കൊച്ചി: ലയണല് മെസി അടക്കം അര്ജന്റീനിയന് ഫുട്ബോള് ടീമിനെ കേരളത്തിലെത്തിക്കുമെന്നു പറഞ്ഞു നടത്തിയ സാമ്പത്തിക ഇടപാട് കേസിലെ അന്വേഷണത്തിന്റെ ഭാഗമായി റിപ്പോര്ട്ടര് ബ്രോഡ്കാസ്റ്റിംഗ് കമ്പനി അധികൃതര് ഇന്ന് ജിഎസ്ടി വകുപ്പിനു മുന്നില് ഹാജരാകണമെന്ന് ഹൈക്കോടതി.
ചോദ്യംചെയ്യലിനു ഹാജരാകാന് നിര്ദേശിച്ചു ജിഎസ്ടി നല്കിയ സമൻസ് റദ്ദാക്കണമെന്നാവശ്യപ്പെട്ടു കമ്പനി മാനേജിംഗ് ഡയറക്ടര് കെ.ജെ. ജോസ് സമര്പ്പിച്ച ഹര്ജി തീര്പ്പാക്കിയാണ് ജസ്റ്റീസ് ശോഭ അന്നമ്മ ഈപ്പന്റെ ഉത്തരവ്.
ചില രേഖകള്കൂടി ലഭിക്കാനുണ്ടെന്നും ഇതിനായി മജിസ്ട്രേറ്റ് കോടതിയെ സമീപിച്ചിട്ടുള്ളതിനാല് സമൻസ് നടപ്പാക്കുന്നത് തടയണമെന്നും ഹര്ജിക്കാര് ആവശ്യപ്പെട്ടെങ്കിലും ലഭ്യമായ രേഖകള് സഹിതം ജിഎസ്ടി കൊല്ലം സീനിയര് ഇന്റലിജന്സ് ഓഫിസര് മുമ്പാകെ ഹാജകാരാകാന് നിര്ദേശിക്കുകയായിരുന്നു.
കരാറില് സേവന നികുതി വെട്ടിപ്പ് നടന്നോ എന്നതിലാണു സംസ്ഥാന ജിഎസ്ടി വകുപ്പിന്റെ ഇന്റലിജന്സ് വിഭാഗം അന്വേഷണം നടത്തുന്നത്.