Cinema
ചി​രി​പ്പി​ക്കും റൗ​ഡി​ക​ളു​മാ​യി ജിത്തു
Friday, February 22, 2019 6:46 PM IST
ഭാ​ര്യ ഒ​രു ക​ഥ പ​റ​ഞ്ഞു, ഭ​ർ​ത്താ​വി​ന് അ​ത് ഇ​ഷ്ട​മാ​യി... പി​ന്നെ ഒ​ട്ടും അ​മാ​ന്തി​ച്ചി​ല്ല സം​വി​ധാ​യ​ക​നാ​യ ഭ​ർ​ത്താ​വ് അ​ത​ങ്ങ് സി​നി​മ​യാ​ക്കി. പ​റ​ഞ്ഞുവ​രു​ന്ന​ത് "മി​സ്റ്റ​ർ ആ​ൻ​ഡ് മി​സ് റൗ​ഡി' എ​ന്ന ചി​ത്ര​ത്തേ കു​റി​ച്ചാ​ണ്.

ലി​ന്‍റ ജിത്തു​വി​ന്‍റെ തി​ര​ക്ക​ഥ​യി​ൽ, ജിത്തു ജോ​സ​ഫി​ന്‍റെ സം​വി​ധാ​ന​ത്തി​ൽ എത്തിയ റൗ​ഡി ഗ്യാംഗ് തീ​യ​റ്റ​റി​ൽ ചി​രി​മേ​ളം തീ​ർ​ത്തു കൊ​ണ്ടി​രി​ക്കു​ക​യാ​ണ്. ഈ ന്യൂ​ജെ​ൻ റൗ​ഡീ​സ് പേ​ടി​പ്പി​ക്കു​ന്ന​തി​നേ​ക്കാ​ൾ കൂ​ടു​ത​ൽ ചി​രി​പ്പി​ക്കാ​നാ​ണ് ചി​ത്ര​ത്തി​ൽ മെന​ക്കെ​ട്ടി​രി​ക്കു​ന്ന​ത്.

കാ​ളി​ദാ​സ് ജ​യ​റാം-അ​പ​ർ​ണ ബാ​ല​മു​ര​ളി ജോ​ഡി മ​ത്സ​രി​ച്ച് അ​ഭി​ന​യി​ക്കു​ന്ന ചി​ത്ര​ത്തി​ൽ നാ​യ​ക​നേ​ക്കാ​ൾ ഒ​രു​പ​ടി മു​ക​ളി​ലാ​ണ് നാ​യി​ക​യ്ക്ക് സ്ഥാ​നം. എ​ല്ലാം മ​നു​ഷ്യ​രി​ലും നന്മ​യു​ണ്ട്, അ​ത് തി​രി​ച്ച​റി​യാ​തെ പോ​കു​ന്ന​താ​ണ് പ​ല വി​പ​ത്തു​ക​ൾ​ക്കും കാ​ര​ണ​മാ​കു​ന്ന​തെ​ന്നാ​ണ് ജിത്തു ജോ​സ​ഫ് ത​ന്‍റെ പു​തുചി​ത്ര​ത്തി​ലൂ​ടെ പ​റ​യു​ന്ന​ത്. കോ​മ​ഡി നി​റ​ച്ച തി​ര​ക്ക​ഥ ത​ന്നെ​യാ​ണ് ചി​ത്ര​ത്തി​ന്‍റെ ന​ട്ടെ​ല്ല്.



അ​പ്പു (​കാ​ളി​ദാ​സ്) നാ​ട്ടി​ലെ പ്ര​ധാ​ന ഗു​ണ്ട​യാ​ണ്... പ​ക്ഷേ, ആ​രും അ​വ​നെ വ​ലി​യ വി​ല​ക​ൽ​പ്പി​ക്കു​ന്നി​ല്ല. നാ​യ​ക​ന്‍റെ റൗ​ഡി ഗ്യാംഗിലെ മ​റ്റു​ള്ള​വ​രെ കാ​ണു​ന്പോ​ൾ ത​ന്നെ ചി​രി​ക്കൊ​രു പ​ഞ്ഞ​വും ചി​ത്ര​ത്തി​ൽ കാ​ണി​ല്ലെ​ന്ന് പ്രേ​ക്ഷ​ക​ർ ഉ​റ​പ്പി​ക്കും. വി​ഷ്ണു ഗോ​വി​ന്ദ​ൻ, ഗ​ണ​പ​തി, ഷെ​ബി​ൻ, ബെ​ൻ​സ​ണ്‍ എ​ന്നി​വ​രാ​ണ് നാ​യ​ക​ന്‍റെ കൂ​ട്ടാ​ളി​ക​ൾ.

വ​ലി​യൊ​രു ക്വട്ടേ​ഷ​ൻ കി​ട്ടാ​ൻ കാ​ത്തി​രി​ക്കു​ന്ന ഇ​വ​ർ​ക്കി​ട​യി​ലേ​ക്ക് വ​ന്നുക​യ​റു​ന്ന​താ​ക​ട്ടെ കു​ഞ്ഞുകു​ഞ്ഞ് ക്വ​ട്ടേ​ഷ​നു​ക​ൾ. അ​തെ​ല്ലാം വെ​ടി​പ്പാ​യി തീ​ർ​ക്കാ​നു​ള്ള ഓ​ട്ട​ത്തി​നി​ട​യി​ൽ ചി​ല കു​രു​ക്കു​ക​ളി​ൽ ചെ​ന്ന് ഈ ​സം​ഘം വീ​ഴു​ന്ന​തോ​ടെ ക​ഥ ചൂ​ടുപി​ടി​ച്ചു തു​ട​ങ്ങും.

