പിറവം: ഓണത്തിന് വിളംബര മോതി പിറവത്ത് നടന്ന അത്തച്ചമയ സാംസ്കാരിക ഘോഷയാത്ര വർണാഭമായി. നഗരസഭയുടെ ആഭിമുഖ്യത്തിലുള്ള ഓണാഘോഷ പരിപാടികളക്കും ഇതോടെ തുടക്കമായി.
സെന്റ് ജോസഫ്സ് ഹൈസ്കൂള് ഗ്രൗണ്ടില് നിന്നും ഓണാഘോഷ പരിപാടികൾക്ക് തുടക്കം കുറിച്ചു നടന്ന ഘോഷയാത്രയില് നാടന് കലാരൂപങ്ങളും, നിശ്ചല ദൃശ്യങ്ങളും, വാദ്യമേളങ്ങളും മിഴിവേകി. കുടുംബശ്രീ-അങ്കണവാടി പ്രവര്ത്തകര്, എന്സിസി, എസ്പിസി, സ്കൗട്ട് ആന്ഡ് ഗൈഡ് കേഡറ്റുമാര് തുടങ്ങിയവരും പങ്കെടുത്തു.
സെന്റ് ജോസഫ്സ് ഹൈസ്കൂൾ മൈതാനിയിൽ വിസ്മയ - 2026 എന്ന് പേരിട്ടിരിക്കുന്ന ഓണാലോഷ പരിപാടികൾ മന്ത്രി അനൂപ് ജേക്കബ് ഉദ്ഘാടനം ചെയ്തു. കെ. ഫ്രാൻസീസ് ജോർജ് എംപി പതാക ഉയർത്തി. ചടങ്ങിൽ നഗരസഭാ ചെയർപേഴ്സൺ കെ. ആർ. പ്രദീപ് കുമാർ അധ്യക്ഷത വഹിച്ചു.
ജില്ല പഞ്ചായത്ത് പ്രസിഡന്റ് കെ.ജി. രാധാകൃഷ്ണൻ, നഗരസഭ കൗൺസിലർമാർ, മർച്ചന്റ്സ് അസോസിയേഷൻ പ്രസിഡന്റ് അൽബിൻ പാവോടത്ത്, വ്യാപാരി വ്യവസായി സമിതി പ്രസിഡന്റ് കെ.ആർ. ശശി, വിവിധ രാഷ്ട്രീയ പാർട്ടിയുടെ ഭാരവാഹികൾ എന്നിവർ പങ്കെടുത്തു.
ആഘോഷ പരിപാടികളോടനുബന്ധിച്ച് 19 ന് വൈകുന്നേരം ആറിന് തിരുവാതിര കളി മത്സരം, 20ന് വൈകുന്നേരം ആറിന് ചിൽഡ്രൻസ് പാർക്കിൽ കവിയരങ്ങ്, ഏഴിന് ചാക്യാർ കൂത്ത്, 21ന് വൈകുന്നേരം ആറിന് കൈകൊട്ടിക്കളി മത്സരം, എട്ടിന് ചവിട്ടു കളിയും കോൽക്കളിയും, 22ന് രാവിലെ എട്ടിന് കക്കാട് അക്വാട്ടിക് ക്ലബിൽ നീന്തൽ മത്സരം എന്നിവയും നടക്കും.
വൈകുന്നേരം ആറിന് ചിൽഡ്രൻസ് പാർക്കിൽ അക്ഷരശ്ലോക സദസ്. 6.30 ന് നൃത്തനൃത്യങ്ങൾ. 23 ന് രാവിലെ എട്ടിന് സെന്റ് ജോസഫ്സ് ഗ്രൗണ്ടിൽ വനിത ഫുട്ബോൾ മത്സരം. വൈകുന്നേരം ആറിന് ചിൽഡ്രൻസ് പാർക്കിൽ സ്പെഷൽ പാണ്ടിമളവും, നാട്യ കലാക്ഷേത്രയുടെ ഡാൻസ് പരിപാടിയും. 24 ന് വൈകുന്നേരം ഏഴിന് പി ഒ ജംഗ്ഷന് സമീപം കൊച്ചിൻ താരംഗ് ബീറ്റ്സിന്റെ ഗാനമേള.
19 മുതൽ 24 വരെ ചിൽഡ്രൻസ് പാർക്കിൽ ഫുഡ് ഫെസ്റ്റിവൽ നടക്കും. പത്തിലധികം സ്റ്റാളുകളിൽ വിവിധ ഹോട്ടലുകാരും, കാറ്ററിംഗ് സ്ഥാപനങ്ങളും ഭക്ഷണ വിഭവങ്ങളൊരുക്കും.
Deepika
E-paper LOGIN
LOGIN