കോ​ട്ട​യം: കോ​ട്ട​യം മെ​ഡി​ക്ക​ല്‍ കോ​ള​ജി​ല്‍ ബി​ന്ദു എ​ന്ന വീ​ട്ട​മ്മ​യു​ടെ മ​ര​ണ​ത്തി​നി​ട​യാ​ക്കി ഇ​ടി​ഞ്ഞുവീ​ണ ശു​ചി​മു​റിക്കെ​ട്ടി​ട​ത്തി​ന് 2013ൽ ​പൊ​തു​മ​രാ​മ​ത്ത് വ​കു​പ്പ് അ​ണ്‍ഫി​റ്റ് സ​ര്‍ട്ടി​ഫി​ക്ക​റ്റ് ന​ല്‍കി​യി​രു​ന്നു എ​ന്ന് ക​ണ്ടെ​ത്തി. ഈ റി​പ്പോ​ര്‍ട്ട് കു​റേ നാ​ള്‍ സ​ര്‍ക്കാ​രു​ക​ളും ബ​ന്ധ​പ്പെ​ട്ട വ​കു​പ്പു​ക​ളും പൂ​ഴ്ത്തി​വയ്​ക്കു​ക​യും പി​ന്നീ​ട് ബാ​ഹ്യ​സ​മ്മ​ര്‍ദ​ങ്ങ​ള്‍ക്കു വ​ഴ​ങ്ങാ​തെ പു​റ​ത്തു​വി​ടു​ക​യു​മാ​യി​രു​ന്നു.

എ​ന്നാ​ല്‍, മ​ന്ത്രി​ത​ല അ​ന്വേ​ഷ​ണം വ​ന്ന​പ്പോ​ള്‍ സ​ര്‍ജ​റി​ക്ക് മ​റ്റ് ഇ​ട​മി​ല്ലെ​ന്ന വാ​ദ​ത്തി​ല്‍ കെ​ട്ടി​ടം പൊ​ളി​ച്ചുമാ​റ്റേ​ണ്ട എ​ന്ന തീ​രു​മാ​നം കൈ​ക്കൊ​ണ്ടു. 11, 14, 10 വാ​ര്‍ഡു​ക​ള​ട​ങ്ങി​യ ഇ​ന്ന​ത്തെ വി​വാ​ദ കെ​ട്ടി​ടം ത​ന്നെ​യാ​ണ് അ​ന്നും പ്ര​ധാ​ന ച​ര്‍ച്ചാ​വി​ഷ​യ​മാ​യ​ത്.

പിന്നീട് വി​വി​ധ വ​കു​പ്പു​ക​ള്‍ മാ​റി വ​ന്നു. എ​ങ്കി​ലും ജീ​വ​ന് ഭീ​ഷ​ണി​യാ​യി ത​ക​ര്‍ച്ച​യു​ടെ വ​ക്കി​ല്‍ നി​ല്‍ക്കു​ന്ന കെ​ട്ടി​ടം പൊ​ളി​ച്ചു മാ​റ്റാ​ന്‍ അ​ധി​കാ​ര-​ഉ​ദ്യോ​ഗ​സ്ഥ കേ​ന്ദ്ര​ങ്ങ​ള്‍ക്ക് ആ​യി​ല്ല. 1962ല്‍ ​നിർമിച്ച മെ​ഡി​ക്ക​ല്‍ കോ​ള​ജി​ലെ ഈ ​കെ​ട്ടി​ടം 60 വ​ര്‍ഷ​ങ്ങ​ള്‍ പി​ന്നി​ട്ട​താ​ണ്.

അ​തേ​സ​മ​യം, ആ​ശു​പ​ത്രി വി​ക​സ​ന സ​മി​തി യോ​ഗം അ​വ​സാ​നം ചേ​ര്‍ന്ന​ത് 2023 ലാ​ണെ​ന്ന് സ​മി​തി അം​ഗം ജോ​ബി​ന്‍ ജേ​ക്ക​ബ് പ​റ​ഞ്ഞു. ഇ​തു സം​ബ​ന്ധി​ച്ച് പ​ല​ത​വ​ണ പ​രാ​തി​പ്പെ​ട്ടി​ട്ടും ഫ​ല​മു​ണ്ടാ​യി​ല്ല.

കോ​ട്ട​യം മെ​ഡി​ക്ക​ല്‍ കോ​ള​ജി​ല്‍ ഉ​ദ്യോ​ഗ​സ്ഥ യോ​ഗ​ങ്ങ​ളാ​ണ് തീ​രു​മാ​ന​ങ്ങ​ളെ​ടു​ക്കു​ന്ന​ത്. വി​ക​സ​നസ​മി​തി​യെ നോ​ക്കു​കു​ത്തി​യാ​ക്കി നി​ര്‍ത്തി​കൊ​ണ്ടാ​ണ് ഇ​വി​ടെ കാ​ര്യ​ങ്ങ​ള്‍ ന​ട​ത്തു​ന്ന​തെ​ന്നും അ​ദ്ദേഹം പ​റ​ഞ്ഞു.

മരണകാരണം തലയ്ക്കേറ്റ ഗുരുതര പരിക്ക്

ഗാ​ന്ധി​ന​ഗ​ര്‍ (കോട്ടയം): മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ കെ​ട്ടി​ടം ഇ​ടി​ഞ്ഞു​വീ​ണു മ​രി​ച്ച ത​ല​യോ​ല​പ്പ​റ​മ്പ് ഉ​മാം​കു​ന്ന് മേ​പ്പാ​ത്തു​കു​ന്നേ​ല്‍ ഡി. ​ബി​ന്ദു​വി​നു ഗു​രു​ത​ര​മാ​യി പ​രി​ക്കേ​റ്റി​രു​ന്നു​വെ​ന്ന് പ്രാ​ഥ​മി​ക പോ​സ്റ്റ്മോ​ര്‍ട്ടം റി​പ്പോ​ര്‍ട്ട്.


