3

തൊ​ടു​പു​ഴ: ക​ഴി​ഞ്ഞ ദി​വ​സ​ങ്ങ​ളി​ലു​ണ്ടാ​യ ക​ന​ത്ത മ​ഴ​യി​ല്‍ ജി​ല്ല​യി​ല്‍ ഉ​ണ്ടാ​യ​ത് 66 ഉ​രു​ള്‍​പൊ​ട്ട​ലു​ക​ളും 97 മ​ണ്ണി​ടി​ച്ചി​ലും. പീ​രു​മേ​ട് താ​ലൂ​ക്കി​ലാ​ണ് കൂ​ടു​ത​ല്‍ ഉ​രു​ള്‍​പൊ​ട്ട​ലും മ​ണ്ണി​ടി​ച്ചി​ലു​മു​ണ്ടാ​യ​ത്. ക​ഴി​ഞ്ഞ വെ​ള്ളി​യാ​ഴ്ച രാ​ത്രി​യും ശ​നി​യാ​ഴ്ച പു​ല​ര്‍​ച്ചെ​യു​മാ​യി 12 മ​ണി​ക്കൂ​റോ​ളം തു​ട​ര്‍​ച്ച​യാ​യി മ​ഴ പെ​യ്ത​തി​നെ​ത്തു​ട​ര്‍​ന്ന് 58 ചെ​റു​തും വ​ലു​തു​മാ​യ ഉ​രു​ള്‍​പൊ​ട്ട​ലു​ക​ളാ​ണ് പീ​രു​മേ​ട് താ​ലൂ​ക്കി​ല്‍ മാ​ത്രം ഉ​ണ്ടാ​യ​ത്. 31 സ്ഥ​ല​ങ്ങ​ളി​ല്‍ മ​ണ്ണി​ടി​ച്ചി​ലു​മു​ണ്ടാ​യി.

ഒ​രാ​ളു​ടെ മ​ര​ണ​ത്തി​നി​ട​യാ​ക്കി​യ കു​ട​യ​ത്തൂ​ര്‍ അ​ടൂ​ര്‍​മ​ല​യി​ല്‍ ഉ​ള്‍​പ്പെ​ടെ നാ​ല് വ​ലി​യ ഉ​രു​ള്‍​പൊ​ട്ട​ലും എ​ട്ട് മ​ണ്ണി​ടി​ച്ചി​ലു​മാ​ണ് തൊ​ടു​പു​ഴ താ​ലൂ​ക്കി​ല്‍ ഉ​ണ്ടാ​യ​ത്. ഇ​ടു​ക്കി താ​ലൂ​ക്കി​ല്‍ മൂ​ന്ന് ഉ​രു​ള്‍​പൊ​ട്ട​ലും 48 ഇ​ട​ങ്ങ​ളി​ല്‍ മ​ണ്ണി​ടി​ച്ചി​ലും ഉ​ണ്ടാ​യ​താ​യാ​ണ് ക​ണ​ക്ക്. ദേ​വി​കു​ള​ത്ത് ഒ​രു ഉ​രു​ള്‍​പൊ​ട്ട​ലും ഏ​ഴി​ട​ത്ത് മ​ണ്ണി​ടി​ച്ചി​ലും ഉ​ടു​മ്പ​ഞ്ചോ​ല​യി​ല്‍ മൂ​ന്നി​ട​ത്ത് മ​ണ്ണി​ടി​ച്ചി​ലു​മു​ണ്ടാ​യി. മൂ​ന്നാ​ര്‍ പെ​ട്ടി​മു​ടി​യി​ലു​ണ്ടാ​യ ഉ​രു​ള്‍​പൊ​ട്ട​ലി​നെ​ത്തു​ട​ര്‍​ന്ന് ന​ട​ത്തി​യ പ​ഠ​ന​ത്തി​ല്‍ ജി​ല്ല​യി​ലെ പ​ല മ​ല​യോ​ര പ്ര​ദേ​ശ​ങ്ങ​ളും ഉ​രു​ള്‍​പൊ​ട്ട​ല്‍ സാ​ധ്യ​താ മേ​ഖ​ല​ക​ളാ​ണെ​ന്ന് ക​ണ്ടെ​ത്തി​യി​രു​ന്നു.

