27

പാ​ലാ: ജ​ന​റ​ല്‍ ആ​ശു​പ​ത്രി​യി​ല്‍ മ​ദ്യ​പ​സം​ഘ​ത്തി​ന്‍റെ വി​ള​യാ​ട്ട​മെ​ന്ന് പ​രാ​തി. ര​ണ്ടാ​ഴ്ച​യാ​യി ആ​ശു​പ​ത്രി​യി​ലെ പു​രു​ഷ​ന്മാ​രു​ടെ വാ​ര്‍​ഡി​ലാ​ണ് മ​ദ്യ​പ​സം​ഘം ത​മ്പ​ടി​ക്കു​ന്ന​ത്. രാ​ത്രി മ​ദ്യ​പി​ച്ച് എ​ത്തു​ന്ന സം​ഘം ത​ങ്ങ​ള്‍​ക്ക് പ​രി​ക്ക് പ​റ്റി​യെ​ന്നും കി​ട​ത്തിച്ചികി​ത്സ വേ​ണ​മെ​ന്നും ആ​വ​ശ്യ​പ്പെ​ടു​ക​യാ​ണ്. ഇ​തോ​ടെ ഇ​വ​രു​ടെ എ​തി​ര്‍ ചേ​രി​യി​ലു​ള്ള ആ​ളു​ക​ളെ​ത്തി അ​വ​രെ ഇ​റ​ക്കി​വി​ട​ണ​മെ​ന്ന് ആ​വ​ശ്യ​പ്പെ​ടും. പി​ന്നെ തെ​റി​വി​ളി​യാ​യി, അ​ടി​യാ​യി, വ​ടി​വാ​ളെ​ടു​ക്ക​ലാ​യി.

ആ​ശു​പ​ത്രി​യി​ല്‍ രാ​ത്രി ഡ്യൂ​ട്ടി​യി​ലു​ള്ള നാ​മ​മാ​ത്ര​മാ​യ ഡോ​ക്ട​ര്‍​മാ​ര്‍​ക്കോ ജീ​വ​ന​ക്കാ​ര്‍​ക്കോ ഒ​ന്നോ ര​ണ്ടോ സെ​ക്യൂ​രി​റ്റി ജീ​വ​ന​ക്കാ​ര്‍​ക്കോ ഇ​വ​ര്‍​ക്കെ​തി​രേ ചെ​റു​വി​ര​ല​ന​ക്കാ​ന്‍ ക​ഴി​യു​ന്നി​ല്ല. ഭീ​തി​യോ​ടെ​യാ​ണ് ഡോ​ക്ട​ര്‍​മാ​ര്‍ ഉ​ള്‍​പ്പെ​ടെ​യു​ള്ള ജീ​വ​ന​ക്കാ​ര്‍ ജ​ന​റ​ല്‍ ആ​ശു​പ​ത്രി​യി​ല്‍ രാ​ത്രി​കാ​ല​ത്ത് ജോ​ലി​ചെ​യ്യു​ന്ന​ത്. ഏ​തു നി​മി​ഷ​വും ആ​ക്ര​മ​ണം ത​ങ്ങ​ള്‍​ക്ക് നേ​രേ വ​ന്നേ​ക്കാ​മെ​ന്ന് ഇ​വ​ര്‍ തി​രി​ച്ച​റി​യു​ന്നു.

നി​ര​വ​ധി രോ​ഗി​ക​ള്‍ ചി​കി​ത്സ തേ​ടി​യെ​ത്തു​ന്ന പാ​ലാ ജ​ന​റ​ല്‍ ആ​ശു​പ​ത്രി​യി​ല്‍ പോ​ലീ​സ് എ​യ്ഡ് പോ​സ്റ്റ് വേ​ണ​മെ​ന്ന ആ​വ​ശ്യ​ത്തി​ന് പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്. ജി​ല്ല​യി​ലെ ഏ​റ്റ​വും പ്ര​ധാ​ന​പ്പെ​ട്ട ജ​ന​റ​ല്‍ ആ​ശു​പ​ത്രി​യാ​ണി​ത്. ഇ​ത്ര​യൊ​ന്നും തി​ര​ക്കി​ല്ലാ​ത്ത കാ​ഞ്ഞി​ര​പ്പ​ള്ളി, ച​ങ്ങ​നാ​ശേ​രി ഗ​വ​ണ്‍​മെ​ന്‍റ് ആ​ശു​പ​ത്രി​ക​ളി​ല്‍​പോ​ലും പോ​ലീ​സ് എ​യ്ഡ് പോ​സ്റ്റ് ഉ​ണ്ട്.
വേ​ണ്ട​ത്ര പോ​ലീ​സു​കാ​ര്‍ ഇ​ല്ലാ​ത്ത​താ​ണ് ജ​ന​റ​ല്‍ ആ​ശു​പ​ത്രി​യി​ല്‍ എ​യ്ഡ് പോ​സ്റ്റ് സ്ഥാ​പി​ക്കാ​ന്‍ ത​ട​സ​മാ​കു​ന്ന​തെ​ന്നാ​ണ് പോ​ലീ​സ് ഉ​ദ്യോ​ഗ​സ്ഥ​ര്‍ പ​റ​യു​ന്ന​ത്.