ഇ​ടു​ക്കി തൊ​മ്മ​ൻ​കു​ത്തി​ൽ വ​നം​വ​കു​പ്പ് അ​തി​ക്ര​മ​ങ്ങ​ൾ തു​ട​രു​ന്ന​തും അ​തു ക​ണ്ടി​ല്ലെ​ന്നു ന​ടി​ച്ച് സ​ർ​ക്കാ​ർ ഒ​ത്താ​ശ​ ചെ​യ്യു​ന്ന​തും കേ​ര​ള​സ​മൂ​ഹം ക​ണ്ടു​കൊ​ണ്ടി​രി​ക്കു​ക​യാ​ണ്. നാ​രങ്ങാ​ന​ത്തെ കൈ​വ​ശ​ഭൂ​മി​യി​ൽ തൊ​മ്മ​ൻ​കു​ത്ത് സെ​ന്‍റ് തോ​മ​സ് ഇ​ട​വ​ക സ്ഥാ​പി​ച്ച കു​രി​ശ് ത​ക​ർ​ത്ത​തി​നു പി​ന്നാ​ലെ ഇ​വി​ടെ സ്ഥാ​പി​ച്ചി​രു​ന്ന പ്രാ​ർ​ഥ​നാ​പീ​ഠ​വും വ​നം​വ​കു​പ്പ് ഉ​ദ‍്യോ​ഗ​സ്ഥ​ർ എ​റി​ഞ്ഞു​ട​ച്ചി​രി​ക്കു​ക​യാ​ണ്.

കു​രി​ശ് പി​ഴു​തെ​റി​ഞ്ഞ വ​നം​വ​കു​പ്പി​നെ​തി​രേ വ​ലി​യ ജ​ന​രോ​ഷ​മു​യ​ർ​ന്നി​ട്ടും സ​ർ​ക്കാ​ർ അ​ന​ങ്ങി​യി​ല്ല. അ​താ​യി​രി​ക്കും ഇ​പ്പോ​ഴ​ത്തെ അ​തി​ക്ര​മ​ത്തി​ന് ഊ​ർ​ജ​മാ​യ​ത്. ഈ ​ഭൂ​മി​ക്ക് പ​ട്ട​യ​മി​ല്ല എ​ന്ന​താ​ണ് വ​നം​വ​കു​പ്പി​ന്‍റെ ന‍്യാ​യം. എ​ന്നാ​ൽ സം​സ്ഥാ​ന​ത്തെ പ​ട്ട​യ​മി​ല്ലാ​ത്ത ഭൂ​മി​യി​ലൊ​ക്കെ വ​നം​വ​കു​പ്പി​നാ​ണോ അ​ധി​കാ​രം? ജ​ണ്ട​യി​ട്ടു വേ​ർ​തി​രി​ച്ചി​രി​ക്കു​ന്ന വ​ന​ഭൂ​മി​ക്കു പു​റ​ത്ത് വ​നം​വ​കു​പ്പ് അ​ധി​കാ​രം സ്ഥാ​പി​ക്കാ​ൻ ന​ട​ത്തു​ന്ന ശ്ര​മ​ങ്ങ​ളെ നി​സാ​ര​മാ​യി കാ​ണാ​നാ​വി​ല്ല.

