യുജി/പിജി സ്പോർട്സ് ക്വാട്ട പ്രവേശനം
സർവകലാശാലയോട് അഫിലിയേറ്റ് ചെയ്തിട്ടുള്ള കോളജുകളിലെ യുജി/ പിജി സ്പോർട്സ് ക്വാട്ട പ്രവേശനം ആഗ്രഹിക്കുന്ന, സ്പോർട്സ് സർട്ടിഫിക്കറ്റുകൾ സ്കാൻ ചെയ്ത് അപ്‌ലോഡ് ചെയ്ത എല്ലാ വിദ്യാർഥികളും ഏകജാലക സംവിധാനം വഴി സമർപ്പിച്ച സ്പോർട്സ് ക്വാട്ട അപേക്ഷയുടെ ഏറ്റവും പുതിയ പ്രിന്‍റൗട്ടും വെബ്സൈറ്റിൽ നിന്നും ഡൗണ്ലോഡ് ചെയ്ത പ്രൊഫോർമയുടെ പകർപ്പും അപേക്ഷയിൽ ഓപ്ഷൻ നൽകിയിട്ടുള്ള കോളജുകളിൽ 25നകം സമർപ്പിക്കണം. വിദ്യാർഥികൾ പ്രവേശനത്തിന് താൽപര്യമുള്ള കോളജുകളിൽ മാത്രം നിശ്ചിത തീയതികളിൽ അപേക്ഷ സമർപ്പിച്ചാൽ മതിയാകും.
അപേക്ഷകർ നേരിട്ടോ, പ്രതിനിധി മുഖേനയോ മേൽ പറഞ്ഞ സമയത്തിനുള്ളിൽ കോളജുകളിൽ അപേക്ഷ സമർപ്പിക്കണം. ഒരു കോളജിലെ ഒന്നിലധികം കോഴ്സുകളിലേയ്ക്കുള്ള സ്പോർട്സ് ക്വാട്ട സീറ്റിലേയ്ക്ക് അപേക്ഷിച്ചിട്ടുണ്ടെ ങ്കിലും അവയിലേയ്ക്കെല്ലാം പരിഗണിക്കുന്നതിനായി ഒരു കോളജുകളിൽ ഒരു അപേക്ഷ സമർപ്പിച്ചാൽ മതി.മേൽ പറഞ്ഞ തീയതികളിൽ കോളേജുകളിൽ അപേക്ഷ സമർപ്പിക്കുന്ന വിദ്യർഥികളെ മാത്രം ഉൾപ്പെടുത്തി സ്പോർട്സ് ക്വാട്ട റാങ്ക് പട്ടിക ഓഗസ്റ്റ് ഒന്നിനു പ്രസിദ്ധീകരിക്കും.
റാങ്ക് ലിസ്റ്റിൽ ഉൾപ്പെട്ടവർ ഓഗസ്റ്റ് രണ്ടിന് ഉച്ചക്ക് 12നു മുൻപ് (അപേക്ഷകനോ/അപേക്ഷകന്‍റെ പ്രതിനിധിയോ) ബന്ധപ്പെട്ട കോളജുകളിൽ ഹാജരാകണം.
വൈവാ വോസി
മേയിൽ നടത്തിയ ആറാം സെമസ്റ്റർ എംബിഎൽ പരീക്ഷയുടെ വൈവാ വോസി 25 ന് സർവകലാശാല ഓഫീസിൽ 11നും പോസ്റ്റ് ഗ്രാജ്വേറ്റ് ഡിപ്ലോമ ഇൻ ഇംഗ്ലീഷ് ഫോർ കമ്യൂണിക്കേഷൻ (പിജിഡിഇസി) പരീക്ഷയുടെ വൈവാ വോസി 29 ന് 9.30 മുതൽ ഇൻസ്റ്റിറ്റ്യൂട്ട് ഓഫ് ഇംഗ്ലീഷ്, സെനറ്റ് ഹൗസ് കാന്പസ്, പാളയത്തു നടത്തും.
