കളമശേരി: കളമശേരി രാജഗിരി ഹയർ സെക്കൻഡറി സ്കൂളിൽ നടന്ന 12-ാമത് എസിജി ജൂണിയർ എൻബിഎ 3v3 നാഷണൽ ടൂർണമെന്റ് ബാസ്കറ്റ്ബോളിൽ പെണ്കുട്ടികളുടെ വിഭാഗത്തിൽ കോഴിക്കോട് പ്രോവിഡൻസ് എച്ച്എസ്എസും ആണ്കുട്ടികളുടെ വിഭാഗത്തിൽ ഗിരിദീപം ബഥനി കോട്ടയവും കിരീടം സ്വന്തമാക്കി.
പെണ്കുട്ടികളുടെ ഫൈനലിൽ പ്രോവിഡൻസ് എച്ച്എസ്എസ് (21-8)ന് ജിവിഎച്ച്എസ്എസ് സ്പോർട്സ് ഡിവിഷൻ കണ്ണൂരിനെ പരാജയപ്പെടുത്തി ജേതാക്കളായി. ആണ്കുട്ടികളുടെ ഫൈനലിൽ ഗിരിദീപം ബഥനി (15-14) സ്കോറിന് ലിറ്റിൽ ഫ്ലവർ കോണ്വെന്റ് ഹയർ സെക്കന്ഡറി സ്കൂളിനെ പരാജയപ്പെടുത്തി കപ്പുയർത്തി.
കോഴിക്കോട് പ്രോവിഡൻസ് എച്ച്എസ്എസിന്റെ അക്ഷരയും ഗിരിദീപം ബഥനിയുടെ അഭിനവ് സുരേഷും ടൂർണമെന്റിലെ മികച്ച താരങ്ങൾക്കുള്ള പുരസ്കാരവും സ്കെച്ചേഴ്സ് ഷൂവും സ്വന്തമാക്കി.
Deepika
E-paper LOGIN
LOGIN