തൊ​മ്മ​ൻ​കു​ത്തി​നടു​ത്തു​ള്ള വെ​ണ്മ​ണി​യി​ൽ പ​ട്ട​യ​ഭൂ​മി​യി​ലാ​ണ് വ​നം​വ​കു​പ്പി​ന്‍റെ അ​തി​ക്ര​മമു​ണ്ടാ​യ​ത്. 2024 ജ​നു​വ​രി​യി​ൽ വെ​ണ്മ​ണി​യി​ൽ സ്ഥി​ര​താ​മ​സ​ക്കാ​ര​നാ​യ ബേ​ബി ദേ​വ​സ്യ വീ​ട് പ​ണി​യാ​ൻ ത​റ​ നിർമി​ച്ച​പ്പോ​ൾ വ​നം വ​കു​പ്പി​ൽ​നി​ന്ന് എ​ൻ​ഒ​സി വാ​ങ്ങി​യി​ല്ല എ​ന്ന​ കാ​ര​ണ​ത്താ​ൽ അ​ദ്ദേ​ഹ​ത്തി​നെ​തി​രേ കേ​സ് ര​ജി​സ്റ്റ​ർ ചെ​യ്തു. 1993ലെ ​പ്ര​ത്യേ​ക ഭൂ​മി​പ​തി​വ് ച​ട്ട​ങ്ങ​ളു​ടെ അ​ടി​സ്ഥാ​ന​ത്തി​ൽ പ​ട്ട​യം കി​ട്ടി​യ ഭൂ​മി​യാ​ണി​ത്. 1993ലെ ​പ്ര​ത്യേ​ക ഭൂ​മി​പ​തി​വ് ച​ട്ട​ങ്ങ​ളു​ടെ അ​ടി​സ്ഥാ​ന​ത്തി​ൽ പ​ട്ട​യം കൊ​ടു​ത്തി​രി​ക്കു​ന്ന ഭൂ​മി​യി​ൽ ഒ​രു നി​ർ​മാ​ണപ്ര​വ​ർ​ത്ത​ന​ത്തി​നും വ​നംവ​കു​പ്പി​ന്‍റെ എ​ൻ​ഒ​സി വേ​ണ്ടെ​ന്ന് കേ​ര​ള ഹൈ​ക്കോ​ട​തി​യു​ടെ വി​ധി​യു​ള്ള​താ​ണ്. മ​ണ്ണ് നീ​ക്കം ചെ​യ്യു​ന്ന​തി​നോ വീ​ടു വ​യ്ക്കു​ന്ന​തി​നോ വ​നംവ​കു​പ്പി​ന്‍റെ അ​നു​മ​തി ആ​വ​ശ്യ​മി​ല്ലെ​ന്നാ​യി​രു​ന്നു ജ​സ്റ്റീ​സ് എ​ൻ. ന​ഗ​രേ​ഷിന്‍റെ 2023 മേ​യ് ര​ണ്ടി​ന്‍റെ വി​ധി.

1993ലെ ​ച​ട്ട​ങ്ങ​ളു​ടെ അ​ടി​സ്ഥാ​ന​ത്തി​ൽ പ​ട്ട​യം കൊ​ടു​ത്തി​ട്ടു​ള്ള ഭൂ​മി​യി​ലെ വ​നം​വ​കു​പ്പി​ന്‍റെ അ​വ​കാ​ശ​ങ്ങ​ൾ സം​ബ​ന്ധി​ച്ചും ഹൈ​ക്കോ​ട​തി വി​ധി​യു​ണ്ടാ​യി​ട്ടു​ണ്ട്. അ​സൈ​ൻ ചെ​യ്തു​കൊ​ടു​ത്ത ഭൂ​മി​യി​ൽ ഷെ​ഡ്യൂ​ൾ ചെ​യ്ത് നി​റു​ത്തി​യി​രി​ക്കു​ന്ന റി​സ​ർ​വ് മ​ര​ങ്ങ​ളു​ടെ പ​രി​ശോ​ധ​ന​യ്ക്കാ​യി മാ​ത്ര​മേ വ​നംവ​കു​പ്പി​ന് ഭൂ​മി​യി​ൽ പ്ര​വേ​ശി​ക്കു​ന്ന​തി​നു​ള്ള അ​ധി​കാ​ര​മു​ള്ളൂ​വെ​ന്ന് വി​ധി​യി​ൽ പ​റ​യു​ന്നു. ച​ട്ട​ത്തി​ലെ ഏ​ഴാം വ​കു​പ്പ് പ്ര​കാ​രം പ​തി​ച്ചു​ന​ൽ​കു​ന്ന ഭൂ​മി​യി​ൽ​ക്കൂ​ടി റോ​ഡ്, പു​ഴ, അ​രു​വി, വെ​ള്ള​ച്ചാ​ലു​ക​ൾ എ​ന്നി​വ ക​ട​ന്നു​പോ​വു​ക​യാ​ണെ​ങ്കി​ൽ, അ​വ ഉ​പ​യോ​ഗി​ക്കു​ന്ന​തി​ന് സ​ർ​ക്കാ​രി​നും പൊ​തു​ജ​ന​ങ്ങ​ൾ​ക്കും അ​ധി​കാ​ര​മു​ണ്ടാ​കും. കൂ​ടാ​തെ, സ​മീ​പ ഖ​നി​ക​ളി​ലേ​ക്കോ ക്വാ​റി​ക​ളി​ലേ​ക്കോ ഉ​ള്ള സ​ർ​ക്കാ​രി​ന്‍റെ പ്ര​വേ​ശ​നാ​ധി​കാ​ര​വും നി​ല​നി​ർ​ത്തി​യി​ട്ടു​ണ്ട്. ഇ​ത​നു​സ​രി​ച്ചു​ള്ള ന​ട​പ​ടി​ക​ൾ മാ​ത്രം വ​നം​വ​കു​പ്പ് സ്വീ​ക​രി​ച്ചാ​ൽ മ​തി എ​ന്നാ​ണ് വ‍്യ​ക്ത​മാ​ക്ക​പ്പെ​ട്ടി​രി​ക്കു​ന്ന​ത്. എ​ങ്കി​ലും സ​ക​ല നി​യ​മ​ങ്ങ​ളും കാ​റ്റി​ൽ പ​റ​ത്തി മ​ല​യോ​ര ക​ർ​ഷ​ക​രെ ദ്രോ​ഹി​ക്കു​ന്ന​തി​ൽ ആ​ന​ന്ദം ക​ണ്ടെ​ത്തു​ക​യാ​ണ് വ​നം​വ​കു​പ്പ്. അ​തി​നു കു​ട​പി​ടി​ക്കാ​ൻ മ​റ്റ് സ​ർ​ക്കാ​ർ സം​വി​ധാ​ന​ങ്ങ​ളും.

