കോ​ട്ട​യം: മെ​ഡി​ക്ക​ല്‍ കോ​ള​ജ് ആ​ശു​പ​ത്രിക്കെ​ട്ടി​ടം ത​ക​ര്‍ന്ന​യു​ട​ന്‍ സ്ഥ​ല​ത്തെ​ത്തി​യ മ​ന്ത്രി​മാ​രാ​യ വി.​എ​ന്‍. വാ​സ​വ​നും വീ​ണാ ജോ​ര്‍ജും അ​പ​ക​ട​ത്തെ നി​സാ​ര​വ​ത്ക​രി​ച്ചു. ഉ​പ​യോ​ഗ​ശൂ​ന്യ​മാ​യ കെ​ട്ടി​ട​മാ​ണ് വീ​ണ​തെ​ന്നും ആ​രും അ​വി​ടെ​യു​ണ്ടാ​യി​രു​ന്നി​ല്ലെ​ന്നും പു​തി​യ കെ​ട്ടി​ട​ത്തി​ലേ​ക്ക് ഉ​ട​ന്‍ വാ​ര്‍ഡു​ക​ള്‍ മാ​റ്റു​മെ​ന്നു​മാ​യി​രു​ന്നു ആ​വ​ര്‍ത്തി​ച്ചു​ള്ള പ്ര​സ്താ​വ​ന.

ഇ​തോ​ടെ ര​ക്ഷാ​പ്ര​വ​ര്‍ത്ത​നം ഏ​റെ​ക്കു​റെ നി​റു​ത്തി​വ​യ്ക്കു​ന്ന സാ​ഹ​ച​ര്യ​മു​ണ്ടാ​യി. ഒ​രു കൂ​ട്ടി​രി​പ്പു​കാ​രി​ക്കും ആ​ശു​പ​ത്രി ജീ​വ​ന​ക്കാ​ര്‍ക്കും നി​സാ​ര​ പ​രി​ക്കേ ഉ​ള്ളൂവെ​ന്നു പ​റ​യു​മ്പോ​ഴും ബി​ന്ദു എ​ന്ന സ്ത്രീ ​മ​ണ്‍കൂ​ന​യി​ല്‍ മ​ര​ണ​വെ​പ്രാ​ള​ത്തി​ല്‍ പി​ട​യു​ക​യാ​യി​രു​ന്നു.

മ​ന്ത്രി​മാ​ര്‍ മാ​ധ്യ​മ​ങ്ങ​ളോ​ടും ഓ​ടി​ക്കൂ​ടി​യ​വ​രോ​ടും ആ​വ​ര്‍ത്തി​ച്ച​ത് ത​ക​ര്‍ന്നുവീ​ണ കെ​ട്ടി​ടം ഉ​പ​യോ​ഗി​ച്ചി​രു​ന്ന​ത​ല്ലെ​ന്നാ​ണ്. ഇ​താ​ണ് ര​ക്ഷാ​പ്ര​വ​ര്‍ത്ത​നം ര​ണ്ട​ര മ​ണി​ക്കൂ​റോ​ളം വൈ​കാ​ന്‍ കാ​ര​ണ​മാ​യ​ത്. ര​ണ്ട​ര മ​ണി​ക്കൂ​റി​നു​ശേ​ഷം ജെ​സി​ബി എ​ത്തി​അ​വ​ശി​ഷ്ട​ങ്ങ​ള്‍ നീ​ക്കി​യ​തോ​ടെ​യാ​ണ് ഒ​രു സ്ത്രീ​യെ ഇ​വി​ടെ​നി​ന്നും ക​ണ്ടെ​ത്തി​യ​ത്.

