13

തി​രു​വ​ന​ന്ത​പു​രം: പോ​ലീ​സ് ആ​കാ​ശ​ത്തേ​യ്ക്ക് വെ​ടി​വെ​ച്ച ശേ​ഷം അ​റ​സ്റ്റ് ചെ​യ്ത ബി​ജെ​പി​യു​ടെ തി​രു​വ​ന​ന്ത​പു​രം കൗ​ണ്‍​സി​ല​ർ ആ​ർ.സു​ഗ​ത​നെ വി​യ്യൂ​ർ ജ​യി​ലി​ലേ​ക്ക് മാ​റ്റി. ക​ഴി​ഞ്ഞ ദി​വ​സം അ​റ​സ്റ്റ് ചെ​യ്ത സു​ഗ​ത​നെ ആ​ദ്യ​മെ​ത്തി​ച്ച​ത് പൂ​ജ​പ്പു​ര സെ​ൻ​ട്ര​ൽ ജ​യി​ലി​ലാ​യി​രു​ന്നു. എ​ന്നാ​ൽ കാ​പ്പാ കേ​സ് പ്ര​തി​ക​ളെ പാ​ർ​പ്പി​ക്കാ​നു​ള്ള പ്ര​ത്യേ​ക ബ്ലോ​ക്ക് വി​യ്യൂ​രി​ലാ​ണു​ള​ള​ത്. ഈ ​സെ​ല്ലി​ൽ പാ​ർ​പ്പി​ക്കു​ന്ന​തി​നാ​യാ​ണ് വി​യ്യൂ​രി​ലേ​ക്ക് ഇ​ന്ന​ലെ രാ​വി​ലെ മാ​റ്റി​യ​ത്.

പ​ല ത​വ​ണ സു​ഗ​ത​നെ​തി​രേ കാ​പ്പാ​കേ​സ് ചു​മ​ത്തി​യി​ട്ടു​ള്ള​താ​യാ​ണ് പോ​ലീ​സ് റി​പ്പോ​ർ​ട്ട്.ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ൽ വാ​ഴോ​ട്ടു കോ​ണ​ത്തു നി​ന്നു​മാ​ണ് സു​ഗ​ത​ൻ കൗ​ണ്‍​സി​ല​റാ​യി ജ​യി​ച്ച​ത്. മൂ​ന്നു മാ​സ​ത്തി​നു പി​ന്നാ​ലെ ഇ​പ്പോ​ഴ​ത്തെ അ​റ​സ്റ്റി​ന് കാ​ര​ണ​മാ​യ വ​ധ​ശ്ര​മ കേ​സുണ്ടായി.

വെ​ള്ള​യ്ക്കാ​ട് ക്ഷേ​ത്രോ​ത്സ​വ​വു​മാ​യി ബ​ന്ധ​പ്പെ​ട്ട ഗാ​ന​മേ​ള​ക്കി​ടെ പു​തി​യ പാ​ട്ടു​പാ​ടാ​ൻ ആ​വ​ശ്യ​പ്പെ​ട്ട് ര​ണ്ട് പേ​ർ വേ​ദി​ക്ക് അ​രി​കി​ലെ​ത്തി ബ​ഹ​ളം വ​ച്ചു. ഈ ​സ​മ​യം സ്ഥ​ല​ത്തെ​ത്തി​യ സു​ഗ​ത​ൻ പ​രി​പാ​ടി അ​ല​ങ്കോ​ല​പ്പെ​ടു​ത്തി​യെ​ന്ന് ആ​രോ​പി​ച്ച് ആ​ളു​മാ​റി യു​വാ​വി​നെ ഇ​രു​ന്പ് പൈ​പ്പ് കൊ​ണ്ട് മ​ർ​ദ്ദി​ച്ചു. കേ​സെ​ടു​ത്തെ​ത്തി​ന് പി​ന്നാ​ലെ സു​ഗ​ത​ൻ സെ​ഷ​ൻ​സ് കോ​ട​തി​യി​ലും ഹൈ​ക്കോ​ട​തി​യി​ലും മു​ൻ​കൂ​ർ ജാ​മ്യ അ​പേ​ക്ഷ ന​ൽ​കി. ഹൈ​ക്കോ​ട​തി മു​ൻ​കൂ​ർ ജാ​മ്യം ത​ള്ളി.