പ​ട്ട​യം ന​ൽ​കാ​ത്ത​തെ​ന്തു​കൊ​ണ്ട്?

1997 ജ​നു​വ​രി ഒ​ന്നി​നു മു​മ്പു​ള്ള കു​ടി​യേ​റ്റ​ങ്ങ​ൾ ക്ര​മ​വ​ത്ക​രി​ച്ച് പ​ട്ട​യം കൊ​ടു​ത്തു​കൊ​ള്ളാ​മെ​ന്ന് സു​പ്രീം​കോ​ട​തി​യി​ല​ട​ക്കം സ​ർ​ക്കാ​ർ ഒ​രു​പാ​ട് സ​ത്യ​വാ​ങ്മൂ​ല​ങ്ങ​ൾ കൊ​ടു​ത്തി​ട്ടു​ണ്ട്. ഇ​ത​നു​സ​രി​ച്ച് തൊ​മ്മ​ൻ​കു​ത്തി​ലെ കൈ​വ​ശഭൂ​മി​ക്ക് എ​ന്തു​കൊ​ണ്ട് പ​ട്ട​യം കൊ​ടു​ത്തി​ല്ല എ​ന്നു​ള്ള​തി​നും അ​ധി​കാ​രി​ക​ൾ മ​റു​പ​ടി പ​റ​യ​ണം.

