9

വൈദ്യശാസ്ത്രത്തിനു കീഴടങ്ങാത്ത മാരകരോഗം കാൻസറിനു പ്രതിവിധിയുമായി ഇന്ത്യ! ഹൈ​ദ​രാ​ബാ​ദ് ആ​സ്ഥാ​ന​മാ​യു​ള്ള ബ​യോ​ടെ​ക് സ്റ്റാ​ർ​ട്ട​പ്പ് ​'പോ​പ്‌ വാ​ക്സ്' ആണ് നൂതന വാക്സിനുമായി രംഗത്ത്! ഔഷധത്തിന്‍റെ നിർമാണം വൈകാതെ ആരംഭിക്കുമെന്നതു രോഗികൾക്ക് ആശ്വാസം നൽകുന്ന വാർത്തയായി. ഓ​രോ രോ​ഗി​യു​ടെ​യും ജ​നി​ത​ക വി​വ​ര​ങ്ങ​ൾ ഉ​പ​യോ​ഗി​ച്ച്, വ്യ​ക്തി​ഗ​ത കാ​ൻ​സ​ർ എം​ആ​ർ​എ​ൻ​എ വാ​ക്സി​ൻ ആണ് കമ്പനി നിർമിക്കുന്നത്. എം​ആ​ർ​എ​ൻ​എ ഗ​വേ​ഷ​ണ രം​ഗ​ത്തെ രാജ്യത്തിന്‍റെ വ​ലി​യ ചു​വ​ടുവ​യ്പാണിത്.

ഓ​രോ രോ​ഗി​യു​ടെ​യും ജ​നി​ത​ക വി​വ​ര​ങ്ങ​ൾ അ​ടി​സ്ഥാ​ന​മാ​ക്കി​യാ​ണ് വ്യ​ക്തി​ഗ​ത കാ​ൻ​സ​ർ വാ​ക്സി​നു​ക​ൾ നിർമിക്കുന്നത്. വാക്സിൻ നിർമാണത്തിന് 48-70 ദിവസംവരെ സ​മ​യ​മെ​ടു​ക്കും. രോ​ഗി​യു​ടെ ട്യൂ​മ​ർ ഡാ​റ്റ ല​ഭി​ക്കു​ന്ന​തു മു​ത​ലുള്ള കാലയളവാണിത്. ഹൈ​ദ​രാ​ബാ​ദി​ലെ ആ​ർ​എ​ൻ​എ ഫൗ​ണ്ട​റി മൂഖേനയാണ് ​വാക്സിൻ രോഗികളിലേക്കെത്തിക്കുക.

വാക്സിൻ ഫലപ്രദമാണെന്നു കമ്പനി അവകാശപ്പെടുന്നുണ്ടെങ്കിലും ഇതിന്‍റെ ഭീമമായ ചെലവു സാധാരണക്കാർ എങ്ങനെ താങ്ങും? ഒരു രോഗിക്ക് 2.7 കോടിയിലേറെ രൂപ ചെലവുവരുമെന്നാണു പ്രതീക്ഷിക്കുന്നത്! ഫലത്തിൽ, സാമ്പത്തികശേഷിയുള്ളവർക്കു മാത്രമാണു ചികിത്സ പ്രാപ്യമാകുക. എല്ലാ രോഗികൾക്കും ഒരുപോലെ രോഗമുക്തി നൽകുന്ന ഏകീകൃതചികിത്സ ഇപ്പോൾ കാൻസർ രംഗത്തില്ലെന്ന് കമ്പനി അധികൃതർ പറഞ്ഞു. ഭാവിയിൽ, കാൻസറിനുള്ള ചികിത്സ വ്യക്തിഗതമായി മാറുമെന്നും പോപ് വാക്സ് സ്ഥാപകൻ സോഹം ശങ്കരൻ അഭിപ്രായപ്പെട്ടു.

രാജ്യത്തു കാൻസർ രോഗികളുടെ എണ്ണം വർധിക്കുന്ന സാഹചര്യത്തിൽ ഇത്തരത്തിലുള്ള ചികിത്സാ വലിയ ആശ്വാസമാകും. ലഭ്യമായ കണക്കുകൾ പ്രകാരം കഴിഞ്ഞവർഷം 15.7 ലക്ഷം പേരിലാണു കാൻസർ സ്ഥിരീകരിച്ചത്. ഇതു ഭയപ്പെടുത്തുന്ന കണക്കാണെന്നു വിദഗ്ധർ ചൂണ്ടിക്കാണിക്കുന്നു.

ആ​ഗോ​ള​ത​ല​ത്തി​ൽ മോ​ഡേ​ണ, ബ​യോ​എ​ൻ​ടെ​ക് തു​ട​ങ്ങി​യ ക​മ്പ​നി​ക​ൾ എം​ആ​ർ​എ​ൻ​എ കാ​ൻ​സ​ർ വാ​ക്സി​നു​ക​ളു​മായി ബന്ധപ്പെട്ട ഗവേഷണം നടത്തുന്നുണ്ടെങ്കിലും, ഉപയോഗിക്കാനുള്ള അനുമതി ലഭിച്ചിട്ടില്ല. അതേസമയം, രണ്ടു വർഷത്തിനുള്ള ക്ലിനിക്കൽ പരീക്ഷണങ്ങൾ തുടങ്ങുകയാണു പോപ് വാക്സിന്‍റെ ലക്ഷ്യം. ഭാവിയിൽ, കാൻസർ രംഗത്ത് ഇത്തരം ചികിത്സാസമ്പ്രദായം ജനകീയമാകുമെന്നു കമ്പനി അധികൃതർ അവകാശപ്പെട്ടു.‌