Cinema
മ​ന​സ് മ​ര​വി​പ്പി​ക്കും വൈ​റ​സ്
Friday, June 7, 2019 7:12 PM IST
പോയ വർഷം വടക്കൻ മലബാറിനെ വിറപ്പിച്ച നിപ്പ ബാധയും തുടർന്നുണ്ടായ അതിജീവന പോരാട്ടത്തിന്‍റെയും കഥയാണ് "വൈറസ്'. ആ​ഷി​ക്ക് അ​ബു ശ്ര​മ​ക​ര​മാ​യ ദൗ​ത്യം കൈ​യ​ട​ക്ക​ത്തോ​ടെ കൈ​കാ​ര്യം ചെ​യ്തി​ട്ടു​ണ്ട്. നി​പ്പ​യെ മ​റ​ന്ന ജ​ന​ങ്ങ​ൾ​ക്കി​ട​യി​ലേ​ക്ക് വീ​ണ്ടും ഒ​രു നി​പ്പ ത​ല​പൊ​ക്കി​യ അ​വ​സ​ര​ത്തി​ൽ ത​ന്നെ ചി​ത്രം റി​ലീ​സി​ന് എത്തിയ​ത് തി​ക​ച്ചും യാ​ദൃ​ച്ഛികം മാ​ത്രം. ​ശ​രി​യാ​യ സ​മ​യ​ത്ത് ശ​രി​യാ​യൊ​രു ചി​ത്രം ബി​ഗ് സ്ക്രീ​നി​ലേ​ക്ക് വ​ന്നു ക​യ​റു​ക​യാ​യി​രു​ന്നു.

പേ​ടി​കൊ​ണ്ടോ... ഇ​ല്ലെ​ങ്കി​ൽ ഉ​ൾ​ഭ​യം കൊ​ണ്ടോ കാ​ണാ​തി​രി​ക്ക​ണ്ട ചി​ത്ര​മ​ല്ല വൈ​റ​സ്. സ​ധൈ​ര്യം മു​ന്നോ​ട്ടുപോ​കാ​ൻ പ്രാ​പ്ത​മാ​ക്കു​ന്ന ഒ​രു കൂ​ട്ട​ത്തെ, സ​മൂ​ഹ​ത്തെ വൈ​റ​സി​ൽ നി​ങ്ങ​ൾ​ക്ക് കാ​ണാ​നാ​വും. ഇ​തൊ​രു കൂ​ട്ടാ​യ്മ​യു​ടെ ചി​ത്ര​മാ​ണ്. ഇ​തി​ലെ നാ​യ​ക​നും വി​ല്ല​നു​മെ​ല്ലാം "നി​പ്പ' ത​ന്നെ​യാ​ണ്.

നോ​ണ്‍​ലീ​നി​യ​ർ രീ​തി​യി​ലു​ള്ള ക​ഥ​പ​റ​ച്ചി​ൽ ഒ​രു​ത​ര​ത്തി​ലും പ്രേ​ക്ഷ​ക​രെ മു​ഷി​പ്പി​ലേ​ക്ക് ത​ള്ളി​യി​ടു​ന്നി​ല്ല. മ​റി​ച്ച് എ​ഴു​ത്തി​ന്‍റെ​യും കാ​മ​റ​യു​ടെ​യും പ​ശ്ചാ​ത്ത​ല സം​ഗീ​ത്തി​ന്‍റെ​യും അ​ക​ന്പ​ടി​യോ​ടെ വ​ല്ലാ​ത്തൊ​രു മ​ര​വി​പ്പാ​ണ് ചി​ത്രം തു​ട​ക്ക​ത്തി​ലെ സ​മ്മാ​നി​ക്കു​ന്ന​ത്. അ​ത് പ​തി​യെപ്പതി​യെ ത്രി​ല്ലിം​ഗ് അ​നു​ഭ​വ​ത്തി​ലേ​ക്ക് വ​ഴി​മാ​റു​ന്ന​തോ​ടെ ചി​ത്ര​ത്തി​ന്‍റെ സ്വ​ഭാ​വം താ​നേ അ​തി​ജീ​വ​ന​ത്തി​ലേ​ക്ക​ങ്ങ് എ​ത്തു​ക​യാ​ണ്.



