19

മും​ബൈ: ബോം​ബെ ഐ​ഐ​ടി​യി​ൽ വി​ദ്യാ​ർ​ഥി ജീ​വ​നൊ​ടു​ക്കി​യ സം​ഭ​വ​ത്തി​ൽ അ​ധി​കൃ​ത​ർ​ക്കെ​തി​രെ പ്ര​തി​ഷേ​ധ​വു​മാ​യി വി​ദ്യാ​ർ​ഥി​ക​ൾ രം​ഗ​ത്ത്. എ​ന​ർ​ജി സ​യ​ൻ​സ് എ​ൻ​ജി​നി​യ​റിം​ഗ് ര​ണ്ടാം വ​ർ​ഷ വി​ദ്യാ​ർ​ഥി സാ​ഹി​ൽ വാ​കോ​ഡെ​യാ​ണ് ഹോ​സ്റ്റ​ൽ മു​റി​യി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ചാ​റ്റ്ജി​പി​ടി ഉ​പ​യോ​ഗി​ച്ച് കോ​പ്പി​യ​ടി​ക്കാ​ൻ ശ്ര​മി​ച്ചെ​ന്ന് ആ​രോ​പി​ച്ച് അ​ധ്യാ​പ​ക​ർ ഭീ​ഷ​ണി​പ്പെ​ടു​ത്തി​യ​തി​നെ തു​ട​ർ​ന്നാ​ണ് വി​ദ്യാ​ർ​ഥി ജീ​വ​നൊ​ടു​ക്കി​യ​തെ​ന്നാ​ണ് സ​ഹ​പാ​ഠി​ക​ൾ പ​റ​യു​ന്നു.

ക​ഴി​ഞ്ഞ ദി​വ​സം ന​ട​ന്ന പ​രീ​ക്ഷ​യ്ക്കി​ടെ ചോ​ദ്യ​പേ​പ്പ​ർ ചാ​റ്റ്ജി​പി​ടി​യി​ൽ അ​പ്‌​ലോ​ഡ് ചെ​യ്ത് ഉ​ത്ത​ര​മെ​ഴു​താ​ൻ ശ്ര​മി​ച്ചു​വെ​ന്ന് ആ​രോ​പി​ച്ചാ​ണ് സാ​ഹി​ലി​നെ അ​ധ്യാ​പ​ക​ർ പി​ടി​കൂ​ടി​യ​ത്. ഇ​തേ തു​ട​ർ​ന്ന് അ​ധ്യാ​പ​ക​ർ കു​ട്ടി​യെ ഒ​രു വ​ർ​ഷ​ത്തേ​ക്ക് സ​സ്പെ​ൻ​ഡ് ചെ​യ്യു​മെ​ന്നും ഈ ​കാ​ല​യ​ള​വി​ൽ ഹോ​സ്റ്റ​ലി​ൽ നി​ൽ​ക്കാ​ൻ അ​നു​വാ​ദ​മി​ല്ലെ​ന്നും പ​റ​ഞ്ഞെ​ന്നാ​ണ് വി​ദ്യാ​ർ​ഥി​ക​ൾ ആ​രോ​പി​ക്കു​ന്ന​ത്. ഇ​തേ തു​ട​ർ​ന്നു​ണ്ടാ​യ മ​നോ​വി​ഷ​മ​ത്തി​ലാ​ണ് സാ​ഹി​ൽ ജീ​വ​നൊ​ടു​ക്കി​യ​തെ​ന്നും വി​ദ്യാ​ർ​ഥി​ക​ൾ പ​റ​ഞ്ഞു. മ​ക​ന്‍റെ മ​ര​ണ​ത്തി​ന് ഉ​ത്ത​ര​വാ​ദി​ക​ളാ​യ അ​ധ്യാ​പ​ക​ർ​ക്കെ​തി​രെ ക​ർ​ശ​ന ന​ട​പ​ടി വേ​ണ​മെ​ന്ന് സാ​ഹി​ലി​ന്‍റെ കു​ടും​ബ​വും ആ​വ​ശ്യ​പ്പെ​ട്ടു.

അ​തേ​സ​മ​യം, വി​ദ്യാ​ർ​ഥി​ക​ളു​ടെ ആ​രോ​പ​ണ​ങ്ങ​ൾ ഐ​ഐ​ടി അ​ധി​കൃ​ത​ർ ത​ള്ളി. കോ​പ്പി​യ​ടി​ക്കാ​ൻ ശ്ര​മി​ച്ച​തി​നെ തു​ട​ർ​ന്ന് സാ​ഹി​ലി​നെ വി​ളി​ച്ചു​വ​രു​ത്തി ഉ​പ​ദേ​ശി​ക്കു​ക മാ​ത്ര​മാ​ണ് ചെ​യ്ത​തെ​ന്നും അ​ക്കാ​ദ​മി​ക് ജീ​വി​ത​ത്തെ ബാ​ധി​ക്കു​ന്ന ത​ര​ത്തി​ലു​ള്ള ഒ​രു സ​സ്പെ​ൻ​ഷ​നോ ന​ട​പ​ടി​യോ ഉ​ണ്ടാ​കി​ല്ലെ​ന്ന് ഉ​റ​പ്പു​ന​ൽ​കി​യി​രു​ന്ന​താ​ണെ​ന്നും അ​ധി​കൃ​ത​ർ വ്യ​ക്ത​മാ​ക്കി.

ക​ഴി​ഞ്ഞ ഏ​ഴ് മാ​സ​ത്തി​നി​ടെ ബോം​ബെ ഐ​ഐ​ടി കാ​മ്പ​സി​ൽ മൂ​ന്നാ​മ​ത്തെ വി​ദ്യാ​ർ​ഥി ആ​ത്മ​ഹ​ത്യ​യാ​ണി​ത്. ക​ഴി​ഞ്ഞ ഫെ​ബ്രു​വ​രി​യി​ലും ജൂ​ലൈ​യി​ലും സ​മാ​ന​മാ​യ രീ​തി​യി​ൽ ര​ണ്ടാം വ​ർ​ഷ വി​ദ്യാ​ർ​ഥി​ക​ൾ ജീ​വ​നൊ​ടു​ക്കി​യി​രു​ന്നു.