പീ​ന്നി​ടാ​ണ് അ​ട​ച്ചി​ട്ടി​രു​ന്ന ഈ ​കെ​ട്ടി​ട​ത്തി​ലെ ശു​ചി​മു​റി​ക​ള്‍ ഉ​പ​യോ​ഗി​ച്ചി​രു​ന്നു​വെ​ന്ന​ത് മ​ന​സി​ലാ​ക്കു​ന്ന​ത്. കെ​ട്ടി​ടം അ​പ​ക​ടാ​വ​സ്ഥ​യി​ലായിട്ടും ആയിരക്ക​ണ​ക്കി​നു പേ​ര്‍ എ​ത്തു​ന്ന ആ​ശു​പ​ത്രിക്കെട്ടി​ടം ബ​ന്ധ​വ​സാ​ക്കാ​നു​ള്ള ന​ട​പ​ടി സ്വീ​ക​രി​ച്ചി​ല്ല.

അ​പ​ക​ടസ്ഥ​ല​ത്തേ​ക്ക് ജെ​സി​ബി ക​ട​ത്തി​ക്കൊ​ണ്ടു​വ​രാ​ന്‍ ഒ​രു സം​വി​ധാ​നവു​മു​ണ്ടാ​യി​രു​ന്നി​ല്ല. രോ​ഗി​ക​ളെ ഒ​ഴി​പ്പി​ച്ച ആ​ശു​പ​ത്രി വാ​ര്‍ഡി​ലൂ​ടെ ജെ​സി​ബി ക​ട​ത്തി​ക്കൊ​ണ്ടു​പോ​യാ​ണ് ഇ​ടി​ഞ്ഞു​വീ​ണ മ​ണ്ണ് നീ​ക്കി​യ​തും മൃ​ത​ദേ​ഹം ക​ണ്ടെ​ത്തി​യ​തും.

ര​ക്ഷാ​പ്ര​വ​ര്‍ത്ത​നം വൈ​കി​യ​തി​ല്‍ പ്ര​തി​ഷേ​ധി​ച്ച് ചാ​ണ്ടി ഉ​മ്മ​ന്‍ എം​എ​ല്‍എ​യും ബി​ജെ​പി ജി​ല്ലാ പ്ര​സി​ഡ​ന്‍റ് ലി​ജി​ന്‍ ലാ​ലും സ്ഥ​ല​ത്തെ​ത്തി പ്ര​തി​ഷേ​ധി​ച്ചു.

വാ​ര്‍ഡി​ല്‍ രോ​ഗി​ക്കൊ​പ്പ​മു​ണ്ടാ​യി​രു​ന്ന സ്ത്രീ​യെ കാ​ണാ​താ​യ​താ​യി പ​രാ​തി ഉ​യ​ര്‍ന്നി​ട്ടും ബ​ന്ധ​പ്പെ​ട്ട​വ​ര്‍ വി​ഷ​യം ഗൗ​ര​വ​ത്തി​ല്‍ എ​ടു​ത്തി​ല്ലെ​ന്ന് ആ​രോ​പ​ണ​മു​യ​ര്‍ന്നി​രു​ന്നു.

രക്ഷാപ്രവർത്തകർ കുതിച്ചെത്തി; എന്നിട്ടും...

കോ​ട്ട​യം: കെ​​ട്ടി​​ടം വീ​​ണ് പ​​ത്തു മി​​നി​​റ്റി​​നു​​ള്ളി​​ല്‍ കോ​​ട്ട​​യ​​ത്തു​​നി​​ന്നു​​ള്ള ഫ​​യ​​ര്‍ ഫോ​​ഴ്‌​​സ് യൂ​​ണി​​റ്റ് സം​ഭ​വ​സ്ഥ​ല​ത്തെ​ത്തി. ഗാ​​ന്ധി​​ന​​ഗ​​ര്‍, കോ​​ട്ട​​യം പോ​​ലീ​​സും ഓ​​ടി​​യെ​​ത്തി. സ്ഥി​​തി ഗു​​രു​​ത​​ര​​മെ​​ന്ന ആ​​ശ​​ങ്ക​​യി​​ല്‍ ദ്രുത​​ക​​ര്‍മ സേ​​ന​​യും എ​​ആ​​ര്‍ ക്യാ​​മ്പി​​ല്‍നി​​ന്നു​​ള്ള റി​​സ​​ര്‍വ് പോ​​ലീ​​സും എ​​ത്തി.

