17

ചെ​ന്നൈ: ക​രു​ർ ദു​ര​ന്ത​ത്തി​ൽ മ​രി​ച്ച​വ​രു​ടെ കു​ടും​ബ​ങ്ങ​ൾ​ക്ക് സ​ർ​ക്കാ​ർ ജോ​ലി ന​ൽ​കാ​നു​ള്ള വി​ജ​യ് സ​ർ​ക്കാ​രി​ന്‍റെ തീ​രു​മാ​നം മ​ദ്രാ​സ് ഹൈ​ക്കോ​ട​തി റ​ദ്ദാ​ക്കി. ഭ​ര​ണ​ഘ​ട​ന​യു​ടെ 14, 16 അ​നു​ച്ഛേ​ദ​ങ്ങ​ളു​ടെ ലം​ഘ​ന​മാ​ണെ​ന്ന് ചൂ​ണ്ടി​ക്കാ​ണി​ച്ചാ​ണ് കോ​ട​തി​യു​ടെ നി​ർ​ണാ​യ​ക ന​ട​പ​ടി. ക​ഴി​ഞ്ഞ സെ​പ്റ്റം​ബ​റി​ൽ വി​ജ​യ് പ​ങ്കെ​ടു​ത്ത റാ​ലി​ക്കി​ടെ​യു​ണ്ടാ​യ തി​ക്കി​ലും തി​ര​ക്കി​ലും പെ​ട്ട് കു​ട്ടി​ക​ൾ ഉ​ൾ​പ്പെ​ടെ 41 പേ​ർ​ക്ക് ജീ​വ​ൻ ന​ഷ്ട​പ്പെ​ട്ടി​രു​ന്നു.

കോ​ട​തി​യു​ടെ ഭാ​ഗ​ത്തു​നി​ന്ന് ക​ടു​ത്ത വി​മ​ർ​ശ​ന​മാ​ണ് വി​ഷ​യ​ത്തി​ൽ ഉ​ണ്ടാ​യ​ത്. ല​ക്ഷ​ക്ക​ണ​ക്കി​ന് യു​വാ​ക്ക​ൾ മ​ത്സ​ര​പ്പ​രീ​ക്ഷ​ക​ൾ എ​ഴു​തി ജോ​ലി കാ​ത്തു​നി​ൽ​ക്കു​മ്പോ​ൾ ഇ​ത്ത​ര​ത്തി​ൽ പ്ര​ത്യേ​ക​മാ​യി സ​ർ​ക്കാ​ർ ജോ​ലി ന​ൽ​കാ​ൻ ക​ഴി​യി​ല്ലെ​ന്ന് കോ​ട​തി വ്യ​ക്ത​മാ​ക്കി. ദി​വ​സ​വും റോ​ഡ് അ​പ​ക​ട​ങ്ങ​ളി​ൽ നി​ര​വ​ധി പേ​ർ മ​രി​ക്കു​ന്നു​ണ്ടെ​ന്നും അ​ങ്ങ​നെ​യെ​ല്ലാം സം​ഭ​വി​ക്കു​ന്ന​വ​ർ​ക്കെ​ല്ലാം സ​ർ​ക്കാ​ർ ജോ​ലി ന​ൽ​കു​മോ​യെ​ന്നും കോ​ട​തി ചോ​ദി​ച്ചു.

ദു​ര​ന്ത​ത്തി​ൽ ജീ​വ​ൻ ന​ഷ്ട​പ്പെ​ട്ട​വ​രി​ൽ 32 പേ​രു​ടെ അ​വ​കാ​ശി​ക​ൾ​ക്ക് മു​ഖ്യ​മ​ന്ത്രി ഇ​തി​നോ​ട​കം ആ​ശ്രി​ത നി​യ​മ​ന ഉ​ത്ത​ര​വു​ക​ൾ കൈ​മാ​റി​യി​രു​ന്നു. ദു​രി​ത​ബാ​ധി​ത​രാ​യ കു​ടും​ബ​ങ്ങ​ൾ​ക്ക് സാ​മ്പ​ത്തി​ക സു​ര​ക്ഷ ഉ​റ​പ്പാ​ക്കു​ന്ന​തി​ന്‍റെ ഭാ​ഗ​മാ​യാ​ണ് നി​യ​മ​ന​ങ്ങ​ൾ ന​ട​ത്തി​യ​തെ​ന്നാ​യി​രു​ന്നു സ​ർ​ക്കാ​ർ വാ​ദം. എ​ന്നാ​ൽ സ്റ്റാ​റ്റ്യൂ​ട്ട​റി ന​ട​പ​ടി​ക്ര​മ​ങ്ങ​ൾ കാ​റ്റി​ൽ​പ്പ​റ​ത്തി​യാ​ണ് താ​ൽ​ക്കാ​ലി​ക സ​ർ​ക്കാ​ർ ജോ​ലി​ക​ൾ ന​ൽ​കി​യ​തെ​ന്ന് ചൂ​ണ്ടി​ക്കാ​ട്ടി പ്ര​തി​പ​ക്ഷ​വും വ്യാ​പ​ക വി​മ​ർ​ശ​ന​വു​മാ​യി രം​ഗ​ത്തെ​ത്തി​യി​രു​ന്നു.

തു​ട​ർ​ന്ന് വി​ഷ​യം കോ​ട​തി​യു​ടെ മു​ന്നി​ലെ​ത്തു​ക​യാ​യി​രു​ന്നു. അ​തേ​സ​മ​യം, വി​ജ​യ് താ​മ​സി​ച്ചെ​ത്തി​യ​തും മ​തി​യാ​യ കു​ടി​വെ​ള്ളം, ഭ​ക്ഷ​ണം, ശു​ചി​മു​റി സൗ​ക​ര്യ​ങ്ങ​ൾ എ​ന്നി​വ ഒ​രു​ക്കു​ന്ന​തി​ലു​ണ്ടാ​യ വീ​ഴ്ച​യു​മാ​ണ് ദു​ര​ന്ത​ത്തി​ൽ ക​ലാ​ശി​ച്ച​തെ​ന്നാ​ണ് പോ​ലീ​സ് റി​പ്പോ​ർ​ട്ടി​ലു​ള്ള​ത്. എ​ന്നാ​ൽ പോ​ലീ​സി​ന്‍റെ ഭാ​ഗ​ത്തു​നി​ന്നു​ണ്ടാ​യ വീ​ഴ്ച​യും ഗൂ​ഢാ​ലോ​ച​ന​യു​മാ​ണ് ദു​ര​ന്ത​ത്തി​ന് കാ​ര​ണ​മെ​ന്നാ​ണ് ടി​വി​കെ​യു​ടെ ആ​രോ​പ​ണം.

കോട്ടയം: എയ്ഡഡ് സ്കൂളുകളിലെ അധ്യാപക- അനധ്യാപക തസ്തികകളിലെ താത്കാലിക നിയമനം എംപ്ലോയ്മെന്‍റ് എക്സ്ചേഞ്ച് വഴിയാക്കണമെന്ന് വിദ്യാഭ്യാസവകുപ്പ്. പൊതുവിദ്യാഭ്യാസ വകുപ്പിലെ റീജണൽ ഡപ്യൂട്ടി ഡയറക്ടറുടെ പേരിലാണ് സർക്കുലർ പുറത്തിറങ്ങിയിരിക്കുന്നത്. RDDHSE/443/2026-A1 നമ്പരായി കഴിഞ്ഞ പതിനഞ്ചിന് ഇറക്കിയ സർക്കുലറാണ് ഇപ്പോൾ പുറത്തുവന്നിരിക്കുന്നത്.

