ഹൈദരാബാദ്: ട്വന്‍റി20 ക്രിക്കറ്റിൽ മറ്റൊരു നേട്ടം കൂടി പേരിൽ കുറിച്ച് മലയാളി താരം സഞ്ജു സാംസണ്‍. രാജ്യാന്തര ട്വന്‍റി20യിൽ നൂറു സിക്സ് തികയ്ക്കുന്ന ആറാമത് ഇന്ത്യൻ ബാറ്ററെന്ന നേട്ടമാണ് സഞ്ജു സാംസണ്‍ സ്വന്തമാക്കിയത്.
വെസ്റ്റിൻഡീസിനെതിരായ നാലാം ട്വന്‍റി20 മത്സരത്തിലാണ് സഞ്ജു ഈ നേട്ടം സ്വന്തമാക്കിയത്. ഇതോടെ രാജ്യാന്തര ട്വന്‍റി20യിൽ ഇന്ത്യൻ ടീമിന്‍റെ സിക്സുകളുടെ എണ്ണം 2,000 കടക്കുകയും ചെയ്തു.
രാജ്യാന്തര ട്വന്‍റി20യിൽ നിലവിൽ 102 സിക്സുള്ള സഞ്ജു നൂറു സിക്സ് ക്ലബ്ബിലെത്തുന്ന ആറാമത് ഇന്ത്യൻ താരമാണ്. 205 സിക്സുമായി രോഹിത് ശർമയാണ് പട്ടികയിൽ ഒന്നാമത്.
179 സിക്സുകളോടെ സൂര്യകുമാർ യാദവ് രണ്ടാം സ്ഥാനത്തുണ്ട്. 141 സിക്സുള്ള അഭിഷേക് ശർമയാണ് മൂന്നാമത്. ഹാർദിക് പാണ്ഡ്യ (126), വിരാട് കോലി (124) എന്നിവരാണ് യഥാക്രമം തൊട്ടടുത്ത സ്ഥാനങ്ങളിൽ.
2026ൽ ഇതുവരെ കളിച്ച 24 മത്സരങ്ങളിൽ നിന്നായി 178.44 സ്ട്രൈക്ക് റേറ്റില്‍ സഞ്ജു 687 റണ്‍സ് നേടിയിട്ടുണ്ട്.
Deepika
Corehub Solutions
E-paper LOGIN
LOGIN
