Cinema
കാ​ര്യ​മു​ള്ള ത​മാ​ശ
Wednesday, June 5, 2019 7:34 PM IST
അ​ല്ലാ എ​ന്താ ഇ​ത്ര ത​മാ​ശി​ക്കാ​ൻ... ഈ ​വ​ണ്ണം ഉ​ള്ള​വ​ർ​ക്കൊ​ന്നും ഇ​വി​ടെ ജീ​വി​ക്ക​ണ്ടേ... മു​ടി അ​ല്പം കു​റ​ഞ്ഞാ​ൽ എ​ന്താ​ണ് കു​ഴ​പ്പം... ഞ​ങ്ങ​ളും മ​നു​ഷ്യ​ര​ല്ലേ... എ​ത്ര​യോ നാ​ളാ​യി നീ​യെ​ല്ലാം (​സ​മൂ​ഹം) കൂ​ടിയങ്ങ് ആ​ക്കി ചി​രി​ക്കു​ന്നു. ഇ​നി​യെ​ങ്കി​ലും ഈ ​അ​ളി​ഞ്ഞ ത​മാ​ശ, അ​ല്ല പ​രി​ഹാ​സ ചി​രി ഒ​ന്നു നി​ർ​ത്തി​ക്കൂ​ടെ... ത​മാ​ശ​യി​ൽ ഇ​തു​പോ​ലെ ഒ​രു​പാ​ട് കാ​ര്യ​ങ്ങ​ൾ പ​റ​യു​ന്നു​ണ്ട്. അ​ത് പ​ല​രു​ടെ​യും നെ​റ്റി ചു​ളി​ക്കു​ക​യും അ​വ​ന​വ​നി​ലേ​ക്ക് ത​ന്നെ ഒ​ന്ന് ഇ​റ​ങ്ങി ചെ​ല്ലാ​ൻ പ്രേ​രി​പ്പി​ക്കു​ന്നു​മു​ണ്ട്.

സം​വി​ധാ​യ​ക​ൻ തൊ​ടു​ത്തു​വി​ട്ട അ​ന്പ് പ​ല​രു​ടെ​യും മ​ന​സി​ലേ​ക്ക് തു​ള​ഞ്ഞു ക​യ​റി​യി​ട്ടു​ണ്ടെ​ന്ന് ഉ​റ​പ്പ്. സ്വ​യം മാ​റു​മെ​ന്ന് ഉ​റ​ക്കെ പ്ര​ഖ്യാ​പി​ച്ച് കൊ​ണ്ട് കൈ​യ​ടി​ക​ൾ ത​മാ​ശ​യെ വ​ല​യം ചെ​യ്യു​ന്പോ​ൾ വി​ന​യ് ഫോ​ർ​ട്ടി​നെ അ​ഭി​ന​ന്ദി​ക്കാ​തെ ത​ര​മി​ല്ല ഒ​പ്പം ചി​ന്നു ചാ​ന്ദി​നി​യേ​യും. പ​ല​രും ത​ള്ളി​വി​ടു​ന്ന ത​മാ​ശ​ക​ൾ മ​റ്റൊ​രാ​ളെ എ​ത്ര​ത്തോ​ളം ബു​ദ്ധി​മു​ട്ടി​ക്കു​ന്നു​ണ്ടെ​ന്ന് ത​മാ​ശ കാ​ണി​ച്ച് ത​രു​ന്പോ​ൾ. ഇ​തു​വ​രെ താ​നും ചെ​യ്തു​കൊ​ണ്ടി​രു​ന്ന​ത് ഇ​ത​ല്ലേ​യെ​ന്ന് പ്രേ​ക്ഷ​ക​ൻ അ​റി​യാ​തെ ചി​ന്തി​ക്കും. അ​വി​ടെ​യാ​ണ് ന​വാ​ഗ​ത സം​വി​ധാ​യ​ക​ൻ അ​ഷ്‌റ​ഫ് ഹം​സ വി​ജ​യം കാ​ണു​ന്ന​ത്. വ​ള​രെ സി​ന്പി​ളാ​യി ചി​ല കാ​ര്യ​ങ്ങ​ൾ കാ​ര്യ​മാ​ത്ര പ്ര​സ​ക്തി​യോ​ടെ ബി​ഗ്സ്ക്രീ​നി​ല​ങ്ങ് വ​ര​ച്ചി​ട്ടു.