ഇതു പ്രകാരം സർക്കാർ- എയ്ഡഡ് സ്കൂളുകളിൽ ഉണ്ടാകുന്ന താത്കാലിക, ദിവസവേതന ഒഴിവുകൾ സ്ഥാപനങ്ങൾ എംപ്ലോയ്മെന്‍റ് എക്സ്ചേഞ്ചിൽ അറിയിച്ച് നികത്താനുള്ള നടപടി സ്വീകരിക്കണം. അധ്യയന വർഷം തുടങ്ങുന്നതിനു മുന്പു തന്നെ ഒഴിവുകൾ അറിയിക്കണമെന്നും ഉത്തരവിൽ പറയുന്നു. എല്ലാ സ്കൂൾ പ്രിൻസിപ്പൽമാർക്കുമായിട്ടാണ് സർക്കുലർ പുറപ്പെടുവിച്ചിരിക്കുന്നത്.

അതേസമയം, എയ്ഡഡ് മാനേജ്മെന്‍റിന്‍റെ നിയമനത്തിനുള്ള അധികാരത്തിന്മേലുള്ള കൈകടത്തലാണ് പുതിയ നിർദേശം എന്നു ചൂണ്ടിക്കാണിക്കപ്പെടുന്നു. സുപ്രീം കോടതി അടക്കം എയ്ഡഡ് സ്ഥാപനങ്ങളിലെ നിയമനത്തിനുള്ള അവകാശം അതതു മാനേജ്മെന്‍റുകൾക്കാണെന്നു പലവട്ടം ചൂണ്ടിക്കാണിച്ചിട്ടുള്ളതാണ്. ഇതിനു വിരുദ്ധമായിട്ടാണ് ഇപ്പോൾ വിദ്യാഭ്യാസവകുപ്പ് നിർദേശം പുറപ്പെടുവിച്ചിരിക്കുന്നത്.

നിലവിൽ മാനേജ്മെന്‍റുകൾ തന്നെയാണ് താത്കാലിക നിയമനങ്ങൾ നടത്തുന്നത്. ഇതിനു തടയിടാനുള്ള നീക്കമാണ് സർക്കാർ നടത്തുന്നതെന്നാണ് ആക്ഷേപം. സർക്കാരിന്‍റെ നിയമവിരുദ്ധ നീക്കത്തിനെതിരേ കടുത്ത പ്രതിഷേധം ഉയരുമെന്ന സൂചനകൾ പുറത്തുവന്നുകഴിഞ്ഞു.

ന്യൂ​​​ഡ​​​ൽ​​​ഹി: ദേ​​​വ​​​സ്വം റി​​​ക്രൂ​​​ട്ട്മെ​​​ന്‍റ് ബോ​​​ർ​​​ഡ് ഗു​​​രു​​​വാ​​​യൂ​​​ർ ദേ​​​വ​​​സ്വം ബോ​​​ർ​​​ഡി​​​ന്‍റെ വി​​​വി​​​ധ ത​​​സ്തി​​​ക​​​ക​​​ളി​​​ലേ​​​ക്കു ന​​​ട​​​ത്തു​​​ന്ന നി​​​യ​​​മ​​​ന​​​ങ്ങ​​​ൾ താ​​​ത്കാ​​​ലി​​​ക​​​മാ​​​യി നി​​​ർ​​​ത്തി​​​വ​​​യ്ക്കാ​​​ൻ സു​​​പ്രീം​​​കോ​​​ട​​​തി നി​​​ർ​​​ദേ​​​ശം.

വി​​​ഷ​​​യ​​​വു​​​മാ​​​യി ബ​​​ന്ധ​​​പ്പെ​​​ട്ടു​​​ള്ള ഹൈ​​​ക്കോ​​​ട​​​തി ഉ​​​ത്ത​​​ര​​​വ് ക​​​ഴി​​​ഞ്ഞ മാ​​​സം സു​​​പ്രീം​​​കോ​​​ട​​​തി സ്റ്റേ ​​​ചെ​​​യ്തി​​​രു​​​ന്നു. ഹൈ​​​ക്കോ​​​ട​​​തി വി​​​ധി​​​ക്കെ​​​തി​​​രാ​​​യ അ​​​പ്പീ​​​ലു​​​ക​​​ൾ തീ​​​ർ​​​പ്പാ​​​ക്കു​​​ന്ന​​​തു​​​വ​​​രെ നി​​​യ​​​മ​​​ന​​​വു​​​മാ​​​യി മു​​​ന്നോ​​​ട്ടു​​​പോ​​​ക​​​രു​​​തെ​​​ന്ന് ജ​​​സ്റ്റീ​​​സു​​​മാ​​​രാ​​​യ വി​​​ക്രം നാ​​​ഥ്, സ​​​ന്ദീ​​​പ് മേ​​​ത്ത എ​​​ന്നി​​​വ​​​രു​​​ടെ ബെ​​​ഞ്ച് നി​​​ർ​​​ദേ​​​ശി​​​ച്ചു. കേ​​​സി​​​ൽ മാ​​​ർ​​​ച്ച് പ​​​ത്തി​​​ന് വി​​​ശ​​​ദ​​​മാ​​​യ വാ​​​ദം കേ​​​ൾ​​​ക്കു​​​മെ​​​ന്നും കോ​​​ട​​​തി വ്യ​​​ക്ത​​​മാ​​​ക്കി.

ത​​​സ്തി​​​ക​​​ക​​​ളി​​​ലേ​​​ക്കു​​​ള്ള നി​​​യ​​​മ​​​നം ന​​​ട​​​ത്താ​​​ൻ ഗു​​​രു​​​വാ​​​യൂ​​​ർ ദേ​​​വ​​​സ്വം മാ​​​നേ​​​ജ്മെ​​​ന്‍റ് ക​​​മ്മി​​​റ്റി​​​ക്കാ​​​ണ് നി​​​യ​​​മ​​​സാ​​​ധു​​​ത എ​​​ന്നാ​​​യി​​​രു​​​ന്നു ഹൈ​​​ക്കോ​​​ട​​​തി ഉ​​​ത്ത​​​ര​​​വ്. ഇ​​​ത് മ​​​റി​​​ക​​​ട​​​ക്കു​​​ന്ന ദേ​​​വ​​​സ്വം റി​​​ക്രൂ​​​ട്ട്മെ​​​ന്‍റ് ബോ​​​ർ​​​ഡ് നി​​​യ​​​മ​​​നം ഭ​​​ര​​​ണ​​​ഘ​​​ട​​​നാ​​​വി​​​രു​​​ദ്ധ​​​മാ​​​ണെ​​​ന്നും ഹൈ​​​ക്കോ​​​ട​​​തി ചൂ​​​ണ്ടി​​​ക്കാ​​​ട്ടി.

