അമ്പലവയല്: സെന്റ് മാര്ട്ടിന് ഡി പോറസ് പള്ളിയില് ഇടവക മധ്യസ്ഥനായ വിശുദ്ധ മാര്ട്ടിന് ഡി പോറസിന്റെയും വിശുദ്ധ സെബസ്റ്റ്യാനോസിന്റെയും തിരുനാള് തുടങ്ങി. 29നാണ് സമാപനം. വികാരി ഫാ. ചാക്കോ മേപ്പുറത്ത് കൊടിയേറ്റി. മാനന്തവാടി രൂപത പ്രൊക്യുറേറ്റര് ഫാ. ജോസ് കൊച്ചറയ്ക്കലിന്റെ നേതൃത്വത്തില് വിശുദ്ധ കുര്ബാന, വചനസന്ദേശം, ലദീഞ്ഞ് എന്നിവ നടന്നു. 26 വരെ ദിവസവും വൈകുന്നേരം 4.30ന് വിശുദ്ധ കുര്ബാന, നൊവേന.
27ന് വൈകുന്നേരം 4.30ന് വിശുദ്ധ കുര്ബാന, ആറിന് ദിവ്യകാരുണ്യ പ്രദക്ഷിണം. 28ന് വൈകുന്നേരം 4.30ന് ആഘോഷമായ പാട്ടുകുര്ബാന, തിരുനാള് സന്ദേശം, ടൗണ് കപ്പേളയിലേക്ക് പ്രദക്ഷിണം. 29ന് രാവിലെ 9.30ന് ആഘോഷമായ പാട്ടുകുര്ബാന, വചനസന്ദേശം, ആയിരംകൊല്ലി കപ്പേളയിലേക്ക് പ്രദക്ഷിണം, പരിശുദ്ധ കുര്ബാനയുടെ ആശീര്വാദം, നേര്ച്ചഭക്ഷണം, കൊടിയിറക്കല്.