സു​ഭാ​ഷ് ഗോ​പി

ത​ല​യോ​ല​പ്പ​റ​മ്പ്: ആ​ദ്യ​ശ​മ്പ​ളം വാ​ങ്ങാ​ന്‍ അ​മ്മ കാ​ത്തു​നി​ന്നി​ല്ല. ആ ​പ​ണം​കൊ​ണ്ട് മ​ക​ന് അ​മ്മ​യു​ടെ മൃ​ത​സം​സ്കാ​ര ചെ​ല​വു​ക​ൾ ന​ട​ത്താ​നാ​യി​രു​ന്നു വി​ധി.

കോ​ട്ട​യം മെ​ഡി​ക്ക​ല്‍ കോ​ള​ജ് ആ​ശു​പ​ത്രിക്കെ​ട്ടി​ടം ത​ക​ര്‍ന്ന് ദാ​രു​ണ​മ​ര​ണം സം​ഭ​വി​ച്ച ബി​ന്ദു​വി​ന​രികി​ല്‍ മ​ക​ന്‍ ന​വ​നീ​തി​ന്‍റെ നി​ല​യ്ക്കാ​ത്ത നി​ല​വി​ളി ഹൃ​ദ​യ​ഭേ​ദ​ക​മാ​യി​രു​ന്നു. അ​തി​നു​മു​യ​രെ മ​ക​ള്‍ ന​വ​മി​യു​ടെ അ​ല​മു​റ.

ഭ​ര്‍ത്താ​വ് വി​ശ്രു​ത​ന്‍ നി​ശ്ച​ല​ശ​രീ​ര​ത്തി​ന​രികി​ല്‍ ത​ള​ര്‍ന്നി​രു​ന്നു. എ​രി​ഞ്ഞ​ട​ങ്ങാ​ന്‍ ആ​റ​ടി മ​ണ്ണ് സ്വ​ന്ത​മാ​യി​ല്ലാ​തെ ബി​ന്ദു​വി​ന് അ​യ​ല്‍വാ​സി​യാ​യ സ​ഹോ​ദ​രി​യു​ടെ വീ​ട്ടി​ലാ​ണ് ചി​ത​യൊ​രു​ക്കി​യ​ത്.

ത​ല​യോ​ല​പ്പ​റ​മ്പ് ഉ​മാം​കു​ന്ന് മേ​പ്പാ​ത്തു​കു​ന്നേ​ല്‍ ബി​ന്ദു​വി​ന്‍റെ മൃ​ത​ദേ​ഹ​ത്തി​നു മു​ന്നി​ല്‍ നാ​ടൊ​ന്നാ​കെ ക​ണ്ണീ​ര്‍ പൊ​ഴി​ച്ചു. പ​ണി​തീ​രാ​ത്ത ചെ​റി​യ വീ​ടി​നു​ള്ളി​ല്‍ തെ​ളിച്ച നി​ല​വി​ള​ക്കി​ന്‍റെ വെ​ളി​ച്ച​ത്തി​ല്‍ ബി​ന്ദു​വി​ന്‍റെ ത​ല​യി​ലെ മു​റി​പ്പാ​ടു​ക​ള്‍ ക​ണ്ട​വ​രൊ​ക്കെ വി​തു​ന്പി.


സി​വി​ല്‍ എ​ന്‍ജി​നി​യ​റിം​ഗ് പൂ​ര്‍ത്തി​യാ​ക്കി​യ മ​ക​ന്‍ ന​വ​നീ​ത് ആ​ദ്യശ​മ്പ​ളം ല​ഭി​ച്ച കാ​ര്യം വി​ശ്രു​ത​നോ​ട് പ​റ​ഞ്ഞ​പ്പോ​ള്‍, അ​ത് വാ​ങ്ങാ​നു​ള്ള അ​ര്‍ഹ​ത അ​മ്മ ബി​ന്ദു​വി​നാ​ണെ​ന്നാ​ണ് അ​ച്ഛ​ന്‍ പ​റ​ഞ്ഞ​ത്.

പോ​റ്റാ​നും പ​ഠി​പ്പി​ക്കാ​നും ടെ​ക്സ്റ്റൈ​ല്‍സ് ഷോ​പ്പി​ല്‍ ഓ​വ​ര്‍ടൈം ജോ​ലി ചെ​യ്യു​ന്ന അ​മ്മ​യു​ടെ സ​ന്തോ​ഷ​ക്ക​ണ്ണീ​ർ കാ​ണാ​നെ​ത്തി​യ ന​വ​നീ​തി​ന് അ​ട​യ്ക്ക​പ്പെ​ട്ട ക​ണ്ണു​ക​ളും ച​ത​ഞ്ഞു വി​റ​ങ്ങ​ലി​ച്ച മു​ഖ​വു​മാ​ണ് കാ​ണാ​നാ​യ​ത്.

ചി​കി​ത്സ​യി​ലാ​യി​രു​ന്ന ന​വ​മി​യെ ശു​ശ്രൂ​ഷി​ക്കാ​നെ​ത്തി​യ വേ​ള​യി​ലാ​യി​രു​ന്നു ദു​ര​ന്തം ബി​ന്ദു​വി​ന്‍റെ ജീ​വ​നെ​ടു​ത്ത​ത്.