തി​​​രു​​​വ​​​ന​​​ന്ത​​​പു​​​രം: ഭി​​​ന്ന​​​ശേ​​​ഷി സം​​​വ​​​ര​​​ണ​​​വു​​​മാ​​​യി ബ​​​ന്ധ​​​പ്പെ​​​ട്ട നി​​​യ​​​മ​​​ക്കു​​​രു​​​ക്കി​​​ൽ നി​​​യ​​​മ​​​നാം​​​ഗീ​​​കാ​​​രം ത​​​ട​​​യ​​​പ്പെ​​​ട്ട എ​​​യ്ഡ​​​ഡ് സ്കൂ​​​ളു​​​ക​​​ളി​​​ലെ 20,000ത്തി​​​ലേ​​​റെ​​​യു​​​ള്ള അ​​​ധ്യാ​​​പ​​​ക​​​ർ​​​ക്കു സ്ഥി​​​രനി​​യ​​മ​​നം ന​​​ൽ​​​കാ​​​ൻ ഉ​​​ത്ത​​​ര​​​വ്. ഭി​​​ന്ന​​​ശേ​​​ഷി സം​​​വ​​​ര​​​ണ നി​​​യ​​​മ​​​ന ത​​​സ്തി​​​ക​​​ക​​​ൾ ഒ​​​ഴി​​​ച്ചി​​​ട്ടു ബാ​​​ക്കി​​​യു​​​ള്ള നി​​​യ​​​മ​​​ന​​​ങ്ങ​​​ൾ​​​ക്ക് അം​​​ഗീ​​​കാ​​​രം ന​​​ൽ​​​കാ​​​നാ​​​ണ് നി​​​യ​​​മ​​​സ​​​ഭാ തെ​​​ര​​​ഞ്ഞെ​​​ടു​​​പ്പു മു​​​ന്നി​​​ൽ ക​​​ണ്ടു​​​ള്ള സ​​​ർ​​​ക്കാ​​​ർ തീ​​​രു​​​മാ​​​നം.

എ​​​ൻ​​​എ​​​സ്എ​​​സ് മാ​​​നേ​​​ജ്മെ​​​ന്‍റി​​​ന് അ​​​നു​​​കൂ​​​ല​​​മാ​​​യ സു​​​പ്രീം​​​കോ​​​ട​​​തി വി​​​ധി ഇ​​​ത​​​ര മാ​​​നേ​​​ജ്മെ​​​ന്‍റു​​​ക​​​ൾ​​​ക്ക് കീ​​​ഴി​​​ലു​​​ള്ള നി​​​യ​​​മ​​​ന​​​ങ്ങ​​​ൾ​​​ക്കുകൂ​​​ടി ബാ​​​ധ​​​ക​​​മാ​​​ക്കാ​​​ൻ തീ​​​രു​​​മാ​​​നി​​​ച്ചാ​​​ണ് പൊ​​​തു​​​വി​​​ദ്യാ​​​ഭ്യാ​​​സ വ​​​കു​​​പ്പ് ഉ​​​ത്ത​​​ര​​​വി​​​റ​​​ക്കി​​​യ​​​ത്.

20,000ത്തി​​​ലേ​​​റെ അ​​​ധ്യാ​​​പ​​​ക​​​രു​​​ടെ നി​​​യ​​​മ​​​നാം​​​ഗീ​​​കാ​​​രം വ​​​ർ​​​ഷ​​​ങ്ങ​​​ളാ​​​യി ത​​​ട​​​ഞ്ഞു​​​വ​​​ച്ച വി​​​ദ്യാ​​​ഭ്യാ​​​സ വ​​​കു​​​പ്പി​​​ന്‍റെ ന​​​ട​​​പ​​​ടി​​​ക്കെ​​​തി​​രേ വി​​​വി​​​ധ ക്രൈ​​​സ്ത​​​വ സ​​​ഭ​​​ക​​​ളും മ​​​ത​​​മേ​​​ല​​​ധ്യ​​​ക്ഷ​​​ന്മാരും രം​​​ഗ​​​ത്തു​​​വ​​​ന്ന​​​തോ​​​ടെ​​​യാ​​​ണ് സ​​​ർ​​​ക്കാ​​​ർ ന​​​ട​​​പ​​​ടി. വി​​​ധി ഇ​​​ത​​​ര മാ​​​നേ​​​ജ്മെ​​​ന്‍റു​​​ക​​​ൾ​​​ക്ക് കൂ​​​ടി ബാ​​​ധ​​​ക​​​മാ​​​ക്കാ​​​നാ​​​യി സ​​​ർ​​​ക്കാ​​​ർ സു​​​പ്രീം​​​കോ​​​ട​​​തി​​​യി​​​ൽ പ്ര​​​ത്യേ​​​ക അ​​​നു​​​മ​​​തി ഹ​​​ർ​​​ജി സ​​​മ​​​ർ​​​പ്പി​​​ച്ചി​​​രു​​​ന്നു. കേ​​​സ് ഏ​​​പ്രി​​​ൽ 14ലേ​​​ക്ക് മാ​​​റ്റി​​​യി​​​രു​​​ന്നു.

കേ​​​സി​​​ലെ അ​​​ന്തി​​​മ വി​​​ധി​​​ക്ക് വി​​​ധേ​​​യ​​​മാ​​​യി ഇ​​​ത​​​ര മാ​​​നേ​​​ജ്മെ​​​ൻ​​​റു​​​ക​​​ൾ​​​ക്ക് കീ​​​ഴി​​​ലെ നി​​​യ​​​മ​​​ന​​​ങ്ങ​​​ൾ​​​ക്കും അം​​​ഗീ​​​കാ​​​രം ന​​​ൽ​​​കാ​​​നാ​​​ണ് തീ​​​രു​​​മാ​​​ന​​​മെ​​​ന്ന് പൊ​​​തു​​​വി​​​ദ്യാ​​​ഭ്യാ​​​സ മ​​​ന്ത്രി വി. ​​​ശി​​​വ​​​ൻ​​​കു​​​ട്ടി പ​​​റ​​​ഞ്ഞു. സം​​​സ്ഥാ​​​ന​​​ത്തെ കോ​​​ർ​​​പ​​​റേ​​​റ്റ് മാ​​​നേ​​​ജ്മെ​​​ന്‍റു​​​ക​​​ളു​​​ടെ കീ​​​ഴി​​​ലു​​​ള്ള 893 സ്കൂ​​​ളു​​​ക​​​ളി​​​ലേ​​​യും 1171 സിം​​​ഗി​​​ൾ മാ​​​നേ​​​ജ്മെ​​​ന്‍റ് സ്കൂ​​​ളു​​​ക​​​ളും അ​​​ട​​​ക്കം 2064 സ്കൂ​​​ളു​​​ക​​​ളി​​​ലെ അ​​​ധ്യാ​​​പ​​​ക​​​ർ​​​ക്കാ​​​ണ് നി​​​യ​​​മ​​​നാം​​​ഗീ​​​കാ​​​രം.