നി​ര​വ​ധി റൗ​ഡി​ക​ളെ ക​ണ്ടി​ട്ടു​ള്ള പ്രേ​ക്ഷ​ക​ർ​ക്ക് മു​ന്നി​ൽ ന്യൂ​ജെ​ൻ ട്രെ​ൻ​ഡ് കാ​ത്തു സൂ​ക്ഷി​ക്കു​ന്ന റൗ​ഡി​ക​ളു​മാ​യാ​ണ് സം​വി​ധാ​യ​ക​ൻ എ​ത്തി​യി​രി​ക്കു​ന്ന​ത്. കാ​ളി​ദാ​സ് ചി​ത്ര​ത്തി​ൽ മി​ന്നും പ്ര​ക​ട​ന​മാ​ണ് പു​റ​ത്തെ​ടു​ത്തി​രി​ക്കു​ന്ന​ത്. നി​ഷ്ക​ള​ങ്ക​ത കൈ​വി​ടാ​ത്ത റൗ​ഡി​യാ​യി കാ​ളി​ദാ​സ് ചി​ത്ര​ത്തി​ൽ നി​റ​ഞ്ഞുനി​ൽ​ക്കു​ക​യാ​ണ്.

വി​ഷ്ണു ഗോ​വി​ന്ദ​ൻ കോ​മ​ഡി ട്രാ​ക്ക് കൈ​കാ​ര്യം ചെ​യ്യു​ന്ന​തി​ൽ ത​നി​ക്ക് ത​ഴ​ക്കം വ​ന്നി​രി​ക്കു​ന്നു​വെ​ന്ന് തെ​ളി​യി​ക്കു​ന്പോ​ൾ ഗ​ണ​പ​തി ത​ന്‍റെ പ​തി​വ് ശൈ​ലി​യി​ൽ കൗ​ണ്ട​റു​ക​ള​ടി​ച്ച് വി​ല​സു​ക​യാ​ണ്. നാ​യ​ക​ന്‍റെ ജീ​വി​ത​ത്തി​ലേ​ക്ക് നാ​യി​ക​യു​ടെ ക​ട​ന്നുവ​ര​വും പി​ന്നീ​ടുണ്ടാകുന്ന പൊ​ല്ലാ​പ്പു​ക​ളു​മാ​യാ​ണ് ആ​ദ്യ പ​കു​തി ക​ട​ന്നുപോ​കു​ന്ന​ത്. നാ​യി​ക​യു​ടെ രം​ഗ​പ്ര​വേ​ശ​ത്തോ​ടെ ക​ഥ​യു​ടെ ഒ​ഴു​ക്ക് മ​റ്റൊ​രു വ​ഴി​യേ സ​ഞ്ച​രി​ച്ചു തു​ട​ങ്ങും.



അ​പ​ർ​ണ ബാ​ല​മു​ര​ളി ഉ​ശി​രു​ള്ള അ​ഭി​ന​യ​വു​മാ​യി നാ​യ​ക​നേ​ക്കാ​ൾ മേ​ൽ​ക്കൈ നേ​ടു​ന്നു​ണ്ട്. ഇ​ട​യ്ക്ക് ക​ട​ന്നെ​ത്തു​ന്ന പാ​ട്ടു​ക​ളും പി​ന്നെ കോ​മ​ഡി​ക്കും റൗ​ഡിസ​ത്തി​നും ചേ​ർ​ന്ന പ​ശ്ചാ​ത്ത​ല സം​ഗീ​ത​വും ഒ​രു​ക്കി​യെ​ടു​ക്കു​ന്ന​തി​ൽ സം​ഗീ​ത സം​വി​ധാ​യ​ക​ൻ അ​രു​ണ്‍ വി​ജ​യ് വി​ജ​യി​ച്ചി​ട്ടു​ണ്ട്. നാ​ട്ടി​ൻ​പു​റ​ത്തി​ന്‍റെ ത​നി​മ ചോ​രാ​തെ കാ​മ​റ ച​ലി​പ്പി​ക്കാ​ൻ സ​തീ​ഷ് കു​റു​പ്പി​ന് സാ​ധി​ച്ചി​ട്ടു​ണ്ട്.

ആ​ദ്യ പ​കു​തിയിൽ കോ​മ​ഡി​യാ​ണ് വി​ല​സു​ന്ന​തെ​ങ്കി​ൽ ര​ണ്ടാം പ​കു​തി​യി​ൽ സാ​മൂ​ഹ്യപ്ര​തി​ബ​ദ്ധ​ത​യു​ള്ള വി​ഷ​യ​മാ​ണ് ചി​ത്ര​ത്തെ ബാ​ല​ൻ​സ് ചെ​യ്തു നി​ർ​ത്തു​ന്ന​ത്. ഒ​രുകൂ​ട്ടം ചെ​റു​പ്പ​ക്കാ​രു​ടെ മ​ത്സ​രാ​ഭി​ന​യം ത​ന്നെ​യാ​ണ് ചി​ത്ര​ത്തി​ന്‍റെ ഹൈ​ലൈ​റ്റ്.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.