മ​ണി​ക്കൂ​റു​ക​ൾ ക​ഴു​ത്തുവ​ള​ച്ചി​രുന്നു ജോലി ചെയ്യുന്പോൾ...
സ​ഹി​ക്കാ​ൻ വ​യ്യാ​ത്ത ക​ഴു​ത്തു​വേ​ദ​ന​യും ന​ടു​വേ​ദ​ന​യും ഇ​ന്ന​ത്തെ പൊ​തു​സ​മൂ​ഹം അ​നു​ഭ​വി​ച്ചു വ​രു​ന്ന ഒ​രു വ​ലി​യ പ്ര​തി​സ​ന്ധി ത​ന്നെ​യാ​ണ്. ചെ​റു​പ്പ​ക്കാ​ർ മുതൽ മു​തി​ർ​ന്ന വ്യ​ക്തി​ക​ൾ വ​രെ ഇ​ന്ന് ക​ഴു​ത്തു​വേ​ദ​ന​യു​ടെ​യും ന​ടു​വേ​ദ​ന​യു​ടെ​യും പി​ടി​യി​ൽ അ​ക​പ്പെ​ട്ടി​രി​ക്കു​ന്നു എ​ന്നുത​ന്നെ വേ​ണം പ​റ​യാ​ൻ. ഇ​തി​ന്‍റെ കാ​ര​ണ​ങ്ങ​ളിലേക്ക്....

ഉദാസീനമായ ജീവിതശൈലി

മോ​ശം പോ​സ്ച്ച​റിം​ഗും(അംഗവിന്യാസം) ഉ​ദാ​സീ​ന​മാ​യ ജീ​വി​ത​ശൈ​ലി​യു​മാ​ണ് ക​ഴു​ത്തു​വേ​ദ​ന​യും ന​ടു​വേ​ദ​ന​യും വ​ർ​ധി​ച്ചു വ​രു​ന്ന​തി൯െ​റ പ്ര​ധാ​ന കാ​ര​ണ​ങ്ങ​ൾ. ആ​ധു​നി​ക സ​മൂ​ഹം നി​ഷ്ക്രി​യ​ത്വ​ത്തെ പ്രോ​ത്സാ​ഹി​പ്പി​ക്കു​ന്നു. ദീ​ർ​ഘ​നേ​രം ഇ​രി​ക്കു​ന്ന​ത് വി​ട്ടു​മാ​റാ​ത്ത രോ​ഗ​ങ്ങ​ളു​മാ​യി ബ​ന്ധ​പ്പെ​ട്ടി​രി​ക്കു​ന്നു. മ​ണി​ക്കൂ​റു​ക​ളോ​ളം ഇ​രി​ക്കാ​ൻ ജീ​വ​ന​ക്കാ​രെ പ്രേ​രി​പ്പി​ക്കു​ന്ന തൊ​ഴി​ൽ സാ​ഹ​ച​ര്യ​ങ്ങ​ളാ​ണ് പ്ര​ശ്ന​ത്തി​ന്‍റെ കാ​ത​ൽ. ഉ​ദാ​സീ​ന​മാ​യ ജീ​വി​ത​ശൈ​ലി കാ​ര​ണം പേ​ശി​ക​ൾ ആ​വ​ശ്യ​മു​ള്ള ശ​ക്തി നേ​ടു​ന്നി​ല്ല. അ​തുകൊ​ണ്ട് ന​ട്ടെ​ല്ലി​ന് സ്‌​ട്രെ​യി​ൻ താ​ങ്ങാ​ൻ​പ​റ്റാ​തെ വ​രു​ന്നു.

തു​ട​ർ​ച്ച​യാ​യി ഒ​രേ ഇ​രു​പ്പി​ൽ...

