കൊച്ചി: ടിനി ടോമിനെതിരായ അൻസിബയുടെ പരാതിയിൽ കേസെടുക്കേണ്ടെന്ന വിലയിരുത്തലിൽ പോലീസ്. അൻസിബയുടെ പരാതിയില് കഴമ്പില്ലെന്നും കേട്ടുകേള്വിയുടെ അടിസ്ഥാനത്തില് കേസെടുക്കാന് സാധിക്കില്ലെന്നും പോലീസ് ചൂണ്ടിക്കാട്ടുന്നു. കടവന്ത്ര പോലീസ് ഉടന് സെന്ട്രല് എസിപിക്ക് റിപ്പോര്ട്ട് നല്കും.
പരാതിയുമായി ബന്ധപ്പെട്ട് അന്സിബ കോടതിയെ സമീപിച്ചിരുന്നു. അതേസമയം, അമ്മ ജനറല് ബോഡി ചേരാന് ഒരു ദിവസം മാത്രമാണ് അവശേഷിക്കുന്നത്. അംഗങ്ങള്ക്കാര്ക്കും ഇതുവരെ വാര്ഷിക റിപ്പോര്ട്ട് ലഭിച്ചിട്ടില്ല. 21 ദിവസം മുന്പ് റിപ്പോര്ട്ട് കൈമാറണമെന്നാണ് ബൈലോയിൽ പറയുന്നത്. വരവ് ചെലവ് കണക്കുകളിലെ അവ്യക്തതയാണ് റിപ്പോര്ട്ട് വൈകാന് കാരണം.