നി​പ്പ ജീ​വി​ത​ത്തി​ൽ നി​ന്നും വി​ളി​ച്ചോ​ണ്ടു​പോ​യ നഴ്സ് ലി​നി​യാ​യി ചി​ത്ര​ത്തി​ലെ​ത്തു​ന്ന​ത് റി​മ ക​ല്ലി​ങ്ക​ലാ​ണ്. സ്നേ​ഹ​വും പ​രി​ച​ര​ണ​വും കൊ​ണ്ട് നാ​ട​ൻ പെ​ണ്‍​കു​ട്ടി​യു​ടെ കെ​ട്ടി​ലും മ​ട്ടി​ലേ​ക്കും റിമ നി​ഷ്പ്ര​യാ​സം മാ​റി​യി​ട്ടു​ണ്ട്. വീ​ട്ടു​കാ​രെക്കുറി​ച്ചു​ള്ള നഴ്സിന്‍റെ ആ​ന്ത​ലും ആ​പ​ത്ഘ​ട്ട​ത്തി​ൽ വേ​ണ്ട​പ്പെ​ട്ട​വ​രെ മാ​റ്റിനി​ർ​ത്താ​നു​ള്ള വെ​പ്രാ​ള​വു​മെ​ല്ലാം ക​ട​ന്നുവ​രു​ന്ന രം​ഗ​ങ്ങ​ൾ ഉ​ള്ളലി​യി​പ്പി​ച്ച് ത​ന്നെ​യാ​ണ് ക​ട​ന്നുപോ​കു​ന്ന​ത്.

കേ​ര​ളം നി​പ്പ​യെ എ​ങ്ങ​നെ നേ​രി​ട്ടു​വെ​ന്ന് കൃ​ത്യ​മാ​യി കാ​ട്ടി​ത്ത​രാ​ൻ ആ​ഷി​ക്ക് അ​ബു​വി​നും സം​ഘ​ത്തി​നും ക​ഴി​ഞ്ഞി​ട്ടു​ണ്ട്. ഒ​രാ​ളി​ലേ​ക്ക് നി​പ്പ ക​ട​ന്നുവ​ന്ന വ​ഴി​യെക്കുറി​ച്ചു​ള്ള അ​ന്വേ​ഷ​ണ​മാ​ണ് ചി​ത്ര​ത്തെ ത്രി​ല്ലിം​ഗ് മൂ​ഡി​ലേ​ക്ക് കൊ​ണ്ടു​പോ​കു​ന്ന​ത്.​ എവിടെയും കൈ​വി​ട്ടു​പോ​കാ​വു​ന്ന ക​ഥാ ആ​ഖ്യാ​നശൈ​ലി​യാ​ണ് വൈ​റ​സി​ന്‍റേത്. പ​ക്ഷേ, നി​പ്പ എ​ല്ലാ ഘ​ട​ക​ങ്ങ​ളേ​യും ഒ​രേ നി​ര​യി​ലേ​ക്ക് എ​ത്തി​ച്ച് ഒ​രു പു​തു​ലോ​കം കാ​ട്ടി​ത്ത​ന്നു. മ​നു​ഷ്യ​ൻ മ​നു​ഷ്യ​നെ കാ​ണാ​തെ പേ​ടി​യു​ടെ​യും മ​ര​വി​പ്പി​ന്‍റെ​യും ലോ​ക​ത്തേ​ക്ക് വ​ഴു​തി വീ​ഴു​ന്ന കാ​ഴ്ച ഭ​യാ​ന​കം ത​ന്നെ​യാ​ണ്.



ടോ​വി​നോ, പൂ​ർ​ണി​മ, രേ​വ​തി, ഇ​ന്ദ്ര​ജി​ത്ത്, ജോ​ജു, ശ്രീ​നാ​ഥ് ഭാ​സി, ആ​സി​ഫ് അ​ലി, ഇ​ന്ദ്ര​ൻ​സ്, കു​ഞ്ചാ​ക്കോ ബോ​ബ​ൻ, പാ​ർ​വ​തി, സൗ​ബി​ൻ ഷാ​ഹി​ർ തു​ട​ങ്ങി​യ നീ​ണ്ട​നി​ര ത​ന്നെ ചി​ത്ര​ത്തി​ൽ അ​ണി​നി​ര​ക്കു​ന്നു​ണ്ട്. ഓ​രോ ക​ഥാ​പാ​ത്ര​ങ്ങ​ൾ​ക്കും ചി​ത്ര​ത്തി​ൽ കൃ​ത്യ​മാ​യ സ്ഥാ​ന​മു​ണ്ട്. ഒ​രാ​ൾ​ക്ക് മു​ക​ളി​ൽ മ​റ്റൊ​രാ​ൾ എ​ന്ന രീ​തി​യി​ൽ അ​ല്ലാ ഇ​വി​ടെ ക​ഥാ​പാ​ത്ര​ങ്ങ​ൾ മി​ന്നി​മ​റ​യു​ന്ന​ത്. സാ​ഹ​ച​ര്യ​ങ്ങ​ളു​ടെ വേ​ലി​യേ​റ്റ​ത്തി​നും ഇ​റ​ക്ക​ത്തി​നും അ​നു​സ​രി​ച്ച് ഓ​രോ​രു​ത്ത​രും അ​വ​ര​വ​രു​ടെ ഭാ​ഗ​ങ്ങ​ൾ വെ​ടി​പ്പാ​യി ചെ​യ്ത് പോ​കു​ക​യാ​ണ്.

