കു​ട്ടി​ക​ളു​ടെ ജീ​വി​തം ത​കി​ടം​മ​റി​യ​രു​ത്
കോ​വി​ഡ് മ​ഹാ​മാ​രി ലോ​ക​മെ​ന്പാ​ടു​മു​ള്ള കു​ഞ്ഞു​ങ്ങ​ളു​ടെ ജീ​വി​ത​ത്തെ ത​കി​ടം മ​റി​ച്ചി​രി​ക്കു​ന്നു. മു​തി​ർ​ന്ന​വ​രും വ​യോ​ധി​ക​രും വൈ​റ​സ് ആ​ക്ര​മ​ണ​ത്തി​ന്‍റെ ഇ​ര​ക​ളാ​യി മ​രി​ക്കു​മ്പോ​ൾ കു​ട്ടി​ക​ളു​ടെ പ്ര​ശ്ന​ങ്ങ​ൾ വ്യ​ത്യ​സ്ത​മാ​ണ്. ഇ​ത് എ​പ്ര​കാ​ര​മെ​ന്നു മ​ന​സി​ലാ​ക്ക​ണ​മെ​ങ്കി​ൽ നാം ​കു​ട്ടി​ക​ളു​ടെ ലോ​ക​ത്തേ​ക്ക് ഇ​റ​ങ്ങി​ച്ചെ​ല്ല​ണം.‌18 വ​യ​സു​വ​രെ​യു​ള്ള പ്രാ​യ​മാ​ണ് കു​ട്ടി​ക്കാ​ല​മാ​യി ഔ​ദ്യോ​ഗി​ക​മാ​യി പ​രി​ഗ​ണി​ക്കു​ന്ന​ത്. ന​വ​ജാ​ത ശി​ശു​ക്ക​ൾ, ഒ​രു വ​യ​സി​ൽ താ​ഴെ​യു​ള്ള​വ​ർ, ഒ​രു വ​യ​സി​നും മൂ​ന്നു വ​യ​സി​നും ഇ​ട​യി​ലു​ള്ള​വ​ർ, ന​ഴ്സ​റി സ്കൂ​ൾ കു​ട്ടി​ക​ൾ, സ്കൂ​ൾ കു​ട്ടി​ക​ൾ, കൗ​മാ​ര പ്രാ​യ​ക്കാ​ർ എ​ന്നി​ങ്ങ​നെ ശാ​രീ​രി​ക വ​ള​ർ​ച്ച​യു​ടെ​യും ബൗ​ദ്ധി​ക​വും സാ​മൂ​ഹ്യ​വും മാ​ന​സി​ക​വു​മാ​യ വി​ക​സ​ന​ത്തി​ന്‍റെ​യും ത​ല​ങ്ങ​ളെ മു​ൻ​നി​ർ​ത്തി​യാ​ണ് കു​ഞ്ഞു​ങ്ങ​ളു​ടെ പ്ര​ശ്ന​ങ്ങ​ളെ മ​ന​സി​ലാ​ക്കേ​ണ്ട​ത്.

