18

മുംബൈ: യുനെസ്കോയുടെ താത്കാലിക ലോക പൈതൃക പട്ടികയിൽ ഇടംപിടിച്ച മഹാരാ‌ഷ്‌ട്രയിലെ മതരെൻ ഹിൽ റെയിൽവേക്ക് (Matheran Hill Railway) മറ്റൊരു തിലകക്കുറിയാകാൻ ഹൈഡ്രജൻ ട്രെയിനുകൾ എത്തിയേക്കുമെന്ന് റിപ്പോർട്ട്. ഹരിയാനയിലെ ജിന്ദ് - സോനിപത് റൂട്ടിൽ, രാജ്യത്തെ ആദ്യ ഹൈഡ്രജൻ ട്രെയിൻ വിജയകരമായി പരീക്ഷിച്ചതിനു തൊട്ടുപിന്നാലെയാണ് റെയിൽവേ ചരിത്രനീക്കത്തിനൊരുങ്ങുന്നത്. ഇന്ത്യൻ റെയിൽവേയുടെ ഹരിതഗതാഗത പദ്ധതികളുടെ ഭാഗമായാണ് മതരെനിൽ ഹൈഡ്രജൻ ട്രെയിൻ സർവീസ് ആരംഭിക്കാൻ ലക്ഷ്യമിടുന്നത്.