ക​ഷ​ണ്ടി കാ​ര​ണം പെ​ണ്ണു​കി​ട്ടാ​ത്ത ശ്രീ​നി​വാ​സ​ൻ മാ​ഷാ​യി വി​ന​യ് ഫോ​ർ​ട്ട് ചി​ത്ര​ത്തി​ലെ​ത്തു​ന്പോ​ൾ പ്രേ​മ​ത്തി​ലെ വി​മ​ൽ മാ​ഷി​നെ ആ ​പ​രി​സ​ര​ത്തേ​ക്ക് അ​ടു​പ്പി​ക്കാ​തി​രി​ക്കാ​ൻ ക​ക്ഷി ന​ന്നേ ശ്ര​ദ്ധി​ച്ചി​ട്ടു​ണ്ട്. എ​ത്ര ര​സ​ക​ര​മാ​യാ​ണ് ഈ ​ഒ​രു ക​ഥാ​പാ​ത്ര​ത്തെ വി​ന​യ് കൈ​കാ​ര്യം ചെ​യ്തി​രി​ക്കു​ന്ന​ത്. ശ്രീ​നി​വാ​സ​ൻ മാ​ഷി​ന്‍റെ ചി​രി​യി​ലും ദേ​ഷ്യ​ത്തി​ലു​മെ​ല്ലാം സ്വ​ഭാ​വി​ക അ​ഭി​ന​യ​ത്തി​ന്‍റെ ലാ​ഞ്ജ​ന​ക​ൾ. തേ​പ്പെ​ന്ന പ്ര​യോ​ഗ​ത്തെ കി​ണ​റ്റി​ലേ​ക്കി​ട്ട് പെ​ണ്ണി​ന്‍റെ മ​ന​സി​ലി​രി​പ്പു​ക​ളെ​യാ​ണ് സം​വി​ധാ​യ​ക​ൻ പു​റ​ത്തേ​ക്കെ​ടു​ത്തി​ടു​ന്ന​ത്. ഈ ​ത​മാ​ശ ഒ​രു​പാ​ട് പേ​രു​ടെ ക​ണ്ണു​തു​റ​പ്പി​ക്കും എ​ന്ന കാ​ര്യ​ത്തി​ൽ ത​ർ​ക്ക​മി​ല്ല.

ടീ​ച്ച​റെ(​ദി​വ്യ​പ്ര​ഭ) വ​ള​ച്ചെ​ടു​ക്കാ​ൻ ശ്ര​മി​ക്കു​ന്ന ശ്രീ​നി​വാ​സ​ൻ സാ​റി​ന്‍റെ ശ്ര​മ​ങ്ങ​ളാ​ണ് ത​മാ​ശ​യി​ലെ ആ​ദ്യ അ​ര​മ​ണി​ക്കൂ​റി​നെ ര​സ​ക​ര​മാ​ക്കു​ന്ന​ത്. ച​മ്മ​ലും മ​ടി​യും പേ​ടി​യു​മെ​ല്ലാം വി​ന​യ് കൈ​യ​ട​ക്ക​ത്തോ​ടെ കൈ​കാ​ര്യം ചെ​യ്തി​ട്ടു​ണ്ട്. ക​ഷ​ണ്ടി​ത്ത​ല​യ​ൻ എ​ന്ന വി​ളി​പ്പേ​ര് വീ​ണ പ​ല​രു​ടെ​യും പ്ര​തി​നി​ധി​യാ​ണ് ത​മാ​ശ​യി​ലെ ശ്രീ​നി​വാ​സ​ൻ സാ​ർ. കോ​ള​ജി​ലെ പ്യൂ​ണാ​യ റ​ഹീ​മാ​ണ് (ന​വാ​സ് വ​ള്ളി​ക്കു​ന്ന്) സാ​റി​ന്‍റെ ഉ​പ​ദേ​ശി. പു​ള്ളി പ​റ​യു​ന്ന കാ​ര്യ​ങ്ങ​ൾ ഓ​രോ​ന്നും ന​ട​പ്പി​ലാ​ക്കാ​ൻ ശ്ര​മി​ക്കു​ന്ന നാ​യ​ക​ൻ പ​ല​പ്പോ​ഴും ക​ഷ​ണ്ടി​യു​ടെ പേ​രി​ൽ അ​പ​ഹ​സി​ക്ക​പ്പെ​ടു​ക​യാ​ണ്. ക​ഷ​ണ്ടി​യു​ള്ള ആ​ൾ​ക്കാ​രു​ടെ മാ​ന​സി​കാ​വ​സ്ഥ​യെ ന​ല്ല​രീ​തി​യി​ൽ വ​ര​ച്ചി​ടാ​ൻ വി​ന​യ് ഫോ​ർ​ട്ടി​ന് സാ​ധി​ച്ചി​ട്ടു​ണ്ട്.