ത​ട​സ​പ്പെ​ട്ട കു​ത്തി​വ​യ്പു​ക​ൾ

ലോ​ക സാ​ന്പ​ത്തി​ക​ഫോ​റം കോ​വി​ഡ് ആ​ക്‌​ഷ​ൻ പ്ലാ​റ്റ്ഫോ​മി​ന്‍റെ റി​പ്പോ​ർ​ട്ട​നു​സ​രി​ച്ച് ഒ​രു വ​യ​സി​ൽ താ​ഴെ​യു​ള്ള എട്ടുകോടി കു​ട്ടി​ക​ളു​ടെ പ്ര​തി​രോ​ധ കു​ത്തി​വ​യ്പു​ക​ൾ ത​ട​സ​പ്പെ​ട്ടി​രി​ക്കു​ന്നു. ഈ ​പ്ര​തി​രോ​ധ കു​ത്തി​വ​യ്പു​ക​ൾ​കൊണ്ടു ത​ട​യ​പ്പെ​ട്ടി​രു​ന്ന രോ​ഗ​ങ്ങ​ൾ ഈ ​കു​ഞ്ഞു​ങ്ങ​ൾ​ക്ക് ഉ​ണ്ടാ​കാം എ​ന്ന ഒ​രു പ്ര​തി​സ​ന്ധി​യാ​ണ് ഇ​തു​മൂ​ലം ഉ​ണ്ടാ​കു​ന്ന​ത്. ന​മ്മു​ടെ ആ​ശു​പ​ത്രി​ക​ളും പ്രാ​ഥ​മി​കാ​രോ​ഗ്യ​കേ​ന്ദ്ര​ങ്ങ​ളും ആ​രോ​ഗ്യ​പ്ര​വ​ർ​ത്ത​ക​രു​മെ​ല്ലാം കു​ട്ടി​ക​ൾ​ക്കു പ്ര​തി​രോ​ധ കു​ത്തി​വ​യ്പു​ക​ൾ മു​ട​ങ്ങാ​തി​രി​ക്കാ​നും മു​ട​ങ്ങി​യ​വ​രെ ക​ണ്ടു​പി​ടി​ച്ച് അ​തു ന​ൽ​കു​ന്ന​തി​നും സ​ത്വ​ര ശ്ര​ദ്ധ കൊ​ടു​ക്ക​ണം. മാ​താ​പി​താ​ക്ക​ളും ഇ​തേ​ക്കു​റി​ച്ച് ഉ​ണ​ർ​ന്നു പ്ര​വ​ർ​ത്തി​ക്ക​ണം.

യൂ​നി​സെ​ഫി​ന്‍റെ​യും ലോ​ക​ബാ​ങ്കി​ന്‍റെ​യും റി​പ്പോ​ർ​ട്ടു​ക​ള​നു​സ​രി​ച്ച് 2019-ൽ ​അ​ഞ്ചു വ​യ​സി​നു താ​ഴെ​യു​ള്ള 4.7 കോടി കു​ട്ടി​ക​ൾ​ക്കു തൂ​ക്ക​ക്കു​റ​വു​ള്ള​താ​യി പ​റ​യു​ന്നു. ഇ​തി​ൽ 1.43 കോടി കു​ട്ടി​ക​ൾ​ക്കു മാ​ര​ക​മാ​യ തോ​തി​ലു​ള്ള ഭാ​ര​ക്കു​റ​വാ​ണു​ള്ള​ത്. ഇ​തി​നു കാ​ര​ണം പോ​ഷ​ണ​മൂ​ല്യ​മു​ള്ള ഭ​ക്ഷ​ണ​ത്തി​ന്‍റെ അ​ഭാ​വ​വും രോ​ഗ​ങ്ങ​ളു​മാ​ണ്. ത​ന്മൂ​ലം ഈ ​കു​ഞ്ഞു​ങ്ങ​ളു​ടെ പ്ര​തി​രോ​ധ​ശേ​ഷി വീ​ണ്ടും കു​റ​യും. ത​ൽ​ഫ​ല​മാ​യി ഇ​വ​ർ​ക്കു ദീ​ർ​ഘ​കാ​ല​ത്തേ​ക്ക് വ​ള​ർ​ച്ച​യ്ക്കും വി​ക​സ​ന​ത്തി​നും ത​ട​സ​മു​ണ്ടാ​കാം. ചി​ല​പ്പോ​ൾ ജീ​വ​ൻ​ത​ന്നെ​യും അ​പ​ക​ട​ത്തി​ലാ​യേ​ക്കാം. ഇ​വ​ർ​ക്കു സ​ത്വ​ര ചി​കി​ത്സ​യും പോ​ഷ​കാം​ശ​മു​ള്ള ആ​ഹാ​ര​വും ശ​രി​യാ​യ ശു​ശ്രൂ​ഷ​യും ല​ഭ്യ​മാ​ക്കു​ന്ന​തി​ൽ കാ​ല​താ​മ​സം വ​ന്നു​കൂ​ടാ. ഇ​തു​കൂ​ടാ​തെ 67ല​ക്ഷം കു​ട്ടി​ക​ൾ കോ​വി​ഡ്-19 സൃ​ഷ്ടി​ച്ച സാ​മൂ​ഹി​ക​വും സാ​ന്പ​ത്തി​ക​വു​മാ​യ പ്ര​ത്യാ​ഘാ​ത​ങ്ങ​ളു​ടെ ഫ​ല​മാ​യി പോ​ഷ​ക​ദാ​രി​ദ്ര്യം അ​നു​ഭ​വി​ക്കു​ന്നു​ണ്ട് എ​ന്ന് യൂനി​സെ​ഫ് റി​പ്പോ​ർ​ട്ടു​ക​ൾ സൂ​ചി​പ്പി​ക്കു​ന്നു.

