5

സ‍യൻസ് ഫിക്ഷൻ സിനിമകളിലെ അദ്ഭുതലോകത്തേക്കാണോ നമ്മൾ നടക്കുന്നത്? ദിനോസറിനെ പുനഃസൃഷ്ടിക്കാൻ കഴിയുമോ? ഗവേഷണങ്ങൾ ഇത്തരത്തിൽ മുന്നോട്ടുപോകുകയാണെങ്കിൽ ദിനോസറിനെ പുനഃസൃഷ്ടിക്കാൻ മനുഷ്യനു കഴിഞ്ഞേക്കാം! മാമത്തിനെ പുനഃസൃഷ്ടിക്കാനുള്ള ശ്രമങ്ങൾ അവസാനഘട്ടങ്ങളിലെത്തിനിൽക്കുന്പോഴാണ് ദിനോസർ ഗവേഷണങ്ങളിൽ അപ്രതീക്ഷിത വഴിത്തിരിവ്!

പ​തി​നൊ​ന്ന​ര കോ​ടി​യി​ലേ​റെ വ​ർ​ഷം പ​ഴ​ക്ക​മു​ള്ള ദി​നോ​സ​ർ ഫോ​സി​ലി​ൽ​നി​ന്നു ഗവേഷകർക്കു ര​ക്തം ക​ണ്ടെ​ത്താൻ കഴിഞ്ഞുവത്രെ! ദി​നോ​സ​റു​ക​ളു​ടെ കാ​ല​ഘ​ട്ട​ത്തെ​യും അ​വ​യു​ടെ ശ​രീ​ര​ഘ​ട​ന​യെ​യും കു​റി​ച്ച് ഇ​തു​വ​രെ അജ്ഞാതമായിരുന്ന നി​ർ​ണാ​യ​ക വി​വ​ര​ങ്ങ​ൾ പു​റ​ത്തു​കൊ​ണ്ടു​വ​രാ​ൻ ക​ണ്ടെ​ത്ത​ലി​നു സാ​ധി​ക്കു​മെ​ന്നാ​ണു ഗ​വേ​ഷ​സം​ഘ​ത്തി​ന്‍റെ പ്രാ​ഥ​മി​ക നി​ഗ​മ​നം. ദി​നോ​സ​റു​ക​ളു​ടെ ആ​ന്ത​രി​കാ​വ​യ​വ​ങ്ങ​ളു​ടെ പ്ര​വ​ർ​ത്ത​ന​ങ്ങ​ളെ​ക്കു​റി​ച്ചും അ​വ​യു​ടെ ജ​നി​ത​ക ഘ​ട​ന​യെ​ക്കു​റി​ച്ചും പ​ഠി​ക്കാ​ൻ ഇ​തു​വ​ഴി ക​ഴി​യും.

വ​ട​ക്കു​കി​ഴ​ക്ക​ൻ ബ്ര​സീ​ലി​ൽനിന്നാണ് അ​രാ​റ്റ​സോ​റ​സ് ദിനോസറിന്‍റെ ഫോസിലുകൾ ലഭിച്ചത്. അവ മാംസഭോജിയാണ്. അവയുടെ പിൻകാലിലെ അസ്ഥികൾ പരിശോധിച്ചപ്പോഴാണ് ര​ക്താ​ണു​ക്ക​ളു​ടെ ശേഷിപ്പുകൾ കണ്ടെത്തിയത്. 2008-ൽ ആണ് ദിനോസറിന്‍റെ അവശിഷ്ടങ്ങൾ ലഭിക്കുന്നത്. തുടർന്ന്, ബ്രസീൽ ദേശീയ മ്യൂസിയത്തിൽ സൂക്ഷിക്കുകയായിരുന്നു. ഇപ്പോഴും ഗവേഷണങ്ങൾ തുടരുന്നു. ഓസ്‌ട്രേലിയ കർട്ടിൻ സർവകലാശാല ഗവേഷസംഘമാണു പഠനങ്ങൾക്കു പിന്നിൽ. ദിനോസറിന്‍റെ പി​ൻ​കാ​ലി​ലെ അ​സ്ഥി​ക​ൾ പ​രി​ശോ​ധി​ക്കു​ന്ന​തി​നി​ടെ​യാ​ണു ചു​വ​ന്ന ര​ക്താ​ണു​ക്ക​ളോ​ടു സാ​മ്യംതോന്നുന്ന ഘ​ട​ന​ക​ൾ ശ്രദ്ധയിൽപ്പെടുന്നത്.