നി​​​യ​​​മ​​​ന തീ​​​യ​​​തി മു​​​ത​​​ൽ എ​​​ല്ലാ ആ​​​നു​​​കൂ​​​ല്യ​​​ങ്ങ​​​ളും സ​​​ർ​​​ക്കാ​​​ർ ഉ​​​റ​​​പ്പാ​​​ക്കു​​​മെ​​​ന്ന് വി​​​ദ്യാ​​​ഭ്യാ​​​സ മ​​​ന്ത്രി അ​​​റി​​​യി​​​ച്ചു. നി​​​യ​​​മ​​​നാം​​​ഗീ​​​കാ​​​ര പ്രൊ​​​പ്പോ​​​സ​​​ലു​​​ക​​​ൾ മാ​​​ർ​​​ച്ച് നാ​​​ലി​​​ന​​​കം വി​​​ദ്യാ​​​ഭ്യാ​​​സ ഓ​​​ഫീ​​​സ​​​ർ​​​മാ​​​ർ പ​​​രി​​​ശോ​​​ധി​​​ച്ചു തീ​​​ർ​​​പ്പാ​​​ക്ക​​​ണം. ഇ​​​തി​​​ൽ തീ​​​ർ​​​പ്പാ​​​കാ​​​ത്ത​​​വ വി​​​ദ്യാ​​​ഭ്യാ​​​സ ഉ​​​പ​​​ഡ​​​യ​​​റ​​​ക്ട​​​ർ അ​​​ദാ​​​ല​​​ത്ത് ന​​​ട​​​ത്തി മാ​​​ർ​​​ച്ച് 12ന​​​കം തീ​​​ർ​​​പ്പാ​​​ക്ക​​​ണം. തു​​​ട​​​ർ​​​ന്നും അ​​​വ​​​ശേ​​​ഷി​​​ക്കു​​​ന്ന​​​വ പൊ​​​തു​​​വി​​​ദ്യാ​​​ഭ്യാ​​​സ ഡ​​​യ​​​റ​​​ക്ട​​​ർ അ​​​ദാ​​​ല​​​ത്ത് ന​​​ട​​​ത്തി ഒ​​​രാ​​​ഴ്ച​​​യ്ക്ക​​​കം തീ​​​ർ​​​ക്ക​​​ണം.
ഇ​​​തി​​​നു​​​ശേ​​​ഷ​​​വും തീ​​​ർ​​​പ്പു​​​ക​​​ൽ​​​പ്പി​​​ക്കാ​​​ത്ത​​​വ പൊ​​​തു​​​വി​​​ദ്യാ​​​ഭ്യാ​​​സ സെ​​​ക്ര​​​ട്ട​​​റി​​​ക്ക് റി​​​പ്പോ​​​ർ​​​ട്ട് ചെ​​​യ്യു​​​ക​​​യും ഒ​​​രാ​​​ഴ്ച​​​ക്ക​​​കം തീ​​​ർ​​​പ്പാ​​​ക്കു​​​ക​​​യും ചെ​​​യ്യ​​​ണം. ന​​​ട​​​പ​​​ടി​​​ക​​​ളു​​​ടെ പു​​​രോ​​​ഗ​​​തി റി​​​പ്പോ​​​ർ​​​ട്ട് ആ​​​ഴ്ച​​​യി​​​ൽ ഒ​​​രു ത​​​വ​​​ണ പൊ​​​തു​​​വി​​​ദ്യാ​​​ഭ്യാ​​​സ ഡ​​​യ​​​റ​​​ക്ട​​​ർ സ​​​ർ​​​ക്കാ​​​രി​​​നെ അ​​​റി​​​യി​​​ക്ക​​​ണം. ഇ​​​തി​​​നാ​​​യു​​​ള്ള മാ​​​ർ​​​ഗ​​​നി​​​ർ​​​ദേ​​​ശ​​​ങ്ങ​​​ൾ ഡ​​​യ​​​റ​​​ക്ട​​​ർ പു​​​റ​​​പ്പെ​​​ടു​​​വി​​​ക്കു​​​മെ​​​ന്നും ഉ​​​ത്ത​​​ര​​​വി​​​ൽ പ​​​റ​​​യു​​​ന്നു.

എ​​​ൻ​​​എ​​​സ്എ​​​സ് മാ​​​നേ​​​ജ്മെ​​​ന്‍റി​​​ന് അ​​​നു​​​കൂ​​​ല​​​മാ​​​യി ല​​​ഭി​​​ച്ച വി​​​ധി അ​​​വ​​​ർ​​​ക്ക് മാ​​​ത്രം ബാ​​​ധ​​​ക​​​മെ​​​ന്നും മ​​​റ്റു​​​ള്ള​​​വ​​​ർ​​​ക്കു ന​​​ട​​​പ്പാ​​​ക്കാ​​​നാ​​​കി​​​ല്ലെ​​​ന്നും സ​​​ർ​​​ക്കാ​​​ർ നേ​​​ര​​​ത്തെ നി​​​യ​​​മോ​​​പ​​​ദേ​​​ശം വാ​​​ങ്ങി​​​യി​​​രു​​​ന്നു. ഈ ​​​വാ​​​ദം ഉ​​​യ​​​ർ​​​ത്തി​​​യാ​​​ണ് ഒ​​​രു വ​​​ർ​​​ഷ​​​ത്തോ​​​ള​​​മാ​​​യി ആ​​​വ​​​ശ്യം സ​​​ർ​​​ക്കാ​​​ർ നി​​​രാ​​​ക​​​രി​​​ക്കു​​​ക​​​യാ​​​യി​​​രു​​​ന്നു. വി​​​ദ്യാ​​​ഭ്യാ​​​സ വ​​​കു​​​പ്പി​​​ന്‍റെ ന​​​ട​​​പ​​​ടി​​​ക്കെ​​​തി​​​രെ സ​​​മ​​​ര​​​വും വി​​​മ​​​ർ​​​ശ​​​ന​​​വും ക​​​ടു​​​ത്ത​​​തോ​​​ടെ​​​യാ​​​ണ് വി​​​ധി മ​​​റ്റു​​​ള്ള​​​വ​​​ർ​​​ക്ക് കൂ​​​ടി ബാ​​​ധ​​​ക​​​മാ​​​ക്കാ​​​ൻ തീ​​​രു​​​മാ​​​നി​​​ച്ച​​​ത്.

സു​​​പ്രീം​​​കോ​​​ട​​​തി​​​യി​​​ലു​​​ള്ള ഹ​​​ർ​​​ജി​​​യു​​​ടെ ഫ​​​ല​​​ത്തി​​​ന് വി​​​ധേ​​​യ​​​മാ​​​യി, ഭി​​​ന്ന​​​ശേ​​​ഷി നി​​​യ​​​മ​​​ന​​​ത്തി​​​നാ​​​യി വ്യ​​​വ​​​സ്ഥാ​​​പി​​​ത ത​​​സ്തി​​​ക​​​ക​​​ൾ മാ​​​റ്റി​​​വ​​​ച്ചി​​​ട്ടു​​​ള്ള മ​​​റ്റ് മാ​​​നേ​​​ജ്മെ​​​ന്‍റു​​​ക​​​ളു​​​ടെ കീ​​​ഴി​​​ലു​​​ള്ള സ്കൂ​​​ളു​​​ക​​​ളി​​​ലും താ​​​ത്കാ​​​ലി​​​ക​​​ ജോ​​​ലി ചെ​​​യ്യു​​​ന്ന അ​​​ധ്യാ​​​പ​​​ക​​​രെ സ്ഥി​​​ര​​​പ്പെ​​​ടു​​​ത്തു​​​ന്ന​​​തി​​​ന് സ​​​ർ​​​ക്കാ​​​രി​​​ന് ഉ​​​ത്ത​​​ര​​​വ് പു​​​റ​​​പ്പെ​​​ടു​​​വി​​​ക്കാ​​​ൻ ക​​​ഴി​​​യു​​​മെ​​​ന്ന് സീ​​​നി​​​യ​​​ർ അ​​​ഭി​​​ഭാ​​​ഷ​​​ക​​​രി​​​ൽ നി​​​ന്ന് നി​​​യ​​​മോ​​​പ​​​ദേ​​​ശം ല​​​ഭി​​​ച്ച സാ​​​ഹ​​​ച​​​ര്യ​​​ത്തി​​​ലാ​​​ണ് ന​​​ട​​​പ​​​ടി​​​യെ​​​ന്ന് മ​​​ന്ത്രി വി​​​ശ​​​ദീ​​​ക​​​രി​​​ച്ചു.

