4

ന്യൂഡൽഹി: ഇന്ത്യയുടെ ഗ്രാമഗ്രാമാന്തരങ്ങളിൽ കുടിവെള്ളമെത്തിക്കാൻ 2019ൽ തുടക്കമിട്ട ജൽജീവൻ മിഷൻ പദ്ധതി 2028 വരെ നീട്ടുന്നതായി കേന്ദ്രബജറ്റിൽ പ്രഖ്യാപനം. 15 കോടി കുടുംബങ്ങൾ‌ക്ക് പദ്ധതിവഴി പൈപ്പ് കണക്‌ഷനുകൾ ലഭ്യമാക്കിയിട്ടുണ്ട്.

ഇത് ഏകദേശം 80 ശതമാനം ആളുകൾക്കു പ്രയോജനപ്പെടുന്നുണ്ട്. ഇതു നൂറു ശതമാനം ആളുകൾക്കും ലഭ്യമാക്കുക എന്ന നേട്ടം കൈവരിക്കാനാണ് പദ്ധതിയുടെ കാലാവധി 2028 വരെ നീട്ടുന്നതെന്നു ധനമന്ത്രി ബജറ്റിൽ വ്യക്തമാക്കി.

ജലവിതരണത്തിന്‍റെ അടിസ്ഥാന സൗകര്യങ്ങളുടെ ഗുണനിലവാരം, പരിപാലനം, പ്രവർത്തനം എന്നിവയും മിഷൻ ശ്രദ്ധിക്കും. മുടക്കമില്ലാതെ ശുദ്ധജലവിതരണം നടക്കുന്നതിനു സംസ്ഥാനങ്ങളും കേന്ദ്രഭരണപ്രദേശങ്ങളുമായി ധാരണാപത്രങ്ങൾ ഒപ്പുവയ്ക്കുമെന്നും ബജറ്റിൽ പറയുന്നു.