2019 ഫെ​ബ്രു​വ​രി എ​ട്ടി​ലെ റ​വ​ന്യു വ​കു​പ്പി​ന്‍റെ ഉ​ത്ത​ര​വ് പ​റ​യു​ന്ന​ത് ഇ​ങ്ങ​നെ​യാ​ണ്: “സം​സ്ഥാ​ന​ത്ത് ഇ​നി​യും സം​യു​ക്ത പ​രി​ശോ​ധ​ന ക​ഴി​യാ​ത്ത ജി​ല്ല​ക​ൾ ഉ​ണ്ട​ങ്കി​ൽ, അ​വി​ടെ സം​യു​ക്ത​പ​രി​ശോ​ധ​ന, 31-03-2019നു ​മു​മ്പ് പൂ​ർ​ത്തി​യാ​ക്കി, കേ​ന്ദ്ര​സ​ർ​ക്കാ​രി​ന്‍റെ അ​നു​മ​തി​ക്കാ​യി അ​യ​യ്ക്കു​ന്ന​തി​നും സം​യു​ക്ത പ​രി​ശോ​ധ​ന പൂ​ർ​ണ​മാ​യി ക​ഴി​യാ​ത്ത ജി​ല്ല​ക​ളി​ൽ, അ​തി​ന്‍റെ വി​ശ​ദാം​ശ​ങ്ങ​ൾ 28-02-2019നു ​മു​മ്പ് കേ​ന്ദ്രാ​നു​മ​തി​ക്കാ​യി അ​പ്‌​ലോ​ഡ് ചെ​യ്ത്, ആ​യ​ത് സ​ർ​ക്കാ​രി​ലേ​ക്ക് റി​പ്പോ​ർ​ട്ട് ചെ​യ്യു​ന്ന​തി​നും, സം​യു​ക്ത പ​രി​ശോ​ധ​ന ക​ഴി​ഞ്ഞ​തും, കേ​ന്ദ്ര സ​ർ​ക്കാ​രി​ന്‍റെ അ​നു​മ​തി ല​ഭി​ച്ച​തു​മാ​യ 28,000ത്തിൽ ​പ​രം ഹെ​ക്ട​ർ ഭൂ​മി​യി​ൽ, ഇ​നി വി​ത​ര​ണം​ ചെ​യ്യാ​നു​ള്ള ഭൂ​മി, അ​ടു​ത്ത ആ​റു മാ​സ​ത്തി​നു​ള്ളി​ൽ വി​ത​ര​ണം ചെ​യ്യു​ന്ന​തി​നും നി​ർ​ദേ​ശം ന​ൽ​കി ഉ​ത്ത​ര​വ് പു​റ​പ്പെ​ടു​വി​ക്കു​ന്നു.

മേ​ൽ നി​ർ​ദേ​ശ​പ്ര​കാ​രം ന​ട​പ​ടി സ്വീ​ക​രി​ക്കാ​ൻ ക​ഴി​യാ​ത്ത ഏ​തെ​ങ്കി​ലും കാ​ര​ണ​ങ്ങ​ൾ നി​ല​നി​ൽ​ക്കു​ന്നു​ണ്ടെ​ങ്കി​ൽ, ആ​യ​ത് ഉ​ട​ന​ടി സ​ർ​ക്കാ​രി​ൽ റി​പ്പോ​ർ​ട്ട് ചെ​യ്യു​ന്ന​തി​നു​ള്ള ന​ട​പ​ടി, അ​താ​ത് ജി​ല്ലാ ക​ള​ക്ട​ർ​മാ​ർ സ്വീ​ക​രി​ക്കേ​ണ്ട​തും ന​ട​പ​ടി​ക​ൾ സ്വീ​ക​രി​ക്കാ​തി​രി​ക്കു​ന്ന​ത് ഗു​രു​ത​ര​മാ​യ വീ​ഴ്ച​യാ​യി ക​ണ​ക്കാ​ക്കി, തു​ട​ർ​ന​ട​പ​ടി​ക​ൾ സ്വീ​ക​രി​ക്കു​ന്ന​തു​മാ​ണ്.” ഈ ​ഉ​ത്ത​ര​വി​ന്മേ​ൽ റ​വ​ന്യു, വ​നം വ​കു​പ്പു​ക​ൾ എ​ന്തു ന​ട​പ​ടി​ക​ളാ​ണ് സ്വീ​ക​രി​ച്ച​തെ​ന്ന​റി​യാ​ൻ ഇ​വി​ട​ത്തെ ക​ർ​ഷ​കസ​മൂ​ഹ​ത്തി​ന് അ​വ​കാ​ശ​മു​ണ്ട്.