ഭി​​​ന്ന​​​ശേ​​​ഷി നി​​​യ​​​മ​​​ന പ്ര​​​ശ്നം കാ​​​ര​​​ണം താ​​​ത്കാലി​​​ക നി​​​യ​​​മ​​​നാം​​​ഗീ​​​കാ​​​ര​​​ത്തി​​​ലും ദി​​​വ​​​സ​​​വേ​​​ത​​​ന​​​ത്തി​​​ലു​​​മാ​​​യി തു​​​ട​​​രു​​​ന്ന ഇ​​​രു​​​പ​​​തി​​​നാ​​​യി​​​ര​​​ത്തി​​​ലേ​​​റെ അ​​​ധ്യാ​​​പ​​​ക​​​ർ​​​ക്കാ​​​ണ് ഇ​​​തു​​​വ​​​ഴി സ്ഥി​​​രം നി​​​യ​​​മ​​​നത്തി​​​ന് വ​​​ഴി​​​യൊ​​​രു​​​ങ്ങു​​​ന്ന​​​ത്.

ആ​​​ലു​​​വ: ജൂ​​​ണി​​​യ​​​ർ ഹെ​​​ൽ​​​ത്ത് ഇ​​​ൻ​​​സ്പെ​​​ക്ട​​​ർ ഗ്രേ​​​ഡ് - 2 ത​​​സ്തി​​​ക​​​യി​​​ലെ ഒ​​​ഴി​​​വു​​​ക​​​ളി​​​ലേ​​​ക്ക് പി​​​എ​​​സ്‌​​​സി റാ​​​ങ്ക് ലി​​​സ്റ്റി​​​ൽ​​​നി​​​ന്ന് നി​​​യ​​​മ​​​നം ന​​​ട​​​ത്താ​​​ൻ വീ​​​ണ്ടും ത​​​ദ്ദേ​​​ശ സ്വ​​​യം​​​ഭ​​​ര​​​ണ വ​​​കു​​​പ്പ് പ്രി​​​ൻ​​​സി​​​പ്പ​​​ൽ ഡ​​​യ​​​റ​​​ക്ട​​​റു​​​ടെ നി​​​ർ​​​ദേ​​​ശം.

പ​​​ഞ്ചാ​​​യ​​​ത്ത്, മു​​​നി​​​സി​​​പ്പാ​​​ലി​​​റ്റി, കോ​​​ർ​​​പ​​​റേ​​​ഷ​​​നു​​​ക​​​ളി​​​ലെ ഒ​​​ഴി​​​വു​​​ക​​​ൾ പി​​​എ​​​സ്‌​​​സി​​​യി​​​ലേ​​​ക്കു റി​​​പ്പോ​​​ർ​​​ട്ട് ചെ​​​യ്യാ​​​തെ താ​​​ത്കാ​​​ലി​​​ക നി​​​യ​​​മ​​​നം ന​​​ട​​​ത്തു​​​ന്നു​​​വെ​​​ന്ന ഉ​​​ദ്യോ​​​ഗാ​​​ർ​​​ഥി​​​ക​​​ളു​​​ടെ പ​​​രാ​​​തി​​​യെ​​​ത്തു​​​ട​​​ർ​​​ന്നാ​​​ണ് വീ​​​ണ്ടും ക​​​ത്ത​​​യ​​​ച്ചി​​​രി​​​ക്കു​​​ന്ന​​​ത്.

ജൂ​​​ണി​​​യ​​​ർ ഹെ​​​ൽ​​​ത്ത് ഇ​​​ൻ​​​സ്പെ​​​ക്ട​​​ർ ഗ്രേ​​​ഡ് - 2 റാ​​​ങ്ക് ലി​​​സ്റ്റി​​​ൽ നി​​​ന്ന് നി​​​യ​​​മ​​​നം ന​​​ട​​​ത്തു​​​ന്ന​​​തി​​​നു പി​​​എ​​​സ്‌സി​​​ക്ക് അ​​​ടി​​​യ​​​ന്തി​​​ര​​​മാ​​​യി റി​​​പ്പോ​​​ർ​​​ട്ട് ചെ​​​യ്യ​​​ണ​​​മെ​​​ന്നു ത​​​ദ്ദേ​​​ശ സ്വ​​​യം​​​ഭ​​​ര​​​ണ വ​​​കു​​​പ്പ് അ​​​ഡീ​​​ഷ​​​ണ​​​ൽ ഡ​​​യ​​​റ​​​ക്ട​​​ർ ക​​​ഴി​​​ഞ്ഞ ന​​​വം​​​ബ​​​റി​​​ലാ​​​ണ് അ​​​വ​​​സാ​​​ന നി​​​ർ​​​ദേ​​​ശം ന​​​ൽ​​​കി​​​യ​​​ത്. എ​​​ന്നാ​​​ൽ, ത​​​ദ്ദേ​​​ശ തെ​​​രെ​​​ഞ്ഞെ​​​ടു​​​പ്പ് കാ​​​ല​​​മാ​​​യ​​​തി​​​നാ​​​ൽ പ​​​ല​​​രും അ​​​പൂ​​​ർ​​​ണ​​​മാ​​​യാ​​​ണ് പ്ര​​​പ്പോ​​​സ​​​ൽ ന​​​ൽ​​​കി​​​യ​​​ത്. ഭ​​​ര​​​ണ​​​സ​​​മി​​​തി മാ​​​റി​​​യ​​​തി​​​നാ​​​ൽ അ​​​തി​​​നു സാ​​​ധു​​​ത​​​യും ന​​​ഷ്ട​​​മാ​​​യി.

അ​​​തി​​​നാ​​​ൽ ത​​​സ്തി​​​ക രൂ​​​പ​​​വ​​​ത്ക​​​ര​​​ണ നി​​​ർ​​​ദേ​​​ശം വീ​​​ണ്ടും അ​​​താ​​​ത് ജി​​​ല്ലാ ജോ​​​യി​​​ന്‍റ് ഡ​​​യ​​​റ​​​ക്ട​​​ർ​​​മാ​​​ർ​​​ക്കു സ​​​മ​​​ർ​​​പ്പി​​​ക്കാ​​​നാ​​​ണ് ത​​​ദ്ദേ​​​ശ വ​​​കു​​​പ്പ് നി​​​ർ​​​ദേ​​​ശം. പ​​​ബ്ലി​​​ക് ഹെ​​​ൽ​​​ത്ത് ഇ​​​ൻ​​​സ്പെ​​​ക്ട​​​ർ ഗ്രേ​​​ഡ് 2 ത​​​സ്തി​​​ക​​​യു​​​ടെ നി​​​യ​​​മ​​​നാ​​​ധി​​​കാ​​​രി ത​​​ദ്ദേ​​​ശ സ്വ​​​യം​​​ഭ​​​ര​​​ണ വ​​​കു​​​പ്പി​​​ലെ അ​​​ത​​​ത് ജി​​​ല്ലാ ജോ​​​യി​​​ന്‍റ് ഡ​​​യ​​​റ​​​ക്ട​​​റു​​​ടെ കാ​​​ര്യാ​​​ല​​​യ​​​മാ​​​ണ്.

എ​​​ന്നാ​​​ൽ, പി​​​എ​​​സ്‌​​​സി​​​യെ അ​​​റി​​​യി​​​ക്കാ​​​തെ താ​​​ത്കാ​​​ലി​​​ക ത​​​സ്തി​​​ക എ​​​ന്ന പേ​​​രി​​​ൽ ഇ​​​ഷ്ട​​​ക്കാ​​​ർ​​​ക്കു കാ​​​ലാ​​​വ​​​ധി നീ​​​ട്ടി ന​​​ൽ​​​കു​​​ക​​​യാ​​​ണെ​​​ന്നാ​​​ണ് ആ​​​രോ​​​പ​​​ണം.