പോ​ഷ​കാ​ഹാ​ര​ക്കു​റ​വ്

വീ​ടു​ക​ളി​ലെ ദാ​രി​ദ്ര്യം, ജോ​ലി ന​ഷ്ട​പ്പെ​ട്ട മാ​താ​പി​താ​ക്ക​ൾ, സ്കൂ​ളു​ക​ൾ, അം​ഗ​ൻ​വാ​ടി​ക​ൾ തു​ട​ങ്ങി​യ​വ​യി​ൽ​നി​ന്നു ല​ഭി​ച്ചു​കൊ​ണ്ടി​രി​ക്കു​ന്ന ഭ​ക്ഷ​ണം​പോ​ലും കി​ട്ടാ​താ​യ അ​വ​സ്ഥ ഇ​തൊ​ക്കെ അ​ഞ്ചു വ​യ​സി​ൽ താ​ഴെ​യു​ള്ള, സാ​ന്പ​ത്തി​കാ​യും സാ​മൂ​ഹി​ക​മാ​യും പി​ന്നാ​ക്കം നി​ൽ​ക്കു​ന്ന കു​ട്ടി​ക​ളു​ടെ പോ​ഷ​ണ​ത്തെ​യും ആ​രോ​ഗ്യ​ത്തെ​യും വ​ള​രെ മോ​ശ​മാ​യി ബാ​ധി​ക്കു​ന്നു. ആ​ദി​വാ​സി, ദ​ളി​ത് മേ​ഖ​ല​ക​ളി​ൽ​നി​ന്നും ഇ​ന്ത്യ​യി​ൽ​ത​ന്നെ പ​ട്ടി​ണി​മ​ര​ണ​ങ്ങ​ൾ റി​പ്പോ​ർ​ട്ടു ചെ​യ്യ​പ്പെ​ട്ടി​രു​ന്ന കാ​ര്യം ഓ​ർ​മി​ക്കു​ക. ഭ​ക്ഷ​ണ​സാ​ധ​ന​ങ്ങ​ളു​ടെ കു​തി​ച്ചു​യ​രു​ന്ന വി​ല​യും കു​ടും​ബ​ങ്ങ​ളെ​യും കു​ഞ്ഞു​ങ്ങ​ളെ​യും ക​ഷ്ട​ത്തി​ലാ​ക്കു​ന്നു. ഓ​ർ​ക്കു​ക ഇ​വ​രാ​ണ് ന​മ്മു​ടെ നാ​ളെ​യു​ടെ വാ​ഗ്ദാ​ന​ങ്ങ​ൾ!