വ​നംവ​കു​പ്പി​ന്‍റെ എ​ൻ​ഒ​സി

പ​രി​പൂ​ർ​ണ ഉ​ട​മ​സ്ഥ​ത​യി​ലും അ​നു​ഭ​വ​ത്തി​ലും കൈ​വ​ശം​വ​ച്ചു പോ​രു​ന്ന പ​ട്ട​യ​ഭൂ​മി വ​നാ​തി​ർ​ത്തി​യി​ലാ​ണ​ങ്കി​ൽ അ​ത് മ​ക്ക​ൾ​ക്കു​പോ​ലും കൈ​മാ​റ​ണ​മെ​ങ്കി​ൽ വ​നം വ​കു​പ്പി​ന്‍റെ എ​ൻ​ഒ​സി വേ​ണം. എ​ല്ലാ സ​ബ് ര​ജി​സ്ട്രാ​ർ ഓ​ഫീ​സു​ക​ളി​ലും ഇ​ത് ഇ​ന്ന് നി​ർ​ബ​ന്ധ​മാ​ക്കി​യി​ട്ടു​ണ്ട്. എ​ന്നാ​ൽ, എ​ന്താ​ണ് ഇ​തി​ന്‍റെ മാ​ന​ദ​ണ്ഡ​ങ്ങ​ൾ എ​ന്ന് ബ​ന്ധ​പ്പെ​ട്ട ഓ​ഫീ​സു​ക​ളി​ൽ ചോ​ദി​ച്ചാ​ൽ അ​വ​ർ​ക്കും നി​ശ്ച​യ​മി​ല്ല. വ​നം​വ​കു​പ്പ് അ​ങ്ങ​നെ പ​റ​യു​യു​ന്നു എ​ന്നു​മാ​ത്ര​മാ​ണ് അ​വ​രും പ​റ​യു​ന്ന​ത്.

പാ​ല​ക്കാ​ട് ജി​ല്ല​യി​ൽ പൊ​തോ​പാ​ടം മ​ല​വാ​രം, വെ​സ്റ്റ​ഡ് ഫോ​റ​സ്റ്റ് നോ​ട്ടി​ഫി​ക്കേ​ഷ​ൻ പ​രി​ധി​യി​ലാ​ണെ​ന്നു പ​റ​ഞ്ഞ് 48 വ​യ​സു​ള്ള ഖ​ദീ​ജ എ​ന്ന വി​ധ​വ​യാ​യ സ്ത്രീ​യു​ടെ പ​റ​മ്പി​ൽ വ​നംവ​കു​പ്പ് ജ​ണ്ട ഇ​ടു​ക​യും ഖ​ദീ​ജ​ക്ക് എ​ൻ​ഒ​സി ന​ൽ​കാ​തി​രി​ക്കു​ക​യും ചെ​യ്ത സം​ഭ​വ​മു​ണ്ടാ​യി. 2018ൽ ​ഖ​ദീ​ജ ഫോ​റ​സ്റ്റ് ട്രി​ബ‍്യൂ​ണ​ലി​ൽ​നി​ന്ന് ത​ന്‍റെ പ​ട്ട​യ​ഭൂ​മി​യി​ൽ വ​നം​വ​കു​പ്പ് സ്ഥാ​പി​ച്ച ജ​ണ്ട പൊ​ളി​ച്ചു​മാ​റ്റ​ണ​മെ​ന്നും എ​ൻ​ഒ​സി കൊ​ടു​ക്ക​ണ​മെ​ന്നു​മു​ള്ള വി​ധി സ​മ്പാ​ദി​ച്ചി​രു​ന്നു. എ​ന്നാ​ൽ, ഇ​തു ന​ട​പ്പാ​ക്കാ​തെ​വ​ന്ന​തി​നെ​ത്തു​ട​ർ​ന്ന് ഹൈ​ക്കോ​​ട​തി​യെ സ​മീ​പി​ക്കു​ക​യും 2021 ഡി​സം​ബ​ർ 17ന് ​ജ​സ്റ്റീ​സ് പി.​വി. ഉ​ണ്ണി​കൃ​ഷ്ണ​ൻ അ​ഞ്ച് മാ​സ​ങ്ങ​ൾ​ക്ക​കം ട്രി​ബ‍്യൂ​ണ​ൽ വി​ധി ന​ട​പ്പാ​ക്കാ​ൻ ഉ​ത്ത​ര​വ് കൊ​ടു​ക്കു​ക​യും ചെ​യ്തെ​ങ്കി​ലും ഇ​തു​വ​രെ വ​നം​വ​കു​പ്പ് അ​ന​ങ്ങി​യി​ട്ടി​ല്ല.

