തിരുവനന്തപുരം: സംസ്ഥാനത്തെ എല്ലാ പൊലിസ് സ്റ്റേഷനുകളിലെയും സേവനങ്ങൾ കൂടുതൽ വേഗത്തിലും കാര്യക്ഷമമായും ലഭ്യമാക്കാനായി സംയോജിത ‘സിറ്റിസണ്‍ ഹെൽപ് ഡെസ്ക്’സംവിധാനം നിലവിൽ വന്നു.
സ്റ്റേഷനുകളിലെ പബ്ലിക് റിലേഷൻസ് ഓഫീസർ സംവിധാനം ഒഴിവാക്കി അതിന്‍റെ ചുമതലകളും സേവനങ്ങളും സിറ്റിസണ്‍ ഹെൽപ് ഡെസ്കിലേക്ക് സംയോജിപ്പിച്ചു.
പൊലിസ് സ്റ്റേഷനുകളിലെത്തുന്ന ജനങ്ങളുടെ പരാതി സ്വീകരിക്കുക, ഡിജിറ്റൽ സേവനം സുഗമമാക്കുക, സന്ദർശകർക്കു വിവിധ വിഷയങ്ങളിൽ വിവരങ്ങളും സഹായങ്ങളും നൽകുക തുടങ്ങിയ മുഴുവൻ കാര്യങ്ങളും ഇനി മുതൽ ഈ സംവിധാനത്തിലൂടെ ലഭ്യമാകും.
പ്രധാന സേവനങ്ങൾ:
- പരാതികൾ സമർപ്പിക്കാനും രസീത് കൈപ്പറ്റാനുമുള്ള സൗകര്യം.
- സ്ത്രീകൾക്കു പരാതി നൽകാൻ പ്രത്യേക സഹായവും പിന്തുണയും.
- കുട്ടികൾക്കും രക്ഷിതാക്കൾക്കും വേണ്ടിയുള്ള സുരക്ഷിതവും സൗഹൃദപരവുമായ അന്തരീക്ഷം.
- മുതിർന്ന പൗരന്മാർക്കു മുൻഗണനാ അടിസ്ഥാനത്തിലുള്ള സഹായം.
- ട്രാൻസ്ജെൻഡർ വിഭാഗത്തിന് അർഹമായ പരിഗണനയും സഹായവും.
- ഭിന്നശേഷിക്കാർക്കു തടസമില്ലാതെ സേവനം ഉറപ്പാക്കൽ
- ഓണ്‍ലൈൻ തട്ടിപ്പുകൾ, സൈബർ ക്രൈം, എൻസിആർപി പോർട്ടൽ പരാതികൾ, 1930 ടോൾ ഫ്രീ നന്പർ സേവനം, സോഷ്യൽ മീഡിയ വഴിയുള്ള കുറ്റകൃത്യങ്ങൾ എന്നിവയുമായി ബന്ധപ്പെട്ട സേവനങ്ങൾ.
- അടിസ്ഥാന നിയമോപദേശം നൽകൽ. ആവശ്യമെങ്കിൽ നിയമ സഹായ കേന്ദ്രങ്ങളിലേക്ക് വഴികാട്ടൽ.
- ആക്സിഡന്‍റ് ജിഡി എൻട്രി, നോ ഒബ്ജക‌്്ഷൻ സർട്ടിഫിക്കറ്റ് തുടങ്ങിയ വിവിധ അപേക്ഷകൾ ലഭിക്കാനുള്ള സഹായം.
- പൊലിസിന്‍റെ ഡിജിറ്റൽ/ഓണ്‍ലൈൻ സേവനങ്ങൾ ലഭ്യമാക്കാനുള്ള വിവരങ്ങൾ.
- വിവരാവകാശ പ്രകാരമുള്ള അപേക്ഷ നൽകാനുള്ള സൗകര്യം.
- പരാതിക്കാർക്ക് എഫ്ഐആറിന്‍റെ പകർപ്പ് ലഭ്യമാകാനുള്ള സൗകര്യം.
Deepika
Corehub Solutions
E-paper LOGIN
LOGIN
