കൊച്ചി: ശബരിമല സ്വര്‍ണക്കൊള്ള കേസില്‍ അന്വേഷണം പൂര്‍ത്തിയാക്കാന്‍ പ്രത്യേക അന്വേഷണ സംഘത്തിന് (എസ്‌ഐടി) ഹൈക്കോടതി സമയം നീട്ടി നല്‍കി. ഈ മാസം 25 വരെയാണു സമയം അനുവദിച്ചത്.
കുറ്റപത്രം സമര്‍പ്പിക്കുന്നതിനുമുമ്പ് സര്‍ക്കാരിന്‍റെ പ്രോസിക്യുഷന് അനുമതി വേണ്ടതുണ്ടെന്നും നാഷണല്‍ മെറ്റലര്‍ജിക്കല്‍ ലബോറട്ടറിയില്‍നിന്നുള്ള പരിശോധനാ റിപ്പോര്‍ട്ട് ലഭിക്കാന്‍ വൈകുന്നതും എസ്‌ഐടി ചൂണ്ടിക്കാട്ടിയതിനെ തുടര്‍ന്നാണു ജസ്റ്റീസുമാരായ വി. രാജവിജയരാഘവന്‍, കെ.വി. ജയകുമാര്‍ എന്നിവരടങ്ങുന്ന ദേവസ്വം ബെഞ്ച് സമയം നീട്ടി അനുവദിച്ചത്.
ദ്വാരപാലക ശില്പത്തിലെ സ്വര്‍ണം കവര്‍ന്ന കേസില്‍ നവംബര്‍ 25 ഓടെ കുറ്റപത്രം അന്തിമമാക്കാനാകുമെന്ന് എസ്‌ഐടി അറിയിച്ചു. തുടര്‍ന്ന് ഹര്‍ജി വീണ്ടും ഈ മാസം 26ന് പരിഗണിക്കാന്‍ മാറ്റി.
Deepika
Corehub Solutions
E-paper LOGIN
LOGIN