അ​വി​ടെ ജ​ണ്ട വ​ന​ത്തി​ന്‍റെ അ​തി​ർ​ത്തി​ക്ക​ല്ലാ​ണ​ന്ന് കോ​ട​തി​യി​ൽ പ​റ​യു​ന്ന വ​നം​വ​കു​പ്പ് തൊ​മ്മ​ൻ​കു​ത്തി​ൽ ക​ട​ക​വി​രു​ദ്ധ​മാ​യ നി​ല​പാ​ടെ​ടു​ത്തു. കേ​സെ​ഴു​തി​യ കാ​ളി​യാ​ർ റെ​യ്ഞ്ച​റെ പ്ര​ദേ​ശ​വാ​സി ഫോ​ണി​ൽ വി​ളി​ച്ച​പ്പോ​ൾ പൊ​ളി​ച്ചു​ക​ള​ഞ്ഞ കു​രി​ശി​ന്‍റെ അ​ടു​ത്തു​നി​ന്ന് 700 മീ​റ്റ​ർ മാ​റി​യാ​ണ് ജ​ണ്ട ഇ​ട്ടി​രി​ക്കു​ന്ന​തെ​ന്നും, ജ​ണ്ട എ​ന്ന​ത് വ​ന​ഭൂ​മി​യും ജ​ന​വാ​സ​മേ​ഖ​ല​യും ത​മ്മി​ൽ വേ​ർ​തി​രി​ക്കു​ന്ന അ​തി​ർ​ത്തി​ക്ക​ല്ലാ​ണ​ന്നും സ​മ്മ​തി​ക്കു​ന്നു​മു​ണ്ട്. പി​ന്നെ എ​ന്തി​നാ​ണ് കു​രി​ശു ത​ക​ർ​ത്ത​ത് എ​ന്ന​തി​നു മാ​ത്രം ഉ​ത്ത​ര​മി​ല്ല.

ജ​ണ്ട വെ​റും ക​ല്ലു​കെ​ട്ട​ല്ല

വ​ന​സം​ര​ക്ഷ​ണം ഉ​റ​പ്പു​വ​രു​ത്താ​ൻ 1951ൽ ​സ​ർ​ക്കാ​ർ ചീ​ഫ് ഫോ​റ​സ്റ്റ് ക​ൺ​സ​ർ​വേ​റ്റ​ർ ടി.​വി. വെ​ങ്കി​ടേ​ശ്വ​ര അ​യ്യ​രു​ടെ മേ​ൽ​നോ​ട്ട​ത്തി​ൽ വി​ദ​ഗ്ധ സ​മി​തി​യെ ചു​മ​ത​ല​പ്പെ​ടു​ത്തി​യി​രു​ന്നു. അ​തി​ൻ​പ്ര​കാ​രം ഓ​രോ മേ​ഖ​ല​യി​ലും വ​ന​ഭൂ​മി​യു​ടെ അ​തി​ർ​ത്തി മാ​റ്റ​പ്പെ​ടാ​തി​രി​ക്കാ​ൻ, അ​ത​ത് റെ​യ്ഞ്ച് ഓ​ഫീ​സ​ർ​മാ​ർ ക​ൺ​വീ​ന​ർ​മാ​രാ​യും ത​ഹ​സി​ൽ​ദാ​ർ ചെ​യ​ർ​മാ​നാ​യും പോ​പ്പു​ല​ർ ക​മ്മി​റ്റി​യെ​യും ചു​മ​ത​ല​പ്പെ​ടു​ത്തി. ഇ​വ​ർ 1977 ആ​യ​പ്പോ​ഴേ​ക്കും വ​ന​ഭൂ​മി ജ​ണ്ട​കെ​ട്ടി അ​തി​ർ​ത്തി തി​രി​ച്ച് ഭാ​വി​യി​ലെ കൈ​യേ​റ്റ​ങ്ങ​ൾ​ക്ക് ഒ​രു പ​രി​ധി​വ​രെ അ​റു​തി​വ​രു​ത്തി എ​ന്നാ​ണ് അ​നു​മാ​നം. ഇ​താ​ണ് 1977 ജ​നു​വ​രി ഒ​ന്നു​വ​രെ​യു​ള്ള കു​ടി​യേ​റ്റ​ങ്ങ​ൾ ക്ര​മ​വ​ത്ക​രി​ച്ച് നി​ല​വി​ലെ കൈ​വ​ശ​ക്കാ​ര​ന് പ​തി​ച്ചു​കൊ​ടു​ക്കാ​ൻ സ​ർ​ക്കാ​ർ തീ​രു​മാ​ന​മെ​ടു​ത്ത​തി​ന്‍റെ പ്ര​ധാ​ന കാ​ര​ണം.

