എല്ലാ യുജി പരീക്ഷകളും മാറ്റിവച്ചു
2018 സെപ്റ്റംബർ മൂന്നു മുതൽ ഏഴുവരെ നടത്താൻ നിശ്ചയിച്ചിരുന്ന വിദൂര വിദ്യാഭ്യാസം ഉൾപ്പെടെയുളള എല്ലാ യുജി പരീക്ഷകളും മാറ്റിവച്ചു. പുതുക്കിയ തീയതി പിന്നീട് അറിയിക്കും. എല്ലാ പി.ജി പരീക്ഷകളും പ്രഫഷണൽ കോഴ്സുകളുടെ പരീക്ഷകളും മുൻ നിശ്ചയിച്ച പ്രകാരം നടക്കും.
ജർമൻ ഡിപ്ലോമ
സർവകലാശാലയുടെ ജർമൻ പഠന വകുപ്പ് നടത്തുന്ന ജർമൻ ഡിപ്ലോമ കോഴ്സിന് അപേക്ഷ ക്ഷണിച്ചു. യോഗ്യത: അംഗീകൃത സർവകലാശാല ബിരുദത്തോടൊപ്പം കേരള സർവകലാശാല ജർമൻ പഠനവകുപ്പ് നടത്തുന്ന ജർമൻ സർട്ടിഫിക്കറ്റ് കോഴ്സ് പാസായിരിക്കണം അല്ലെങ്കിൽ സർവകലാശാല അംഗീകൃത തത്തുല്യ യോഗ്യത. അപേക്ഷാ ഫോം ജർമൻ പഠന വകുപ്പിൽ നിന്ന് നേരിട്ട് ലഭിക്കും. അപേക്ഷാ ഫീസ് 25 രൂപ, രജിസ്ട്രേഷൻ ഫീസ് 100 രൂപ. അപേക്ഷകൾ പിഴ കൂടാതെ സെപ്റ്റംബർ 10 വരെയും 50 രൂപ പിഴയോടെ സെപ്റ്റംബർ 17 വരെയും 250 രൂപ പിഴയോടെ സെപ്റ്റംബർ 28 വരെയും പാളയം സെനറ്റ് ഹൗസ് ക്യാന്പസിലുളള ജർമൻ പഠന വകുപ്പ് ഓഫീസിൽ സ്വീകരിക്കും.
വിദൂര വിദ്യാഭ്യാസം ഓണ്ലൈൻ അപേക്ഷ
വിദൂര വിദ്യാഭ്യാസ പഠന വിഭാഗത്തിൽ ബിരുദ, ബിരുദാനന്തര പ്രോഗ്രാമുകൾക്ക് ഓണ്ലൈനായി എന്ന വെബ്സൈറ്റ് വഴി അപേക്ഷിക്കാം. ബിഎ (ഇക്കണോമിക്സ്, ഇംഗ്ലീഷ്, ഹിസ്റ്ററി, മലയാളം, പൊളിറ്റിക്കൽ സയൻസ്, സോഷ്യോളജി, ഹിന്ദി), ബാച്ചിലർ ഓഫ് ബിസിനസ് അഡ്മിനിസ്ട്രേഷൻ (ബിബിഎ), ബിഎസ്സി (കംപ്യൂട്ടർ സയൻസ്, മാത്തമാറ്റിക്സ്), ബാച്ചിലർ ഓഫ് കംപ്യൂട്ടർ ആപ്ലിക്കേഷൻ (ബിസിഎ), ബികോം, ബിഎൽഐസി, എംഎ (ഇക്കണോമിക്സ്, ഇംഗ്ലീഷ്, ഹിന്ദി, ഹിസ്റ്ററി, മലയാളം, പൊളിറ്റിക്കൽ സയൻസ്, പബ്ലിക് അഡ്മിനിസ്ട്രേഷൻ, സോഷ്യോളജി), എംകോം, എംഎസ്സി (കംപ്യൂട്ടർ സയൻസ്, മാത്തമാറ്റിക്സ്) എംഎൽഐസി എന്നീ പ്രോഗ്രാമുകൾക്ക് 2018 19 അധ്യയന വർഷത്തിലേക്ക് ഓണ്ലൈനായി അപേക്ഷിക്കാം. ഓണ്ലൈനായി ഫീസ് അടക്കുവാനുളള സൗകര്യവും ഉണ്ടായിരിക്കും.
സർവകലാശാലയുടെ റെഗുലർ കോഴ്സുകളുടെ അതേ സിലബസ് തന്നെയായിരിക്കും വിദൂര വിദ്യാഭ്യാസ കോഴ്സുകൾക്കും. അപേക്ഷകൾ നൽകാനുളള അവസാന തീയതി സെപ്റ്റംബർ 30. യുജിസി നിർദേശ പ്രകാരം ഈ തീയതിക്ക് ശേഷം പ്രവേശനം സാധ്യമാകുന്നതല്ല. പ്രവേശന യോഗ്യത, മാനദണ്ഡങ്ങൾ എന്നിവ വ്യക്തമായി പരിശോധിച്ചതിനു ശേഷം മാത്രം ഓണ്ലൈൻ രജിസ്ട്രേഷൻ ചെയ്യണം. കൂടുതൽ വിവരങ്ങൾക്ക് www.ideku.net എന്ന വെബ്സൈറ്റ് സന്ദർശിക്കുക.
