും ആ​കെ തു​ക​യാ​ണ് മാ​ർ​ഗം​ക​ളി​യെ​ന്നു വേ​ണ​മെ​ങ്കി​ൽ പ​റ​യാം. ഏ​ശാ​ത്ത ത​മാ​ശ​ക​ളും ചി​രി​വി​ത​റി​യ ത​മാ​ശ​ക​ളും ചി​ന്തി​പ്പി​ക്കു​ന്ന ത​മാ​ശ​ക​ളും ചി​ത്ര​ത്തി​ൽ ഉ​ട​നീ​ള​മു​ണ്ട്. ബൈ​ജു​വും ഹ​രീ​ഷ് ക​ണാ​ര​നും ധ​ർ​മ​ജ​നും ചേ​ർ​ന്നൊ​രു​ക്കി​യ ര​സ​ക്കൂ​ട്ട് പ്രേ​ക്ഷ​ക​രെ മ​തി​വ​രു​വോ​ളം ആ​ന​ന്ദി​പ്പി​ക്കു​മെ​ന്നു​റ​പ്പ്. ചി​ത്ര​ത്തി​ലെ നാ​യ​ക​ൻ ബി​ബി​ൻ ജോ​ർ​ജാ​ണെ​ങ്കി​ലും മാ​ർ​ഗം​ക​ളി​യെ ഒ​രു മാ​ർ​ഗ​വും ഇ​ല്ലാ​തെ ക​ളി​ച്ച ക​ളി​യാ​ക്കു​ന്ന​ത് സ​ഹ​താ​ര​ങ്ങ​ളാ​ണ്.



സി​ദ്ദി​ഖ്, വല്ലാത്തൊരു മനുഷ്യൻ തന്നെ...

നാ​യ​ക​ന്‍റെ അ​ച്ഛ​നാ​യി എ​ത്തി കി​ടു​ക്ക​ൻ പ്ര​ക​ട​ന​മാ​ണ് സി​ദ്ദി​ഖ് ന​ട​ത്തു​ന്ന​ത്. കോ​മ​ഡി​ക്ക് കൈ​യും കാ​ലും വച്ചാ​ൽ ഓ​ടി ന​ട​ന്ന് ചി​രി​പ്പി​ക്കി​ല്ലേ... അ​മ്മാ​തി​രി പ്ര​ക​ട​ന​മാ​ണ് സി​ദ്ദി​ഖ് ചി​ത്ര​ത്തി​ൽ ന​ട​ത്തി​യി​രി​ക്കു​ന്ന​ത്. വാ ​തു​റ​ന്നാ​ൽ കൗ​ണ്ട​റാ​ണ്. നാ​യ​ക​ൻ പ്ര​ണ​യ​ത്തിൽ അ​ക​പ്പെ​ടു​ന്ന​തും അ​തുമൂ​ലം ഉ​ണ്ടാ​കു​ന്ന പൊ​ല്ലാ​പ്പു​ക​ളു​മാ​ണ് ചി​ത്രം പ​റ​യു​ന്ന​ത്.

കു​റ​വു​ക​ളി​ല്ലാ​ത്ത​വ​രാ​യി അ​രും ഇ​ല്ല​ല്ലോ... ബി​ബി​ൻ ജോ​ർ​ജ് ത​ന്‍റെ കു​റ​വു​ക​ളെ ക​ഴി​വു​ക​ളാ​ക്കി മാ​റ്റി ന​ട​ത്തു​ന്ന പ്ര​ക​ട​നം ത​ന്നെ​യാ​ണ് ചി​ത്ര​ത്തി​ന്‍റെ ഹൈ​ലൈ​റ്റ്. സ​ച്ചി​യാ​യി എ​ത്തി പ്രേ​ക്ഷ​ക​രു​ടെ ഉ​ള്ളം ക​വ​രാ​ൻ താ​ര​ത്തി​ന് ക​ഴി​ഞ്ഞി​ട്ടു​ണ്ട്. 96 ലെ ​ജാ​നു​വി​ന്‍റെ കു​ട്ടി​ക്കാ​ല​വും കൗ​മാ​ര​വും അ​വ​ത​രി​പ്പി​ച്ച ഗൗ​രി ജി. ​കി​ഷ​നും കൊച്ചുവേ​ഷ​ത്തി​ൽ വ​ന്നുപോ​കു​ന്നു​ണ്ട്. ആ​ദ്യ പ​കു​തിയിൽ ചെ​റി​യ കു​രു​ക്കി​ലേ​ക്ക് നാ​യ​ക​നെ ത​ള്ളി​യി​ടു​ക​യാ​ണ് സം​വി​ധാ​യ​ക​ൻ.