ജോ​യി​ന്‍റ് വേ​രി​ഫി​ക്കേ​ഷ​ൻ ആ​വ​ശ്യ​മി​ല്ല

വ​ന​സ്വ​ഭാ​വ​മു​ള്ള ഭൂ​മി​ക്ക് പ​ട്ട​യം ല​ഭി​ക്ക​ണ​മെ​ങ്കി​ൽ റ​വ​ന്യു, വ​നം സം​യു​ക്ത പ​രി​ശോ​ധ​ന ന​ട​ത്തി വ​ന​വ​ത്ക​ര​ണ​ത്തി​ന് പ​ക​രം ഭൂ​മി അ​നു​വ​ദി​ച്ച്, പ​ട്ട​യം കൊ​ടു​ക്കേ​ണ്ട ഭൂ​മി റ​വ​ന്യു വ​കു​പ്പി​ന് കൈ​മാ​റി​യ ശേ​ഷം 1993ലെ ​സ്പെ​ഷ​ൽ റൂ​ളി​ന്‍റെ അ​ടി​സ്ഥാ​ന​ത്തി​ൽ മാ​ത്ര​മേ പ​ട്ട​യം കൊ​ടു​ക്കു​ന്ന​തി​ന് സാ​ധി​ക്കു​മാ​യി​രു​ന്നു​ള്ളൂ. എ​ന്നാ​ൽ, ഇ​ത്ത​രം നൂ​ലാ​മാ​ല​ക​ളി​ൽ കു​ടു​ങ്ങി നൂ​റ്റാ​ണ്ടു​ക​ൾ പ​ഴ​ക്ക​മു​ള്ള കൈ​വ​ശ​ഭൂ​മി​ക്കു​പോ​ലും പ​ട്ട​യം കൊ​ടു​ക്കാ​ൻ സാ​ധി​ക്കാ​തെ വ​ന്ന​തി​നാ​ൽ 2024ൽ ​സ​ർ​ക്കാ​ർ പു​തി​യ ഉ​ത്ത​ര​വി​റ​ക്കി. അ​തു​പ്ര​കാ​രം റ​വ​ന്യു രേ​ഖ​ക​ളു​ടെ റി​മാ​ർ​ക്ക് കോ​ള​ത്തി​ൽ ഭൂ​മി​യു​ടെ സ്വ​ഭാ​വം വ​ന​മെ​ന്നോ റി​സ​ർ​വ് വ​ന​മെ​ന്നോ രേ​ഖ​പ്പെ​ടു​ത്തി​യി​രു​ന്നാ​ൽ​ പോ​ലും നി​ല​വി​ലെ കൈ​വ​ശ​ക്കാ​ര​ന് 1964ലെ ​ഭൂ​മിപ​തി​വ് ച​ട്ട​ങ്ങ​ളു​ടെ അ​ടി​സ്ഥാ​ന​ത്തി​ൽ പ​ട്ട​യം കൊ​ടു​ക്കാം. 1964ലെ ​ച​ട്ട​പ്ര​കാ​ര​മു​ള്ള ജോ​യി​ന്‍റ് വേ​രി​ഫി​ക്കേ​ഷ​ൻ ആ​വ​ശ്യ​മി​ല്ല. തൊ​മ്മ​ൻ​കു​ത്തി​ൽ കു​രി​ശ് പൊ​ളി​ച്ച​തു​മാ​യി ബ​ന്ധ​പ്പെ​ട്ട് വി​ല്ലേ​ജ് ഓ​ഫീ​സ​ർ വ​നംവ​കു​പ്പി​ന് കൊ​ടു​ത്തി​രി​ക്കു​ന്ന സ്റ്റാ​റ്റ​സ് റി​പ്പോ​ർ​ട്ടും മ​റ്റൊ​രു ഗൂ​ഢാ​ലോ​ച​ന​യു​ടെ ഭാ​ഗ​മാ​യി കാ​ണേ​ണ്ടി​വ​രും.