കോ​ണ്‍ക്രീ​റ്റ് സ്ലാ​ബ് പ​തി​ച്ച ത​ല​ക്കേ​റ്റ ഗു​രു​ത​ര പ​രി​ക്കും ആ​ന്ത​രി​ക ര​ക്ത​സ്രാ​വവുമാ​ണു മ​ര​ണ കാ​ര​ണം. ത​ല​യോ​ട്ടി പൊ​ട്ടി ആ​ന്ത​രിക ഭാ​ഗം പു​റ​ത്തു​വ​ന്നു. വാ​രി​യെ​ല്ലു​ക​ള്‍ പൂ​ര്‍ണ​മാ​യും ഒ​ടി​ഞ്ഞു. ശ്വാ​സ​കോ​ശം, ഹൃ​ദ​യം, ക​ര​ള്‍ ഉ​ള്‍പ്പെ​ടെ അ​വ​യ​ങ്ങ​ള്‍ക്ക് ഗു​രു​ത​ര ക്ഷ​ത​മേ​റ്റ​താ​യും റി​പ്പോ​ര്‍ട്ടി​ലു​ണ്ട്.

മു​ഖ്യ​മ​ന്ത്രിയുടെ പ്രതികരണം പ്ര​സ്താ​വ​ന​യി​ലൂ​ടെ മാത്രം

തി​​​രു​​​വ​​​ന​​​ന്ത​​​പു​​​രം: കോ​​​ട്ട​​​യം മെ​​​ഡി​​​ക്ക​​​ൽ കോ​​​ള​​​ജ് ആ​​​ശു​​​പ​​​ത്രി ക്കെട്ടി​​​ട​​​ത്തി​​​ലെ ശു​​​ചി​​​മു​​​റി ഭാ​​​ഗം ത​​​ക​​​ർ​​​ന്നുവീ​​​ണു വീ​​ട്ട​​മ്മ മ​​​രി​​​ച്ച സം​​​ഭ​​​വ​​​ത്തി​​​ൽ മി​​​ണ്ടാ​​​തി​​​രു​​​ന്ന മു​​​ഖ്യ​​​മ​​​ന്ത്രി പി​​​ണ​​​റാ​​​യി വി​​​ജ​​​യ​​​ൻ ഇ​​​ന്ന​​​ലെ പ്ര​​​തി​​​ക​​​രി​​​ച്ചു.

പ്ര​​​സ്താ​​​വ​​​ന വ​​​ഴി​​​യു​​​ള്ള പ്ര​​​തി​​​ക​​​ര​​​ണ​​​ത്തി​​​ൽ കോ​​​ട്ട​​​യം മെ​​​ഡി​​​ക്ക​​​ൽ കോ​​​ള​​​ജി​​​ലു​​​ണ്ടാ​​​യ​​​തുപോ​​​ലു​​​ള്ള ദൗ​​​ർ​​​ഭാ​​​ഗ്യ​​​ക​​​ര​​​വും വേ​​​ദ​​​നാ​​​ജ​​​ന​​​ക​​​വു​​​മാ​​​യ അ​​​പ​​​ക​​​ട​​​ങ്ങ​​​ൾ ആ​​​വ​​​ർ​​​ത്തി​​​ക്കാ​​​തി​​​രി​​​ക്കാ​​​നു​​​ള്ള എ​​​ല്ലാ മു​​​ൻ​​​ക​​​രു​​​ത​​​ലും സ​​​ർ​​​ക്കാ​​​ർ ശ​​​ക്തി​​​പ്പെ​​​ടു​​​ത്തു​​​മെ​​​ന്നു മു​​​ഖ്യ​​​മ​​​ന്ത്രി പ​​​റ​​​ഞ്ഞു. മ​​​ര​​​ണ​​​മ​​​ട​​​ഞ്ഞ ബി​​​ന്ദു​​​വി​​​ന്‍റെ കു​​​ടും​​​ബാം​​​ഗ​​​ങ്ങ​​​ൾ​​​ക്ക് ഉ​​​ചി​​​ത​​​മാ​​​യ സ​​​ഹാ​​​യം ന​​​ൽ​​​കും. അ​​​വ​​​രു​​​ടെ ദുഃ​​​ഖ​​​ത്തി​​​ൽ പ​​​ങ്കുചേ​​​രു​​​ന്നുവെന്നും മു​​​ഖ്യ​​​മ​​​ന്ത്രി പ​​​റ​​​ഞ്ഞു.

സം​​​ഭ​​​വദി​​​വ​​​സം കോ​​​ട്ട​​​യ​​​ത്ത് മു​​​ഖ്യ​​​മ​​​ന്ത്രി ഉ​​​ണ്ടാ​​​യി​​​രു​​​ന്നി​​​ട്ടും പ്ര​​​തി​​​ക​​​രി​​​ക്കാ​​​തി​​​രു​​​ന്ന​​​തും പി​​​ന്നീ​​​ട് ഇ​​​ക്കാ​​​ര്യ​​​ത്തി​​​ൽ പ്ര​​​തി​​​ക​​​ര​​​ണ​​​മു​​​ണ്ടാ​​​കാ​​​തി​​​രു​​​ന്ന​​​തും ഏ​​​റെ വി​​​മ​​​ർ​​​ശ​​​ന​​​ങ്ങ​​​ൾ​​​ക്ക് ഇ​​​ട​​​യാ​​​ക്കി​​​യി​​​രു​​​ന്നു.