കു​ട്ടി​ക​ളു​ടെ പ്ര​ധാ​ന​പ്പെ​ട്ട പ്ര​വ​ർ​ത്ത​ന​മേ​ഖ​ല പ​ഠ​ന​മാ​ണ്. കോ​വി​ഡ്-19​നു​മു​ൻ​പു​ത​ന്നെ ലോ​ക​ത്തി​ലെ 25 കോടി കു​ഞ്ഞു​ങ്ങ​ൾ​ക്ക് സ്കൂ​ൾ പ​ഠ​ന​ത്തി​നു​ള്ള ഭാ​ഗ്യ​മി​ല്ലാ​യി​രു​ന്നു. യു​എ​ന്നി​ന്‍റെ മു​ന്ന​റി​യി​പ്പ​നു​സ​രി​ച്ച് 2.38 കോടി കു​ഞ്ഞു​ങ്ങ​ൾ​കൂ​ടി സ്കൂ​ൾ പ​ഠ​നം മു​ട​ങ്ങി​പ്പോ​യ​വ​രാ​യി ഈ 25 ​കോടിയോടൊ​പ്പം ചേ​രും. ആ​ഗോ​ള സാ​ന്പ​ത്തി​ക പ്ര​തി​സ​ന്ധി​യി​ലൂ​ടെ മാ​ത്രം. മ​റ്റു കാ​ര​ണ​ങ്ങ​ൾ​കൊ​ണ്ട് സ്കൂ​ൾ പ​ഠ​നം നി​ഷേ​ധി​ക്ക​പ്പെ​ടു​ന്ന​വ​ർ വേ​റെ​യു​ണ്ട്. ഈ ​വി​ദ്യാ​ഭ്യാ​സ പ്ര​തി​സ​ന്ധി മൂലം ലോകത്തെ 37കോടി കു​ഞ്ഞു​ങ്ങ​ൾ​ക്ക് അ​വ​രു​ടെ സ്കൂ​ളു​ക​ളി​ൽ​നി​ന്നു സൗ​ജ​ന്യ​മാ​യി കി​ട്ടി​യി​രു​ന്ന പോ​ഷ​കാ​ഹാ​ര​മാ​ണ് ന​ഷ്ട​പ്പെ​ടു​ന്ന​ത്.


ഒ​റ്റ​പ്പെ​ട​ൽ

സ്കൂ​ൾ, കൂ​ട്ടു​കാ​ർ, അ​ധ്യാ​പ​ർ- ക​ളി​ചി​രി​ക​ളു​ടെ​യും പ​ങ്കു​വ​യ്ക്ക​ലി​ന്‍റെ​യും സാ​ന്ത്വ​ന​ത്തി​ന്‍റെ​യും ആ ​വ​ലി​യ ലോ​ക​ത്തു​നി​ന്നു ക​ട്ടി​ക​ൾ ഒ​റ്റ​പ്പെ​ട്ടി​രി​ക്കു​ന്നു. ദ​രി​ദ്ര​രാ​ജ്യ​ങ്ങ​ളി​ലെ ഒ​രു​പി​ടി കു​ഞ്ഞു​ങ്ങ​ളെ​ങ്കി​ലും ഭീ​ക​ര​വാ​ദി​ക​ളു​ടെ​യും ലൈം​ഗി​ക ചൂ​ഷ​ക​രു​ടെ​യും കൈ​ക​ളി​ലേ​ക്കു വ​ലി​ച്ചെ​റിയ​പ്പെ​ടാ​നു​ള്ള സാ​ധ്യ​ത​യു​മു​ണ്ട്. ല​ഹ​രി​യു​ടെ​യും മ​യ​ക്കു​മ​രു​ന്നി​ന്‍റെ​യും വ​ല​യി​ലേ​ക്ക് ഏ​റെ കൗ​മാ​ര​ക്കാ​ർ ന​യി​ക്ക​പ്പെ​ടു​ന്നു.