തു​ട​ക്ക​ത്തി​ൽ മ​ന​സി​ലേ​ക്ക് ക​യ​റി കൂ​ടു​ന്ന മ​ര​വി​പ്പ് ഉ​ള്ളി​ൽ ത​ങ്ങു​ന്ന​തു കാ​ര​ണം ഇ​ത്തി​രി ഗൗ​ര​വ​ത്തോ​ടു കൂ​ടി​യേ ഈ ​ചി​ത്രം ക​ണ്ടി​റ​ങ്ങാ​നാ​വു. വി​ഷ​യ​ത്തി​ന്‍റെ ഗൗ​ര​വം പ്രേ​ക്ഷ​ക​രി​ലേ​ക്കും വ്യാ​പി​ക്കു​ന്ന​തോ​ടെ തീ​യ​റ്റ​റി​ൽ നിന്നും പിന്നീട് ശബ്ദങ്ങളൊന്നും കേൾക്കാതെയാകും.



ഗൗ​ര​വ​മേ​റി​യ വി​ഷ​യ​ത്തെ സി​നി​മാ​റ്റി​ക്ക് ആ​ക്കു​ന്പോ​ൾ ആ ​വി​ഷ​യ​ത്തി​ന്‍റെ ഗൗ​ര​വ സ്വ​ഭാ​വം ന​ഷ്ട​പ്പെ​ടാ​നു​ള്ള സാ​ധ്യ​ത കൂ​ടു​ത​ലാ​ണ്. ഇ​വി​ടെ പ​ക്ഷേ തി​ര​ക്ക​ഥ​യു​ടെ കെ​ട്ടു​റ​പ്പിൽ ആ ​ഗൗ​ര​വം അ​തേപ​ടി നി​ന്നു. കു​രു​ക്ക് അ​ഴി​ച്ചും വീ​ണ്ടും മു​റു​കി​യും മു​ന്നേ​റു​ന്ന ക​ഥാ ആ​ഖ്യാ​ന ശൈ​ലി​ക്കി​ട​യി​ലും ഇ​ഴ​ച്ചി​ലി​നെ മാ​റ്റിനി​ർ​ത്താ​ൻ സം​വി​ധാ​യ​ക​ൻ പ്ര​ത്യേ​കം ശ്ര​ദ്ധി​ച്ചി​ട്ടു​ണ്ട്. രാ​ജീ​വ് ര​വി​യു​ടെ​യും ഷൈ​ജു ഖാ​ലി​ദി​ന്‍റെ​യും കാ​മ​റ ക​ണ്ണു​ക​ളും സു​ഷി​ൻ ശ്യാ​മി​ന്‍റെ പ​ശ്ചാ​ത്ത​ല​സം​ഗീ​ത​വും ഒ​ന്നി​നൊ​ന്ന് മി​ക​വ് പു​ല​ർ​ത്തി​യ​പ്പോ​ൾ അ​ത് സി​നി​മ​യു​ടെ ന​ല്ലൊ​ഴു​ക്കി​ന് ന​ല്ല​വ​ണ്ണം ഗു​ണം ചെ​യ്തു.

വൈ​റ​സ് ഒ​രോ​ർ​മ്മ​പ്പെ​ടു​ത്ത​ലാ​ണ്, ഒ​രു​മ​യു​ടെ തോ​ണി തു​ഴ​യു​ന്ന കേ​ര​ള​ത്തി​ലെ ജ​ന​ങ്ങ​ളു​ടെ കെ​ട്ടു​റ​പ്പി​ന് ഇ​പ്പോ​ഴും ഒ​രു ഇ​ള​ക്ക​വും സം​ഭ​വി​ച്ചി​ട്ടി​ല്ലാ​യെ​ന്നു​ള്ള ഓ​ർ​മ​പ്പെ​ടു​ത്ത​ൽ. ആ ​തോ​ണി​യി​ലെ കാ​ഴ്ച​ക​ൾ പ്രേ​ക്ഷ​ക​ർ​ക്ക് കു​റ​ച്ച് കൂ​ടി ഊ​ർ​ജം ന​ൽ​കു​മെ​ന്ന കാ​ര്യ​ത്തി​ൽ ത​ർ​ക്ക​മി​ല്ല. കാ​ണാം ഒ​രു​മ​യു​ടെ സ​ഹ​ന​ത്തി​ന്‍റെ അ​തി​ജീ​വ​ന​ത്തി​ന്‍റെ ക​ഥ ഒ​രു​മി​ച്ച്.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2019 , Rashtra Deepika Ltd.