ടൈംടേബിൾ
രണ്ടാം സെമസ്റ്റർ യൂണിറ്ററി (ത്രിവത്സരം) എൽഎൽബി പരീക്ഷകളുടെ വിശദമായ ടൈംടേബിൾ വെബ്സൈറ്റിൽ.
ഡിഗ്രി/പി.ജി പ്രവേശന തീയതി നീട്ടി
അഫിലിയേറ്റ് ചെയ്തിട്ടുള്ള സർക്കാർ, എയ്ഡഡ്, സ്വാശ്രയ കോളജുകൾ / സെന്ററുകൾ എന്നിവിടങ്ങളിലെ ഒന്നാം വർഷ ബിരുദ പ്രവേശനത്തിനുള്ള (201819) അവസാന തീയതി അഞ്ച്വരെ ദീർഘിപ്പിച്ചിരിക്കുന്നു.
സർവകലാശാലയോട് അഫിലിയേറ്റ് ചെയ്തിട്ടുള്ള സർക്കാർ, എയ്ഡഡ്, സ്വാശ്രയ കോളജുകൾ / സെന്ററുകൾ എന്നിവിടങ്ങളിലെ ഒന്നാം വർഷ ബിരുദാനന്തര ബിരുദ പ്രവേശനത്തിനുള്ള (201819) ഓണ്ലൈൻ രജിസ്ട്രേഷൻ അവസാന തീയതി ഏഴുവരെ ദീർഘിപ്പിച്ചു. സ്പോർട്സ്, കമ്മ്യൂണിറ്റി ക്വാട്ട അപേക്ഷകൾ ഏഴുവരെ കോളജുകളിൽ സമർപ്പിക്കാം.
പരീക്ഷാ തീയതി നീട്ടി
ബിടെക് അഞ്ചാം സെമസ്റ്റർ (2013 സ്കീം) (പാർട്ട് ടൈം ഉൾപ്പെടെ), ആറാം സെമസ്റ്റർ (സപ്ലിമെന്ററി), എട്ടാം സെമസ്റ്റർ (റെഗുലർ), മൂന്നാം സെമസ്റ്റർ ബിടെക് (സപ്ലിമെന്ററി) പരീക്ഷകളുടെയും അവസാന വർഷ ബിഎഫ്എ പരീക്ഷയുടെയും മൂന്നാം സെമസ്റ്റർ സിബിസിഎസ്എസ് ബികോം, ബിഎസ്സി പരീക്ഷകളുടെയും പുനർമൂല്യനിർണയത്തിനും സൂക്ഷ്മപരിശോധനയ്ക്കുമുളള അവസാന തീയതി ഏഴുവരെ ദീർഘിപ്പിച്ചു.
പരീക്ഷാഫീസ്
2018 ഒക്ടോബറിൽ ആരംഭിക്കുന്ന രണ്ടാം സെമസ്റ്റർ എംഎ/എംഎസ്സി/എംകോം/എംഎസ്ഡബ്യൂ/എംപിഎ പരീക്ഷകളുടെ ഓണ്ലൈൻ രജിസ്ട്രേഷൻ നാളെ ആരംഭിക്കും. പിഴ കൂടാതെ 10 വരെയും 50 രൂപ പിഴയോടെ 15 വരെയും 125 രൂപ ഫൈനോടുകൂടി 18 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
നാലാം സെമസ്റ്റർ എംഎഫ്എ (പെയിന്റിംഗ് & സ്കൽപ്പ്ച്ചർ) ഡിഗ്രി പരീക്ഷ 28ന് ആരംഭിക്കും. പരീക്ഷയ്ക്ക് 10 വരെയും 50 രൂപ പിഴയോടെ 12 വരെയും 125 രൂപ ഫൈനോടുകൂടി 14 വരെയും അപേക്ഷിക്കാം.
എംബിഎ പ്രവേശനം അവസാന തീയതി നീട്ടി
സർവകലാശാലയുടെ കീഴിലുളള വിവിധ മാനേജ്മെന്റ് പഠനകേന്ദ്രങ്ങളിലേക്ക് 201819 അധ്യയന വർഷത്തെ പ്രവേശനത്തിനുളള അവസാന തീയതി 10 വരെ നീട്ടി.
സൂക്ഷ്മപരിശോധന
2017 ജൂലൈയിൽ നടന്ന രണ്ടാം സെമസ്റ്റർ ബിഎസ്സി (സിബിസിഎസ്എസ്) പരീക്ഷയുടെ സൂക്ഷ്മപരിശോധനയ്ക്കായി അപേക്ഷിച്ചിട്ടുളളവർ ഹാൾടിക്കറ്റും തിരിച്ചറിയൽ രേഖയുമായി മൂന്നു മുതൽ 15 വരെയുളള പ്രവൃത്തി ദിവസങ്ങളിൽ ഇ.ജെ രണ്ട് സെക്ഷനിൽ ഹാജരാകണം.