തി​​​രു​​​വ​​​ന​​​ന്ത​​​പു​​​രം: എ​​​യ്ഡ​​​ഡ് സ്കൂ​​​ളു​​​ക​​​ളി​​​ലെ അ​​​ധി​​​ക ത​​​സ്തി​​​ക​​​ക​​​ൾ​​​ക്ക് അം​​​ഗീ​​​കാ​​​രം ന​​​ൽ​​​ക​​​ണ​​​മെ​​​ന്നു മാ​​​നേ​​​ജേ​​​ഴ്സ് അ​​​സോ​​​സി​​​യേ​​​ഷ​​​ൻ ആ​​​വ​​​ശ്യ​​​പ്പെ​​​ട്ടു. 2021 മു​​​ത​​​ൽ അ​​​ധി​​​ക ത​​​സ്തി​​​ക​​​ക​​​ളി​​​ലും ഒ​​​രു വ​​​ർ​​​ഷ​​​ത്തി​​​ൽ അ​​​ധി​​​ക​​​മു​​​ള്ള അ​​​വ​​​ധി ഒ​​​ഴി​​​വു​​​ക​​​ളി​​​ലും നി​​​യ​​​മി​​​ത​​​രാ​​​യ​​​വ​​​ർ​​​ക്ക് അം​​​ഗീ​​​കാ​​​രം ന​​​ൽ​​​ക​​​ണ​​​മെ​​​ന്ന് കേ​​​ര​​​ള എ​​​യ്ഡ​​​ഡ് സ്കൂ​​​ൾ മാ​​​നേ​​​ജേ​​​ഴ്സ് അ​​​സോ​​​സി​​​യേ​​​ഷ​​​ൻ പ്ര​​​സി​​​ഡ​​​ന്‍റ് റ​​​വ. ഡോ. ​​​വ​​​ർ​​​ക്കി ആ​​​റ്റു​​​പു​​​റ​​​ത്ത്, സെ​​​ക്ര​​​ട്ട​​​റി ഫാ. ​​​സി​​​ജോ ഇ​​​ളം​​​കു​​​ന്ന​​​പ്പു​​​ഴ എ​​​ന്നി​​​വ​​​ർ ആ​​​വ​​​ശ്യ​​​പ്പെ​​​ട്ടു.

അ​​​ധി​​​ക ത​​​സ്തി​​​ക​​​ക​​​ളി​​​ൽ 1:1 എ​​​ന്ന ക്ര​​​മ​​​ത്തി​​​ലു​​​ള്ള ത​​​സ്തി​​​ക​​​യും ഒ​​​രു വ​​​ർ​​​ഷ​​​ത്തി​​​ൽ കൂ​​​ടു​​​ത​​​ലാ​​​യു​​​ള്ള അ​​​വ​​​ധി ഒ​​​ഴി​​​വും വേ​​​ണ്ട​​​ത്ര എ​​​ണ്ണം കു​​​ട്ടി​​​ക​​​ളി​​​ല്ലാ​​​ത്ത സ്കൂ​​​ളു​​​ക​​​ളി​​​ലെ ഒ​​​ഴി​​​വു​​​ക​​​ളും പു​​​തി​​​യ സ്കൂ​​​ളു​​​ക​​​ളി​​​ൽ ഉ​​​ണ്ടാ​​​കു​​​ന്ന ഒ​​​ഴി​​​വു​​​ക​​​ളി​​​ൽ ഒ​​​ന്ന് എ​​​ന്നി​​​ങ്ങ​​​നെ ഇ​​​വ​​​യെ​​​ല്ലാം സം​​​ര​​​ക്ഷി​​​താ​​​ധ്യാ​​​പ​​​ക​​​രെ നി​​​യ​​​മി​​​ക്കു​​​ന്ന​​​തി​​​നാ​​​യി മാ​​​നേ​​​ജ്മെ​​​ന്‍റു​​​ക​​​ൾ സ​​​ർ​​​ക്കാ​​​രി​​​ന് വി​​​ട്ടുന​​​ൽ​​​ക​​​ണ​​​മെ​​​ന്നാ​​​ണ് 2016ലെ ​​​കെ​​​ഇ​​​ആ​​​ർ ഭേ​​​ദ​​​ഗ​​​തി​​​യി​​​ലൂ​​​ടെ ആ​​​വ​​​ശ്യ​​​പ്പെ​​​ട്ട​​​ത്. ഇ​​​ത​​​നു​​​സ​​​രി​​​ച്ച് 2021 ഫെ​​​ബ്രു​​​വ​​​രി ആ​​​റി​​​ന് പു​​​റ​​​പ്പെ​​​ടു​​​വി​​​ച്ച ഉ​​​ത്ത​​​ര​​​വ് പ്ര​​​കാ​​​രം അ​​​ധി​​​ക ത​​​സ്തി​​​ക​​​ക​​​ളി​​​ൽ 2016 മു​​​ത​​​ൽ ഉ​​​ത്ത​​​ര​​​വ് തീ​​​യ​​​തി​​​വ​​​രെ നി​​​യ​​​മി​​​ത​​​രാ​​​യ​​​വ​​​ർ​​​ക്ക് അം​​​ഗീ​​​കാ​​​രം ന​​​ൽ​​​കു​​​ന്ന​​​തി​​​ന് തി​​​രു​​​മാ​​​ന​​​മാ​​​യി. എ​​​ന്നാ​​​ൽ 2021 ഫെ​​​ബ്രു​​​വ​​​രി ഏ​​​ഴു മു​​​ത​​​ൽ ഉ​​​ണ്ടാ​​​കു​​​ന്ന അ​​​ധി​​​ക ത​​​സ്തി​​​ക​​​ക​​​ളി​​​ൽ നി​​​യ​​​മി​​​ത​​​രാ​​​കു​​​ന്ന​​​വ​​​രു​​​ടെ അം​​​ഗീ​​​കാ​​​ര​​​ത്തെ​​​ക്കു​​​റി​​​ച്ച് ഉ​​​ത്ത​​​ര​​​വി​​​ൽ വ്യ​​​ക്ത​​​മാ​​​ക്കി​​​യി​​​ട്ടി​​​ല്ല.

