4

മോ​സ്കോ: റ​ഷ്യ​യി​ൽ പ്ര​വ​ർ​ത്തി​ക്കു​ന്ന ജ​ർ​മ​നി​യു​ടെ പ്ര​മു​ഖ സാം​സ്കാ​രി​ക - ഭാ​ഷാ സ്ഥാ​പ​ന​മാ​യ ഗൊ​യ്‌​ഥെ ഇ​ൻ​സ്റ്റി​റ്റ്യൂ​ട്ടി​ന്‍റെ ശാ​ഖ​ക​ൾ അ​ട​ച്ചു​പൂ​ട്ടാ​ൻ റ​ഷ്യ ഉ​ത്ത​ര​വി​ട്ടു. മോ​സ്കോ, സെ​ന്‍റ് പീ​റ്റേ​ഴ്സ്ബ​ർ​ഗ്, യെ​ക്കാ​റ്റെ​റി​ൻ​ബ​ർ​ഗ് എ​ന്നി​വി​ട​ങ്ങ​ളി​ലെ സ്ഥാ​പ​ന​ങ്ങ​ളാ​ണ് അ​ട​ച്ചു​പൂ​ട്ടു​ന്ന​ത്.

ജ​ർ​മ​നി​യും റ​ഷ്യ​യും ത​മ്മി​ലു​ള്ള ന​യ​ത​ന്ത്ര ബ​ന്ധം കൂ​ടു​ത​ൽ വ​ഷ​ളാ​യ സാ​ഹ​ച​ര്യ​ത്തി​ലാ​ണ് പു​തി​യ ന​ട​പ​ടി. ജ​ർ​മനി​യി​ലെ റ​ഷ്യ​ൻ സാം​സ്കാ​രി​ക സ്ഥാ​പ​ന​ങ്ങ​ൾ​ക്കെ​തി​രേ ബെ​ർ​ലി​ൻ സ്വീ​ക​രി​ച്ച ന​ട​പ​ടി​ക​ൾ​ക്ക് തി​രി​ച്ച​ടി​യാ​യാ​ണ് മോ​സ്കോ​യു​ടെ നീ​ക്ക​മെ​ന്നാ​ണ് വി​ല​യി​രു​ത്ത​ൽ.

വ്ലാ​ഡി​വോ​സ്റ്റോ​ക്കി​ൽ ന​ട​ന്ന ഈ​സ്റ്റേ​ൺ ഇ​ക്ക​ണോ​മി​ക് ഫോ​റ​ത്തി​ൽ റ​ഷ്യ​ൻ വി​ദേ​ശ​കാ​ര്യ മ​ന്ത്രി സെ​ർ​ജി ലാ​വ്‌​റോ​വാ​ണ് ഗൊ​യ്‌​ഥെ ഇ​ൻ​സ്റ്റി​റ്റ്യൂ​ട്ട് ശാ​ഖ​ക​ൾ അ​ട​ച്ചു​പൂ​ട്ടു​ന്ന വി​വ​രം അ​റി​യി​ച്ച​ത്. ജ​ർ​മ​നി ബെ​ർ​ലി​നി​ലെ റ​ഷ്യ​ൻ സാം​സ്കാ​രി​ക കേ​ന്ദ്ര​ത്തി​നെ​തി​രേ സ്വീ​ക​രി​ച്ച ന​ട​പ​ടി​ക​ളെ​യും അ​ദ്ദേ​ഹം വി​മ​ർ​ശി​ച്ചു.

യു​ക്രെ​യ്ൻ യു​ദ്ധ​ത്തെ തു​ട​ർ​ന്ന് ഇ​രു​രാ​ജ്യ​ങ്ങ​ളും ത​മ്മി​ലു​ള്ള ബ​ന്ധം ഏ​റെ വ​ഷ​ളാ​യി​രി​ക്കെ, റ​ഷ്യ​യി​ൽ പ്ര​വ​ർ​ത്തി​ച്ചി​രു​ന്ന ചു​രു​ക്കം ചി​ല പാ​ശ്ചാ​ത്യ സാം​സ്കാ​രി​ക സ്ഥാ​പ​ന​ങ്ങ​ളി​ൽ ഒ​ന്നാ​യി​രു​ന്നു ഗൊ​യ്‌​ഥെ ഇ​ൻ​സ്റ്റി​റ്റ്യൂ​ട്ട്.

1992-ൽ ​മോ​സ്കോ​യി​ൽ പ്ര​വ​ർ​ത്ത​നം ആ​രം​ഭി​ച്ച സ്ഥാ​പ​നം ജ​ർ​മ​ൻ ഭാ​ഷാ പ​ഠ​ന​ത്തി​നും സാം​സ്കാ​രി​ക വി​നി​മ​യ​ത്തി​നും പ്ര​ധാ​ന പ​ങ്കു​വ​ഹി​ച്ചി​രു​ന്നു. അ​തേ​സ​മ​യം, ജ​ർമൻ വി​മാ​ന​ത്താ​വ​ള​ങ്ങ​ളെ ല​ക്ഷ്യ​മി​ട്ട് ന​ട​ന്ന ഡ്രോ​ൺ ആ​ക്ര​മ​ണ​വു​മാ​യി ബ​ന്ധ​പ്പെ​ട്ട് റ​ഷ്യ​ക്കെ​തി​രേ ഉ​യ​ർ​ന്ന ആ​രോ​പ​ണ​ങ്ങ​ൾ പ്ര​സി​ഡ​ന്‍റ് വ്ലാ​ദി​മി​ർ പു​ടി​ൻ നി​ഷേ​ധി​ച്ചു.

റ​ഷ്യ​യെ കു​റ്റ​പ്പെ​ടു​ത്തു​ന്ന​തി​നാ​യി വ്യാ​ജ തെ​ളി​വു​ക​ൾ സൃ​ഷ്ടി​ച്ച​താ​ണെ​ന്നാ​ണ് പു​ടി​ന്‍റെ ആ​രോ​പ​ണം. ഗൊ​യ്‌​ഥെ ഇ​ൻ​സ്റ്റി​റ്റ്യൂ​ട്ട് ശാ​ഖ​ക​ൾ അ​ട​ച്ചു​പൂ​ട്ടു​ന്ന​തോ​ടെ റ​ഷ്യ​യി​ലെ ജ​ർ​മൻ ഭാ​ഷാ പ​ഠി​താ​ക്ക​ൾ​ക്കും വി​ദ്യാ​ർ​ഥി​ക​ൾ​ക്കും സാം​സ്കാ​രി​ക രം​ഗ​ത്തും തി​രി​ച്ച​ടി​യു​ണ്ടാ​കു​മെ​ന്നാ​ണ് വി​ല​യി​രു​ത്ത​ൽ.