കാ​ല​വ​ര്‍​ഷം ക​ന​ക്കു​മ്പോ​ള്‍ ഇ​ത്ത​രം മേ​ഖ​ല​ക​ളി​ല്‍​നി​ന്നും കു​ടും​ബ​ങ്ങ​ളെ ഒ​ഴി​പ്പി​ക്കാ​നു​ള്ള ന​ട​പ​ടി​ക​ള്‍ വേ​ണ​മെ​ന്നും നി​ര്‍​ദേ​ശ​മു​ണ്ടാ​യി​രു​ന്നു. എ​ന്നാ​ല്‍ ഇ​ക്കാ​ര്യ​ത്തി​ല്‍ അ​ധി​കൃ​ത​ര്‍ കാ​ട്ടു​ന്ന​ത് മെ​ല്ലെ​പ്പോ​ക്കാ​ണെ​ന്ന ആ​ക്ഷേ​പം ശ​ക്ത​മാ​ണ്. ദു​ര​ന്ത​മു​ണ്ടാ​യ​തി​നു ശേ​ഷം മാ​ത്ര​മാ​ണ് ഒ​ഴി​പ്പി​ക്ക​ല്‍ ഉ​ള്‍​പ്പെ​ടെ​യു​ള്ള ന​ട​പ​ടി​ക​ളു​മാ​യി രം​ഗ​ത്തു വ​രു​ന്ന​ത്.

ഇ​ന്നും അ​തീ​വ ജാ​ഗ്ര​താ നി​ര്‍​ദേ​ശം

തൊ​ടു​പു​ഴ: ജി​ല്ല​യി​ല്‍ അ​തി​ശ​ക്ത​മാ​യ മ​ഴ ശ​മ​ന​മി​ല്ലാ​തെ തു​ട​രു​ന്നു. അ​തി​തീ​വ്ര മ​ഴ​സാ​ധ്യ​ത​യെ​ത്തു​ട​ര്‍​ന്ന് ഇ​ന്ന​ലെ ജി​ല്ല​യി​ല്‍ റെ​ഡ് അ​ല​ര്‍​ട്ട് പ്ര​ഖ്യാ​പി​ച്ചി​രു​ന്നു. ശ​ക്ത​മാ​യ മ​ഴ​യ്ക്ക് സാ​ധ്യ​ത​യു​ള്ള​തി​നാ​ല്‍ ഇ​ന്നും നാ​ളെ​യും ഓ​റ​ഞ്ച് അ​ല​ര്‍​ട്ടും പ്ര​ഖ്യാ​പി​ച്ചി​ട്ടു​ണ്ട്. മ​ഴ തു​ട​രു​ന്ന സാ​ഹ​ച​ര്യം ക​ണ​ക്കി​ലെ​ടു​ത്ത് ജ​ന​ങ്ങ​ള്‍ അ​തീ​വ ജാ​ഗ്ര​ത പാ​ലി​ക്ക​ണ​മെ​ന്ന് ജി​ല്ലാ ഭ​ര​ണ​കൂ​ടം നി​ര്‍​ദേ​ശി​ച്ചു. ജി​ല്ല​യി​ല്‍ ഏ​ര്‍​പ്പെ​ടു​ത്തി​യ രാ​ത്രി യാ​ത്രാ​നി​രോ​ധ​ന​വും വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലേ​ക്കു​ള്ള പ്ര​വേ​ശ​ന നി​യ​ന്ത്ര​ണ​വും തു​ട​രു​ക​യാണ്.

മ​ല​യോ​ര മേ​ഖ​ല​യി​ല്‍ മ​ണ്ണി​ടി​ച്ചി​ല്‍, ഉ​രു​ള്‍​പൊ​ട്ട​ല്‍, മ​ല​വെ​ള്ള​പ്പാ​ച്ചി​ല്‍ എ​ന്നി​വ​യ്ക്ക് സാ​ധ്യ​ത​യു​ള്ള​തി​നാ​ല്‍ ഇ​വി​ടെ നി​ന്നു​ള്ള​വ​ര്‍ ക്യാ​മ്പു​ക​ളി​ലേ​ക്കും മ​റ്റും മാ​റ​ണ​മെ​ന്ന് ജി​ല്ലാ ഭ​ര​ണ​കൂ​ടം നി​ര്‍​ദേ​ശി​ച്ചി​ട്ടു​ണ്ട്. കൂ​ടാ​തെ വെ​ള്ളം ക​യ​റാ​ന്‍ സാ​ധ്യ​ത​യു​ള്ള താ​ഴ്ന്ന പ്ര​ദേ​ശ​ങ്ങ​ളി​ല്‍ ക​ഴി​യു​ന്ന​വ​രും ക്യാ​മ്പു​ക​ളി​ലേ​ക്കു മാ​റ​ണം.