2021 ഫെ​​​ബ്രു​​​വ​​​രി​​​യി​​​ൽ ഇ​​​റ​​​ക്കി​​​യ ഉ​​​ത്ത​​​ര​​​വ് പ്ര​​​കാ​​​രം ല​​​ഭി​​​ച്ച ഇ​​​ള​​​വ് തു​​​ട​​​ർ​​​ന്നും ന​​​ൽ​​​കി​​​യെ​​​ങ്കി​​​ൽ മാ​​​ത്ര​​​മേ 2021 മു​​​ത​​​ൽ നി​​​യ​​​മി​​​ത​​​രാ​​​യ​​​വ​​​ർ​​​ക്ക് അം​​​ഗീ​​​കാ​​​രം ല​​​ഭി​​​ക്കു​​​ക​​​യു​​​ള്ളൂ. ത​​​സ്തി​​​ക നി​​​ർ​​​ണ​​​യ​​​ത്തി​​​ലൂ​​​ടെ സ​​​ർ​​​ക്കാ​​​ർ അ​​​നു​​​വ​​​ദി​​​ച്ച അ​​​ധി​​​ക ത​​​സ്തി​​​ക​​​ക​​​ളി​​​ൽ ജോ​​​ലി ചെ​​​യ്യു​​​ന്ന​​​വ​​​ർ​​​ക്ക് വ​​​ർ​​​ഷ​​​ങ്ങ​​​ളാ​​​യി അം​​​ഗീ​​​കാ​​​ര​​​വും ശ​​​ന്പ​​​ള​​​വു​​​മി​​​ല്ലാ​​​ത്ത സ്ഥി​​​തി​​​യാ​​​ണ്. അ​​​ധി​​​ക ത​​​സ്തി​​​ക​​​ക​​​ൾ​​​ക്ക് അം​​​ഗീ​​​കാ​​​രം ന​​​ല്കി​​​യാ​​​ൽ സ​​​ർ​​​ക്കാ​​​രി​​​ന് അ​​​ധി​​​ക സാ​​​ന്പ​​​ത്തി​​​ക ബാ​​​ധ്യ​​​ത​​​യു​​​ണ്ടാ​​​കു​​​മെ​​​ന്നാ​​​ണ് ത​​​ട​​​സ​​​വാ​​​ദം.

എ​​​ന്നാ​​​ൽ ക​​​ഴി​​​ഞ്ഞ കു​​​റെ വ​​​ർ​​​ഷ​​​ങ്ങ​​​ളി​​​ലാ​​​യി സ​​​ർ​​​ക്കാ​​​ർ, എ​​​യ്ഡ​​​ഡ് മേ​​​ഖ​​​ല​​​ക​​​ളി​​​ൽ കു​​​ട്ടി​​​ക​​​ളു​​​ടെ കു​​​റ​​​വ് ആ​​​യി​​​ര​​​ക്ക​​​ണ​​​ക്കി​​​ന് അ​​​ധ്യാ​​​പ​​​ക ത​​​സ്തി​​​ക​​​ക​​​ളാ​​​ണ് ന​​​ഷ്ട​​​പ്പെ​​​ട്ടി​​​രി​​​ക്കു​​​ന്ന​​​ത്. സം​​​സ്ഥാ​​​ന​​​ത്ത് പു​​​തി​​​യ ത​​​സ്തി​​​ക​​​ക​​​ൾ ഉ​​​ണ്ടാ​​​കു​​​ന്ന​​​തി​​​നേ​​​ക്കാ​​​ൾ കൂ​​​ടു​​​ത​​​ൽ നി​​​ല​​​വി​​​ലി​​​രി​​​ക്കു​​​ന്ന ത​​​സ്തി​​​ക​​​ക​​​ൾ ന​​​ഷ്ട​​​പ്പെ​​​ടു​​​ക​​​യാ​​​ണ് ചെ​​​യ്യു​​​ന്ന​​​ത്. സം​​​ര​​​ക്ഷി​​​താ​​​ധ്യാ​​​പ​​​ക​​​ർ​​​ക്കു വേ​​​ണ്ടി മാ​​​റ്റി​​വ​​​ച്ചി​​​രി​​​ക്കു​​​ന്ന ത​​​സ്തി​​​ക​​​ക​​​ളി​​​ൽ നി​​​യ​​​മി​​​ക്കു​​​ന്ന​​​തി​​​ന് ആ​​​വ​​​ശ്യ​​​ത്തി​​​ന് സം​​​ര​​​ക്ഷി​​​താ​​​ധ്യാ​​​പ​​​ക​​​ർ ഇ​​​ല്ലാ​​​യെ​​​ന്ന​​​തും പ്ര​​​തി​​​സ​​​ന്ധി​​​യാ​​​ണ്.

ഭി​​​ന്ന​​​ശേ​​​ഷി സം​​​വ​​​ര​​​ണ വി​​​ഷ​​​യ​​​ത്തി​​​ൽ എ​​​ൻ​​​എ​​​സ്എ​​​സിന് ​​​ല​​​ഭി​​​ച്ച ആ​​​നു​​​കൂ​​​ല്യം എ​​​ല്ലാ മാ​​​നേ​​​ജ്മെ​​​ന്‍റു​​​ക​​​ൾ​​​ക്കും ബാ​​​ധ​​​ക​​മാ​​​ണെ​​​ന്നി​​​രി​​​ക്കേ, കോ​​​ട​​​തി​​​യെ മ​​​റ​​​യാ​​​ക്കി സ​​​ർ​​​ക്കാ​​​ർ അ​​​നാ​​​വ​​​ശ്യ​​​മാ​​​യ കാ​​​ല​​​താ​​​മ​​​സം വ​​​രു​​​ത്തു​​​ക​​​യാ​​​ണ്. 2025 സെ​​​പ്റ്റം​​​ബ​​​ർ ഒ​​​ന്നി​​​ലെ സുപ്രീം​​കോ​​​ട​​​തി വി​​​ധി പ്ര​​​കാ​​​രം കെ- ​​​ടെ​​​റ്റ് ഇ​​​ല്ലാ​​​തെ ജോ​​​ലി​​​യി​​​ൽ തു​​​ട​​​രു​​​ന്ന ആ​​​യി​​​ര​​​ക്ക​​​ണ​​​ക്കി​​​ന് അ​​​ധ്യാ​​​പ​​​ക​​​രു​​​ടെ ജോ​​​ലി ന​​​ഷ്ട​​​പ്പെ​​​ടും. സം​​​സ്ഥാ​​​ന സ​​​ർ​​​ക്കാ​​​ർ അ​​​നു​​​വ​​​ദി​​​ച്ച ഇ​​​ള​​​വി​​​ലൂ​​​ടെ ജോ​​​ലി​​​യി​​​ൽ പ്ര​​​വേ​​​ശി​​​ച്ച ആ​​​യി​​​ര​​​ക്ക​​​ണ​​​ക്കി​​​ന് അ​​​ധ്യാ​​​പ​​​ക​​​ർ​​​ക്ക് ജോ​​​ലി​​​യി​​​ൽ തു​​​ട​​​ര​​​ണ​​​മെ​​​ങ്കി​​​ൽ സ​​​ർ​​​ക്കാ​​​ർ സു​​​പ്രീം​​കോ​​​ട​​​തി​​​യി​​​ലും സ​​​ർ​​​ക്കാ​​​ർ ത​​ല​​ത്തി​​ലും ശ​​​ക്ത​​​മാ​​​യ ഇ​​​ട​​​പെ​​​ട​​​ലു​​​ക​​​ൾ ന​​​ട​​​ത്തേ​​​ണ്ട​​​തു​​​ണ്ട​​​ന്ന് അ​​​സോ​​​സി​​​യേ​​​ഷ​​​ൻ ഭാ​​​ര​​​വാ​​​ഹി​​​ക​​​ൾ അ​​​ഭി​​​പ്രാ​​​യ​​​പ്പെ​​​ട്ടു.

തി​രു​വ​ന​ന്ത​പു​രം : സം​സ്കൃ​ത സ​ർ​വ​ക​ലാ​ശാ​ല​യി​ലെ അ​ധ്യാ​പ​ക നി​യ​മ​ന​ങ്ങ​ൾ ത​ട​ഞ്ഞ് ഗ​വ​ർ​ണ​ർ രാ​ജേ​ന്ദ്ര ആ​ർ​ലേ​ക്ക​ർ. തി​ര​ക്കി​ട്ട് നി​യ​മ​നം ന​ട​ത്തു​വാ​നു​ള്ള തീ​രു​മാ​നം മ​ര​വി​പ്പി​ക്കാ​ൻ സ​ർ​വ​ക​ലാ​ശാ​ല​യു​ടെ താ​ൽ​ക്കാ​ലി​ക വി​സി ഡോ. ഗീ​താ​കു​മാ​രി​ക്ക് ഗ​വ​ർ​ണ​ർ നി​ർ​ദേ​ശം ന​ൽ​കി.