ബാ​ല​വേ​ല​യും ശൈ​ശ​വ​വി​വാ​ഹ​വും ഇ​വ​രെ കാ​ത്തി​രി​ക്കു​ന്ന ക​റു​ത്ത ഗ​ർ​ത്ത​ങ്ങ​ളാ​ണ്. ഈ ​പ്ര​തി​സ​ന്ധി​ക​ളെ​ല്ലാം കു​ട്ടി​ക​ളു​ടെ മാ​ന​സി​ക ആ​രോ​ഗ്യ​ത്തെ വ​ള​രെ​യ​ധി​കം ബാ​ധി​ച്ചി​രി​ക്കു​ന്നു. അ​തി​നാ​ൽ ഉ​ൽ​ക്ക​ണ്ഠ​യും വി​ഷാ​ദ​വും പി​ടി​പെ​ടാ​നു​ള്ള സാ​ധ്യ​ത​യും കൂ​ടു​ന്നു. അ​വ​ർ പെ​ട്ടെ​ന്നു ദേ​ഷ്യ​പ്പെ​ടു​ന്ന​വ​രും പൊ​ട്ടി​ത്തെ​റി​ക്കു​ന്ന​വ​രു​മാ​കു​ന്നു. ആ​ത്മ​ഹ​ത്യാ നി​ര​ക്ക് കു​ട്ടി​ക​ളു​ടെ ഇ​ട​യി​ൽ വ​ർ​ധി​ക്കു​ന്നു. പു​റ​ത്തു​പോ​കാ​നും അ​ണി​ഞ്ഞൊ​രു​ങ്ങാ​നും ക​ഴി​യാ​ത്ത​ത് കൗ​മാ​ര​ക്കാ​ർ​ക്ക് ഏ​റെ ദു​ഃസ​ഹ​മാ​ണ്. പ്ര​വേ​ശ​ന​പ​രീ​ക്ഷ​ക​ളും ഓ​ണ്‍​ലൈ​ൻ ക്ലാ​സു​ക​ളും മ​ണി​ക്കൂ​റു​ക​ളോ​ളം അ​വ​രെ ന​വ​മാ​ധ്യ​മ​ങ്ങ​ളു​ടെ മു​ന്നി​ൽ ത​ള​ച്ചി​ടു​ന്നു. വേ​ണ്ട​ത്ര വ്യാ​യാ​മം കി​ട്ടാ​തെ മാ​ന​സി​ക​വും ശാ​രീ​രി​ക​വു​മാ​യ അ​സ്വ​സ്ഥ​ത​ക​ളി​ലേ​ക്കും പൊ​ണ്ണ​ത്ത​ടി​യി​ലേ​ക്കും ഒ​രു​കൂ​ട്ടം കു​ട്ടി​ക​ൾ നീ​ങ്ങു​ന്നു.

കു​ഞ്ഞു​ങ്ങ​ളെ കേ​ൾ​ക്കു​ക

ആ​രോ​ഗ്യ​പ്ര​വ​ർ​ത്ത​ക​രും വി​ദ്യാ​ഭ്യാ​സ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന​വ​രും പോ​ലീ​സും ത​ദ്ദേ​ശ ഭ​ര​ണ​കൂ​ട​ങ്ങ​ളു​മെ​ല്ലാം ജാ​ഗ്ര​ത പു​ല​ർ​ത്തു​ക. ത​ങ്ങ​ളാ​യി​രി​ക്കു​ന്ന മേ​ഖ​ല​ക​ളി​ൽ കു​ഞ്ഞു​ങ്ങ​ളോ​ടും മാ​താ​പി​താ​ക്ക​ളോ​ടും ഇ​ട​പ​ഴ​കു​ന്പോ​ൾ മേ​ൽ​പ്പ​റ​ഞ്ഞ യാ​ഥാ​ർ​ഥ്യ​ങ്ങ​ൾ ഓ​ർ​മി​ക്കു​ക. ന​മ്മു​ടെ പ​രി​സ​ര​ത്തെ കു​ഞ്ഞു​ങ്ങ​ളു​ടെ​യെ​ങ്കി​ലും ര​ക്ഷ​ക​രാ​കു​ക. കു​ഞ്ഞു​ങ്ങ​ളെ കേ​ൾ​ക്കു​ക. അ​വ​ർ​ക്കൊ​പ്പം സ​മ​യം ചെ​ല​വ​ഴി​ക്കാ​നും ചെ​റി​യ ഗാ​ർ​ഹി​ക ജോ​ലി​ക​ളി​ലും ക​ളി​ക​ളി​ലും ഏ​ർ​പ്പെ​ടാ​നും ശ്ര​ദ്ധി​ക്കു​ക.

