മേരി ഡോട്ട് കോം : Deepika.com Special News

മേരി ഡോട്ട് കോം

ബോക്സിംഗിൽ ഇന്ത്യയുടെ സൂപ്പർതാരം മേരി കോം പ്രീക്വാർട്ടറിൽ. വനിതകളുടെ 51 കിലോഗ്രാം ഫ്ളൈറ്റ്‌‌വെയ്റ്റ് വിഭാഗത്തിൽ മേരി ഡൊമിനിക്കൻ റിപ്പബ്ലിക്കിന്‍റെ മിഗ്വലിന ഗാർസിയയ്ക്കെതിരേ 4-1ന്‍റെ അനായാസ ജയമാണു സ്വന്തമാക്കിയത്. 38 വയസുകാരിയായ മേരിയെക്കാൾ 15 വയസ് ഇളയതാണു ഡൊമിനിക്കൻ റിപ്പബ്ലിക് താരം.

മേരി കോം മുന്നേറിയപ്പോൾ പുരുഷൻമാരുടെ 63 കിലോഗ്രാം ലൈറ്റ്‌വെയ്റ്റ് വിഭാഗത്തിൽ മനീഷ് കൗശിക് ആദ്യ റൗണ്ടിൽ തോറ്റുപുറത്തായി. ബ്രിട്ടീഷ് താരം ലൂക്ക് മക്രോമാകിനോട് 4-1നാണ് കൗശിക് പരാജയപ്പെട്ടത്.

മാനയ്ക്കും ശ്രീഹരിക്കും നിരാശ

ഇന്ത്യയുടെ നീന്തൽ താരങ്ങളായ മാന പട്ടേലിനും ശ്രീഹരി നടരാജനും സെമി ഫൈനലിൽ പ്രവേശിക്കാനായില്ല. വനിതകളുടെ 100 മീറ്റർ ബാക്ക് സ്ട്രോക്കിൽ മാന ( ഒരു മിനിറ്റ് 05.20 സെക്കൻഡ്) 39-ാം സ്ഥാനത്താണെത്തിയത്. പുരുഷന്മാരുടെ 100 മീറ്റർ ബാക്ക് സ്ട്രോക്കിൽ ശ്രീഹരി (52.15 സെക്കൻഡ്) 27-ാം സ്ഥാനത്താണു ഫിനിഷ് ചെയ്തത്. ഹീറ്റ്സുകളിലെ മികച്ച സമയത്ത് ഫിനിഷ് ചെയ്ത 16 പേരാണു സെമിയിലേക്കു യോഗ്യത നേടുന്നത്.

ടെന്നീസിലും പിഴച്ചു

ടെന്നീസിൽ വനിതകളുടെ ഡബിൾസിൽ ഇന്ത്യയുടെ സാനിയ മിർസ-അങ്കിത റെയ്ന സഖ്യം ജയത്തിന്‍റെ വക്കിൽനിന്ന് തോൽവി വഴങ്ങി പുറത്തായി. ഇന്ത്യൻ സഖ്യം 0-6, 7-6(7-0), 10-8ന് യുക്രെയ്ന്‍റെ ല്യൂഡ്മെയ്‌ല കിചെനൊക് -നാദിയ കിചെനൊക് ഇരട്ട സഹോദരി സഖ്യത്തോടാണു തോറ്റത്. ആദ്യ സെറ്റ് അനായാസം നേടിയ ഇന്ത്യൻ സഖ്യം രണ്ടാം സെറ്റിൽ ജയപ്രതീക്ഷ ഉയർത്തിയശേഷം ടൈബ്രേക്കറിൽ നിരുപാധികം കീഴടങ്ങുകയായിരുന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.