29

ഹം​ഗേ​റി​യ​ൻ ഗ്രാ​ൻ​പ്രീക്കു​ ശേ​ഷം 2026 സീ​സ​ൺ ഫോ​ർ​മു​ല വ​ണ്‍ മി​ഡ് സീ​സ​ണ്‍ ബ്രേ​ക്കി​ലേ​ക്കു ക​ട​ക്കു​ന്പോ​ൾ ട്രാ​ക്കി​ലെ ഏ​കാ​ധി​പ​തി​യാ​യി കു​തി​ക്കു​ക​യാ​ണ് മെ​ഴ്സി​ഡ​​സി​ന്‍റെ 19കാ​ര​ൻ ആ​ന്ദ്രെ കി​മി അ​ന്‍റോ​നെ​ല്ലി. സീ​സ​ണി​ന്‍റെ ആ​ദ്യ​പ​കു​തി അ​വ​സാ​നി​ക്കു​ന്പോ​ൾ ഡ്രൈ​വ​ർ​മാ​രു​ടെ ചാ​ന്പ്യ​ൻ​ഷി​പ്പി​ൽ അ​ന്‍റോ​നെ​ല്ലി എ​തി​രാ​ളി​ക​ളേ​ക്കാ​ൾ ബ​ഹു​ദൂ​രം മു​ന്നി​ലാ​ണ്. ഫെ​രാ​രി​യു​ടെ ലൂ​യി​സ് ഹാ​മി​ൽ​ട്ട​ണി​നെ​ക്കാ​ൾ 50 പോ​യി​ന്‍റി​ന്‍റെ​യും ജോ​ർ​ജ് റ​സ​ലി​നെ​ക്കാ​ൾ 59 പോ​യി​ന്‍റി​ന്‍റെ​യും ലീ​ഡു​മാ​യാ​ണ് കി​മി വേ​ന​ല​വ​ധി​ക്ക് ട്രാ​ക്ക് വി​ടു​ന്ന​ത്.

ഓ​ഗ​സ്റ്റ് 25നു 20 ​വ​യ​സ് തി​ക​യു​ന്ന അ​ന്‍റോ​നെ​ല്ലി നി​ല​വി​ലെ ലീ​ഡ് നി​ല​നി​ർ​ത്തു​ക​യാ​ണെ​ങ്കി​ൽ ഫോ​ർ​മു​ല ​വ​ണ്‍ ച​രി​ത്ര​ത്തി​ലെ ഏ​റ്റ​വും പ്രാ​യം​ കു​റ​ഞ്ഞ ലോ​ക​ചാ​ന്പ്യ​നാ​കും. നി​ല​വി​ൽ ഈ ​റി​ക്കാ​ർ​ഡ് 2010ൽ 23 ​വ​യ​സും 134 ദി​വ​സ​വും പ്രാ​യ​മു​ള്ള​പ്പോ​ൾ ലോ​ക​കി​രീ​ടം നേ​ടി​യ സെ​ബാ​സ്റ്റ്യ​ൻ വെ​റ്റ​ലി​ന്‍റെ പേ​രി​ലാ​ണ്.

2026 സീ​സ​ണി​ൽ നി​ല​വി​ൽ​ വ​ന്ന പു​തി​യ സാ​ങ്കേ​തി​ക​നി​യ​മ​ങ്ങ​ളും മെ​ഴ്സി​ഡ​സി​നു മു​ത​ൽക്കൂട്ടാ​യി. എ​ന്നാ​ൽ, ടീ​മി​ന്‍റെ പ​രി​ച​യ​സ​ന്പ​ന്ന​നാ​യ ജോ​ർ​ജ് റ​സ​ൽ അ​ല്ല, ടീ​നേ​ജ് സെ​ൻ​സേ​ഷ​ൻ ഇ​റ്റാ​ലി​യ​ൻ ഡ്രൈ​വ​ർ അ​ന്‍റോ​നെ​ല്ലി​യാ​ണു കി​രീ​ട​പ്പോ​രി​ൽ അ​പ്ര​തീ​ക്ഷി​ത കു​തി​പ്പ് ന​ട​ത്തി​യ​ത്.

