കാഞ്ഞിരപ്പള്ളി: അമൽജ്യോതി എൻജിനിയറിംഗ് കോളജിൽ മൂന്ന് ദിവസങ്ങളിലായി നടന്ന സംസ്ഥാനതല ബാസ്കറ്റ്ബോൾ ടൂർണമെന്റ് - അരീന 2026 കിരീടം ഇരിങ്ങാലക്കുട ക്രൈസ്റ്റ് കോളജ് സ്വന്തമാക്കി. തൃശൂർ ശ്രീ കേരളവർമ കോളജിന് രണ്ടാം സ്ഥാനവും എറണാകുളം സെന്റ് ആൽബർട്ട്സ് കോളജിന് മൂന്നാം സ്ഥാനവും ലഭിച്ചു.
വിജയികൾക്ക് യഥാക്രമം 25000, 12500, 6000 രൂപ കാഷ് അവാർഡും എവറോളിംഗ് ട്രോഫിയും സമ്മാനമായി ലഭിച്ചു. ക്രൈസ്റ്റ് കോളജിലെ എസ്. ദീപക് ആണ് ബെസ്റ്റ് പ്ലെയർ. കാമ്പസിൽ നടന്ന സമാപന സമ്മേളനത്തിൽ കാഞ്ഞിരപ്പള്ളി ഡിവൈഎസ്പി വിശാൽ ജോൺസൺ സമ്മാനങ്ങൾ വിതരണം ചെയ്തു.
കോളജ് ഗവേണിംഗ് ബോഡി ചെയർമാൻ ഫാ. ബോബി അലക്സ് മണ്ണംപ്ലാക്കൽ, ഡയറക്ടർ റവ.ഡോ. റോയി ഏബ്രഹാം പഴേപറമ്പിൽ, പ്രിൻസിപ്പൽ ഡോ. ലില്ലിക്കുട്ടി ജേക്കബ്, ദീപക് പി. ബാബു (കണ്ടന്റ് പാർട്ടണർ ജൂണിയർ ബാസ്കറ്റ് ബോൾ അസോസിയേഷൻ) എന്നിവർ ചടങ്ങിൽ പങ്കെടുത്തു. കേരളത്തിലെ പ്രമുഖ ആർട്സ്, എൻജിനിയറിംഗ് കോളജുകളിൽ നിന്നായി 11 ടീമുകളാണ് അരീന 2026ൽ പങ്കെടുത്തത്.