തിരുവനന്തപുരം: കാന്പസുകളിൽ അക്കാദമിക് ഇലക്‌ഷൻ കമ്മിഷൻ സ്ഥാപിച്ച് വിദ്യാർഥി യൂണിയൻ തെരഞ്ഞെടുപ്പുകളിൽ ക്രിയാത്മക പരിഷ്കാരങ്ങൾ നടപ്പാക്കുന്നതു സർക്കാരിന്‍റെ പരിഗണനയിലാണെന്നു മന്ത്രി റോജി എം. ജോണ് നിയമസഭയിൽ പറഞ്ഞു.
വിദ്യാർഥികളുടെ ജനാധിപത്യപരമായി പ്രതിഷേധിക്കാനുള്ള അവകാശങ്ങളെ ഹനിക്കാതെ, കാന്പസുകളിൽ അരങ്ങേറുന്ന അനാരോഗ്യ പ്രവണതകൾ തടയുന്നതിനുള്ള നയസമീപനമാണു സർക്കാർ സ്വീകരിക്കുന്നത്.
ആരോഗ്യപരമായ രാഷ്‌ട്രീയം വിദ്യാർഥികളിൽ നേതൃപാടവവും ജനാധിപത്യ-ഭരണഘടനാ മൂല്യങ്ങളും വളർത്താനും കാന്പസ് അന്തരീക്ഷത്തെ സജീവവും ക്രിയാത്മകവുമാക്കാനും സഹായിക്കുന്നുണ്ട്. എന്നാൽ, ചില സ്ഥാപനങ്ങളിലെങ്കിലും കലാശാല രാഷ്‌ട്രീയം അനാരോഗ്യകരമായ രീതിയിലേക്കു വഴിമാറുന്ന സാഹചര്യം സർക്കാരിന്‍റെ ശ്രദ്ധയിൽപ്പെട്ടിട്ടുണ്ട്.
വിദ്യാർഥികളുടെ ജനാധിപത്യപരമായി പ്രതിഷേധിക്കാനുള്ള അവകാശങ്ങളെ ഹനിക്കാതെതന്നെ ഇത്തരം പ്രവണത തടയുന്ന നയസമീപനമാണു സർക്കാർ സ്വീകരിക്കുന്നത്.
കലാലയ രാഷ്‌ട്രീയം പ്രോത്സാഹിപ്പിക്കണം എന്നാണു സർക്കാരിന്‍റെ സമീപനം. എന്നാൽ, കാന്പസുകളുടെ സമാധാന അന്തരീക്ഷം തകർക്കുന്ന തരത്തിലുമുള്ള പ്രവർത്തനങ്ങൾ അംഗീകരിക്കാൻ കഴിയില്ലന്നും ഉമാ തോമസിന്റെ സബ്മിഷനു മറുപടിയായി മന്ത്രി പറഞ്ഞു.
Deepika
Corehub Solutions
E-paper LOGIN
LOGIN