22

കണ്ണൂർ: പിലാത്തറയിലെ സ്വർണം പൊട്ടിക്കൽ കേസില്‍ മുഖ്യപ്രതികള്‍ മൈസുരുവില്‍ പിടിയില്‍. പി. സായൂജ്, വി. ജിഷ്ണു, എം. സുന്ദരന്‍ എന്നിവരാണ് പയ്യന്നൂർ പോലീസിന്‍റെ പിടിയിലായത്. കേസില്‍ നേരത്തെ കണ്ണൂര്‍ അഞ്ചാംപീടിക സ്വദേശിയുമായ സനു സന്തോഷ് (42) അറസ്റ്റിലായിരുന്നു. പ്രതികളെ കണ്ണൂരിലെത്തിച്ച് അറസ്റ്റ് രേഖപ്പെടുത്തും.

കഴിഞ്ഞ ജൂണ്‍ മാസം രണ്ടാം തീയതിയിലാണ് മഹാരാഷ്ട്ര സ്വദേശികള്‍ സഞ്ചരിച്ച കാര്‍ ആക്രമിച്ച് സ്വര്‍ണവും 55 ലക്ഷം രൂപയും കവര്‍ന്നത്. മഹാരാഷ്ട്ര സ്വദേശി കുമാര്‍ ജലന്ധര്‍ നിഗമിന്‍റെ പരാതിയിലാണ് കേസെടുത്തത്.

പിലാത്തറ കോ. ഓപ്പറേറ്റീവ് കോളജിന് സമീപത്താണ് ഉപേക്ഷിക്കപ്പെട്ട നിലയില്‍ കാര്‍ കണ്ടെത്തിയിരുന്നത്. കാറിനകത്തുണ്ടായിരുന്ന വസ്ത്രങ്ങള്‍ താഴെ വലിച്ചെറിഞ്ഞ നിലയിലായിരുന്നു.