ബൈ​ജു അ​സാ​ധ്യം..!

ബൈ​ജു അ​ണ്ണാ... നി​ങ്ങ സൂ​പ്പ​റ​ണ്ണാ എ​ന്ന് മാ​ർ​ഗം​ക​ളി​യി​ലെ അ​ണ്ണ​ന്‍റെ ക​ളി​ക​ൾ കാ​ണു​ന്പോ​ൾ ആ​രാ​യാ​ലും പ​റ​ഞ്ഞുപോ​കും. ചി​രിക്ക് ചി​രി, സെ​ന്‍റി​മെ​ൻ​സി​ന് സെ​ന്‍റി​മെ​ൻ​സ്... ഇ​നി ഇ​ത് ര​ണ്ടും ഓ​വ​റാ​ക്ക​ണ​മെ​ങ്കി​ൽ അ​തി​നും ബൈ​ജു റെ​ഡി... എ​ന്തൊ​രൊ​ക്കെ ഓ​വ​റാ​യാ​ലും അ​ണ്ണ​ൻ വ​ന്നു നേ​രെ വീ​ഴു​ന്ന​ത് ക്ലാ​സ് ഡ​യ​ലോ​ഗു​ക​ൾ അ​ടി​ച്ചോ​ണ്ടാ​യി​രി​ക്കു​മെ​ന്നു മാ​ത്രം.

നാ​യ​ക​ന്‍റെ ഉ​പ​ദേ​ശ​ക​നും മാ​ർ​ഗ​ദ​ർ​ശി​യു​മെ​ല്ലാം ഇ​വി​ടെ ആ​ന്‍റ​പ്പ​നാ​ണ് (ബൈ​ജു). അ​തി​നൊ​രു കി​ടി​ല​ൻ ന്യാ​യീ​ക​ര​ണം സം​വി​ധാ​യ​ക​ൻ ചി​ത്ര​ത്തി​ൽ പ​റ​യു​ന്നു​ണ്ട്. അ​തെ​ന്താ​ണെ​ന്ന് പ​റ​ഞ്ഞാ​ൽ പി​ന്നെ മാ​ർ​ഗം​ക​ളി കാ​ണാ​നു​ള്ള ര​സ​മ​ങ്ങ് പോ​കും.

ന​മി​ത പ്ര​മോ​ദ് ഊർ​മി​ള​യാ​യി എ​ത്തി നാ​യി​കാവേ​ഷം ചി​രി​യും ക​ര​ച്ചി​ലും എ​ല്ലാ​മാ​യി ജോ​റാ​ക്കി​യി​ട്ടു​ണ്ട്. നാ​യ​ക​നൊ​പ്പം ക​ട്ട​യ്ക്ക് നി​ന്നു​കൊ​ണ്ടു​ള്ള പ്ര​ക​ട​ന​മാ​ണ് ന​മി​ത പു​റ​ത്തെ​ടു​ത്തി​രി​ക്കു​ന്ന​ത്. ശാ​ന്തി​കൃ​ഷ്ണ നാ​യ​ക​ന്‍റെ അ​മ്മ​യാ​യി എ​ത്തി ന​ന്നേ ര​സി​പ്പി​ച്ചുകൊ​ണ്ട് മാ​ർ​ഗം​ക​ളിക്ക് ഊ​ർ​ജം ന​ൽ​കി മു​ന്നി​ൽ ത​ന്നെ​യു​ണ്ട്.



ക​ഥ​യേ​റെ​യു​ണ്ട് കേ​ട്ടാ..