കു​ടും​ബ​പ്രാ​ർ​ഥ​ന​ക​ൾ മു​ട​ങ്ങാ​ത്ത ശീ​ല​മാ​ക്കു​ക. യോ​ഗ​യ്ക്കും ന​ട​ത്ത​ത്തി​നും ഒ​രു​മി​ച്ചു സ​മ​യം ക​ണ്ടെ​ത്താ​ൻ ക​ഴി​ഞ്ഞാ​ൽ ന​ല്ല​ത്. പ​ഠ​ന​ത്തി​നും ഉ​ല്ലാ​സ​ത്തി​നും വ്യാ​യാ​മ​ത്തി​നും പ്രാ​ർ​ഥ​ന​യ്ക്കും വാ​യ​ന​യ്ക്കും ഉ​റ​ക്ക​ത്തി​നു​മെ​ല്ലാം കൃ​ത്യ​മാ​യ സ​മ​യം പാ​ലി​ക്ക​ണം. ദി​ന​ച​ര്യ​ക​ളു​ടെ സ​മ​യ​ക്ര​മ​പാ​ല​നം ഒ​രു​പാ​ടു സം​ഘ​ർ​ഷ​ങ്ങ​ളെ ദൂരീ​ക​രി​ക്കും. വാ​യ​ന​, എ​ഴു​ത്ത്, വ​ര​, ക​ര​കൗ​ശ​ല സാ​ധ​ന​ങ്ങ​ളു​ടെ നി​ർ​മി​തി തു​ട​ങ്ങി​യ​വ കു​ട്ടി​ക​ൾ​ക്ക് ഏ​റെ സ​ഹാ​യ​ക​മാ​കും.

രോ​ഗി​ക​ൾ പ്ര​ത്യേ​കി​ച്ച് പ്ര​തി​രോ​ധ​ശേ​ഷി കു​റ​വു​ള്ള കു​ഞ്ഞു​ങ്ങ​ൾ, ഭി​ന്ന​ശേ​ഷി​ക്കാ​രാ​യ കു​ഞ്ഞു​ങ്ങ​ൾ ഇ​വ​രു​ടെ തു​ട​ർ​ചി​കി​ത്സ​യും പ​രി​ച​ര​ണ​വും മു​ട​ങ്ങാ​തി​രി​ക്കാ​ൻ ശ്ര​ദ്ധി​ക്ക​ണം. ശു​ഭ​പ്ര​തീ​ക്ഷ പു​ല​ർ​ത്തു​ക.

കു​റ്റ​പ്പെ​ടു​ത്ത​ലു​ക​ൾ​ക്കു​പ​ക​രം ക​രു​ത​ലും സ്നേ​ഹ​വും വാ​ത്സ​ല്യ​വും നി​റ​ഞ്ഞ തി​രു​ത്ത​ലു​ക​ൾ ന​ൽ​കു​ക. ന​ല്ല കേ​ൾ​വി​ക്കാ​രാ​കു​ക. ഒ​ന്നും പ​റ​ഞ്ഞി​ല്ലെ​ങ്കി​ലും എ​ല്ലാം കേ​ൾ​ക്കാ​ൻ ശ്ര​മി​ച്ചാ​ൽ​ത​ന്നെ കു​ട്ടി​ക​ൾ സ്വ​സ്ഥ​രാ​കും. പ്ര​തീ​ക്ഷ​ക​ളു​ള്ള​വ​രാ​യും പോ​രാ​യ്മ​ക​ളെ ഊ​ർ​ജ​മാ​ക്കി ഉ​യി​ർ​ത്തെ​ഴു​ന്നേ​ൽ​ക്കു​ന്ന​വ​രാ​യും ന​മ്മു​ടെ കു​ഞ്ഞു​ങ്ങ​ളെ മാ​റ്റേ​ണ്ട ചു​മ​ത​ല നാ​മോ​രോ​രു​ത്ത​രു​ടേ​തു​മാ​ണ്.

ഡോ. ​ബീ​ന മാ​ത്യു ഭാ​സ​ൻ
( കോ​ഴ​ഞ്ചേ​രി എം​ജി​എം മു​ത്തൂ​റ്റ് ന​ഴ്സിം​ഗ് കോ​ള​ജ് പ്രി​ൻ​സി​പ്പ​ലാ​ണ​് ലേ​ഖി​ക)

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.