ലിബ്രെവില്ലെ (ഗാബോണ്): ആഫ്രിക്ക കപ്പ് ഓഫ് നേഷന്സ് ഫുട്ബോളിന്റെ ഗ്രൂപ്പ് ഘട്ടത്തിലെ ദയനീയ പ്രകടനത്തിലൂടെ പുറത്തായ ഗാബോണ് ടീമിനെയും സൂപ്പര് താരം പിയറി എമെറിക് ഔബമെയാങിനെയും ഗാബോണ് സര്ക്കാര് പിരിച്ചുവിട്ടു. ദേശീയ ടീമിനെയും പരിശീലക സംഘത്തെയും പിരിച്ചുവിടുന്നതിനൊപ്പം മുതിര്ന്ന താരങ്ങളായ ഔബമെയാങ്, ബ്രൂണോ മാന്ഗ എന്നിവരെ പുറത്താക്കിയതായും കായിക മന്ത്രി ടെലിവിഷനിലൂടെ അറിയിക്കുകയായിരുന്നു.
സര്ക്കാര് ദേശീയ ടീമുകളുടെയും അസോസിയേഷന്റെയും കാര്യങ്ങളില് ഇടപെടരുതെന്ന ഫിഫ നിര്ദേശം നിലനില്ക്കേയാണ് ഈ നടപടിയെന്നതും ശ്രദ്ധേയം. പരിക്കിനെത്തുടര്ന്ന് ഔബമെയങ് അവസാന മത്സരം കളിച്ചിരുന്നില്ല. എന്നേക്കാള് വലിയ പ്രശ്നമാണ് ടീമിലുള്ളതെന്നായിരുന്നു താരത്തിന്റെ ആദ്യ പ്രതികരണം.
ഗ്രൂപ്പ് എഫില് മൂന്നു മത്സരങ്ങളിലും പരാജയപ്പെട്ടാണ് ഗാബോണ് പുറത്തായത്. ഐവറികോസ്റ്റ്, കാമറൂണ്, മൊസാംബിക്ക് ടീമുകള് ഗ്രൂപ്പില്നിന്ന് പ്രീക്വാര്ട്ടറില് പ്രവേശിച്ചു. നാളെ മുതലാണ് പ്രീക്വാര്ട്ടര് മത്സരങ്ങള്.
Deepika
E-paper LOGIN
LOGIN