എ​ന്നാ​ൽ ര​​ണ്ടു പേ​​ര്‍ക്ക് നി​​സാ​​ര പ​​രി​​ക്കേ​റ്റ​തേ​യു​ള്ളൂ​വെ​ന്ന നി​ല​പാ​ടി​ലാ​യി​രു​ന്നു മെ​ഡി​ക്ക​ൽ കോ​ള​ജ് അ​ധി​കൃ​ത​ർ. ​സ്ഥ​ല​ത്തെ​ത്തി​യ മ​​ന്ത്രി​​മാ​​രാ​​യ വി.​​എ​​ന്‍. വാ​​സ​​വ​​നും വീ​​ണാ​ ജോ​ർ​ജും ഇ​താ​വ​ർ​ത്തി​ക്കു​ക​യും ചെ​യ്തു. ഉ​​പ​​യോ​​ഗി​​ക്കാ​​ത്ത കെ​​ട്ടി​​ട​​മാ​ണെ​ന്നും അ​തി​നാ​ൽ​ത്ത​ന്നെ ആ​ളു​ക​ൾ ഉ​ൾ​പ്പെ​ട്ടി​ട്ടു​ണ്ടാ​കി​ല്ലെ​ന്നു​മു​ള്ള​ ധാ​ര​ണ പ​ര​ക്കു​ക​യും ചെ​യ്തു. മ​​ന്ത്രി​​മാ​​ര്‍ ആ​​ശ്വാ​​സ​​വാ​​ക്കു​​ക​​ള്‍ പ​​റ​​ഞ്ഞ​​തോ​​ടെ ര​​ക്ഷാ​​പ്ര​​വ​​ര്‍ത്തി​​നെ​​ത്തി​​യ ഏ​​റെ​​പ്പേ​​രും മ​​ട​​ങ്ങി.


എ​ന്നാ​ൽ, അ​​പ​​ക​​ടം അ​​റി​​ഞ്ഞ​​യു​​ട​​ന്‍ ബി​​ന്ദു​​വി​​നെ ഫോ​​ണി​​ല്‍ കി​​ട്ടാ​​തെ മ​​ക​​ള്‍ ന​​വ​​മി സ​​മീ​​പ​​ത്തെ രോ​​ഗി​​ക​​ളോ​​ടും ബ​​ന്ധു​​ക്ക​​ളോ​​ടും ആ​​ശ​​ങ്ക അ​​റി​​യി​​ച്ചു. കു​​ളി​​ക്കാ​​ന്‍ പോ​​യ അ​​മ്മ മ​​ട​​ങ്ങി വ​​ന്നി​​ട്ടി​​ല്ലെ​​ന്ന മ​​ക​​ളു​​ടെ മു​​റ​​വി​​ളി​​യെ​​ത്തു​​ട​​ര്‍ന്നാ​​ണ് തെ​​ര​​ച്ചി​​ല്‍ ന​​ട​​ത്താ​​ന്‍ തീ​​രു​​മാ​​ന​​മു​​ണ്ടാ​​യ​​ത്. ര​​ണ്ട​​ര മ​​ണി​​ക്കൂ​​റി​​നു​​ശേ​​ഷ​​മാ​​ണ് പെ​​രു​​മ​​ഴ​​യ്ക്കി​​ടെ ഹി​​റ്റാ​​ച്ചി ഒ​​രു വി​​ധം സ്ഥ​​ല​​ത്തെ​​ത്തി​​ച്ച​​ത്.

ഇ​ത്ത​രം അ​​ത്യാ​​ഹി​​തം നേ​​രി​​ടാ​​നു​​ള്ള സം​​വി​​ധാ​​നം കോ​​ട്ട​​യ​​ത്തു​​ണ്ട്. കോ​​ട്ട​​യം, പാ​​മ്പാ​​ടി, ക​​ടു​​ത്തു​​രു​​ത്തി, വൈ​​ക്കം എ​​ന്നി​​വി​​ട​​ങ്ങ​​ളി​​ല്‍ ഫ​​യ​​ര്‍ ഫോ​​ഴ്‌​​സ് യൂ​​ണി​​റ്റു​​ക​ളു‌​ണ്ട്. പോ​​ലീ​​സ് ക്യാ​​മ്പി​​ല്‍ മു​​ന്നൂ​​റു റി​​സ​​ര്‍വ് പോ​​ലീ​​സു​ണ്ട്.