വിദൂര വിദ്യാഭ്യാസ കേന്ദ്രം ജൂണിൽ നടത്തിയ നാലാം സെമസ്റ്റർ എംബിഎ സപ്ലിമെന്‍ററി പരീക്ഷയുടെ വൈവാ വോസി പാളയത്തുള്ള സ്കൂൾ ഓഫ് ഡിസ്റ്റൻസ് എഡ്യൂക്കേഷനിൽ 10 മുതൽ നടത്തുന്നതാണ്. വിശദമായ ടൈംടേബിൾ വെബ്സൈറ്റിൽ.
പരീക്ഷാഫീസ്
വിദൂര വിദ്യാഭ്യാസ വിഭാഗം ഓഗസ്റ്റ് 19 ന് ആരംഭിക്കുന്ന മൂന്നും നാലും സെമസ്റ്റർ ബിഎസ്‌സി കംപ്യൂട്ടർ സയൻസ്/ബിസിഎ (എസ്ഡിഇ, 2017 അഡ്മിഷൻ) പരീക്ഷകൾക്ക് ഓഗസ്റ്റ് ഒന്നുവരെയും 150 രൂപ പിഴയോടെ ഓഗസ്റ്റ് അഞ്ചു വരെയും 400 രൂപ പിഴയോടെ ഓഗസ്റ്റ് ഏഴു വരെയും ഓണ്‍ലൈനായി അപേക്ഷിക്കാം. ഓണ്‍ലൈൻ രജിസ്ട്രേഷൻ 24 മുതൽ ആരംഭിക്കും. പരീക്ഷാഫീസിന് പുറമേ സിവി ക്യാന്പ് ഫീസായ 250 രൂപയും ആകെ ഫീസിന്‍റെ അഞ്ചു ശതമാനം തുകയും അധികമായി അടയ്ക്കണം.
പരീക്ഷാഫലം
ഫെബ്രുവരിയിൽ നടന്ന ഒന്നാം സെമസ്റ്റർ എംസിഎ റെഗുലർ & സപ്ലിമെന്‍ററി (2015 സ്കീം), രണ്ട ാം സെമസ്റ്റർ എംസിഎ സപ്ലിമെന്‍ററി (2011 സ്കീം) പരീക്ഷാഫലം വെബ്സൈറ്റിൽ.
വിദൂര വിദ്യാഭ്യാസ പഠന കേന്ദ്രം നടത്തിയ ഒന്നും, രണ്ടും വർഷത്തെ എംഎസ്‌സി സിഎൻഡി സപ്ലിമെന്‍ററി പരീക്ഷാഫലം വെബ്സൈറ്റിൽ. മാർക്ക്‌ലിസ്റ്റുകൾ 29 മുതൽ എസ്ഡിഇ, പാളയം സെന്‍ററിൽ നിന്നും കൈപ്പറ്റേണ്ട താണ്.
വിദൂര വിദ്യാഭ്യാസ വിഭാഗം ജൂലൈയിൽ നടത്തിയ ഒന്നും രണ്ട ും സെമസ്റ്റർ ബിഎസ്‌സി കംപ്യൂട്ടർ സയൻസ്/ബിസിഎ (2017 അഡ്മിഷൻ ഫസ്റ്റ് ഡിഗ്രി പ്രോഗ്രാം സിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓഗസ്റ്റ് 22 വരെ അപേക്ഷിക്കാം.
സൂക്ഷ്മപരിശോധന
മൂന്നാം സെമസ്റ്റർ ബിടെക് സപ്ലിമെന്‍ററി ജനുവരി 2019 (2008 സ്കീം), ഒന്നാം സെമസ്റ്റർ ബിടെക് പാർട്ട് ടൈം റീസ്ട്രക്ച്ചേർഡ് സപ്ലിമെന്‍ററി ഡിസംബർ 2018 (2008 സ്കീം) പരീക്ഷകളുടെ സൂക്ഷ്മപരിശോധനയ്ക്ക് അപേക്ഷിച്ചവർ ഫോട്ടോ പതിച്ച ഐഡി കാർഡും ഹാൾടിക്കറ്റുമായി റീവാല്യുവേഷൻ സെക്ഷനിൽ 24 മുതൽ 27 വരെയുളള പ്രവൃത്തി ദിനങ്ങളിൽ ഹാജരാകണം.