പ്ര​ധാ​ന ക​ഥ​യും പി​ന്നെ ചെറിയ ഉ​പ​ക​ഥ​ക​ളു​മെ​ല്ലാം ചി​ത്ര​ത്തി​ലു​ണ്ട്. ഇ​തെ​ല്ലാം ത​ന്നെ ചി​രി​യി​ൽ പൊ​തി​ഞ്ഞ് ആ​വി​ഷ്ക​രി​ക്കാ​നാ​ണ് സം​വി​ധാ​യ​ക​ൻ ശ്ര​മി​ച്ചി​രി​ക്കു​ന്ന​ത്. സൗ​ന്ദ​ര്യ​ത്തി​ന്‍റെ അ​ള​വു​കോ​ൽ ശ​രീ​ര​ഭം​ഗി മാ​ത്ര​മ​ല്ലാ​യെ​ന്ന് വാ​ദി​ക്കു​ന്ന സം​വി​ധാ​യ​ക​ൻ മ​ന​സ​റി​ഞ്ഞ് പ്ര​ണ​യി​ക്കാ​നും യു​വ​തീയു​വാ​ക്ക​ളോ​ട് ആ​ഹ്വാ​നം ചെ​യ്യു​ന്നു​ണ്ട്.

ടി​ക് ടോ​ക്ക് ഉ​ണ്ണി​യാ​യി എ​ത്തി മ​തി​വ​രു​വോ​ളം കോ​മ​ഡി വാ​രി​വി​ത​റു​ന്നു​ണ്ട് ഹ​രീ​ഷ് ക​ണാ​ര​ൻ ചി​ത്ര​ത്തി​ൽ. ഒ​രു പെ​ണ്ണി​നെ വ​ള​ച്ചെ​ടു​ക്കാ​നു​ള്ള പല ടെ​ക്നി​ക്കു​ക​ളും ക​ക്ഷി കാ​ട്ടി​ത്ത​രു​ന്നു​ണ്ട്. ധ​ർ​മ​ജ​നാ​ക​ട്ടെ, ബാ​സു​ള്ള സൗ​ണ്ടി​ലും കൂ​ത​റ സൗ​ണ്ടി​ലും കൗ​ണ്ട​റു​ക​ൾ അ​ടി​ച്ചു​കൊ​ണ്ടാ​ണ് കു​തി​ച്ചുപാ​ഞ്ഞ​ത്. അ​ര​വി​ന്ദ് കൃ​ഷ്ണ​യു​ടെ കാ​മ​റ​ക്കണ്ണു​ക​ൾ മാ​ർ​ഗം​ക​ളി​യെ ക​ള​ർ​ഫു​ള്ളാ​ക്കി​യ​പ്പോ​ൾ ഗോ​പി​സു​ന്ദ​റി​ന്‍റെ സം​ഗീ​തം ക​ഥ​യ്ക്ക് മു​ന്നോ​ട്ടുകു​തി​ക്കാ​നു​ള്ള പ്ര​ചോ​ദ​നം ന​ൽ​കി ഒഴുകിനീങ്ങുന്നു​ണ്ട്.



ട്വി​സ്റ്റി​ലും ചി​രി

വെ​റുമൊരു കു​രു​ക്ക് ഊരാ​ക്കു​ടു​ക്കാ​കു​ന്ന കാ​ഴ്ച​യാ​ണ് ര​ണ്ടാം പ​കു​തി​യി​ൽ കാ​ണാ​ൻ ക​ഴി​യു​ക. നാ​യ​ക​ൻ ക​ഷ്ട​പ്പാ​ടി​ൽ നി​ന്നും പെ​ടാ​പ്പാ​ടി​ലേ​ക്ക് വ​ഴു​തിവീ​ണു​കൊ​ണ്ടിരി​ക്കേ സി​ദ്ദി​ഖ് കി​ടി​ല​ൻ ഐ​ഡി​യ​യു​മാ​യെ​ത്തി ക​ഥ​യെ ര​ക്ഷി​ച്ചെ​ടു​ക്കു​ന്നു​ണ്ട്. പി​ന്നെയങ്ങോ​ട്ട് ട്വി​സ്റ്റോ​ട് ട്വി​സ്റ്റാ​ണ്... അ​തെ​ല്ലാം ചെ​റി​യ ചി​രിപ്പട​ക്ക​ങ്ങ​ളാ​യ​തു കാ​ര​ണം ഇവിടെ പൊ​ട്ടി​ക്കു​ന്നി​ല്ല... ആ​വോ​ളം ചി​രി​ച്ച് ഉ​ല്ല​സി​ച്ചുത​ന്നെ നി​ങ്ങ​ൾ ആ ​ട്വി​സ്റ്റു​ക​ൾ ആ​സ്വ​ദി​ക്കു​ക.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2020 , Rashtra Deepika Ltd.