1. വീടും പരിസരവും വൃത്തിയായി സൂക്ഷിക്കുക.
2. കൊതുകിന്റെ ഉറവിട നശീകരണത്തിനായി ആഴ്ചയിലൊരിക്കൽ ഡ്രൈഡേ ശീലമാക്കാം.
ഫ്രിഡ്ജിനു പിന്നിലെ ട്രേയിലും ചെടിച്ചട്ടിയിലും പുറത്തെ ഉപയോഗശൂന്യമായ പാത്രങ്ങളിലും കെട്ടിനിൽക്കുന്ന വെള്ളം ആഴ്ചയിലൊരിക്കൽ കൃത്യമായി എടുത്തു മാറ്റുക. ചിരട്ട, കുപ്പി, പ്ലാസ്റ്റിക്, ടയർ തുടങ്ങിയവയിൽ വെള്ളം കെട്ടി നിൽക്കാത്ത രീതിയിൽ ശ്രദ്ധിക്കുക.
3. വീടിനു പരിസരത്ത് മലിനജലം കെട്ടിക്കിടക്കുന്നത് ഒഴിവാക്കുക.
4. മാലിന്യങ്ങൾ തരംതിരിച്ച് ഉറവിടത്തിൽ തന്നെ സംസ്കരിക്കുക.
5. ദ്രവിക്കുന്ന മാലിന്യങ്ങൾ വളമാക്കി മാറ്റുക.
6. ദ്രവിക്കാത്ത മാലിന്യങ്ങൾ നനവില്ലാതെ സൂക്ഷിക്കുക.
7. വീടിന്റെ പരിസരത്ത് ചപ്പുചവറുകൾ കുന്നുകൂടാതെ ശ്രദ്ധിക്കുക.
8. തൊഴുത്ത്, പട്ടിക്കൂട് തുടങ്ങി വളർത്തുമൃഗങ്ങളെ പാർപ്പിക്കുന്ന ഇടം ശുചിയായി സൂക്ഷിക്കുക.
9. കിണറിൽ മാലിന്യങ്ങൾ വീഴാതിരിക്കാൻ വല കെട്ടി സംരക്ഷിക്കുക.
10. ജലം സംഭരിക്കുന്ന പാത്രങ്ങളും ടാങ്കുകളും കൊതുകു കടക്കാതെ ഭദ്രമായി അടയ്ക്കുക.
11. കിണറുകൾ, ടാങ്കുകൾ എന്നിവ കൊതുകു കടക്കാത്ത വിധം വലയിട്ടു മൂടുക.
12. കൊതുകുനശീകരണം ഉറപ്പുവരുത്തുക. മഞ്ഞപ്പിത്തം (ഹെപ്പറ്റൈറ്റിസ് എ) - ജാഗ്രത പാലിക്കാം
രോഗലക്ഷണങ്ങൾ
ശരീരവേദന, പനി, ക്ഷീണം, ഓക്കാനം, വയറുവേദന,
മൂത്രത്തിനും കണ്ണിനും ശരീരത്തിനും മഞ്ഞനിറം
പ്രതിരോധ മാർഗങ്ങൾ
* തിളപ്പിച്ചാറിയ വെള്ളം മാത്രം കുടിക്കുക
* ആഹാരത്തിനു മുന്പും ശേഷവും മലമൂത്ര വിസർജനത്തിനു ശേഷവും കൈകൾ സോപ്പും വെള്ളവും ഉപയോഗിച്ച് വൃത്തിയായി കഴുകുക.
* മലമൂത്ര വിസർജനം ടോയ്ലറ്റിൽ മാത്രം നടത്തുക
* ശീതളപാനീയങ്ങൾ, സംഭാരം, ഐസ്ക്രീ എന്നിവ ശുദ്ധജലത്തിൽ മാത്രം തയാറാക്കുക.
* കിണറുകളിലും കുടിവെള്ള സ്രോതസുകളിലും ക്ലോറിനേഷൻ നടത്തുക
* രോഗിക്കു പൂർണവിശ്രമത്തിനു പുറമേ കൊഴുപ്പു കുറഞ്ഞ ഭക്ഷണവും ധാരാളം വെള്ളവും നല്കുക.
വിവരങ്ങൾക്കു കടപ്പാട്: ബ്രേക്ക് ദ ചെയിൻ & നാഷണൽ ഹെൽത്ത് മിഷൻ,ആരോേഗ്യ കേരളം, സംസ്ഥാന ആരോഗ്യ വകുപ്പ്.