കൊച്ചി: ലോകോത്തര പഠനാവസരങ്ങള് ഒരുക്കി പ്രതിഭകളുടെ വിദേശത്തേക്കുള്ള ഒഴുക്ക് തടഞ്ഞ് കേരളത്തെ ആഗോള ഉന്നതവിദ്യാഭ്യാസ ഹബ്ബാക്കി മാറ്റണമെന്ന് മുഖ്യമന്ത്രി വി.ഡി. സതീശന്.
കൊച്ചി ജെയിന് യൂണിവേഴ്സിറ്റിയുടെ പുതിയ അധ്യയനവര്ഷാരംഭം, ജെയിന് ഇന്സ്റ്റിറ്റ്യൂട്ട് ഫോര് സോഷ്യല് ഇന്നൊവേഷന് (ഐഎസ്ഐ), സ്റ്റഡി ഇന് കേരള പദ്ധതികളുടെ ഉദ്ഘാടനം നിര്വഹിച്ചു പ്രസംഗിക്കുകയായിരുന്നു അദ്ദേഹം.
സര്വകലാശാലകള് പാഠ്യപദ്ധതികള് നിരന്തരം പുതുക്കുകയും സമൂഹത്തിന്റെയും വ്യവസായങ്ങളുടെയും ആവശ്യങ്ങള്ക്കനുസരിച്ചുള്ള കോഴ്സുകള് അവതരിപ്പിക്കുകയും വേണം.
യുവാക്കള്ക്കു കേരളത്തില്ത്തന്നെ പഠിക്കാനും ജോലി ചെയ്യാനും സംരംഭങ്ങള് തുടങ്ങാനും ഭാവി കെട്ടിപ്പടുക്കാനും അനുയോജ്യമായ സാഹചര്യം ഒരുക്കാന് സര്ക്കാര് പ്രതിജ്ഞാബദ്ധമാണെന്നും മുഖ്യമന്ത്രി കൂട്ടിച്ചേര്ത്തു.
ജില്ലാ കളക്ടര് ജി. പ്രിയങ്ക, ജെയിന് യൂണിവേഴ്സിറ്റി ന്യൂ ഇനിഷ്യേറ്റീവ്സ് ഡയറക്ടര് ഡോ. എം. ടോം, ചാന്സലര് ഡോ. ചെന്രാജ് റോയ്ചന്ദ്, അഡ്വൈസര് ഡോ. ഈശ്വരന് അയ്യര്, ഫ്യൂച്ചര് കേരള മിഷന് ചെയര്മാന് പ്രഫ. വേണു രാജാമണി, പ്രോ-വൈസ് ചാന്സലര് ഡോ. ജെ.ലത എന്നിവര് പ്രസംഗിച്ചു.
E-paper LOGIN
LOGIN