16

ഐ​ച്ചി-​ന​ഗോ​യ: 2026 ഏ​ഷ്യ​ന്‍ ഗെ​യിം​സി​ലേ​ക്കു​ള്ള അ​ക​ലം വെ​റും ര​ണ്ടു​ദി​ന​മാ​യി ചു​രു​ങ്ങി​യി​രി​ക്കേ, ഗെ​യിം​സ് ന​ഗ​ര​ങ്ങ​ളി​ലൊ​ന്നാ​യ ന​ഗോ​യ​യു​ടെ തീ​ര​ത്ത് കോ​സ്റ്റ സെ​റീ​ന എ​ത്തി. ഏ​ക​ദേ​ശം 300 മീ​റ്റ​ര്‍ നീ​ള​മു​ള്ള, 1,500 കാ​ബി​നു​ക​ളു​ള്ള, ഒ​രു ല​ക്ഷം ട​ണ്‍ ഭാ​ര​മു​ള്ള, ഏ​ക​ദേ​ശം 4,000 ആ​ളു​ക​ള്‍​ക്കു താ​മ​സി​ക്കാ​വു​ന്ന കൂ​റ്റ​ന്‍ വി​നോ​ദ​സ​ഞ്ചാ​ര ക​പ്പ​ലാ​ണ് കോ​സ്റ്റ സെ​റീ​ന.

2026 ഏ​ഷ്യ​ന്‍ ഗെ​യിം​സി​നാ​യി എ​ത്തു​ന്ന കാ​യി​ക താ​ര​ങ്ങ​ള്‍​ക്കും ഒ​ഫീ​ഷ്യ​ലു​ക​ള്‍​ക്കും കോ​സ്റ്റ സെ​റീ​ന​യി​ലാ​ണ് താ​മ​സ​മൊ​രു​ക്കി​യി​രി​ക്കു​ന്ന​ത്. 19ന് ​ഔ​ദ്യോ​ഗി​ക ഉ​ദ്ഘാ​ട​നം ന​ട​ക്കു​ന്ന 2026 ഏ​ഷ്യ​ന്‍ ഗെ​യിം​സി​ല്‍ കാ​യി​ക താ​ര​ങ്ങ​ളും ഒ​ഫീ​ഷ്യ​ല്‍​സു​ക​ളു​മ​ട​ക്കം ഏ​ക​ദേ​ശം 17,000 പേ​ര്‍ എ​ത്തു​മെ​ന്നാ​ണ് ക​ണ​ക്ക്.

ഏ​ഷ്യ​ന്‍ ഗെ​യിം​സി​ന് എ​ത്തി​യ താ​ര​ങ്ങ​ള്‍​ക്കും ഒ​ഫീ​ഷ്യ​ലു​ക​ള്‍​ക്കും മ​തി​യാ​യ താ​മ​സ​സൗ​ക​ര്യം ല​ഭി​ക്കു​ന്നി​ല്ലെ​ന്ന പ​രാ​തി ഉ​യ​ര്‍​ന്ന​തി​നു പി​ന്നാ​ലെ​യാ​ണ് കോ​സ്റ്റ സെ​റീ​ന ന​ഗോ​യ തീ​ര​ത്തെ​ത്തി​യ​ത്. മ​തി​യാ​യ താ​മ​സ​സൗ​ക​ര്യ​മി​ല്ലെ​ന്നും ച​രി​ത്ര​ത്തി​ലെ ഏ​റ്റ​വും ദ​യ​നീ​യ ഏ​ഷ്യ​ന്‍ ഗെ​യിം​സ് ഒ​രു​ക്ക​മാ​ണി​വി​ടു​ള്ള​തെ​ന്നു​മു​ള്ള ആ​ക്ഷേ​പം ഉ​ന്ന​യി​ച്ച​ത് ദ​ക്ഷി​ണ​കൊ​റി​യ​ന്‍ ഒ​ഫീ​ഷ്യ​ല്‍​സാ​ണ്. ഷി​പ്പിം​ഗ് ക​ണ്ടെ​യ്‌​ന​ര്‍ സ്റ്റൈ​ലി​ലു​ള്ള ബെ​ഡു​ക​ള്‍​ക്ക് ആ​വ​ശ്യ​ത്തി​നു വ​ലു​പ്പ​മി​ല്ലെ​ന്നും അ​തി​ല്‍ കി​ട​ക്കാ​ന്‍ കാ​യി​ക​താ​ര​ങ്ങ​ള്‍ ക​ഷ്ട​പ്പെ​ടു​ക​യാ​ണെ​ന്നും ദ​ക്ഷി​ണ​കൊ​റി​യ​ന്‍ ഒ​ഫീ​ഷ്യ​ല്‍​സ് ആ​രോ​പി​ച്ചു.