ഇ​ന്ന​ത്തെ ക​മ്പ്യൂ​ട്ട​ർ യു​ഗ​ത്തി​ന്‍റെ ഒ​രു പ്ര​ത്യേ​ക​ത അ​ധി​കം ശാ​രീ​രി​ക ആ​യാ​സം ഒ​ന്നും ഇ​ല്ലാ​തെ ഒ​രി​ട​ത്തു ത​ന്നെ ഇ​രു​ന്നു ജോ​ലി ചെ​യ്യേ​ണ്ടി വ​രു​ന്നു എ​ന്ന​താ​ണ്. മ​ണി​ക്കൂ​റു​ക​ൾ തു​ട​ർ​ച്ച​യാ​യി ഒ​രേ ഇ​രു​പ്പി​ൽ ത​ന്നെ ഇ​രി​ക്കു​മ്പോ​ൾ ആ ​വ്യ​ക്തി​യു​ടെ ക​ഴു​ത്തി​ന് ആ​യാ​സം അ​നു​ഭ​വ​പ്പെ​ടു​ക​യാ​ണ്. അ​തോ​ടൊ​പ്പം ത​ന്നെ ശ​രീ​ര​ത്തി​ൽ ഉ​ട​നീ​ളം ഇ​തേ ആ​യാ​സം അ​നു​ഭ​വ​പ്പെ​ടു​ന്നു. ഇ​ത് എ​ങ്ങ​നെ​യെ​ന്ന് ന​മു​ക്ക് നോ​ക്കാം.

‘എസ്’( 'S') ആകൃതിയിൽ നട്ടെല്ല്

മൂ​ന്ന് പ്ര​ധാ​ന വ​ള​വു​ക​ൾ ഒ​രു 'S' ആ​കൃ​തി സൃ​ഷ്ടി​ച്ചി​രി​ക്കു​ന്ന രീ​തി​യി​ലാ​ണ് ന​മ്മു​ടെ ന​ട്ടെ​ല്ലി​ന്‍റെ ഘ​ട​ന. ന​മ്മു​ടെ ശ​രീ​രം രൂ​പ​പ്പെ​ടു​ത്തി​യി​രി​ക്കു​ന്ന​ത് നി​വ​ർ​ന്നി​രി​ക്കാ​ൻ വേ​ണ്ടി​യാ​ണ്. എ​ന്നാ​ൽ തു​ട​ർ​ച്ച​യാ​യി കം​പ്യൂ​ട്ട​റി​നു മു​ന്നി​ൽ ഇ​രു​ന്നു ജോ​ലി ചെ​യ്യു​മ്പോ​ൾ നി​വ​ർ​ന്നി​രി​ക്കാ​തെ ക​ഴു​ത്തു വ​ള​ച്ചു മ​ണി​ക്കൂ​റു​ക​ളോ​ളം ഇ​രി​ക്കു​ന്ന​ത് ക​ഴു​ത്ത്, പു​റം, തോ​ള് എ​ന്നി​വ​യി​ൽ കാ​ര്യ​മാ​യ ആ​യാ​സ​ത്തി​ന് കാ​ര​ണ​മാ​കും.


നി​ങ്ങ​ളു​ടെ ന​ട്ടെ​ല്ലി​നും തോ​ളി​നും അ​ര​ക്കെ​ട്ടി​നും ചു​റ്റു​മു​ള്ള പേ​ശി​ക​ൾ​ക്കു പി​രി​മു​റു​ക്കം സം​ഭ​വി​ക്കു​ന്നു. അ​തോ​ടെ നി​ങ്ങ​ൾ​ക്ക് വേ​ദ​ന അ​നു​ഭ​വ​പ്പെ​ടാ​ൻ തു​ട​ങ്ങു​ന്നു. നി​ങ്ങ​ൾ ഒ​രേ പൊ​സി​ഷ​നി​ൽ ജോ​ലി തു​ട​രു​മ്പോ​ൾ, ഈ ​പേ​ശി​ക​ൾ ക്ഷീ​ണി​ക്കു​ക​യും കൂ​ടു​ത​ൽ വേ​ദ​നാ​ജ​ന​ക​മാ​വു​ക​യും ചെ​യ്യു​ന്നു.

