തിരുവനന്തപുരം: 2025-26 വർഷത്തെ ആരോഗ്യ വകുപ്പ് ഡയറക്ടറുടെയും കേരള മെഡിക്കൽ വിദ്യാഭ്യാസ ഡയറക്ടറുടെയും കീഴിൽ പ്രവർത്തിക്കുന്ന സ്ഥാപനങ്ങളിലെ ഡിപ്ലോമ ഇൻ ജനറൽ നഴ്‌സിംഗ് ആൻഡ് മിഡ്‌വൈഫറി കോഴ്‌സിനും ആരോഗ്യ വകുപ്പ് ഡയറക്ടറുടെ കിഴിൽ പ്രവർത്തിക്കുന്ന നഴ്‌സിംഗ് സ്ഥാപനങ്ങളിലെ ഓക്‌സിലറി നഴ്‌സിംഗ് ആൻഡ് മിഡ്‌വൈഫറി കോഴ്‌സിനും ഒഴിവുള്ള സീറ്റുകളിലേക്ക് എൽബിഎസ് ജില്ലാ ഫെസിലിറ്റേഷൻ സെന്‍ററുകളിൽ നവംബർ ഏഴിന് സ്പോട്ട് അലോട്ട്മെന്റ് നടക്കും.
വെബ്‌സൈറ്റിൽ പ്രസിദ്ധീകരിച്ചിട്ടുള്ള റാങ്ക് ലിസ്റ്റിൽ ഉൾപ്പെട്ട അപേക്ഷകർക്ക് രാവിലെ 11നകം ഏതെങ്കിലും എൽബിഎസ് ജില്ലാ ഫെസിലിറ്റേഷൻ സെന്‍ററുകളിൽ നേരിട്ട് ഹാജരായി സ്പോട്ട് അലോട്ട്‌മെന്‍റിൽ പങ്കെടുക്കാം.
നേരിട്ട് ഹാജരാകാൻ കഴിയാത്തവർ വെബ്‌സൈറ്റിൽ കൊടുത്തിട്ടുള്ള ഓഥറൈസേഷൻ ഫോം മുഖേന പങ്കെടുക്കാം. അലോട്ട്മെന്റ് ലഭിക്കുന്ന പക്ഷം അപ്പോൾ തന്നെ ടോക്കൺ ഫീസ് അടയ്ക്കണം. കൂടുതൽ വിവരങ്ങൾക്ക് 04712560361, 362, 363.
Deepika
Corehub Solutions
E-paper LOGIN
LOGIN