ഈ ​സ​ർ​ക്കാ​രി​ന്‍റെ കാ​ലാ​വ​ധി​യ്‌​ക്കു​ള്ളി​ൽ നി​യ​മ​നം ന​ട​ത്താ​നു​ള്ള ഇ​ട​തു​പ​ക്ഷ നീ​ക്ക​ത്തി​ന് ഇ​തോ​ടെ തി​രി​ച്ച​ടി​യേ​റ്റു. 2021 ൽ ​വി​ജ്ഞാ​പ​നം ചെ​യ്തി​രു​ന്ന ത​സ്തി​ക​ക​ളി​ലാ​യി​രു​ന്നു നി​യ​മ​ന​ശ്ര​മം ഉ​ണ്ടാ​യ​ത്.​ സം​സ്കൃ​ത സ​ർ​വ​ക​ലാ​ശാ​ല​യി​ൽ അ​ധ്യാ​പ​ക​രു​ടെ എ​ണ്ണം കൂ​ടു​ത​ലാണെന്ന ഓ​ഡി​റ്റ് റി​പ്പോ​ർ​ട്ട് മ​റ​ച്ച് വ​ച്ചാ​യി​രു​ന്നു നി​യ​മ​ന​നീ​ക്കം.

പ്രൊ​ഫ​സ​ർ​മാ​രു​ടെ​യും ഗ​സ്റ്റ് അ​ധ്യാ​പ​ക​രു​ടെ​യും എ​ണ്ണം വി​ദ്യാ​ർ​ത്ഥി-​അ​ധ്യാ​പ​ക അ​നു​പാ​ത​ത്തേ​ക്കാ​ൾ വ​ള​രെ കൂ​ടു​ത​ലാ​ണെ​ന്നും, വി​ദ്യാ​ർ​ഥി​ക​ൾ കു​റ​ഞ്ഞ യൂ​ണി​വേ​ഴ്സി​റ്റി​യു​ടെ പ്രാ​ദേ​ശി​ക സെ​ന്‍ററു​ക​ൾ അ​ട​ച്ചു​പൂ​ട്ട​ണ​മെ​ന്നുമു​ള്ള അ​ക്കൗ​ണ്ട​ന്‍റ് ജ​ന​റ​ലി​ന്‍റെ ക​ഴി​ഞ്ഞ വ​ർ​ഷ​ത്തെ ഓഡിറ്റ് റി​പ്പോ​ർ​ട്ട് മ​റ​ച്ചു​വ​ച്ചാ​യി​രു​ന്നു അ​ധ്യാ​പ​ക​രെ നി​യ​മി​ക്കാ​ൻ ശ്ര​മി​ച്ച​ത്.

2021ൽ ​വി​ജ്ഞാ​പ​നം ചെ​യ്ത അ​ധ്യാ​പ​ക ത​സ്തി​ക​ക​ളി​ൽ സ്ഥി​രം നി​യ​മ​ന​ങ്ങ​ൾ ന​ട​ത്താ​ൻ വി​സി​യും സി​പി​എം സി​ൻ​ഡി​ക്കേ​റ്റ് അം​ഗ​ങ്ങ​ളും നട​ത്തു​ന്ന നീ​ക്കം ത​ട​യ​ണ​മെ​ന്ന് ആ​വ​ശ്യ​പ്പെ​ട്ട് സേ​വ് യൂ​ണി​വേ​ഴ്സി​റ്റി ക്യാംപ​യി​ൻ ക​മ്മി​റ്റി​യും സി​ൻ​ഡി​ക്കേ​റ്റി​ലെ ബി​ജെ​പി അം​ഗ​ങ്ങ​ളും ഗ​വ​ർ​ണ​ർ​ക്ക് നി​വേ​ദ​നം ന​ൽ​കി​യി​രു​ന്ന​ത് പ​രി​ഗ​ണി​ച്ചാ​ണ് ഗ​വ​ർ​ണ​ർ നി​യ​മ​ന ന​ട​പ​ടി​ക​ൾ നി​ർ​ത്തി വ​യ്ക്കാ​ൻ വി​സിക്ക് ​നി​ർ​ദേ​ശം ന​ൽ​കി​യ​ത്.

കൊ​ച്ചി: ഗു​രു​വാ​യൂ​ർ ദേ​വ​സ്വ​ത്തി​ലെ നി​യ​മ​ന​ങ്ങ​ളി​ൽ ദേ​വ​സ്വം റി​ക്രൂ​ട്ട്മെ​ന്റ് ബോ​ർ​ഡി​ന്‍റെ അ​ധി​കാ​രം ഹൈ​ക്കോ​ട​തി റ​ദ്ദാ​ക്കി. നി​യ​മ​ന​ത്തി​നു​ള്ള അ​ധി​കാ​രം ദേ​വ​സ്വം മാ​നേ​ജ്മെ​ന്‍റ് ക​മ്മി​റ്റി​ക്ക് ന​ൽ​കി. ഹൈ​ക്കോ​ട​തി ഡി​വി​ഷ​ൻ ബെ​ഞ്ചി​ന്‍റേ​താ​ണ് നി​ര്‍​ണാ​യ​ക ന​ട​പ​ടി.

നി​യ​മ​ന​ത്തി​നാ​യി നി​ല​വി​ൽ പു​റ​പ്പെ​ടു​വി​ച്ച വി​ജ്ഞാ​പ​ന​ങ്ങ​ൾ റ​ദ്ദാ​ക്കി. നി​യ​മ​ന​ങ്ങ​ളി​ൽ സു​താ​ര്യ​ത ഉ​റ​പ്പാ​ക്കാ​ൻ മൂ​ന്നം​ഗ മേ​ൽ​നോ​ട്ട​സ​മി​തി​യെ ഹൈ​ക്കോ​ട​തി നി​യോ​ഗി​ച്ചു.

വി​ര​മി​ച്ച ജ​സ്റ്റി​സ് പി.​എ​ൻ.​ര​വീ​ന്ദ്ര​ൻ അ​ധ്യ​ക്ഷ​നാ​യ സ​മി​തി​യി​ൽ അ​ഭി​ഭാ​ഷ​ക​നാ​യ കെ.​ആ​ന​ന്ദ്, ദേ​വ​സ്വം അ​ഡ്മി​നി​സ്ട്രേ​റ്റ​ർ എ​ന്നി​വ​ർ അം​ഗ​ങ്ങ​ളാ​യി​രി​ക്കും. അ​തേ​സ​മ​യം, റി​ക്രൂ​ട്ട്‌​മെ​ന്റ് ബോ​ർ​ഡ് വ​ഴി ന​ട​ന്ന നി​യ​മ​ന​ങ്ങ​ളെ ഈ ​വി​ധി ബാ​ധി​ക്കി​ല്ലെ​ന്നും, അ​വ​ർ​ക്ക് ജോ​ലി​യി​ൽ തു​ട​രാ​മെ​ന്നും ഹൈ​ക്കോ​ട​തി വ്യ​ക്ത​മാ​ക്കി.