ടെക്സ്റ്റ് നെക്ക് സിൻഡ്രോം

മൊ​ബൈ​ൽ, ലാ​പ്‌​ടോ​പ്പ് തു​ട​ങ്ങി​യ ഇ​ല​ക്്ട്രോണി​ക് ഉ​പ​ക​ര​ണ​ങ്ങ​ളു​ടെ മു​ന്പി​ൽ ക​ഴു​ത്ത് കു​നി​ച്ചു വ​ള​രെ​യ​ധി​കം സ​മ​യം ചെ​ല​വ​ഴി​ക്കു​ന്ന​തുമൂ​ലം ന​മ്മു​ടെ ക​ഴു​ത്തി​ലെ പേ​ശി​ക​ളി​ലും ഡി​സ്കു​ക​ളി​ലും വ​ള​രെ​യ​ധി​കം സ്ട്രെയിൻ ഉ​ണ്ടാ​വു​ക​യും ക​ഠി​ന​മാ​യ വേ​ദ​ന അ​നു​ഭ​വി​ക്കേ​ണ്ടി വ​രി​ക​യും ചെ​യ്യു​ന്നു. ഇ​ത് ടെക്സ്റ്റ് നെക്ക് സിൻഡ്രോം എന്ന രോ​ഗാ​വ​സ്ഥ​യി​ലേ​ക്ക് ന​യി​ക്കു​ക​യും ചെ​യ്യു​ന്നു.(Text neck syndrome)

അ​ധി​ക നേ​രം ക​ഴു​ത്തു മു​ന്നി​ലേ​ക്ക് നീ​ട്ടി​പ്പിടി​ച്ചു ജോ​ലി​ചെ​യ്യു​ന്ന വ്യ​ക്തി​ക​ൾ - ക​മ്പ്യൂ​ട്ട​ർ പ്രൊ​ഫ​ഷ​ണ​ലു​ക​ൾ, ദീർഘ ദൂര റൂട്ടുകളിലെ ഡ്രൈ​വ​ർ​മാ​ർ, ഹെ​വി വ​ർ​ക്ക​ർ​മാ​ർ, ക​ൺ​സ്ട്ര​ക്ഷ​ൻ വ​ർ​ക്ക​ർ​മാ​ർ, ഹെ​ഡ് ലോ​ഡിം​ഗ് വ​ർ​ക്ക​ർ​മാ​ർ, ഹെ​വി ഉ​പ​ക​ര​ണ​ങ്ങ​ൾ ഉ​പ​യോ​ഗി​ക്കു​ന്ന പോ​ലീ​സു​കാ​ർ, സു​ര​ക്ഷാ ഉ​ദ്യോ​ഗ​സ്ഥ​ർ, വെയ്റ്റ് ലിഫ്റ്റേഴ്സ്, ദ​ന്ത ഡോ​ക്ട​ർ​മാ​ർ, ശ​സ്ത്ര​ക്രി​യാ ഡോ​ക്ട​ർ​മാ​ർ എ​ന്നി​വ​രും ഈ ​വേ​ദ​ന​യ​നു​ഭ​വി​ക്കു​ന്ന​വ​രു​ടെ ഗ​ണ​ത്തി​ൽ
ഉ​ൾ​പ്പെ​ടു​ന്നു. (തുടരും)

വിവരങ്ങൾ: ഡോ. അരുൺ ഉമ്മൻ
സീനിയർ കൺസൾട്ടന്‍റ് ന്യൂറോസർജൻ, വിപിഎസ് ലേക് ഷോർ ഹോസ്പിറ്റൽ, കൊച്ചി. ഫോൺ - 0484 2772048
[email protected]

Copyright @ 2022 , Rashtra Deepika Ltd.