ഇ​തി​നു പി​ന്നാ​ലെ ക​ഴി​ഞ്ഞ ഏ​ഴി​ന് പോ​ലീ​സി​ന് മു​ന്നി​ൽ കീ​ഴ​ട​ങ്ങാ​ൻ ആ​വ​ശ്യ​പ്പെ​ട്ടു. എ​ന്നാ​ൽ ഇ​തി​ന് ത​യാ​റാ​കാ​തെ സു​ഗ​ത​ൻ ഒ​ളി​വി​ൽ പോ​വു​ക​യാ​യി​രു​ന്നു.

തൊ​ട്ടു പി​ന്നാ​ലെ പോ​ലീ​സ് സു​ഗ​ത​നെ​തി​രെ കാ​പ്പ ചു​മ​ത്താ​ൻ ജി​ല്ലാ ക​ള​ക്ട​ർ​ക്ക് ശിപാ​ർ​ശ ന​ൽ​കി. ഇ​തി​ൽ ന​ട​പ​ടി​ക​ൾ പൂ​ർ​ത്തി​യാ​യി ക​രു​ത​ൽ ത​ട​ങ്ക​ലി​ൽ വ​യ്ക്കാ​ൻ ജി​ല്ലാ ക​ള​ക്ട​ർ ഉ​ത്ത​ര​വി​റ​ക്കു​ന്ന​ത് ക​ഴി​ഞ്ഞ തി​ങ്ക​ളാ​ഴ്ച​യാ​ണ്. ഇ​ത​റി​യാ​തെ​യാ​ണ് പി​റ്റേ​ന്ന് സു​ഗ​ത​ൻ ഒ​ളി​വി​ൽ നി​ന്ന് വീ​ട്ടി​ലെ​ത്തി​യ​ത്. അ​പ്പോ​ഴാ​ണ് ര​ഹ​സ്യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ പോ​ലീ​സ് വീ​ട് വ​ള​യു​ന്ന​തും പി​ടി​കൂ​ടി​യ​തും.

സുഗതൻ കാ​പ്പാ കേ​സ് ഉ​ൾ​പ്പെ​ടെ 11 കേ​സി​ൽ പ്ര​തി​യാ​ണ്. 2019 ഓ​ഗ​സ്റ്റ് 25 ക​ല്ല് കൊ​ണ്ട് ഒ​രാ​ളെ ത​ല​ക്ക​ടി​ച്ച​തി​ന് മ​ന​പൂ​ർ​വ​മ​ല്ലാ​ത്ത ന​ര​ഹ​ത്യ ശ്ര​മം, 2023 ജൂ​ലൈ 20ന് വീ​ട്ടി​ൽ അ​തി​ക്ര​മി​ച്ചു ക​യ​റി വാ​ഹ​ന​ങ്ങ​ളും വീ​ടും ആ​ക്ര​മി​ച്ചു ത​ക​ർ​ക്ക​ൽ, 2025 മാ​ർ​ച്ച് 14ന് ​വ്യാ​പാ​ര ത​ർ​ക്ക​ത്തെ തു​ട​ർ​ന്ന് യു​വാ​വി​നെ ആ​ക്ര​മി​ച്ച കേ​സി​ൽ മ​ന​പൂ​ർ​വ​മ​ല്ലാ​ത്ത ന​ര​ഹ​ത്യ​ശ്ര​മ കു​റ്റം, 2025 ജൂ​ലൈ 25ന് ​സെ​ക്യൂ​രി​റ്റി ജീ​വ​ന​ക്കാ​ര​നെ പ​ണം ന​ൽ​കാ​ത്ത​തി​ന് ഓ​ഫീ​സ​റെ ഭീ​ഷ​ണി​പ്പെ​ടു​ത്തി​യ കേ​സ്, 2026 ഫെ​ബ്രു​വ​രി ര​ണ്ടി​ന് മു​ൻ എം​എ​ൽ​എ വി ​കെ പ്ര​ശാ​ന്തി​ന്‍റെ പ​രാ​തി​യി​ൽ ശി​ശു​മ​ന്ദി​രം ജീ​വ​ന​ക്കാ​രെ ഭീ​ഷ​ണി​പ്പെ​ടു​ത്തി മ​ന്ദി​ര​ത്തി​ന്‍റെ ഉ​ദ്ഘാ​ട​ന ച​ട​ങ്ങ് ത​ട​സ​പ്പെ​ടു​ത്തി എ​ന്ന സം​ഭ​വ​ത്തി​ലെ കേ​സ് എ​ന്നി​വ സു​ഗ​ത​നെ​തി​രേ ചു​മ​ത്ത​പ്പെ​ട്ടു.