ഏകജാലക ബിരുദം: 29 വരെ പ്രവേശനം നേടാം
ബിരുദ ഏകജാലക പ്രകാരമുള്ള ഈ വർഷത്തെ പ്രവേശനം എടുക്കേണ്ട അവസാന തിയതി 29 വരെ നീട്ടി. ക്യാപ് രജിസ്ട്രേഷൻ, മാൻഡേറ്ററി ഫീസ് അടക്കാനുള്ള ലിങ്ക് അന്ന് ഉച്ചയ്ക്ക് രണ്ട് വരെ ഉണ്ടായിരിക്കും.
യുജി അഞ്ചാം സെമസ്റ്ററിൽ തുടർ പഠനം
അഫിലിയേറ്റഡ് കോളജുകളിൽ 2016 വർഷത്തിൽ ബിഎ/ ബിഎസ് സി മാത്സ്/ ബിബിഎ (സിയുസിബിസിഎസ്എസ്) ഒന്ന് മുതൽ നാല് വരെയുള്ള സെമസ്റ്റർ പരീക്ഷകൾ എഴുതിയ ശേഷം തുടർപഠനം നടത്താനാവാത്തവർക്ക് പ്രൈവറ്റ് രജിസ്ട്രേഷൻ വഴി അഞ്ചാം സെമസ്റ്ററിൽ പഠനം തുടരാം. ഫീസ് 1315 രൂപ. സ്പോട്ട് അഡ്മിഷന് 55 രൂപയുടെ ചലാൻ ഹാജരാക്കണം. രജിസ്ട്രേഷൻ ചലാൻ, ടിസി, യോഗ്യതാ സർട്ടിഫിക്കറ്റുകളുടെ ഒറിജിനലും പകർപ്പും, ജനന തിയതി തെളിയിക്കുന്ന രേഖ, അവസാന പരീക്ഷയുടെ ഹാൾടിക്കറ്റ് എന്നിവ സഹിതം വിദൂരവിദ്യാഭ്യാസ വിഭാഗത്തിൽ 28നകം ഹാജരാകണം. വിവരങ്ങൾക്ക്: 0494 2407494, 2400288.
പരീക്ഷാ അപേക്ഷ
അഞ്ചാം സെമസ്റ്റർ ബി.കോം പ്രഫഷണൽ (2016 പ്രവേശനം, സിയുസിബിസിഎസ്എസ്) റഗുലർ പരീക്ഷയ്ക്ക് പിഴകൂടാതെ ഒക്ടോബർ മൂന്ന് വരെയും 160 രൂപ പിഴയോടെ ഒക്ടോബർ അഞ്ച് വരെയും അപേക്ഷിക്കാം. പരീക്ഷ ഒക്ടോബർ 24ന് ആരംഭിക്കും.
പരീക്ഷ
ബിബിഎഎൽഎൽബി (ഓണേഴ്സ്, 2011 സ്കീം) റഗുലർ/ സപ്ലിമെന്ററി മൂന്നാം സെമസ്റ്റർ പരീക്ഷ ഒക്ടോബർ ഒന്നിനും, ഒന്നാം സെമസ്റ്റർ ഒക്ടോബർ 15നും ആരംഭിക്കും.
നാലാം സെമസ്റ്റർ ബിടിഎ (2016 പ്രവേശനം, സിയുസിബിസിഎസ്എസ്) റഗുലർ/സപ്ലിമെന്ററി പരീക്ഷ ഒക്ടോബർ 11ന് ആരംഭിക്കും.
പരീക്ഷാഫലം
2018 ഏപ്രിലിൽ നടത്തിയ ഫൈനൽ എംഎ സോഷ്യോളജി (നോണ് സെമസ്റ്റർ) റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഒക്ടോബർ എട്ട് വരെ അപേക്ഷിക്കാം.
വിദൂരവിദ്യാഭ്യാസം രണ്ടാം സെമസ്റ്റർ ബിഎ/ ബിഎ അഫ്സൽഉൽഉലമ (സിസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഒക്ടോബർ എട്ട് വരെ അപേക്ഷിക്കാം. പ്രിന്റൗട്ട്, ചലാൻ സഹിതം ഒക്ടോബർ പത്ത് വരെ അപേക്ഷിക്കാം.
എംടെക് നാനോ സയൻസ് പ്രാക്ടിക്കൽ
രണ്ടാം സെമസ്റ്റർ എംടെക് നാനോ സയൻസ് ആന്റ് ടെക്നോളജി പ്രാക്ടിക്കൽ പരീക്ഷ ഒക്ടോബർ നാലിന് നടക്കും.
കാർപെന്റർ നിയമനം: വാക്ഇൻഇന്റർവ്യൂ
കാർപെന്റർ തസ്തികയിൽ ദിവസവേതന നിരക്കിൽ നിയമനത്തിന് ഒക്ടോബർ അഞ്ചിന് രാവിലെ 10.30ന് വാക്ഇൻഇന്റർവ്യൂ നടത്തും. എട്ടാം ക്ലാസ് വിജയം/ തത്തുല്യവും, കാർപെന്ററിയിൽ ഐടിഐ സർട്ടിഫിക്കറ്റ്/ തത്തുല്യ യോഗ്യതയും ഉണ്ടായിരിക്കണം. അല്ലെങ്കിൽ കാർപെന്ററിയിൽ പത്ത് വർഷത്തെ പ്രവൃത്തി പരിചയം. യോഗ്യതയുള്ളവരുടെ അഭാവത്തിൽ കുറഞ്ഞ യോഗ്യതയുള്ളവരെയും പരിഗണിക്കും. പ്രായപരിധി: 2018 ജനുവരി ഒന്നിന് 36 വയസ് കവിയരുത്. യോഗ്യത, പ്രായം, ജാതി എന്നിവ തെളിയിക്കുന്ന രേഖകൾ സഹിതം സർവകലാശാലാ ഭരണവിഭാഗത്തിൽ ഹാജരാകണം. ഫോണ്: 0494 2407106.