നാ​യി​ക​മാ​ർ മൂ​ന്നു​ണ്ടെ​ങ്കി​ലും അ​തി​ൽ ചി​ന്നു ത​ന്നെ​യാ​ണ് ചി​ത്ര​ത്തി​ലെ യ​ഥാ​ർ​ഥ നാ​യി​ക. പ്രേ​ക്ഷ​ക​രു​ടെ മ​ന​സി​ൽ ഇ​ടം​പി​ടി​ക്കാ​ൻ മു​ഴു​വ​ൻ സ​മ​യ നാ​യി​ക​യാ​ക​ണ​മെ​ന്നി​ല്ലെ​ന്നു ചി​ന്നു നി​ഷ്പ്ര​യാ​സം ത​മാ​ശ​യി​ലൂ​ടെ തെ​ളി​യി​ക്കു​ന്നു​ണ്ട്. ആ​ദ്യപ​കു​തി നാ​യ​ക​ന്‍റെ അ​മ​ളി​ത്ത​ര​ങ്ങ​ളും പ്ര​തീ​ക്ഷ​ക​ളേ​യും മു​ൻ​നി​ർ​ത്തി​യാ​ണ് ചി​ത്രം മു​ന്നോ​ട്ട് പോ​കു​ന്ന​ത്. നാ​യ​ക​നൊ​പ്പം ത​ന്നെ ന​വാ​സ് വ​ള്ളി​ക്കു​ന്നും ത​മാ​ശ​യി​ൽ ചി​ല വ​ലി​യ കാ​ര്യ​ങ്ങ​ൾ പ​റ​ഞ്ഞു​വ​യ്ക്കു​ന്നു​ണ്ട്. പ്ര​ണ​യ​ത്തി​ന് അ​ങ്ങോ​ട്ടും ഇ​ങ്ങോ​ട്ടു​മു​ള്ള മി​ണ്ടാ​ട്ട​ത്തി​ന്‍റെ ആ​വ​ശ്യ​ക​ത​യി​ല്ലാ​യെ​ന്ന് ക​ക്ഷി കാ​ട്ടി​ത്ത​രു​ന്പോ​ൾ ആ​രു​ടെ​യും ഉ​ള്ളൊ​ന്ന് പി​ട​യും. ചി​ന്നു ചി്ത്ര​ത്തി​ൽ ചി​ന്നു​വാ​യി ത​ന്നെ വി​ല​സു​ക​യാ​ണ്. ത​ടി കൂ​ടിപ്പോയ​തി​ന്‍റെ യാ​തൊ​രു​വി​ധ അ​പ​ക​ർ​ഷ​താ​ബോ​ധ​വു​മി​ല്ലാ​തെ ചി​ന്നു ജീ​വി​ത​ത്തെ ഹാ​പ്പി​മൂ​ഡി​ലേ​ക്ക് ത​ള്ളി​വി​ടു​ന്പോ​ൾ ക​ണ്ടി​രി​ക്കു​ന്ന​വ​ർ​ക്ക് ഇ​ട​യി​ലേ​ക്കും പോ​സി​റ്റീ​വ് എ​ന​ർ​ജി അ​ങ്ങ് പാ​ഞ്ഞ​ടു​ക്കും.



ര​ണ്ടാം പ​കു​തി​യെ ഉ​ഷാ​റാ​ക്കി നി​ർ​ത്തു​ന്ന​ത് ചി​ന്നു​വാ​ണ്. സോ​ഷ്യ​ൽ മീ​ഡി​യ​യി​ലെ ട്രോ​ളു​ക​ൾ പ​ല​രേ​യും ന​ന്നേ കു​ത്തി​നോ​വി​ക്കു​ന്നു​ണ്ടെ​ന്ന് സം​വി​ധാ​യ​ക​ൻ ത​ന്‍റെ ചി​ത്ര​ത്തി​ലൂ​ടെ തു​റ​ന്ന​ടി​ക്കു​ന്നു​ണ്ട്. സോ​ഷ്യ​ൽ മീ​ഡി​യ​യു​ടെ സാ​ധ്യ​ത​ക​ളും സ്വാ​ധീ​ന​വും സ​മൂ​ഹ​ത്തി​ൽ ഉ​ണ്ടാ​ക്കു​ന്ന മാ​റ്റ​ങ്ങ​ളും ത​മാ​ശ​യി​ൽ പ്ര​ക​ട​മാ​യി ത​ന്നെ കാ​ണാ​ൻ സാ​ധി​ക്കും. സ​മീ​ർ താ​ഹി​റി​ന്‍റെ കാ​മ​റക്കണ്ണു​ക​ൾ പൊ​ന്നാ​നി​യെ കൂ​ടു​ത​ൽ സു​ന്ദ​രി​യാ​ക്കി​യ​പ്പോ​ൾ സം​ഗീ​ത​ത്തി​ന്‍റെ ര​സം ആ​വോ​ളം ന​ൽ​കി ഷ​ഹ​ബാ​സ് അ​മ​നും റെ​ക്സ് വി​ജ​യ​നും ത​മാ​ശ​യു​ടെ ബാ​ല​ൻ​സ് തെ​റ്റാ​തെ സൂ​ക്ഷി​ക്കു​ന്നു​ണ്ട്. ചെ​റി​യ ചെ​റി​യ കാ​ര്യ​ങ്ങ​ളി​ലൂ​ടെ വ​ലി​യ വ​ലി​യ തെ​റ്റു​ക​ൾ ചൂ​ണ്ടി​കാ​ട്ടി​യാ​ണ് ത​മാ​ശ മു​ന്നേ​റു​ന്ന​ത്. ആ ​കാ​ഴ്ച​ക​ൾ ഒ​രു​വ​ട്ട​മ​ല്ല പ​ല​വ​ട്ടം പ്രേ​ക്ഷ​ക​രു​ടെ മ​ന​സി​നെ കീ​റി​മു​റി​ച്ചാ​ണ് ക​ട​ന്നുപോ​കു​ന്ന​ത്.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.