ഒ​ളി​മ്പി​ക്‌​സി​ലും‍ കൂ​ടു​ത​ല്‍

കാ​യി​കതാ​ര​ങ്ങ​ളും ഒ​ഫീ​ഷ്യ​ല്‍​സും ചേ​ര്‍​ന്നു​ള്ള അം​ഗ​സം​ഖ്യ ക്ര​മാ​തീ​ത​മാ​യി വ​ര്‍​ധി​ച്ച​താ​ണ് ആ​തി​ഥേ​യ​രെ വ​ല​ച്ച​ത്. താ​മ​സ​സൗ​ക​ര്യം സ്വ​മേ​ധ​യാ ക​ണ്ടെ​ത്ത​ണ​മെ​ന്ന് ഗെ​യിം​സ് അ​ധി​കൃ​ത​ര്‍ അ​റി​യി​ക്കു​ക​യും ചെ​യ്തു. 2026 ഏ​ഷ്യ​ന്‍ ഗെ​യിം​സി​ല്‍ താ​ര​ങ്ങ​ളും ഒ​ഫീ​ഷ്യ​ല്‍​സും അ​ട​ക്കം ഏ​ക​ദേ​ശം 15,000 പേ​ര്‍ എ​ത്തു​മെ​ന്നാ​യി​രു​ന്നു ഒ​ളി​മ്പി​ക് കൗ​ണ്‍​സി​ല്‍ ഓ​ഫ് ഏ​ഷ്യ (ഒ​സി​എ) ആ​ദ്യം അ​റി​യി​ച്ച​ത്.

എ​ന്നാ​ല്‍, ക​ഴി​ഞ്ഞ ആ​ഴ്ച ഈ ​സം​ഖ്യ 17,000ത്തിലേ​ക്ക് ഉ​യ​ര്‍​ന്നു. 11,000 താ​ര​ങ്ങ​ളും 6,000 ഒ​ഫീ​ഷ്യ​ല്‍​സും അ​ട​ക്ക​മാ​ണി​ത്. ഇ​തോ​ടെ​യാ​ണ് താ​മ​സ​സൗ​ക​ര്യം സ്വ​മേ​ധ​യാ ക​ണ്ടെ​ത്ത​ണ​മെ​ന്നു സം​ഘാ​ട​ക​ര്‍ നി​ര്‍​ദേ​ശി​ച്ച​തെ​ന്ന​താ​ണ് യാ​ഥാ​ര്‍​ഥ്യം. ഗെ​യിം​സി​നാ​യി പ്ര​ത്യേ​ക ഗെ​യിം​സ് വി​ല്ലേ​ജ് ഇ​ല്ല. കോ​സ്റ്റ സെ​റീ​ന അ​ട​ക്ക​മു​ള്ള സൗ​ക​ര്യ​ങ്ങ​ളാ​ണ് അ​ധി​കൃ​ത​ര്‍ ഒ​രു​ക്കി​യ​ത്. ഒ​ളി​മ്പി​ക്‌​സി​നു​ള്ള​തി​നേ​ക്കാ​ൾ താ​ര​ങ്ങ​ളും ഒ​ഫീ​ഷ്യ​ലു​ക​ളും ഇ​ത്ത​വ​ണ ഗെ​യിം​സി​നെ​ത്തു​ന്നു.

ച​രി​ത്ര​ത്തി​ല്‍ ആ​ദ്യം

ഏ​ഷ്യ​ന്‍ ഗെ​യിം​സ് പോ​ലൊ​രു പ്ര​മു​ഖ കാ​യി​ക​പോ​രാ​ട്ട​ത്തി​ല്‍ താ​മ​സ​സൗ​ക​ര്യ​ത്തി​നാ​യി വി​നോ​ദ​സ​ഞ്ചാ​ര ക​പ്പ​ല്‍ ഉ​പ​യോ​ഗി​ക്കു​ന്ന​ത് ച​രി​ത്ര​ത്തി​ല്‍ ഇ​താ​ദ്യം. ഒ​രു രാ​ജ്യാ​ന്ത​ര കാ​യി​ക ഇ​വ​ന്‍റി​ല്‍ ഇ​ത്ത​ര​ത്തി​ലൊ​രു വ്യ​ത്യ​സ്ത താ​മ​സ​സൗ​ക​ര്യം ഒ​രു​ക്കാ​ന്‍ സാ​ധി​ച്ച​തി​ല്‍ സ​ന്തോ​ഷ​മു​ണ്ടെ​ന്ന് സം​ഘാ​ട​ക സ​മി​തി പ്ര​സി​ഡ​ന്‍റ് ഹി​ഡേ​കി ഒ​മൗ​ര വ്യ​ക്ത​മാ​ക്കി.

ഇ​ന്ന​ലെ കോ​സ്റ്റ സെ​റീ​ന ന​ഗോ​യ തീ​ര​ത്ത് ന​ങ്കൂ​ര​മി​ട്ട​പ്പോ​ള്‍ ന​ല്‍​കി​യ സ്വീ​ക​ര​ണ​ത്തി​നി​ടെ​യാ​ണ് ഒ​മൗ​ര​യു​ടെ പ്ര​തി​ക​ര​ണം. കോ​സ്റ്റ സെ​റീ​ന​യ്ക്കു ന​ല്‍​കി​യ സ്വീ​ക​ര​ണ​ത്തി​ല്‍ ന​ഗോ​യ ഒ​മോ​ടേ​നാ​ഷി ബു​ഷോ​ട്ടാ​യി പ​ര​മ്പ​രാ​ഗ​ത സ​മു​റാ​യ് പ്ര​ക​ട​ന​ങ്ങ​ള​ട​ക്കം അ​ര​ങ്ങേ​റി.