അ​​ഞ്ഞൂ​​റോ​​ളം ഡോ​​ക്ട​​ര്‍മാ​​രും ര​​ണ്ടാ​​യി​​രം ന​​ഴ്‌​​സു​​മാ​​രും മെ​​ഡി​​ക്ക​​ല്‍ വി​​ദ്യാ​​ര്‍ഥി​​ക​​ളും മെ​​ഡി​​ക്ക​​ല്‍ കോ​​ള​​ജി​​ലു​​ണ്ട്. ന​​ഗ​​ര​​ത്തി​​ല്‍ ജി​​ല്ലാ ആ​​ശു​​പ​​ത്രി​യു​മു​ണ്ട്. എ​​ല്ലാ സം​​വി​​ധാ​​ന​​ങ്ങ​​ളു​​മു​​ള്ള ആ​​റ് സ്വ​​കാ​​ര്യ ആ​​ശു​​പ​​ത്രി​​ക​​ള്‍ സ​മീ​പ​ത്തു​ണ്ട്. ഇ​​ത്ര​​യേ​​റെ സാ​​ധ്യ​​ത​​ക​​ളും സാ​​ഹ​​ച​​ര്യ​​ങ്ങ​​ളു​​മു​​ണ്ടാ​​യി​​രി​​ക്കെ​​യാ​​ണ് മെ​​ഡി​​ക്ക​​ല്‍ കോ​​ള​​ജി​​ലെ ദാ​​രു​​ണ മ​​ര​​ണം.

അ​ഞ്ച് കി​ലോ​മീ​റ്റ​ര്‍ അ​ക​ലെ മു​ഖ്യ​മ​ന്ത്രി​യും സം​ഘ​വും

കോ​ട്ട​യം: കോ​ട്ട​യം മെ​ഡി​ക്ക​ല്‍ കോ​ള​ജി​ല്‍ ഇ​ന്ന​ലെ രാ​വി​ലെ കെ​ട്ടി​ടം ത​ക​ര്‍ന്നു വീ​ണ​പ്പോ​ള്‍ അ​ഞ്ചു കി​ലോ​മീ​റ്റ​ര്‍ അ​ക​ലെ മു​ഖ്യ​മ​ന്ത്രി​യും നാ​ലു മ​ന്ത്രി​മാ​രും ഉ​ള്‍പ്പെ​ടെ​യു​ള്ള ഉ​ന്ന​ത​ല സം​ഘ​മു​ണ്ടാ​യി​രു​ന്നു.

കോ​ട്ട​യം, ഇ​ടു​ക്കി, എ​റ​ണാ​കു​ളം, ആ​ല​പ്പു​ഴ ജി​ല്ല​ക​ളി​ലെ വി​വി​ധ സ​ര്‍ക്കാ​ര്‍ പ​ദ്ധ​തി​ക​ളു​ടെ പു​രോ​ഗ​തി അ​വ​ലോ​ക​നം ചെ​യ്യാ​നാ​ണ് തെ​ള്ള​കം ഡി​എം ക​ണ്‍വ​ന്‍ഷ​ന്‍ സെ​ന്‍റ​റി​ല്‍ യോ​ഗം ന​ട​ന്നി​രു​ന്ന​ത്. ഈ സമയത്താണ് രാ​വി​ലെ മെ​ഡി​ക്ക​ല്‍ കോ​ള​ജി​ല്‍ അ​പ​ക​ട​മു​ണ്ടാ​യ​ത്.

സം​ഭ​വ​മ​റി​ഞ്ഞ​യു​ട​ന്‍ മ​ന്ത്രി​മാ​രാ​യ വി.​എ​ന്‍. വാ​സ​വ​നും വീ​ണാ ജോ​ര്‍ജും മെ​ഡി​ക്ക​ല്‍ കോ​ള​ജി​ലെ​ത്തി​യിട്ടും രക്ഷാപ്രവർത്തനം യഥാസമയം നടന്നില്ല.