തിരുവനന്തപുരം: കർഷകരുടെ ദീർഘകാലത്തെ ആവശ്യങ്ങൾ പരിഗണിച്ച് പുറത്തിറക്കിയ ഉത്തരവ് ഉദ്യോഗസ്ഥ ഒത്താശയോടെ ദുർവ്യാഖ്യാനം ചെയ്തതാണ് വിവാദമായ മുട്ടിൽ മരംമുറി അടക്കമുള്ള ക്രമക്കേടുകൾക്കു വഴിവച്ചതെന്ന് മുൻ റവന്യൂ അധികൃതർ.
1964ലെ ചട്ടപ്രകാരം പതിച്ചുനൽകിയ ഭൂമിയിലെ മരങ്ങൾ മുറിക്കാൻ അനുമതി നൽകിയ 2020ലെ റവന്യൂ ഉത്തരവ് പൂർണമായും കർഷക താത്പര്യം സംരക്ഷിക്കാനായിരുന്നുവെന്നും അതിൽ യാതൊരു അപാകതയുമില്ലെന്നുമാണ് ഇവരുടെ വാദം.
ഒന്നാം പിണറായി സർക്കാരിന്റെ കാലത്ത് റവന്യൂ മന്ത്രിയായിരുന്ന ഇ. ചന്ദ്രശേഖരന്റെ നിർദേശപ്രകാരം അന്നത്തെ റവന്യൂ പ്രിൻസിപ്പൽ സെക്രട്ടറി ഡോ. എ. ജയതിലകാണ് ഈ ഉത്തരവിറക്കിയത്.
1964ലെ ചട്ടപ്രകാരം കർഷകർ വച്ചുപിടിപ്പിച്ചതും സ്വയം കിളിർത്തുവന്നതും ഭൂമി പതിച്ചു ലഭിക്കുമ്പോൾ വിലയടച്ച് റിസർവ് ചെയ്തതുമായ മരങ്ങളുടെ പൂർണ അവകാശം കർഷകർക്കാണെന്നും ചന്ദനം ഒഴികെയുള്ള മരങ്ങൾ മുറിക്കാൻ ആരുടെയും അനുമതി ആവശ്യമില്ലെന്നും ഉത്തരവിൽ വ്യക്തമാക്കിയിരുന്നു.
എന്നാൽ, ഉത്തരവിലെ ചില ഭാഗങ്ങളെ /”കർഷകർ വിൽക്കുന്ന മരങ്ങൾ/” എന്ന് ഉദ്യോഗസ്ഥരുടെ ഒത്താശയോടെ ദുർവ്യാഖ്യാനം ചെയ്തു വ്യാപകമായി മരംമുറിച്ചു കടത്തുകയായിരുന്നു.
ക്രമക്കേട് ശ്രദ്ധയിൽപ്പെട്ടതോടെ ഉത്തരവ് റദ്ദാക്കാൻ റവന്യൂവകുപ്പ് നിർദേശം നൽകിയെങ്കിലും നിയമവകുപ്പ് നടപടികൾ വൈകിച്ചതോടെ ഈ ഒഴിവുകാലത്ത് വൻതോതിൽ മരംകൊള്ള അരങ്ങേറി.
അതേസമയം, വിവാദ ഉത്തരവിന്റെ അടിസ്ഥാനത്തിൽ സമഗ്രമായ അന്വേഷണം നടത്തണമെന്ന് വനംമന്ത്രി ഷിബു ബേബി ജോൺ കഴിഞ്ഞ ദിവസം ആവശ്യപ്പെട്ടിരുന്നെങ്കിലും, ഉദ്യോഗസ്ഥരുടെ വീഴ്ചയാണു പ്രശ്നങ്ങൾ ഇത്രത്തോളം ഗുരുതരമാക്കിയതെന്ന നിലപാടിൽ ഉറച്ചുനിൽക്കുകയാണ് അന്നത്തെ റവന്യൂ അധികൃതർ.
Deepika
E-paper LOGIN
LOGIN