റൂ​ക്കി സീ​സ​ണി​ൽ മൂ​ന്ന് പോ​ഡി​യം ഫി​നി​ഷു​ക​ൾ നേ​ടി​യ അ​ന്‍റോ​നെ​ല്ലി, ഈ ​വ​ർ​ഷം അ​തി​ശ​യി​പ്പി​ക്കു​ന്ന പ്ര​ക​ട​ന​മാ​ണു പു​റ​ത്തെ​ടു​ത്ത​ത്. മാ​ർ​ച്ചി​ൽ ന​ട​ന്ന ചൈ​നീ​സ് ഗ്രാ​ൻ​പ്രീ​യി​ൽ ക​രി​യ​റി​ലെ ആ​ദ്യവി​ജ​യം സ്വ​ന്ത​മാ​ക്കി​യ അ​ദ്ദേ​ഹം തു​ട​ർ​ച്ച​യാ​യി അ​ഞ്ച് ഗ്രാ​ൻ​പ്രീ​ക​ളി​ൽ വി​ജ​യി​ച്ച് ഫോ​ർ​മു​ല വ​ണ്‍ ച​രി​ത്ര​ത്തി​ൽ ഈ ​നേ​ട്ടം കൊ​യ്യു​ന്ന ഏ​റ്റ​വും പ്രാ​യം കു​റ​ഞ്ഞ ഡ്രൈ​വ​റാ​യി. ഈ ​മാ​സം ബെ​ൽ​ജി​യ​ൻ ഗ്രാ​ൻ​പ്രീ​യി​ലും ജ​യം ക​ണ്ട​തോ​ടെ സീ​സ​ണി​ൽ ആ​കെ ആ​റു വി​ജ​യ​ങ്ങ​ളു​മാ​യി ഫോ​ർ​മു​ല വ​ണ്ണി​ലെ താ​രോ​ദ​യ​മാ​യി മാ​റി​യി​രി​ക്കു​ക​യാ​ണ് അ​ന്‍റോ​നെ​ല്ലി.

ടീ​മം​ഗ​മാ​യ ജോ​ർ​ജ് റ​സ​ൽ ക​രി​യ​റി​ൽ ആ​കെ നേ​ടി​യ വി​ജ​യ​ങ്ങ​ളേ​ക്കാ​ൾ ഒ​ന്നു മാ​ത്രം പി​റ​കി​ൽ. ഹം​ഗേ​റി​യ​ൻ ഗ്രാ​ൻ​പ്രീ​യി​ൽ ഗ്രി​ഡ് പെ​നാ​ൽ​റ്റി കാ​ര​ണം ഏ​ഴാം​സ്ഥാ​ന​ത്തു​നി​ന്ന് മ​ത്സ​രം ആ​രം​ഭി​ക്കേ​ണ്ടി​വ​ന്നെ​ങ്കി​ലും കി​മി മി​ക​ച്ച തി​രി​ച്ചു​വ​ര​വി​ലൂ​ടെ മൂ​ന്നാം​സ്ഥാ​ന​ത്തെ​ത്തി. മ​ക്‌​ലാ​ര​ന്‍റെ നി​ല​വി​ലെ ലോ​ക​ചാ​ന്പ്യ​ൻ ല​ൻ​ഡോ നോ​റി​സ് ആ​ണ് ഹം​ഗ​റി​യി​ൽ വെ​ന്നി​ക്കൊ​ടി​ പാ​റി​ച്ച​ത്.

ഫെ​രാ​രി​യു​ടെ ശ​ക്ത​മാ​യ തി​രി​ച്ചു​വ​ര​വ്

2025ൽ ​ഒ​രു ഗ്രാ​ൻ​പ്രീ പോ​ലും ജ​യി​ക്കാ​നാ​കാ​തി​രു​ന്ന ഫെ​രാ​രി, ഈ ​സീ​സ​ണി​ൽ ശ്ര​ദ്ധേ​യ​മാ​യ തി​രി​ച്ചു​വ​ര​വാ​ണു ന​ട​ത്തി​യ​ത്.

ജൂ​ണി​ൽ ബാ​ഴ്സ​ലോ​ണ​യി​ൽ ന​ട​ന്ന സ്പാ​നി​ഷ് ഗ്രാ​ൻ​പ്രീ​യി​ൽ ലൂ​യി​സ് ഹാ​മി​ൽ​ട്ട​ണ്‍ ഫെ​റാ​രി​ക്കാ​യി ത​ന്‍റെ ആ​ദ്യജ​യം സ്വ​ന്ത​മാ​ക്കി.തു​ട​ർ​ന്ന് ബ്രി​ട്ടീ​ഷ് ഗ്രാ​ൻ​പ്രീ​യി​ൽ ചാ​ൾ​സ് ലെ​ക്ലെ​ർ​ക്ക് 37 മ​ത്സ​ര​ങ്ങ​ളാ​യി നീ​ണ്ടു​നി​ന്ന വി​ജ​യ​വ​ര​ൾ​ച്ച അ​വ​സാ​നി​പ്പി​ച്ചു.

ഇ​തു​വ​രെ പോ​ൾ പൊ​സി​ഷ​ൻ നേ​ടാ​നാ​യി​ട്ടി​ല്ലെ​ങ്കി​ലും, മി​ക​ച്ച സ്റ്റാ​ർ​ട്ടു​ക​ളും സ്ഥി​ര​ത​യാ​ർ​ന്ന റേ​സ് വേ​ഗ​വും ഫെ​രാ​രി​ക്ക് ക​രു​ത്താ​യി. എ​ന്നാ​ൽ, ഹം​ഗേ​റി​യ​ൻ ഗ്രാ​ൻ​പ്രീ​യി​ൽ നാ​ലും അ​ഞ്ചും സ്ഥാ​ന​ങ്ങ​ൾ​കൊ​ണ്ട് ഫെ​രാ​രി​ക്കു തൃ​പ്തി​പ്പെ​ടേ​ണ്ടി​വ​ന്നു.