പേരാമ്പ്ര: പേരാമ്പ്ര നിയോജക മണ്ഡലത്തില് എല്ഡിഎഫ് കണ്വീനര് ടി.
പി. രാമകൃഷ്ണനോട് ഏറ്റുമുട്ടുന്ന യൂത്ത്ലീഗ് വനിതാ നേതാവ് ഫാത്തിമ തെഹ്ലിയക്കെതിരേ അശ്ലീല പ്രചാരണത്തോടൊപ്പം വര്ഗീയ പ്രചാരണവും നടത്തുന്നതായി പരാതി.
എല്ഡിഎഫ് വാഹന അനൗണ്സ്മെന്റിലൂടെ വ്യാജ വര്ഗീയ പ്രചാരണം നടത്തുന്നുവെന്ന് ചൂണ്ടിക്കാട്ടി യുഡിഎഫ് പേരാമ്പ്ര മണ്ഡലം കമ്മിറ്റി തെരഞ്ഞെടുപ്പ് കമ്മീഷനും പോലീസ് സ്റ്റേഷനിലും പരാതി നല്കി.
വര്ഗീയ പ്രചാരണം നടത്തുന്നതിന്റെ വീഡിയോ യുഡിഎഫ് സമാഹരിച്ചിട്ടുണ്ട്. പരമാവധി തെളിവുകള് സമാഹരിച്ച് ശക്തമായ നിയമപോരാട്ടം നടത്തുമെന്ന് ഫാത്തിമ തെഹ്ലിയ പറഞ്ഞു.
തോല്വി ഭയന്നാണ് എല്ഡിഎഫ് ഇത്തരം തരംതാണ വര്ഗീയ പ്രചാരണങ്ങളിലേക്ക് കടക്കുന്നതെന്നും വടകരയിലെ കാഫിര് പ്രയോഗത്തിന് സമാനമായ നീക്കമാണ് പേരാമ്പ്രയിലും നടക്കുന്നതെന്നും യുഡിഎഫ് നേതാക്കള് ആരോപിച്ചു.
ഫാത്തിമ തെഹ്ലിയയും ടി.പി. രാമകൃഷ്ണനും തമ്മില് കടുത്ത പോരാട്ടമാണ് പേരാമ്പ്രയില് നടക്കുന്നത്.
Deepika
E-paper LOGIN
LOGIN